TITUS
Lamprecht, Alexander (Basler Bearbeitung)
Part No. 101
Previous part

Chapter: 269  
Eine monströse Geburt in Babylon


Verse: 4346     Allexander ze Babilonij was,
Verse: 4347    bis daz ein frwͦ by im genas

Verse: 4348    eines kindes wunderlich genuͦg:
Verse: 4349    moͤnschen bild daz kind truͦg

Verse: 4350    biz zuͦ dem nabel, nicht fürbas,
Verse: 4351    daz ander teil har ab daz was

Verse: 4352    eines tieres geschoͤffte vil eben,
Verse: 4353    daz selb teil sach [man leben]:

Verse: 4354    des müenslich teil obnan was dot,
Verse: 4355    des wundret menges durch not,

Verse: 4356    es was oͮch wunderlich genuͦg.
Verse: 4357    die geburt man heimlich truͦg

Verse: 4358    Allexandro ze sehen dar.
Verse: 4359    des nam in gros wunder gar,

Verse: 4360    sinen meister er besant,
Verse: 4361    dem det er die geschicht bekant.

Verse: 4362    als es der meister do gesach,
Verse: 4363    mit grossem siufczen er do sprach

Verse: 4364    'grosser küng, geluͦbe mir,
Verse: 4365    ein zit die nachet leider dir,

Verse: 4366    daz du solt scheiden hinen
Verse: 4367    von des dodes wimen.'

Verse: 4368    Do sprach Allexander
Verse: 4369    (disse rede war im swer)

Verse: 4370    sag mir, meister, mag es sin,
Verse: 4371    als wie sichst du daz ende min?'

Verse: 4372    der meister sprach 'daz über teil,
Verse: 4373    daz do hat des dodes meil,

Verse: 4374    betiutet eins lebens kurcz frist;
Verse: 4375    daz dierlich teil, daz lebent ist,

Verse: 4376    betiuttet die künge, die noch dir
Verse: 4377    komen, daz geluͦb mir:

Verse: 4378    sy sint als unmessig gen dir genant
Verse: 4379    als ein schoff gen eins moͤnschen hant.'

Verse: 4380    do daz Allexander erhort,
Verse: 4381    trurende sprach er disse wort

Verse: 4382    'ach Jupitter, vil starker got,
Verse: 4383    ich klage dir min grosse not,

Verse: 4384    ich hat mir eins dinges erdach,
Verse: 4385    daz wolt ich han volbracht,

Verse: 4386    ich wenne, es dir gevelle nicht.
Verse: 4387    ach hocher got, wen daz geschicht,

Verse: 4388    daz mir daz leben hie entwich,
Verse: 4389    do nim mich zuͦ dir in din rich.'





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.