TITUS
Lamprecht, Alexander (Basler Bearbeitung)
Part No. 78
Previous part

Chapter: 172  
Alexander übernimmt die Herrschaft in Indien


Verse: 3203    do Porus gelag dot,
Verse: 3204    erst huͦb sich die not:

Verse: 3205    von sinen heren all ze hant
Verse: 3206    ie einer den andren mant:

Verse: 3207    jren heren sy rechen wollten;
Verse: 3208    si totten niut, als si soltten:

Verse: 3209    den frid si über sassen.
Verse: 3210    des begunde nachen

Verse: 3211    vil mengem da sin endes dag,
Verse: 3212    da gieng slag wider slag,

Verse: 3213    die grüene mat ward die rot.
Verse: 3214    der Moͤren gelag da [vil] dot

Verse: 3215    von den küenen Krichen,
Verse: 3216    und machten vil der siechen,

Verse: 3217    die niemer wurdent gesunt.
Verse: 3218    Allexander det da kunt

Verse: 3219    ..............................
Verse: 3220    er schreit die helm veste

Verse: 3221    ..............................
Verse: 3222    da mit die sinen mant,

Verse: 3223    daz sy nach pris staltten;
Verse: 3224    die datten si da valten.

Verse: 3225    die heren von Indea
Verse: 3226    holtten grossen schaden da.

Verse: 3227    Allexander hies
Verse: 3228    (daz er in oͮch war lies):

Verse: 3229    daz er in nicht schaden woltte
Verse: 3230    noch bekrenken soltte

Verse: 3231    an wib und an kinden
Verse: 3232    und si sollten vinden

Verse: 3233    ..............................
Verse: 3234    sus namens ze heren in.

Verse: 3235    der küng si hein füeren bat
Verse: 3236    ir heren ab der wald stat.

Verse: 3237    sy truͦgen [in] mit jamer dan
Verse: 3238    und oͮch mengen wunden man.

Verse: 3239    die datten sy begraben
Verse: 3240    ..............................

Verse: 3241    und füeren wider hein
Verse: 3242    .............................





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.