TITUS
Lamprecht, Alexander (Basler Bearbeitung)
Part No. 97
Previous part

Chapter: 258  
Alexander wird der Wiegestein ausgelegt


Verse: 4204    da mit der botte kan so bald,
Verse: 4205    den stein [er] für den kung truͦg

Verse: 4206    und seit im wie er genattiuret wer.
Verse: 4207    er hies im bringen die wag

Verse: 4208    und wolt besehen die warheit.
Verse: 4209    reines gold er dar uf leit

Verse: 4210    jedoch ein michel deil.
Verse: 4211    doch gewan der stein daz heil,

Verse: 4212    daz er für wegen began.
Verse: 4213    do sprach der gewaltig man

Verse: 4214    'bringen mir silbers als vil,
Verse: 4215    ob daz in wider wegen wil?'

Verse: 4216    dem silber geschach als dem gold
Verse: 4217    und was man da gegen holtt,

Verse: 4218    holcz, issen, bly, daz wider wag
Verse: 4219    der stein. dis was dem küng ein ungemach

Verse: 4220    'dis gros wunder,
Verse: 4221    wundret mich besunder.'

Verse: 4222    do der bot hort
Verse: 4223    disse wort:

Verse: 4224    'der altte man von dem paradis
Verse: 4225    daz sprach: ir weren gar unwis,

Verse: 4226    daz ir iuch sacztten wider got;
Verse: 4227    er sprach mer: wer dissen stein

Verse: 4228    fultte mit erden klein,
Verse: 4229    in wider wug ein federlin ;'

Verse: 4230    und dis ergieng also.
Verse: 4231    'daz gelichet er, here rich,

Verse: 4232    gegen dir sicherlich,
Verse: 4233    er jach ''als dich der dot beste

Verse: 4234    und als die erd über dich ge."
Verse: 4235    er hies die wag her wider bringen und hult

Verse: 4236    den stein und fult
Verse: 4237    in mit erden, die was klein:

Verse: 4238    do sach er ein wunder gros,
Verse: 4239    des sin lib vil ser verdros:

Verse: 4240    daz ein kleines vederlin
Verse: 4241    wider wag daz steinlin.

Verse: 4242    ze hant da er daz wegen sach,
Verse: 4243    wider sin liut er do sprach

Verse: 4244    'Ich sich nun wol an disem stein,
Verse: 4245    daz der umb minen gewalt geb klein,

Verse: 4246    der küng in dissem küngkerrich.'



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.