TITUS
Alexanderroman (Johann Hartlieb)
Part No. 10
Previous part

Chapter: 7a  
Paragraph: 9  
Nectanabus betrügt Olimpiades

Line: 273   Wie Nectanabus die kunigin Olympiades beschlieff vnd sie mit zauberlisten betrog.
Line: 274   In dem VIIII


Line: 275     Nectanabus anttwurtt der kunigin vnd sprach: 'Kunigin Olimpiades, du soltt
Line: 276     wißen vnd daz sunder zweyffel gelawben, daz gar ain mochttiger gott dich
Line: 277     beschlaffenn wierdt'. Olimpiades die kunigin was vast darab wundern vnd
Line: 278     sprach: 'Lieber maister, wer ist der mochttig gott, der mich beschlaffen sol?'
Line: 279     Nectanabus anttwuertt ir vnd sprach: 'Es ist Amon, der gott, der aller werltt
Line: 280     eree vnd reichtumb gibtt'. Die fraw die sprach: 'Wolgelertter, mag ich des
Line: 281     gottes gepott nichtt vertragen sein, wann ich mein gelubd an kunig Phylippen
Line: 282     yee nicht prechen wil, sunder lieber sterbenn, wann wie hoch war vnnser
Line: 283     reich geschwechett, soltt man sagen, daz Phylippen der macedonien gemachel
Line: 284     Olimpiades ir stätt czerprochen hiett. Sag dem gott, lieber maister, daz er mich
Line: 285     ee sterben lass'. Nectanabus sprach: 'Der gotter willenn mag ich nichtt verkcheren.
Line: 286     Ich kchan aber wol in meinen kchunsten erfinden, was ir wille sey,
Line: 287     vnnd ich sech, daz er bey dier schlaffenn wierdt vnd dich schwengern. Du
Line: 288     bedorfft auch nichtt sargen, er wierdt dein ere wol bewaren'. Olimpiades die
Line: 289     kunigin erschrackch der wortt seer vnd wardt ynnygkleich betruebett, daz sy ir
Line: 290     stätt verliesen soltt vnd sprach zu Nectanabo: 'Lieber weyser prophett vnd
Line: 291     kchunstreicher maister, sag mier, wiee hatt der gott auch ain gestaltt, so wil ich
Page: 105  Line: 292     inn fliechen'. Der maister sprach: 'Du machtt der gotter gewaltt nichtt enttrynnen,
Line: 293     aber sein gestaltt wil ich dier sagen: Er ist weder iungk noch altt, sunder er
Line: 294     hatt ain mittrew gestaltt vnd hatt auf seinem hawbtt ain kron vnd sein har ist
Line: 295     grab vnd hatt gar ain wolgeczierttenn part. Darumb beraytt dich heindt, wann
Line: 296     er wierdett dier in dem schlaff erscheinen vnd nach dem schlaff wierdt er sich
Line: 297     zu dier legen vnd dich beschlaffenn'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.