TITUS
Seifrit, Alexander (Strassburger Fassung)
Part No. 116
Previous part

Chapter: 243  
Alexander läßt sich in Persien zwei goldene Säulen errichten

Der chaiser dar nach hie czwo guldein seul machen und hies dar in graben wie er die lannd erstritten hiett.


Verse: 8095       Der chaiser dar nach dratt

Verse: 8096    seinen goltsmiden gepot
Verse: 8097    das sy in den ern sein

Verse: 8098    zwo schon sewll guldein
Verse: 8099    gussen von ratem gold,

Verse: 8100    der yeglichew haben schold
Verse: 8101    dreissig fuess nach der leng.

Verse: 8102    er hies sy machen nicht zu eng,
Verse: 8103    reichlich zu plikch,

Verse: 8104    vir fuess dikch.
Verse: 8105    all sein wunderlich tat,

Verse: 8106    die er ye beganngen hat,
Verse: 8107    wie im wer gelungen

Verse: 8108    do er die lanndt het betwungen,
Verse: 8109    das hies er besunderlich

Verse: 8110    an der sewl yeglich
Verse: 8111    graben und schreiben.

Verse: 8112    die ain hies er beleiben
Verse: 8113    zu Babilon in der stat,

Verse: 8114    die ander er im seczen pat
Verse: 8115    in dem land zu Persia,

Verse: 8116    das man vernem auch allda
Verse: 8117    nach seinem tad seiner mẽr,

Verse: 8118    wie gewaltig er gewesen wer.



Next part


This text is part of the TITUS edition of Seifrit, Alexander (Strassburger Fassung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.