TITUS
Alexanderroman (Johann Hartlieb)
Part No. 30
Previous part

Chapter: 21a  
Paragraph: 28  
Alexander beendet die Hochzeit

Line: 702   Wie die hochczeit zertrent ward in grossem zorn. In dem XXVIII


Line: 703     In der selben stundt wuerden die hochczeitt vnd kchuerczweyl all czerstorett
Line: 704     vnd Phylippus begundt vor großem layde hartt syechen. Nach ettleichen tagen
Line: 705     gieng Alexander ein zu Phylippo vnd begertt in in grozzen trewen zu schawen,
Page: 118  Line: 706     wann wiewol Alexander west, daz Phylippus nichtt sein rechtter vatter was,
Line: 707     yedoch sach er an, daz er inn so kostleich vnd heerleich erczogen hett vnd hieltt
Line: 708     inn als fuer seinen vatter vnd was im in allen erberenn sachen so gehorsam, als
Line: 709     wär er sein rechtter vatter gewesen. Vnd darumb sprach er zu Phylippo: 'Wiewol
Line: 710     es nichtt czimleich ist, daz ich dich vatter hayss, darumb daz du mich mitt
Line: 711     dem schwertt wolttest geschlagen haben, yedoch so kchum ich zu dier zuklagen
Line: 712     dein kchranckaitt vnd dich zusechen als ain frewndt den anndern frewndt.
Line: 713     Wann du hast mich so czärttleich erczogen, daz ich dich haltten wil fuer
Line: 714     meinen allerliebstenn frewndt, wiewol du an mich vnuerdienntt czornig pist.
Line: 715     Ich pitt dich, daz du wol thuest der frawen dein, der du vbel gethan hast vnd
Line: 716     achtt nichtt, daz ich Lysiam erschlagenn hab, wann er hatt zwischen dier vnd
Line: 717     deinem gemachel, meiner muetter, yerrung gemachtt, vnd wer yerrung
Line: 718     machtt zwischen den gemacheln, der sol nicht fuerbas leben. Ich hab in darumb
Line: 719     geschlagen, daz es hinfuer kainer ander kainer mer thuee, wann hettest du in
Line: 720     deiner kchamer getrew fuersten, die deiner eren vnd lobes pflägen, sy ryetten
Line: 721     dier nichtt, dein weyb zu laßenn. Des geleichen wayst du, daz dier mein
Line: 722     muetter gehorsam ist, wann sy leydett nyemandt in irem palast, der kainerlay
Line: 723     vbel vnd poͮßer ratt von dier redt oder vnpilleichs an dir thatt. Ich hab Lysiam
Line: 724     geschlagen, den fuersten, der mein muetter gegen dier versagtt hatt. Ich wil
Line: 725     auch alle die schlachen, die yerrung zwischen dier vnd ir gemachtt haben vnd
Line: 726     ich hab daran rechtt gethan. Aber du hast gar vnrechtt gethan, daz du in czoren
Line: 727     vnbeschaydenleich wider mich aufgesprungen pist, mich mitt dem schwertt
Line: 728     zuschlachen'. Da dißen getrowen ratt hortt der kunig Phylipp, da begundt er
Line: 729     gar ynigcleichen waynen.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.