TITUS
Lamprecht, Alexander (Basler Bearbeitung)
Part No. 100
Previous part

Chapter: 225  
Alexander und das Sonnen- und Mondbaumorakel


Verse: 4314    er kam zuͦ einem buͦm,
Verse: 4315    des nam die sun guͦm.

Verse: 4316    des sun pflag die sune,
Verse: 4317    da von hat er wunen.

Verse: 4318    dar us sprach ein stim
Verse: 4319    lis und niut grim

Verse: 4320    'wa wilt du küng her?
Verse: 4321    ze lande kunst du niemer mer;'

Verse: 4322    des ward er unfro.
Verse: 4323    zuͦ dem andren buͦm kert er do,

Verse: 4324    des pflag der man, des stime sprach
Verse: 4325    'dir duͦt din nechster kamerer

Verse: 4326    mit grosser giffte swer.'
Verse: 4327    Allexander einen grossen siufczen lies,

Verse: 4328    der im vast zem herczen sties,
Verse: 4329    des nam sin heren wunder,

Verse: 4330    si fragten in besunder
Verse: 4331    'iuch dient doch alles erttriech

Verse: 4332    und hand ersiufzet ellentlich ?'
Verse: 4333    der red er antwurt gab

Verse: 4334    'ich foͤrcht, ob jeman hab
Verse: 4335    noch ein welt verborgen,

Verse: 4336    dar umb muͦs ich sorgen,
Verse: 4337    daz ichs noch niut bettwungen han.'

Verse: 4338    uf die red süllen wir trinken.
Verse: 4339    er sprach, wer ist es, der daz im woltte tuͦn bekant

Verse: 4340    und kert wider ze land,
Verse: 4341    da er sin her vant.

Verse: 4342    uf huͦb er sich mit siner schar
Verse: 4343    und fuͦr wider gon Babilony

Verse: 4344    und [wart] da vil angen
Verse: 4345    von sinen burgeren wol enpfangen





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.