TITUS
Lamprecht, Alexander (Basler Bearbeitung)
Part No. 77
Previous part

Chapter: 171  
Alexander im Zweikampf mit Porus


Verse: 3129    den grosten schaden da gewan
Verse: 3130    Allexander und sin man;

Verse: 3131    des was er vor vil ungewan,
Verse: 3132    sin hercze sich nach dem sige sant,

Verse: 3133    sin swert ze beden henden fie,
Verse: 3134    mit grossen slegen er do gie

Verse: 3135    bis Borum er sach.
Verse: 3136    mit grime ruͦfft [er] und sprach

Verse: 3137    'du hast sin laster und schande,
Verse: 3138    daz von unser beder hande

Verse: 3139    so menig stolzer ritter guͦt
Verse: 3140    hie lit erslagen in dem bluͦt,

Verse: 3141    der wir ein meren schaden haben.
Verse: 3142    ...............................

Verse: 3143    die not sullen wir ze ende bringen
Verse: 3144    mit soͤlichem gedinge

Verse: 3145    daz ein frid sy gemein
Verse: 3146    und wir zwen allein

Verse: 3147    mit enander stritten
Verse: 3148    und si ze beden sitten

Verse: 3149    den fride stette haltten.
Verse: 3150    wer des siges sülli waltten,

Verse: 3151    daz der ander teil in zuͦ here neme drat,
Verse: 3152    der den sig genomen hat.

Verse: 3153    und wer den frid brech,
Verse: 3154    daz man den iesa rech

Verse: 3155    an sim lib und sim leben:
Verse: 3156    des süellen wir ein ander geben

Verse: 3157    unser triuwe in eides wis:
Verse: 3158    des haben wir er und pris.'

Verse: 3159    Porus der riche
Verse: 3160    gelobt es fromkliche,

Verse: 3161    was Allexander do sprach.
Verse: 3162    zehen man do man sach.

Verse: 3163    die her ze beden sitten
Verse: 3164    uf hoͤren stritten.

Verse: 3165    die zen ze samen giengen,
Verse: 3166    den kanff sy an viengen

Verse: 3167    mit ellenthafter hende.
Verse: 3168    daz solt oͮch nieman wenden

Verse: 3169    wan ir einig dot.
Verse: 3170    Allexander was vil not,

Verse: 3171    daz er sin selbes nemi war,
Verse: 3172    wond er mit nid uf in dar

Verse: 3173    sluͦg. der grimyg man,
Verse: 3174    er treib in dar und dan,

Verse: 3175    ..............................
Verse: 3176    wan Porus gewachsen was

Verse: 3177    über ein eln mas.
Verse: 3178    gar anne underlos

Verse: 3179    hiuwen sy ze samen:
Verse: 3180    si dorfften sich niut schamen

Verse: 3181    ir manlicher krafft.
Verse: 3182    Allexander der wer behaft

Verse: 3183    mit des dodes bitterkeit,
Verse: 3184    den sin unmessig snellikeit.

Verse: 3185    es fuͦgte sich also
Verse: 3186    daz Borus was unmassen fro,

Verse: 3187    er wand den sig erfochten han.
Verse: 3188    nun sah er an dem kreisse stan

Verse: 3189    mangen diurlichen degen,
Verse: 3190    die sich alle hettent erwegen

Verse: 3191    Allexanders leben gar.
Verse: 3192    der ungehabe nam er war,

Verse: 3193    daz er sumte sich ze lang.
Verse: 3194    Allexander zuͦ im sprang

Verse: 3195    und sluͦg mit krefften einen slag
Verse: 3196    daz der ungefüege lag

Verse: 3197    dot von sinen handen:
Verse: 3198    sus rach er sin wunden,

Verse: 3199    die suͦn was im erloͮbt.
Verse: 3200    zwissen bottich und hoͮbt

Verse: 3201    gieng er gewalttenklichen für:
Verse: 3202    'dins gewaltes nieman spür'.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.