TITUS
Lamprecht, Alexander (Basler Bearbeitung)
Part No. 98
Previous part

Chapter: 262  
Alexanders Tauchfahrt


Verse: 4247    Allexander hat friundin genuͦg,

Verse: 4248    der eine die krone truͦg,
Verse: 4249    die im die liebste was under in;

Verse: 4250    da er mit here fuͦr, so muͦste sy alwend bi im sin
Verse: 4251    ................................

Verse: 4252    eins tages er zuͦ ir sprach
Verse: 4253    'getar ich mich lan an dich,

Verse: 4254    schones wib minenklich,
Verse: 4255    daz du din triuwe behieltest an mir?'

Verse: 4256    sy sprach 'lib und leben gib ich dir
Verse: 4257    und machts wol sicher sin,

Verse: 4258    für dich lid ich des dodes bin.'
Verse: 4259    'ich muͦs sehen, was wunders in dem mer sy.'

Verse: 4260    er hies bereitten ein glas
Verse: 4261    und hies es tragen an daz mer.

Verse: 4262    ein ketten lang und guͦt,
Verse: 4263    die gab er ir in die hant.

Verse: 4264    er sas in daz glas
Verse: 4265    und hies sich lassen in daz mer.

Verse: 4266    ein hunt, ein kacz, ein hanen
Verse: 4267    er zuͦ im nam.

Verse: 4268    dry dag und dry necht
Verse: 4269    ein fisch für in gieng.

Verse: 4270    in der zit kam ein man
Verse: 4271    zuͦ der fruͦwen gan,

Verse: 4272    der warb umb sy vil ser als lang bis daz geschach,
Verse: 4273    daz sy die ketten warff in den bach.

Verse: 4274    do Allexander hort die ketten swer,
Verse: 4275    die kacz dot er ze hant.

Verse: 4276    daz mer sluͦg in an daz lant.
Verse: 4277    us dem gelas er do drat,

Verse: 4278    daz her im engegen lieff
Verse: 4279    und enpfiengen in froͤlich.

Verse: 4280    'wir forchtten dins lebens serr'.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.