TITUS
Lamprecht, Alexander (Basler Bearbeitung)
Part No. 99
Previous part

Chapter: 261  
Alexanders Greifenflug


Verse: 4281    Er sprach 'ich wisti nun gern die mer,

Verse: 4282    wer in dem himel wer,
Verse: 4283    daz wil ich versuͦchen werlich.'

Verse: 4284    er hies stigen zuͦ eim nest,
Verse: 4285    da lagen jung griffen,

Verse: 4286    die wurden gezogen,
Verse: 4287    bis sy mochtten fliegen.

Verse: 4288    er hies ein sessel zwisent die griffen
Verse: 4289    binden und zwo stangen.

Verse: 4290    zwie as man an die stangen band.
Verse: 4291    er sas uff eim morgen frwͦ,

Verse: 4292    die stangen er gen dem himel ragt,
Verse: 4293    er fuͦr gen des himels tron.

Verse: 4294    do kam zuͦ im ein stim al da
Verse: 4295    uff der vart und sprach

Verse: 4296    'wo wilt du hin Allexander?
Verse: 4297    wil du wider die gotheit sin?

Verse: 4298    din vart ist mir unmer,
Verse: 4299    und var uf daz erttrich wider'.

Verse: 4300    er sach vür sich nider,
Verse: 4301    er sprach 'ich sich niuwen einen huͦt',

Verse: 4302    'es ist daz erttrich.'
Verse: 4303    die stangen er nider kert,

Verse: 4304    als truͦgen in die vogel nider
Verse: 4305    und kam uf daz erttrich [wider]

Verse: 4306    van sinem her anderhalb hundert mil.
Verse: 4307    do kert er gewild und veld

Verse: 4308    und gieng ein ganczes jor.
Verse: 4309    ze jungst fand er sin her

Verse: 4310    da lagen denoch bi dem mer;
Verse: 4311    die enpfiengen in froͤlih

Verse: 4312    und datten im guͦt gemach.
Verse: 4313    er huͦb sich selb zwelfften dan,





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.