TITUS
Lamprecht, Alexander (Basler Bearbeitung)
Part No. 103
Previous part

Chapter: 285  
Iolus/ Jobas vergiftet Alexander


Verse: 4424    Jubal, der was ein jüngling,
Verse: 4425    dem all sin dat und sin ding

Verse: 4426    stuͦnd ze pris lobelich;
Verse: 4427    an er [er] was ein suber man.

Verse: 4428    Allexander all sin ding
Verse: 4429    enpfal dem selben jüngling,

Verse: 4430    all sin heinlich was im kunt.
Verse: 4431    nun fuͦgt sich daz ze einer stund

Verse: 4432    daz er in von hasse sluͦg entteil
Verse: 4433    (daz im da kam zuͦ unheil)

Verse: 4434    und verzech im sin hulde;
Verse: 4435    daz det er doch an schulde.

Verse: 4436    dar nach fuͦgt sich schier daz
Verse: 4437    daz Allexander sas

Verse: 4438    ze Babilony in sinem sal
Verse: 4439    und sin here über all

Verse: 4440    ze tische mit grosser früede gar.
Verse: (1)    Allexander ein grossen siufzen lies,

Verse: (2)    der im vast zem herzen sties,
Verse: (3)    des nam sin heren wunder,

Verse: (4)    sy fragtten in besunder
Verse: (5)    'iuch dient doch alles erttrich

Verse: (6)    und hant ersiuffzet so ellentlich?'
Verse: (7)    der red er antwurt gab

Verse: (8)    '... ob jeman hab
Verse: (9)    noch ein welt verborgen,

Verse: (10)    dar umb so muͦs ich sorgen,
Verse: (11)    daz ichs niut noch betwungen han.'

Verse: (12)    uf die red süllen wir trinken.
Verse: 4441    do hies er im tragen dar

Verse: 4442    guͦtten win besunder.
Verse: 4443    ey Jobas, wie kund er

Verse: 4444    nun rechen sinen widerdries,
Verse: 4445    er det als in sin vatter hies:

Verse: 4446    mit gifft mist er den win,
Verse: 4447    der sines heren sollte sin.

Verse: 4448    do Allexander des getrank,
Verse: 4449    er schrei vil lut, da nach er sank

Verse: 4450    under den tiss zuͦ der erden;
Verse: 4451    die gifft hat dem werden

Verse: 4452    soͤliche stos zem herczen geton
Verse: 4453    daz er niut gesicht mocht han.

Verse: 4454    uf stuͦnd er ze hant,
Verse: 4455    er bat die heren allesant,

Verse: 4456    daz sy stille sessen,
Verse: 4457    trunken und oͮch esen,

Verse: 4458    im wer ein teil unbereit.
Verse: 4459    da wart er geleit

Verse: 4460    in ein keminatten dan.
Verse: 4461    vom tiss gieng jeder man,

Verse: 4462    irs heren not det in so we
Verse: 4463    daz sy niut mochtten siczen me;

Verse: 4464    sy stuͦnden zuͦ der wend,
Verse: 4465    sins ungemaches end

Verse: 4466    woltten sy gernne nemen war.
Verse: 4467    nun hies er im bringen dar

Verse: 4468    ein vedren, mit der er wolt
Verse: 4469    in die kellen griffen, do von soltte

Verse: 4470    von im brechen an der stund,
Verse: 4471    was boͤsses in im wer worden kunt.

Verse: 4472    Jobas das wol bedacht,
Verse: 4473    vil bald er im prachtte

Verse: 4474    die veder mit der gifft bestreich,
Verse: 4475    da von Allexander entweich

Verse: 4476    sin krafft und all sin macht.
Verse: 4477    do er sy in die kellen stach,

Verse: 4478    die gifft brach in je me und je me
Verse: 4479    und macht im den lib ser,

Verse: 4480    daz er kein liger mochtte han.
Verse: 4481    er gebot, man solt in lan,

Verse: 4482    man hulffe im in pffallacz dan.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.