TITUS
Alexanderroman (Johann Hartlieb)
Part No. 23
Previous part

Chapter: 18  
Paragraph: 21  
Alexander tötet Nectanabus

Line: 540   Wie Allexander Nectanabum seinen vater ertot. In dem XXI


Line: 541     Also fuertt Alexander den maister auf ainen hochen spicz des gepirges vnd
Line: 542     sprach zu im: 'Maister, sag mier, was bedäwtt der stern?' Der maister luegt
Line: 543     mitt fleyss nach dem stern. Da stiess in Alexannder vber den pergk ab, daz er
Line: 544     halb totter da lag vnd hett sein genyck vnd hals tottleich zuuallen. Der maister
Line: 545     sprach mitt tottleicher stymb: 'O Alexander, wer hatt dier dißen ratt
Line: 546     geben, oder warumb hast du mich getoͮtt?' Alexander sprach zu Nectanabo:
Line: 547     'Du soltt deiner kchunst diee schulde gebenn, wann du doch nichtt ersterben
Line: 548     magst, dich tott dann dein sun. Nun ligst am rugkenn vnnd siechst vbersich.
Page: 113  Line: 549     Erfrag an dem gestieren, wie die sach geschechen sey'. Nectanabus antwuertt
Line: 550     Alexanndro vnd sprach: 'Alexannder, wiss, daz kain toͮttleich mensch wider
Line: 551     der gotter weyssagung gethuen mag, noch vor dem gehuetten, daz im die
Line: 552     gotter beschaffen haben'. Alexander sprach zu Nectanabo: 'Warumb redest du
Line: 553     also, oder was bedewtten deinew wortt?' Der maister Nectanabus sprach: 'Ich
Line: 554     hab vor czeitten in der kchunst astronomia wol funden vnd erkanntt, daz mich
Line: 555     mein aygenn sun totten soltt'. Des erschrack seer Alexander vnd sprach: 'Pin
Line: 556     ich dann der sun dein?' Der maister sprach: 'Ja, du pist mein sun' vnd veriach
Line: 557     im alle ding vnd sagtt im, wiee er ain kunig geweßen wär in egyptten vnd wie
Line: 558     er daraus durch fride seines volckes geflochen wär, wie er auch sein muetter in
Line: 559     aines gottes gestaltt mitt seinen zawberlisten beschlaffen hett. Vnd als er die
Line: 560     sach alle gesagtt, da verschyed er vnd gab auf seinen geyst.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.