TITUS
Alexanderroman (Johann Hartlieb)
Part No. 24
Previous part

Chapter: 18a  
Paragraph: 22  
Alexander bestattet Nectanabus

Line: 561   Wie Allexander seinen vater bestattet. XXII


Line: 562     Da nun Alexander vernam, daz er sein vatter was, den er getott hett, er wardt
Line: 563     von naturleicher lieb in sich geschlagen vnd vast rewig vnd name den totten
Line: 564     leibe auf seinen hals vnd trueg in in die statt. Alexander fuegett sich behenndt
Line: 565     zu seiner mueter vnd sagtt ir alles, was Nectanabus an seinen leczstenn czeitten
Line: 566     mitt im geredt hett. Die fraw Olimpiades die bekanntt die sach alle vnd sagtt
Line: 567     Alexandro in aller formee, als es ergangen was vnd patt Alexandrum, daz er ir
Line: 568     daz leben liess, seydt sy doch durch zawberlist also betrogenn was. Sy
Line: 569     sprach: 'Lieber sun Alexander, ich schwer dier by meinen gottern, daz ich nyee
Line: 570     vbel gethan hab, dann daz. Darumb lass es in still beleyben, seydt es nyemandt
Line: 571     wais, wann du vnd ich, vnd sich an die ere deiner muetter. Wann was hulff
Line: 572     mich aller werltt goldt, silber, gestain vnd gim, so ich mein ere verloren hett?
Line: 573     Du soltt auch wißenn, daz ich nymmermer mag froleich weßen. Ich wil mitt
Line: 574     ewigen peynen mich kchestigen, daz du sechest, daz ich kainen gelust dardurch
Line: 575     mein ere verloren habe'. Sy hueb an zu klagen vnd sprach: 'Ach Appollonn vnd
Line: 576     Pheton, wiee habt ir meiner ere gehuett, daz ich so gar von allen eeren geuallen
Line: 577     pin. Sag mier, Appollo, hab ich yee lust gehabtt zu fromden mannen, wann ich
Line: 578     wais wol, daz kunigcleicher kchroͮn nichtcz wyerßer anstett, dann ain eeprechendt
Page: 114  Line: 579     weyb. O wie hoch was Phylippus mein herre geczierett, da er ain statcz
Line: 580     weib hett. Nuntalang ist sein ere vnd lanndt durch mich geschwechet. Daz klag
Line: 581     ich hewtt vnd ewigcleich'. Mitt soleichen kchlagleichen wortten vertrayb die
Line: 582     kunigin Olimpiades ir czeitt piss zu ennde ires lebens. Alexander, ier sun,
Line: 583     schwuer ir bey dem gott Amon, daz er sy dester schnoder nichtt haltten woltt,
Line: 584     daz sy sych ir klag maßett vnd nyemandt dauon sagtt. Die fraw Olimpiades
Line: 585     sprach: 'Ich wil die sach verdagen, aber mein verlust der eren mag ich ewigcleich
Line: 586     nicht verklagen genueg'. Alexannder schyed von seiner muetter vnd thett
Line: 587     Nectanabo, seinem vatter, gar ain kostleich grab machen vnd bestatt in gar
Line: 588     lobleich zu der erde, als dann Nectanabo wol zam vnd auch Alexandro zuegehorett.
Line: 589     



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.