TITUS
Lamprecht, Alexander (Basler Bearbeitung)
Part No. 104
Previous part

Chapter: 286  
Alexander versucht sich heimlich zu ertränken


Verse: 4483    under der pfallacz ran

Verse: 4484    
ein wasser Einfrattes genant.
Verse: 4485    
ein bett macht man im dar ze hant.

Verse: 4486    
urwach lag er uncz ze mitter nacht,
Verse: 4487    
daz er niut ruͦwe haben mocht;

Verse: 4488    
nieman lies er zuͦ im dar in
Verse: 4489    
denne Roxanen die küngin.

Verse: 4490    
uf stuͦnd er ze mitter nacht
Verse: 4491    
gar heimlich anne bracht,

Verse: 4492    
er lasch daz liecht, daz da bran,
Verse: 4493    
zuͦ dem wasser gieng er dan,

Verse: 4494    
dar in wolt er sich senken,
Verse: 4495    
sich selber da ertrenken,

Verse: 4496    
daz der welt unkunt wer,
Verse: 4497    
wo er hin komen wer.

Verse: 4498    
da ward Rexana des inen
Verse: 4499    
mit ersrokenem sine,

Verse: 4500    
daz er ir waz entwichen
Verse: 4501    
sy kam hin nach geslichen,

Verse: 4502    
da sy in by dem wasser vant;
Verse: 4503    
mit klage ruͦffte sy ze hant

Verse: 4504    
'Allexander lieber man,
Verse: 4505    
weme wilttu mich vil arme lon,

Verse: 4506    
wilt du dich ertrenken.
Verse: 4507    
du solt, here, gedenken:

Verse: 4508    
wer im selb duͦt den dot,
Verse: 4509    
daz der kunt in grossi not,

Verse: 4510    
von zifflung kunt der man.
Verse: 4511    
neina, furst, nein, duͦ dich des zwiffles an.'

Verse: 4512    
er sprach 'vil liebe Rogsan,

Verse: 4513    
sid ich niut leben mag
Verse: 4514    
noch mit gir früelichen dag

Verse: 4515    
mag fürbas gehaben nit,
Verse: 4516    
so ruͦch ich niut, was mir geschicht.'

Verse: 4517    
sy fieng den heren bi der hant,
Verse: 4518    
den üblen muͦt sy im do want,

Verse: 4519    
si fuͦrte in zuͦ dem bet wider,





Next part



This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.