TITUS
Alexanderroman (Johann Hartlieb)
Part No. 27
Previous part

Chapter: 20  
Paragraph: 25  
Alexanders erste Heerfahrt gegen Nicolaus

Line: 623   Wie Allexander sein ersten hörfart tett. XXV


Line: 624     Darnach sprach aber Phylippus der kunig zu Alexandro: 'Lieber sun, ich wil
Line: 625     dier geben hundertt pfardt vnd czechenmal vierczigk tawßendt guldein schilling
Line: 626     pfennig. Damitt soltt du dich bestellen vnd in frewden leben vnd nach
Line: 627     deinem willenn faren'. Alexander beraytt sich zu krefftiger czeittleicher heerfartt
Line: 628     vnd liess mitt im fueren gar manigerlay zewg, als zu streytt gehoren vnd
Line: 629     beualch sein wildes ross ainem phylosophen, seinem guetten frewndt, gar wol
Line: 630     zu bewaren. Er fuer froleich auss mitt dem heere vnd kam in ain kunigkreich,
Line: 631     daz hyes pholonpos. Da woltt er streytten mitt Nicolao, der kunig was in dem
Line: 632     selbenn lanndt. Da in ansach Nicolaus der kunig, er sprach zu im: 'Sag mier,
Line: 633     wer pistu?' Er anttwuertt im gar beschaydenleich vnd sprach: 'Ich pin Alexander,
Line: 634     Phylippen sun'. Da sprach Nicolaus: 'Wer wänst du, der ich sey?' Alexander
Line: 635     sprach: 'Du pist Nicolaus, der kunigk des lanndes arriodoris vnd du soltt
Line: 636     dein hercz nichtt zu hoch erheben in hochfartt, darumb daz du kunigkleiche
Line: 637     kchron tregst, wann es geschiechtt gar paldt, daz der werltt hochfartt von
Line: 638     hochen wierden nyder zu tal vnd in diemuettigkaitt gesenckchtt vnd vallen
Line: 639     wierdt. Wann es ist ain gemain sprichwortt: Die gotter erheben die diemuettigen
Line: 640     vnd laßen zu grundt vallen die hochferttigen'. Nicolaus sprach: 'Alexander,
Line: 641     du redest rechtt, aber du erkennest dich selber nichtt. Wier wißen aber
Page: 116  Line: 642     wol, wer du pist, so du noch nyemandt anders von vns wais, dann daz alle
Line: 643     vnnser natur vnstraffleich ist. Doch so soltt du mier sagen, warumb du seyst in
Line: 644     dißew lanndt komen'. Alexander sprach zu Nicolao: 'Du mensch, du soltt von
Line: 645     mier geen, wann ich hab nichtcz wider dich, so hast du auch nichtcz wider
Line: 646     mich. Darumb schayd in lieb von mier'. Durich dißer wortt willen wardt vast
Line: 647     betruebtt Nicolaus der kunigkch desselben lanndes vnd viel in großen zoren
Line: 648     vnd sprach zu Alexandro: 'Du soltt wol mercken, in welchen erenn vnd grossem
Line: 649     ernst ich rede, wann ich schwer bey der behalttung meines vatters, auf
Line: 650     wen ich speyb vnd mein spaycheln wyerff, der muess voͮn mier sterben.' Mitt
Line: 651     den wortten speybtt er gegen Alexandro vnd sprach zu im: 'Nym hin dicz
Line: 652     gespayb, du iunger hundt vnd welffee, wann daz czimbtt dier wol vnd bedarfft
Line: 653     dich des nichtt schamen'. Alexander wardt ab den wortten nichtt zerrutt. In
Line: 654     lerett sein angeporen tugendt, daz er daz beschaydenleich veranttwuertt vnd
Line: 655     sprach zu Nicolao dem kunig: 'Nicolao, ich schwer dier pey meiner vatterleichen
Line: 656     gepuerdt vnd bey dem pawch, darinne mich mein muetter getragen hatt,
Line: 657     daz ich mitt dier streytten wil, dich vnd dein lanndt czwingen vmb soleich
Line: 658     hoͮchfartt vnd schmach, so du mier in deinem lanndt vnuerschultt erczaygtt
Line: 659     hast.' Also scheyden sy von einander vnd yeglicher beraytt sich zu streytt, so er
Line: 660     pest machtt. Nach klainen tagen kam der gesacztt tag, daran man streytten
Line: 661     soltt. Alexanders heere was in sorgen, wann ir was wenig vnd hetten vor nichtt
Line: 662     gestrytten. Aber Alexander gab in großenn trost vnd staltt sich so mandleichen,
Line: 663     daz sy alle von im hercz vnd muett empfiengen.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.