TITUS
Alexanderroman (Johann Hartlieb)
Part No. 26
Previous part

Chapter: 19a  
Paragraph: 24  
Alexander bezwingt Buczefall

Line: 600   Wie Allexander das roß Buczefall in der statt vmb rait. In dem XXIIII


Line: 601     Zu ainem tag gienng er allain an die statt, da daz vngestuem phardt verschlagen
Line: 602     vnd verschmidt lage. Do er sach, daz es so vast mitt eyßenn verschmidt was
Line: 603     vnd verschloßen, vnd da souil hennde vnd fues vnnerwesen vor im ligen, des
Line: 604     nam in gross wunder. Er stiess sein hanndt durch daz gaͤtther. Von stundt reckt
Line: 605     daz thyer seinen hals vnd leckchtt gar senfftigcleich die hanndt Alexandri.
Line: 606     Darnach pog es seine kchnyee vnd viel nyder auf die erde fuer Alexandrum.
Line: 607     Daz thyer reckchtt auf seinen hals vnd sach an gar liebleich Alexandrum. Da
Line: 608     Alexander nun verstuendt den willen vnd gepaͤrde des pfärdes, er fragtt vmb
Page: 115  Line: 609     die schlußel vnd die im lanng verczygen wuerden durch des willenn, daz im
Line: 610     daz thyer ichtt schadet. Er gewan die schlußel vnd spertt selb auf vnd grayff
Line: 611     mitt seiner rechtten hanndt dem thyer auf seinen rugcken. Von stundt wardt
Line: 612     daz phardt wol gestuem vnd gehorsam vnd liebett sich Alexandro, rechtt wie
Line: 613     ain hundt sich liebett seinem herren. Alexander stayg auf daz thyer vnd raytt
Line: 614     darauf vber gaßen, pläcz, höf vnd märcktt. Daz wardt paldt verkchundett
Line: 615     Phylippenn dem kunigk. Der sach es auch vnd sprach: 'O sun Alexander, nun
Line: 616     hab ich gesechen alle warsagung vnd verstee wol, daz du soltt kunigkch werden
Line: 617     in macedonia nach meinem tode'. Zu der czeitte was Alexander funffczechen
Line: 618     iar altt. Alexander sprach zu Phylippo dem kunigk: 'Vatter, sey es
Line: 619     zethuen vnd geualle deinen augen, so secz mich in ainen wagen und lass mich
Line: 620     vmbfueren, daz man sech, daz ich nach dier regieren vnd herschen sol'. Phylippus
Line: 621     sprach widerumb zu Alexandro: 'Sun der mein, es geuellt gar wol meinen
Line: 622     augen, es sol also geschechenn'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.