TITUS
Alexanderroman (Johann Hartlieb)
Part No. 22
Previous part

Chapter: 16  
Paragraph: 20  
Nectanabus lehrt Alexander

Line: 525   Wie Nectanabus Allexandrum die steren lawff leret erkennen. XX


Line: 526     Der maister Nectanabus fuertt Alexandrum fuer die statt auf ain gepirg vnd
Line: 527     czayget da Alexandro die dinge, die er begertt hett. Da nun Alexander die
Line: 528     kchunst mitt gar emßigem fleyss suechen vnd lernen wardt vnd darynne nun
Line: 529     vast gelert was, da sprach er: 'Lieber maister, sag mier durch die kchunst, wie
Line: 530     sol ich sterbenn oder wiee sol ich ain ende nemen?' Der maister sagt im, daz er
Line: 531     alle werltt mitt gewaltt czwingen wuerdt vnd daz im in seinen iungenn iaren
Line: 532     wuerdt vergeben vnd mitt gifft sterbenn soltt. Darab erschrack haymleich
Line: 533     Alexander vnd sprach: 'Lieber maister, wie werdt ir sterben?' Der maister
Line: 534     Nectanabus schwayg lanng. Alexander lag im an mitt flechenn vnd woltt in
Line: 535     des nichtt erlaßen. Der maister sprach also: 'Alexander, ich sag dier, daz mich
Line: 536     mein sun totten wierdet'. Da nun Alexander daz erhortt, er gedachtt in seinem
Line: 537     synnee: Wiee mag ich daz gewendten, vnd gedachtt: ich wil dich selber totten,
Line: 538     so dann dein warsagen dier geuältt hatt, so vältt auch daz, daz du mier gesagt
Line: 539     hast.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.