TITUS
Alexanderroman (Johann Hartlieb)
Part No. 21
Previous part

Chapter: 15a  
Paragraph: 19  
Alexander wird Ritter

Line: 497   Wie Allexander gelert ward ritter spil. XVIIII


Line: 498     Als nun Alexander wardt zwolf iar altt, er wardt gelerett ritterspil mitt
Line: 499     andern iungen ritternn vnd auch shunst allerhanndt gethatt, diee zu streytt vnd
Line: 500     ernstleichen sachen gehoren. Darczue was er vor allermänigcleich vast fleyßig.
Line: 501     Da kunig Phylipp sach vnd hortt, daz Alexander so behendt, schnel, starck vnd
Line: 502     kchuen was vnd vor allen rittern den hochstenn preys hett, da wardt er im vast
Line: 503     holdt vnd hett in vast lieb vnd sprach zu Alexandro: 'Sun, ich hab dich vast lieb
Line: 504     in meinem herczen, daz du dich also vast vbest in ritterschafft vnd dier alle
Line: 505     ritterleichew sach so wol an stett, aber ich pin laydig, daz du mier an der
Line: 506     gestaltt nicht geleich pist'. Der kunigin Olimpiades wardt gesagett, daz der
Line: 507     kunig laydig was, daz Alexander gestaltt im nichtt geleich was. Sy wardt in ir
Line: 508     betruebtt vnd besantt Nectanabo paldt, den prophetten, vnd sprach zu im: 'Ich
Line: 509     pitt dich, lieber frewndt, daz du mier sagest, was gedenckt kunig Phylipp
Line: 510     wider mich, oder wie stett sein hercz zu mier'. Nectanabus rechnett in seiner
Line: 511     kchunst nach seinem sitten vnd kam zu der kunigin vnd sprach zu ir: 'Olimpiades,
Line: 512     du soltt wißenn, daz all sein gedangck gegen dier noch rayn sindt vnd
Line: 513     vnuermischett. Aber ich sag dier, daz in ainer kchuercz ain stern kumbtt zu der
Line: 514     sunnen, der wierdt sein trew vnd begierd von dier schayden vnd er wierdt dich
Page: 112  Line: 515     verlaßen'. Da sy also lanng mitt einander redten auss der kchunnst astronomia,
Line: 516     da kam auch darczue der Alexannder vnd sprach zu Nectanabo: 'Lieber
Line: 517     maister, mochtt ir mier daz an dem himel auch also czaigen, als ir dann in
Line: 518     ewren tafeln gerechnett vnd gelesen habtt?ī Nectanabus sprach: 'Ja wol, wann
Line: 519     wie der lawff der planetten an dem himel ist, also hab ich auch in dißenn
Line: 520     meinen kchunstleichen tafeln ich'. Alexander patt in, daz er im daz mitt seinen
Line: 521     augen czaygen soltt. Er sprach, er woltt es geren thuen. Nach dem kam die
Line: 522     vesper, der tag begundt tunckcheln, die sunne hett iren liechten schein vnd
Line: 523     lawtter prechen zu tal gesenckcht, diee stern erschinen mitt liechttem pliczen
Line: 524     nach irer gewohnaitt, so sy habenn.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.