TITUS
Alexanderroman (Johann Hartlieb)
Part No. 12
Previous part

Chapter: 7c  
Paragraph: 11  
Ehebruch

Line: 332   Wie Olimpiades aber von Nectanaben beschlaffen ward vnd auch betrogen.
Line: 333   In dem XI


Line: 334     Olimpiades die kunigin sprach: 'Lieber prophett, wier sollenn geen in ainen
Line: 335     haimleichen palast vnd der dinge warttenn. Vnd wann daz geschiechtt, so wil
Line: 336     ich dich haben vnd eeren als ainen vatter des kchindes'. Als sy komen in den
Line: 337     palast, da verwandelt sich Nectanabus durch sein zawberlist in ainen grawßamen
Line: 338     tracken vnd gieng gegen der frawen. Die kunigin sach in an. Darnach
Line: 339     wardt er wider kerett in sein gestalt. Er beschlief die kunigin aber vnd trawttett
Line: 340     sy vast liepleichen vnd vmbfieng irenn pawch vnd sprach: 'Weyb, du hast
Line: 341     emphangen ainen sun, der wierdet dein beschiermer vnd vast sigleich in allenn
Line: 342     streytten vnd wierdet nyemandt vnderthan, sunder er zwingett alle werltt'. Do
Line: 343     nun Olimpiades empfandt, daz ir pawch grozzen wardt vnd ir prustlein begunden
Line: 344     zu hertten, da bedawchtt sy wol, sy war schwanger vnd sandt nach dem
Line: 345     prophetten Nectanabus vnd sprach zu im: 'Aller kchunstreichister prophett,
Line: 346     ich flech vnd pitt dich, daz du mier sagest, was der kunig Phylippus mitt mier
Line: 347     thuen werdt, so er wider kumbtt von dem streytt vnd mich schwanger vindet'.
Line: 348     Nectanabus gab ir trostleichew anttwuertt vnd sprach zu ir: 'Kunigin, du soltt
Line: 349     dier nicht furchtten; ich wil dier zu hilff vnd statten komen vnd in allem layde
Line: 350     pey dier sein, dich auch also mitt meinen kchunsten bewaren, daz kunigk
Line: 351     Phylippus dein grozzew genadee haben wierdet'. Mit soleichen listen
Line: 352     wardt betrogenn Olimpiades, daz sy ir stätt vnd trewe an kunig Phylippen
Line: 353     czerprach vnd wardt schwanger von ainem menschenn vnd nichtt von ainem
Line: 354     gott. Wann wär sy also nichtt betrogen worden, sy hiett vmb aller arabien
Line: 355     goldt, noch vmb aller inden gestain ir stätt nichtt zerprochenn, wann sy wag ir
Line: 356     ere souil hocher, dann aller werlt reichtumb. So hett sy in irer stattigkaitt mer
Line: 357     lust vnd frewden, wann sy von allen mannen gehaben mochtt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.