TITUS
Alexanderroman (Johann Hartlieb)
Part No. 3
Previous part

Chapter: Vorr.E.  
Paragraph: Vorr.E.  
Vorrede Sand Ewseby

Line: 76   In dem II. Die vorred Sand Ewseby das buͦch Allexandri des grossen

Line: 77   Die vorred vnd prologus Sand Ewseby hebtt sich an in daz puech Alexandri
Line: 78   des grozzen.


Line: 79     Die streytt vnd grozzen thatt der vngelawbigen, die da waren vor der
Line: 80     kchunfft Jhesu Christi, die sindt nicht zu verschweygen, wiewol sy hayden
Line: 81     gewesen sindt, sunder sy sindt vast guett allen christen menschen zu haben,
Line: 82     auch daz sy versteendt die prelatten vnd vorgeer der christen, sy sindt geystlich
Line: 83     oder werntleich, wann sy weyßenn vnd lernen, auch thuendt yeder man kcheren
Line: 84     vnd laytten zu ainem peßern standt. Wann die prelatten, diee daz lesen, die
Line: 85     mugen mercken vnd versteen, wye kewsch vnd raynigkaitt sich die altten
Line: 86     gehaltten haben, diee allain den abttgottern gediennett haben. Sy haben aller
Line: 87     warhaitt gepflegen vnd sich vor allem vbel vnstraffleichen gehaltten. Daz ist
Line: 88     alles wol beczewgett durch irew werck vnd gethatt, die sy tryben vnd so gar
Line: 89     lawtter gehaltten haben. Sy haben so scheinpärleichen gediennet den abttgottern,
Line: 90     daz pilleich die christen an in nemen ain ebenpilde, wann sy haben also
Line: 91     gelebtt in kchawschaytt, in warhaitt, in rechtter gesacztt gehorsam vnd
Line: 92     guettigkaitt, daz sy vil die christen darynne vbertroffen haben. Danne der
Line: 93     prelatten vnderthan, daz sindt ritter, die haben ir ritterschafft also gehaltten,
Line: 94     daz sy von allermanigckleich vnstrafffeich waren. Was sy altter legendt, coronicken
Line: 95     vnd gesten lasen, darnach thetten sy sich richtten mitt allem irem thuen
Page: 99  Line: 96     vnd laßenn, daz kainer yee funden wardt ain vbertretter der gesacz, der nicht
Line: 97     nachuolgung des rechtten gestraffett wuerdt. Darumb was ir diennst, den sy
Line: 98     den tewffeln vnd abttgottern thetten, strenger vnd hertter, auch vnstrafleicher,
Line: 99     dann yecz der diennst der christenleichen ritter, die Jhesu Christo vast ablaßigcleichen
Line: 100     dienen vnd nachuolgen. Wann layder yecz die dienner vnd ritter gottes
Line: 101     mer fleyßigkleich liebe vnd lusten anhangen, dann der lieb gottes. Wann als der
Line: 102     apostel geleret hatt, so sol man gott diennen mitt ganczem herczen, sele vnd
Line: 103     kchrefften. Also haben die hayden iren abttgottern gedienett, wann wie die
Line: 104     waren kchristen nach Sand Pauls lere goͮtt Jhesu Christo diennen solenn in
Line: 105     ganczer trew vnd im vnd seinen gepotten vestigkleichen anhangen in allenn
Line: 106     kchrefften, nyemandt layden, nyemandt daz sein abnemen vnd ain yeder sich
Line: 107     betragen soͮl seiner habe, als dann der tawffer gottes in seiner lere auch gepotten
Line: 108     hatt vnd vns vast gemanett, daz wier nichtt abtretten vonn der ritterschafft der
Line: 109     hymlischen. Daz alles vnd noch vil mer haben die hayden durch wertleichs
Line: 110     loße vnd ere vestigkleichen gehaltten. Darumb czymbtt wol den christenn, ir
Line: 111     coronicken, gesta vnd werck zu lesen vnd horen, daz si dem waren gott soleich
Line: 112     diennst vmb ewigen lon anhenncken vnd diennen, als die hayden iren abttgottern
Line: 113     vmbe czeittleiche ere gethann haben. Vnd haben daz getribenn von anegengdt
Line: 114     der werltt byss auf die kchunfft Jhesu Christi. Es ist wol klagleich
Line: 115     zu klagen, daz sogethan guett lewtt der poss tewfel also besessen hatt, daz sy
Line: 116     iren rechtten gott vnd schopffer nichtt erckanntten vnd die geschopfft ertten
Line: 117     vnd anpetten fuer got den schopffer. Dardurch magst du versteen, wie nott,
Line: 118     wie rechtt, wie czimleich vnd pilleich was, daz gott der herr sendett seinen
Line: 119     aygen sun Jhesum Christum, der vns den waren gott zu erkennen gab, also
Line: 120     wann als die heylig geschrifft sagtt: 'hett vns got von oben herab nichtt fuergesechen
Line: 121     vnd beschawett, vnd daz er mitt seinem tode vns nichtt erlosett hett, so
Line: 122     wären wier ewigkleichen verloren gewesen'. Shunst hatt er vns mitt seinem
Line: 123     heyligen leyden erloßett vnd vor allem tewflischem gespennst behuett, daz
Line: 124     wier nun ymmer ewigkleichen mitt dem apostel in hochen eren vnd glorificieren,
Line: 125     mitt emßigem rueffenn vnd schreyen: 'O heyligew, hochew, vnbegreiffenlichew
Line: 126     trinitatt, werder reichtumb aller weyßhaitt vnd kchunst, wie gar
Line: 127     vnbegreiffenleich sindt dein vrtail vnd wie gar vneruorschleich sindt dein
Line: 128     wege. Amen.'



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.