TITUS
Lamprecht, Alexander (Basler Bearbeitung)
Part No. 102
Previous part

Chapter: 284  
Antipater plant Alexanders Vergiftung


Verse: 4390    In den selben zitten was
Verse: 4391    ein man, der ze Mecidonj sas,

Verse: 4392    Ancipoter was er genant,
Verse: 4393    in dem land wol erkant;

Verse: 4394    mit eide hat er daz gesworn:
Verse: 4395    von im müeste werden verlorn

Verse: 4396    Allexander und kiessen den dot.
Verse: 4397    Olimpya daz enbot

Verse: 4398    Allexandro von dissem man:
Verse: 4399    was halff es, daz es muͦsst ergan.

Verse: 4400    Ancipiter den muͦt gefieng:
Verse: 4401    zuͦ einem arzat er do gieng,

Verse: 4402    er kuͦfft vergifft so gar unrein;
Verse: 4403    da mit er begie, daz man

Verse: 4404    ein trang dar us macht,
Verse: 4405    daz was so krefftig in der acht

Verse: 4406    daz es behuͦb weder holcz noch glas:
Verse: 4407    ein stark issnin vas

Verse: 4408    muͦst er da zuͦ gewinen
Verse: 4409    gar krefftig us und jnen.

Verse: 4410    nun hat er einen sun
Verse: 4411    by im, zuͦ dem sprach er nun

Verse: 4412    'min lieber sun Casander,
Verse: 4413    dissen trang bisunder

Verse: 4414    solt du mit heimlichen dingen
Verse: 4415    gen Babilony bringen.

Verse: 4416    gib in Jobal dem bruͦder din,
Verse: 4417    als lieb im sin er sy,

Verse: 4418    daz er in nieman anders gebe
Verse: 4419    (daz helff in die wil er lebe),

Verse: 4420    den Allexander
Verse: 4421    den trank unrein Casander

Verse: 4422    niut daz under wegen lies,
Verse: 4423    er warb, als in der vatter hies,





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.