TITUS
Lamprecht, Alexander (Basler Bearbeitung)
Part No. 79
Previous part

Chapter: 183  
Alexander bei den Oxidracen/ Gimnosophisten


Verse: 3243     Allexander begird was,
Verse: 3244    daz er da belib

Verse: 3245    bis geruͦtten die gelider
Verse: 3246    und die siechen kamen wider;

Verse: 3247    dar nach fuͦr er in [ein] lant,
Verse: 3248    daz was Ocridadis genant.

Verse: 3249    ..............................
Verse: 3250    daz lantliut pflegen guͦttes nicht,

Verse: 3251    si gond nakent und blos,
Verse: 3252    ir einvaltikeit ist so gros,

Verse: 3253    ir richtum ist klein;
Verse: 3254    sy wafnen sich [mit] zigibein;

Verse: 3255    sy hand dorff noch stat:
Verse: 3256    wo si die nacht an gat,

Verse: 3257    da bliben si mit under bint
Verse: 3258    die nacht mit wib und kind,

Verse: 3259    ir sich von in scheiden
Verse: 3260    uf die nechsten heiden:

Verse: 3261    sust leben sy jamerlich.
Verse: 3262    ir kung von irem land,

Verse: 3263    do er daz vernam
Verse: 3264    daz Allexander kam,

Verse: 3265    ein botten sant er im geladen;
Verse: 3266    er bat in faren anne schaden.

Verse: 3267    mit soͤlicher gab er in ert,
Verse: 3268    als in sin land sitte lert;

Verse: 3269    ein brieff er im sant,
Verse: 3270    der in dette bekant:

Verse: 3271    ob er komen wer in sin land
Verse: 3272    durch swer durch roͮb oder durch brant

Verse: 3273    oder mit stritteber hant
Verse: 3274    ..............................

Verse: 3275    oder durch urlieges willen,
Verse: 3276    den zorn sol er stillen,

Verse: 3277    wond es wer im kein ruͦm:
Verse: 3278    'du macht mit roͮb uns niut getuͦn,

Verse: 3279    wan wir haben schaczes nicht
Verse: 3280    ..............................

Verse: 3281    hie ist weder schilt noch swert.
Verse: 3282    es wer der erbeit niut wert,

Verse: 3283    hest du dar umb har gekert
Verse: 3284    ..............................'

Verse: 3285    Allexander den brieff gelas,
Verse: 3286    er enbot im wider daz:

Verse: 3287    er kem in guͦt zuͦ in;
Verse: 3288    do fuͦren sy gen im hin

Verse: 3289    und enpfeingen in froͤchlich.
Verse: 3290    Allexander der riche

Verse: 3291    frogte si der mer,
Verse: 3292    wie ir leben wer

Verse: 3293    und wie sy daz jor vertriben,
Verse: 3294    und si dot beliben,

Verse: 3295    wie sy wurden begraben ?
Verse: 3296    er wolt es ze danke haben;

Verse: 3297    daz sy es im detten kunt.
Verse: 3298    do sprach ir aller vormunt

Verse: 3299    'wir begant uns unsers vihes;
Verse: 3300    wa wir sterben, da ligen wir;

Verse: 3301    die erde bedeket uns nicht,
Verse: 3302    den himel, den man ob uns sicht,

Verse: 3303    der bedek uns dotten wol.'
Verse: 3304    ..............................

Verse: 3305    da fragte er sy niut fürbas
Verse: 3306    und geheis in eigentlichen daz,

Verse: 3307    ..............................
Verse: 3308    wes sy in bitten woltten,

Verse: 3309    des soltten sy sin gewert;
Verse: 3310    er sprach 'beratten iuch und gert.'

Verse: 3311    ze ratte si do giengen;
Verse: 3312    mit gemeinem rat batten si do

Verse: 3313    'here, du solt uns geben,
Verse: 3314    daz wir jemer müssen leben.'

Verse: 3315    die bette was im unwert,
Verse: 3316    er sprach 'ir wissen niut, wes ir gert;

Verse: 3317    wem mag ich dodes schaffen buͦs,
Verse: 3318    sid ich selber sterben muͦs.'

Verse: 3319    einer wider in sprach do
Verse: 3320    'ist der sach also,

Verse: 3321    küng, daz du oͮch sterben muͦst
Verse: 3322    vil wunderlich du denne duͦst,

Verse: 3323    daz du sa stellest nach gewalt
Verse: 3324    und nach wunder manig valt'.

Verse: 3325    des antwurt der küng rich
Verse: 3326    und ein deil zorneklich

Verse: 3327    '..............................
Verse: 3328    der rede solt dich massen.'

Verse: 3329    ..............................



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.