TITUS
Alexanderroman (Johann Hartlieb)
Part No. 9
Previous part

Chapter: 7  
Paragraph: 8  
Nectanabus gibt sich als Wahrsager aus

Line: 213   Wie sich Nectanabus aus gab fur ainen waur sager vnd Olympiades fraugt nauch irem
Line: 214   herren kunig Phylippo. In dem VIII


Line: 215     Sy wißenn auch aller mennschen gehaym vnd sindt rechtt maister in allem
Line: 216     warsagen, daz sy sagen, wie es ainem menschen ergeen schol von dem ersten
Line: 217     tag seiner gepuerdt piss zu ennde seines lebens. Nun sagtt mier, lieber maister
Line: 218     vnd suezzer, wist ir auch von den dingen zesagen?' Nectanabus sprach: 'Ja
Line: 219     kunigin, ich hab die sach alle mitt subttylem synne durchgrundett, also daz ich
Line: 220     in egiptten lannde gehaltten pin fuer ainen prophetten vnd fuer ainen grozzenn
Line: 221     warsager'. Als er disew wortt mitt ir redt, da sach er sy mitt gar lustigen
Line: 222     plicken frewnttleichen vnd begierleichen an. Die kunigin hett daz gemerckt
Line: 223     vnd sprach zu Nectanabo: 'O kchunstreicher phrophett, was hast du gedachtt,
Line: 224     daz du mich so gar stattigcleichenn angesechen hast?' Nectanabus sprach: 'O
Line: 225     frewdenreichew kunigin, ich hab gedachtt gar an ain hubschee, subttile weyssagung,
Page: 103  Line: 226     die mier die gotter geoffenwartt haben, daz ich in kuercz sechen soll
Line: 227     die allerschonisten kunigin, die auf erden lebtt. Nun verstee ich, daz du die
Line: 228     seyst, die so gar an allen tadel gepildett pist'. Da zoch er von seinem puesem ain
Line: 229     wunder schone taffeln, die kain rede außgelegen mag, so gross hubsch subttyligkaitt
Line: 230     hett die tafeln. Die tafeln was gemischtt mitt aingehueren vnd helffenpain,
Line: 231     mitt holcz aychem, daz kain fewr verprennen mag, mitt goldt vnd edelm
Line: 232     gestain, auch darynne gemengt alle mettal. Darynnee waren vil czierckel. Der
Line: 233     erst czierckel hieltte ynne diee geyst, die daz gancz virmamentt bewegentt. Der
Line: 234     ander czierckel hieltt ynne die zwolff czaichen. Der mittel czierckel hieltt ynne
Line: 235     die sunne vnd den man. Nach dem czoch er auss seinem puesem ain helffepaynnene
Line: 236     puchßenn, darynne waren syben der aller schonisten sternn, so
Line: 237     sy yee man gesach. Darinne sach er alle stundt, weyl vnd czeitt. Sy warenn
Line: 238     geschnytten von eyttelm, scheynnbarem, edelm gestain. Der erst was ain
Line: 239     jachanntt, darynne was ergraben mitt hochenn kchunsten daz czaychen
Line: 240     Saturni. Der ander was ain smaragd, darinne was geschnytten gar mitt subttiler
Line: 241     maisterschafft daz czaichen Jupiters. Der dritt was ain rubin, darynne was
Line: 242     erhaben mitt haydenyschen listen der planett Mars. Der vierdt sterne was
Line: 243     gemachtt aus ainem liechtten kcharfunckel vnd darinne was geschmelczett mitt
Line: 244     kchunstreicher maisterschafft daz czaychenn der sunnen. Der funfft stern was
Line: 245     ain saphyer, darynne was gemachtt mitt schonner kunst die figur vnd czaychenn
Line: 246     des Venus. Der sechst sternn was ain dyemantt, darinne was mitt hochenn
Line: 247     listen erhabenn daz czaychen vnd figur Mercury. Der sybenntt sternne was
Line: 248     ain scheinper paryll, darynne was geformierett mitt maysters synnen die figur
Line: 249     vnd gestaltt des mannes. In den selbenn sybenn sternen kchundt der weys man
Line: 250     Nectanabus erfragen alles, daz er woltt, von wesen, leben vnd gestaltt alles
Line: 251     menschleichs geschlachttes. Da die kunigin Olimpiades disew ding ersach, do
Line: 252     sprach sy zu Nectanabo: 'Kchunstreicher, mochttiger, hocher maister, sag
Line: 253     mier, auf welches iar, monedt vnnd tag auch stundtt der kunig Phylippus sey
Line: 254     geboren. Vnd thuest du daz, so ist dein kchunst vber alle mayster erhebtt vnd
Line: 255     scheinendt in rechtter warhaitt'. Nectanabus huebe an zu raytten vnd sagtt ir
Line: 256     alle sach darumb gar aygennttleich, daz die kunigin vast darab wundern wardt
Line: 257     vnnd sprach: 'Maister, ich gelawb, daz dier alle ding sindt wol kchundt'. Der
Line: 258     maister sprach: 'Fraw, durch deiner tugendt willen ist mein kchunst dier
Line: 259     beraytt. Sag an, was wildt du?' Die fraw sprach: 'Sag mier, hocher maister,
Page: 104  Line: 260     was geschiechtt zwischenn dem kunig Phylippo vnd mier, wann man hatt
Line: 261     mier gesagtt, wann er wyder kome vonn dem streytte, so werdt er mich
Line: 262     vrlawben vnd verwerffen vnd ain andre kunigin zu gemachel nemen'. Der
Line: 263     prophett Nectanabus zoch auss sein tafeln vnd begundt die sach nach dem
Line: 264     subtilisten ergrundten vnd rechnett nach seinen syttenn der syben sternne lawff
Line: 265     vnd hueb auf mitt suezzen wortten der kunigin zu antwuertten vnd sprach:
Line: 266     'Kunigin, der dier soleichs gesagtt hatt, der ist der rechtten kchunst nichtt
Line: 267     weys, wann seinew woͮrtt sindt nichtt war auf die czeitt. Aber nach ettleicher
Line: 268     zeitte so geschiechtt daz, als dier gesagtt ist'. Die fraw sprach zu Nectanabo:
Line: 269     'Lieber prophett, ich flech vnd pitt dich, daz du mier in den dingen die rechtten,
Line: 270     lawttern, ganczen warhaitt sagest, wann was du mier sagest, daz gelaub
Line: 271     ich sunder allenn zweyffel, wann ich erkenne, daz dein kchunst war vnd auch
Line: 272     gar gerechtt ist etc.'



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.