TITUS
Alexanderroman (Johann Hartlieb)
Part No. 11
Previous part

Chapter: 7b  
Paragraph: 10  
Olimpiadis wehrt sich

Line: 298   Wie Olympiades ir statt vngeren prach. In dem X.



Line: 299     Die fraw diee sprach: 'Nun schwer ich pey Appollo vnd Pheton, meinen gottern,
Line: 300     daz ich lieber sterben woltt. So ich aber dem willen gottes nichtt enphliechen
Line: 301     mag noch kan, so pin ich gehorsam vnd wann die sach also geschiechtt, so
Line: 302     wil ich dich nicht haltten fuer ainen prophetten, sunder fuer ainen waren goͮtt
Line: 303     vnd wil dich anpetten'. Disew vnd vil andrew sach vnd wortt wuerden volenndet
Line: 304     in dem palast. Nectanabus schied von der kunigin, die in geren lennge
Line: 305     behabtt hiet. Do zwang in Olimpiades wunder schonne, wolgepildte gestaltt
Line: 306     daz er eylett, seinen willen an der kunigin zu verpringen, wann sein hercz
Line: 307     was inprunstigcleich in irer lieb enczundet. Er schied von dem palast vnd gieng
Line: 308     zuhandt in ain wueeste statt in ain gepirge. Er grueb manigerlay wuerczen vnd
Line: 309     kchrawtter vnd stiess die zusamen, als in sein kchunst lernett vnd trueg die mitt
Line: 310     im vnd pflag damitt zu machen zawberlist, wie er die kunigin Olimpiades
Line: 311     betriegen mochtt. Mitt soleichen seinen listen prachtt er zu wegen, daz die
Line: 312     kunigin Olimpiades gar aigentleichen in dem schlaff sah den gott Amonn. Der
Line: 313     kam zu ir, als ir der maister gesagtt hett vnd beschlieff sy gar czartleich. Da der
Line: 314     gott Amonn die kunigin Olimpiades beschlaffen hett vnd sy geschwengertt, da
Line: 315     stuendt er von ir auf vnd vmbfieng iren pawch gar liepleich vnd sprach zu ir:
Line: 316     'Fraw, du hast in deinem leib empfangen deinen beschiermer vnd ainen sun,
Line: 317     der dich von allem vbel offt erloßen wierdet'. Des morgens, da der liechtten
Line: 318     sunnen schein durch den palast prach, die kunigin Olimpiades die stuendt von
Line: 319     irem pett vnd sandt nach dem prophetten Nectanabo. Der kam schier vnd was
Line: 320     vast fro, die kunigin zu sehen. Sy enphieng in gar liepleich vnd sprach zu im:
Line: 321     'Du pist nichtt alain ain prophett, du pist ain gott, wann alles, daz du mier
Line: 322     gesagtt hast, daz ist volprachtt worden. Ich hab gesehen den gott Amon, vnd
Line: 323     er hatt mich liepleich beschlaffen, vnd als er von mier geen woltt, vmbfienng er
Page: 106  Line: 324     meinen pawch vnd sprach zu mier: Fraw, du hast in deinem pawch empfangen
Line: 325     deinen erloßer, der dier auss allenn notten helffen wierdett'. Der maister
Line: 326     sprach: 'Ich ways die ding alle wol vnd sag dier kunigin, daz der gott hewtt sich
Line: 327     verwandeln wierdett in ain gestaltt aines grawsamen trackens, vnd darnach
Line: 328     wierdt er an sich nemen mein gestaltt vnd aber bey dier schlaffen'. Der
Line: 329     prophett sprach: 'Was du danne vor in dem schlaff gesehen hast, daz wierdest
Line: 330     du sehen wachendt, wann anders sindt trawme vnd emphindleiche warew
Line: 331     dinge'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.