TITUS
Lamprecht, Alexander (Basler Bearbeitung)
Part No. 92
Previous part

Chapter: 186  
Alexander und die Amazonen


Verse: 3989    do reit ich balde zuͦ minem gesind;
Verse: 3990    miner zuͦkunft woren sy fro.

Verse: 3991    nun huͦb ich mich von dannen
Verse: 3992    mit allen minen manen,

Verse: 3993    eim land wir nachten,
Verse: 3994    daz ward mir genant,

Verse: 3995    daz es hies der megte land.
Verse: 3996    do komen wir an ein breit veld,

Verse: 3997    da sluͦgen wir uf unser gezelt.
Verse: 3998    die küngin Amasya hies sy und ire megettin

Verse: 3999    gaben dik gros pin
Verse: 4000    mit sturme und mit strit

Verse: 4001    ..............................
Verse: 4002    einen brief hies ich schriben

Verse: 4003    der küngin und iren wiben,
Verse: 4004    ich enbot in min mine

Verse: 4005    mit friuntlichem sine;
Verse: 4006    daz si mir wurden zinshaft,

Verse: 4007    so hielt ich sy mit friuntschaft.
Verse: 4008    die küngin Amasya

Verse: 4009    sprach zuͦ minen botten da
Verse: 4010    'was suͦcht der mere wigant

Verse: 4011    hie in unser megtten land
Verse: 4012    mit sinem her?

Verse: 4013    und woltten wir uns wern
Verse: 4014    und wurde er siglos,

Verse: 4015    daz brechtte im schaden und laster gros:
Verse: 4016    von wiben, wie stüend im daz.

Verse: 4017    er solt uns niut tragen has,
Verse: 4018    daz zimet wol sin eren.

Verse: 4019    nun sollent ir zuͦ im keren,
Verse: 4020    min botschafft sende ich im sa

Verse: 4021    .............................'
Verse: 4022    die kungin mir do sant

Verse: 4023    wikhaffer megtte ze hant
Verse: 4024    driu dusing mit ir botschaft,

Verse: 4025    gekleidet mit richer krafft
Verse: 4026    von peller und von sidner wot.

Verse: 4027    ..............................
Verse: 4028    ir gemüte was froͤlich

Verse: 4029    und stette ir an gesicht
Verse: 4030    gar wunenklich.

Verse: 4031    sy stuͦnden alle für mich.
Verse: 4032    der man da der wicze jach,

Verse: 4033    zuͦ mir für sy all do sprach
Verse: 4034    'here, dir enbiuttet mit mine

Verse: 4035    jren gruͦs die küngine,
Verse: 4036    des bist du wirdig bekant,

Verse: 4037    du fürst mit eren über alle lant.
Verse: 4038    sy meint dich mit triuwen

Verse: 4039    .............................
Verse: 4040    dis gab sy dir gesendet hat,

Verse: 4041    die aller best linwant,
Verse: 4042    die jemen mag gehaben,

Verse: 4043    für pell und für saben
Verse: 4044    ist sy kostlich wert.

Verse: 4045    der nim als vil als din hercz gert,
Verse: 4046    dar zuͦ gold und gestein.

Verse: 4047    da bot im die rein
Verse: 4048    einen breiff von ir fruͦwen dar;

Verse: 4049    Allexander las in gar,
Verse: 4050    die buͦchstaben im sagten,

Verse: 4051    wie sich die megt betragen
Verse: 4052    und ir land hetten gewert,

Verse: 4053    daz es nie wurd verhert
Verse: 4054    von keinen wiganden

Verse: 4055    mit ruͦben noch mit branden
Verse: 4056    und in doch wonten by

Verse: 4057    küng irs muͦttes [niut] fry,
Verse: 4058    die torsten in niut genachen

Verse: 4059    noch krieg gen in an vahen,
Verse: 4060    sid daz Ziryus er starb,

Verse: 4061    'der mit über muͦt er warb
Verse: 4062    hie von uns sin end

Verse: 4063    im ze missewend.
Verse: 4064    mit her zoch er in unser gewalt mark,

Verse: 4065    do wurden wir im ze stark:
Verse: 4066    ein wib sluͦg in ze dot alda.'

Verse: 4067    die klare die stark Cassandra,
Verse: 4068    die küngin des landes was.'

Verse: 4069    do er den breiff also gelas,
Verse: 4070    do sprach der küng rich

Verse: 4071    nun wissent sicherlich,
Verse: 4072    daz ich niut her komen bin

Verse: 4073    durch iuweren ungewin,
Verse: 4074    es ist durch wunder getan,

Verse: 4075    daz ich oͮch hie funden han;
Verse: 4076    iuwer frowen sagt den min.'

Verse: 4077    do neigten im die megetin
Verse: 4078    und kertten wider in ir lant;

Verse: 4079    danen scheid oͮch der wigant.
Verse: 4080    sider stuͦnd ir rich

Verse: 4081    vor allen küngen fridlich.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.