TITUS
Alexanderroman (Johann Hartlieb)
Part No. 2
Previous part

Chapter: Vorr.H.  
Paragraph: Vorr.H.  
Vorrede Hartliebs

Line: 37   In dem ersten. Die vorred, die doctor Hartlieb haut gemacht, wie sich ain fürst
Line: 38   halten sol, als dann Seneca geschriben hat


Line: 39     Seydt nun daz puech von dem großen Alexander gar vil vnczalperleicher stuck
Line: 40     vnd capitel ynneheltt, dardurch ain fuerst gross adenleich tugentt vnd manhaitt
Line: 41     horen, sechen vnd auch erlanngen mag, so hatt der durchlewchttig, hochgeporenn
Line: 42     fuerst herczog Albrechtt, herczog in bairen, phalczgraue bey rein vnd
Line: 43     graue zu vohburgk, auch sein allerdurchlewchttigistew gemachel, fraw Anna
Line: 44     von brawnschweig geporen, nicht vnpilleich an mich, maister Johannsen, doctor
Line: 45     in erczney vnd in naturleichen kchunsten, iren vnderthan, begertt vnd
Line: 46     gepetten, daz puech des grozzen Alexander zu dewtczschen nach dem waren
Line: 47     techst, nichcz hinczue noch dauon zuseczen. Des hab ich mich gewilligt durch
Line: 48     ir payder manigualttig genade, so sy mier erczaigen tägleich, auch von sunderenn
Line: 49     schulden, so ich iren fuerstleichen genaden schuldig vnd verpundten pin.
Line: 50     Darumb rueff ich am ersten an die genade des heyligen geystes, mier peystendig
Line: 51     wesen, seydt an sein hilff kain guett ding volenndet noch volbrachtt
Line: 52     werdenn mag. Darnach nym ich fuer mich Senecam, der leret diß fuersten die
Line: 53     coronicken vnd gesta der altten fuersten beschriben vnd offt lesen. Daz ratt ich
Line: 54     auch dier, mein allergenädigister herr, daz du dem nachuolgest. So hatt dich
Line: 55     gott der herr wol so hoͮch mitt naturleicher vernunfft begabett, des ich sunder
Line: 56     czweyffel pin, du halttest fuersten stanndt also, daz mänigkleich von dier gepeßertt
Line: 57     werdt. Auch mayn ich dich, allerdurchlewchtigistew fuerstin, geborenn
Line: 58     von brawnschweig, ain ware aufhaberin des lobleichen haws von bairen. Seydt
Line: 59     nun ir zway der rechtt vaßel vnd gepelczt stame seytt, darawß enttsproßen
Line: 60     sindt funff durchnächttig zwey fuerstenleiches stames, die dann allain nach
Line: 61     rechtter syppe aufhaltten daz lobleich kchayßerleich haws bairen, so gedenckett
Page: 98  Line: 62     an ewr wierdigkaitt, die in aller christenleicher czungen so weytt erscholen vnd
Line: 63     erhochet ist vnd lesett offt vnd geren die altten coronicken, vnd was guettes
Line: 64     darinne sey, dem volgett, vnd was rechttem adel nichtt zuestee vnd zuegehor,
Line: 65     daz verwerffett, daz ir auch die seytt, die guett wortt nach ewrem tode laßett.
Line: 66     Wann ir soltt sicher sein, fleyßett ir ewch eren vnd tugendt, daz es nichtt
Line: 67     verschwigen beleybett. Thuett ir aber vnczimleiche ding, die werden noch
Line: 68     mynder verporgen, wann layder yeczo die werltt mer auf poͮss zusagen vnd vil
Line: 69     vnwares darczue zuseczen genaigtt ist, dann zu der rechttenn warhaitt. Mit
Line: 70     dem gebtt ir payde allen ewren lannden vorgangk, peyspil vnd ebenpilde, daz
Line: 71     mänigkleich ewch da nachuolgen wierdett. Vnd daz ir also lebenndt vns guettes
Line: 72     vortragendt, daz verleich ewren fuerstleichen genaden der war, ewig,
Line: 73     lebendig gott durch seinen aingeborn sun Jhesum Christum, der mitt im herschett
Line: 74     von ende zu ende, vnd der yegleichem nach seinem verdiennen vrtayltt
Line: 75     an dem iungisten gerichtt etc.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.