TITUS
Alexanderroman (Johann Hartlieb)
Part No. 8
Previous part

Chapter: 5  
Paragraph: 7  
Nectanabus kommt nach Mecedonia

Line: 186   Wie Nectanabus in macedonia kom. In dem VII


Line: 187     Nectanabus pelayb in macedonia. Der kunigk in macedonia der hyess Phylippus
Line: 188     vnd hett die aller schonisten frawenn, so sy lebtt, diee hyess Olimpiades
Line: 189     nach ainem hochen, schonnen pergckch, der ligtt in kchryechen. Der selb
Line: 190     pergk vbertrifft alle pergk in der werltt an seiner schoͮnn vnd czierhaitt, also
Line: 191     vbertraff die fraw alle weib in aller werltt an schonn, czuchten vnd adeleichen
Page: 102  Line: 192     tugendten, gepaͤrden vnd sytten. Darumbe nanntt man sy nach dem pergk
Line: 193     Olimpiades. Zu der selbenn czeitt, als Nectanabus was in macedonia, da czoch
Line: 194     der großmochttig kunig Phylippus mitt kchrefftigem heere zu velde in ain
Line: 195     fromdes lannde, daselbst er großer streytt mitt kchrefftigem heer pflag. Wieuil
Line: 196     lanndt er bestraytt vnd wie gar gross sach er begienng, daz sagtt ain ander
Line: 197     puech.

Line: 198     Als nun Nectanabus vast hoch gehaltten vnd fuer den weyßisten prophetten
Line: 199     auss egipttenn gesecztt wardt, da erhal sein loße auch in den palast. Die kunigin
Line: 200     Olimpiades besantt in. Er kam zu hof in den palast. Zuhanndt er die mynigkleichen
Line: 201     frawen ansache vnd ir vbermäßige schon betrachttett, da wardt er
Line: 202     ynprunstigcleich enczundt in irer lieb, also daz in bedawchtt wie ain prynnende
Line: 203     vackel sein hercz zu allenn orttern prennett. Die hochgelobtt kunigin die vergas
Line: 204     nicht ir weibleichenn czuchtt vnd angeporen adenleichen tugendt. So patt sye
Line: 205     Nectanabo ir hanndt. Er reckchtt sein hanndt hinwyder vnd sprach zu ir:
Line: 206     'Kunigin von macedonia, frewe dich vnd piss gegrueßett'. Er woltt sy selb
Line: 207     nichtt fraw nennen, darumb daz er auch ain kunig was. Die kunigin sprach:
Line: 208     'Frew dich, allerwierdigister maister, vnd kume vnd bey syczee mier'. Als er
Line: 209     gesezzen was, sy sprach mitt sennfften worttenn: 'Wier habenn lanng vernomen,
Line: 210     wie die von egiptten gross maister seyen. Sy kunnden außlegen die
Line: 211     trawmee, sy erkennen alle kchunfftige czaychen vnd erkennen aller vogel
Line: 212     gesangk vnd ir fliegen etc.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.