TITUS
Text: Alex. 
The Middle High German Books on
The Great Alexander
Author: Hartl. 
Johann Hartlieb: Alexander


On the basis of the edition
Johann Hartliebs 'Alexander'
Hrsg. v. Reinhard Pawis,
München 1991
entered by Stefanie Heine
and edited by Ralf Schlechtweg-Jahn,
Bayreuth 1999;
TITUS version by Ralf Schlechtweg-Jahn and Jost Gippert,
Bayreuth, 19.1.2000 / Frankfurt, 19.4.2002 / 2.3.2003





Chapter: Prol.  
Paragraph: Prol. 
Vorwort
Page: 96 


Line: 1     Seneca schreibtt in seinenn sendtbriefen vnd epistelen, daz aller fuersten getatt,
Line: 2     werck, gesta, hanndel vnd gepärde, thuen vnd laßen zu beschreiben vnd aller
Line: 3     mänigkleich zuuerkunden seyen. Daz geschiechtt von maniger hannde vrsach
Line: 4     vnd lawffe wegen.

Line: 5     Zu dem ersten, daz die yecz wesenden vnd gegenwuerttigen fuersten die
Line: 6     selbenn coronicken lesen vnd darinne sich gar aygenttleichen fleyßen vnd
Line: 7     vben, daz sy allen dem daz erber vnd den gemaynen nucz fuedern ist nachuolgen.
Line: 8     Zu dem andern, daz sy alles vermeyden, daz sy horen in iren gethanen
Line: 9     sachen vnrechtt, vnczimleich vnd vnpilleich geschechen sein.
Line: 10     Zu dem dritten, daz die gegenwuerttigen fuersten sich also haltten, daz sy
Line: 11     guett loße nach iren wercken hie in lebenn vnd darnach in irem tode behaltten.
Line: 12     Am ersten sol ain yegleicher fuerst gar aygentleich wißen vnd erkennen, was
Line: 13     guett oder vbel, rechtt oder vnrechtt, genad oder vngenade sey. Darumb sol
Line: 14     ain fuerst nichtt allain die coronicken lesen, sunder auch alles, daz zu weyshaitt
Line: 15     sich czewchet vnd vbett. Wann die heylig geschrifft sagt durch Salomon: 'Wee
Line: 16     dem lanndt des fuerst ein kchindt ist, daz ist vnweyßhaitt vnd kchindisch'. Was
Line: 17     aber vnweysen fuersten dem gemainen nucz vnd vil lannden geschechen
Line: 18     sey, daz vindest du in manigen altten coronicken vnd lawttrer, dann ich
Line: 19     beschreiben mag. Zu dem andern mal sollen die fuersten der altten legennde,
Line: 20     coronicken vnd getatt lesen, daz sy sich fleyzzen, dem zu volgen, daz guett ist,
Line: 21     vnd daz meyden, daz pozz ist. Daz ist darumb, wann mänigcleich sich fleyßett
Line: 22     vnd nach uolgett der fuersten getatt vnd yeder daz hochst vnd pest geren thatt
Line: 23     von rechtter, angeporner natur; also wann dann ain fuerst den seinen ist vor
Line: 24     scheinen vnd prehen mit guetten sytten, tugendten, eren vnd rechtten weysen
Line: 25     sytten, so fleyßett sich manigkleich, im nach zuuolgen. Hatt dann ain fuerst
Line: 26     daz volck in rechttem sytten erczogen vnd bestätt, dem mag in allem seinem
Line: 27     thuen vnd laßen kain abgangk noch geprechen geschechenn, wann all sein
Page: 97  Line: 28     volck mitt ainer stymb gehorßam ist. Darinne ist dann vber daz vnuberwindtleicher
Line: 29     sig aller der sach, der sich der fuerst vnderwindet.
Line: 30     Zu dem dritten, wann sich dann die fuersten also halttenn, daz sy guettes
Line: 31     loße nach irem leben laßenn, yee was mag hochers vnd pezzers gesein, wann
Line: 32     wiewol die altten von der saligkaitt des ewigen lebens, daz vns Jhesus Christus,
Line: 33     der war gottes sune, mitt seinem pittern tode vnd iamerleichen martter erarnett
Line: 34     vnd verdiennet hatt vnd nichtt gewest haben, yedoch so haben sy sich doch
Line: 35     geflyßen, daz sy nach irem tode guett wortt hinder in ließen, daz manigcleich ir
Line: 36     dester lennger gedacht. Daz sind die wortt vnd mainung Senece etc.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.