Verse: 1 Got vater, herr Jesu Christ,
Verse: 2 wenn dein gnad unczergenkchleich ist
Verse: 3 und dein gruntlose mynn,
Verse: 4 nu verleich mir, herr, die synn
Verse: 5 das ich guetten leutten
Verse: 6 ein red mug bedeutten
Verse: 7 und zu dankch tuen bekant
Verse: 8 die ich ze latein geschriben vant
Verse: 9 in dem puech Kronica.
Verse: 10 Ewsebius schreibt sy da,
Verse: 11 der weis und auch der heilig man.
Verse: 12 der hab ich mich genomen an
Verse: 13 in deutschew wart zu tichten
Verse: 14 und zu reym richten:
Verse: 15 wie der mylt und der here
Verse: 16 chunig Allexander
Verse: 17 mit seiner mechtigen tat
Verse: 18 alle die welt betwungen hat,
Verse: 19 wie er es an gevie
Verse: 20 und wie es im ze jungist gie,
Verse: 21 als es sag sein hystorie.
Verse: 22 die wunder gross und die glorle
Verse: 23 die er hye in churczen jarn
Verse: 24 hat begangen und ervarn,
Verse: 25 des mach ich mynner noch mer
Verse: 26 als ain getrewer ausleger
Verse: 27 wenn als dort geschriben stat
Verse: 28 und es die heilig kirchen hat
Verse: 29 vervangen pey einer warhait
Verse: 30 und die wibel von im sait.
Verse: 31 man sol es nit haben fur ain mer,
Verse: 32 wann ich es hie mit bewẽr.
Verse: 33 wer es wil und chan es suchen
Verse: 34 in alten und in newen puechen,
Verse: 35 do latein und ebraisch,
Verse: 36 chriechisch und haidnisch
Verse: 37 do die ystorie sind geschriben
Verse: 38 und sindt unczt her beliben.
Verse: 39 die tragen geleich all gemain
Verse: 40 an diser red uber ain
Verse: 41 das es alles sey geschechen.
Verse: 42 des hor auch wir die maister jehen
Verse: 43 die dy pesten sind gewesen,
Verse: 44 der puecher wir noch heut lesen,
Verse: 45 Aristotiles und Virgilius,
Verse: 46 Seneca und Boecius,
Verse: 47 Augustinus und Ambrosius,
Verse: 48 Josepus und Ewsebius
Verse: 49 und ander hocher maister vil,
Verse: 50 der ich aller nicht nennen will.
Verse: 51 ich wil auch mit spruchen spechen
Verse: 52 mein red alhie nit verwechen,
Verse: 53 ich will nichts darczue legen,
Verse: 54 nuer ains slechten tichtens phlegen.
Verse: 55 hie mit wil ich die var redt lan
Verse: 56 und das puech heben an.
Verse: 57 Da die welt gestanden was
Verse: 58 von Adam her (gelaubt das!)
Verse: 59 volliklich wol tausent jar
Verse: 60 und newnthalbhunder furwar
Verse: 61 und es der czeit nechen sollt
Verse: 62 das Got mensch werden wolt,
Verse: 63 davor doch virdthalbhundert jar
Verse: 64 (das ich euch sag, das ist war)
Verse: 65 do was die welt allgemain
Verse: 66 so gar poͤs und unrain
Verse: 67 das sy Gottes erkantten nicht
Verse: 68 und hetten mit possen sunden phlicht,
Verse: 69 mit keczerey und mit hochvart,
Verse: 70 wann Got nye vermeret wart.
Verse: 71 dar umb wolt er in nicht vertragen,
Verse: 72 er wol sew zuchtigen und phlagen
Verse: 73 und sandt in ain chestiger,
Verse: 74 ain unparmherczigen richter,
Verse: 75 der ir hochvart manigvalt
Verse: 76 nider trukcht mit gewalt.
Verse: 77 die sich selber nanten got,
Verse: 78 aus den so traib er seinen spot
Verse: 79 Alexander der wer
Verse: 80 der obrist Gottes richter.
Verse: 81 Ain kunigreich ist genant
Verse: 82 vor alten zeitten Egipptenlant,
Verse: 83 das ist aines der hersten
Verse: 84 gewesen und auch der ersten.
Verse: 85 ain kunig haist Nectanabus
Verse: 86 (das puech nennet in alsus),
Verse: 87 der trueg darin die chran
Verse: 88 gewaltiklich und schan.
Verse: 89 er was also kunstreich
Verse: 90 das man an weisheit sein geleich
Verse: 91 in al der welt nyndert vant.
Verse: 92 die suben kunst warn im bekant,
Verse: 93 er chund die chunst astronomey
Verse: 94 und auch die chunst nygramanczey:
Verse: 95 in den swarczen puechern
Verse: 96 chundt er mit loss versuechen
Verse: 97 und an dem gestyerm sehen
Verse: 98 was in der welt solt geschehen.
Verse: 99 Ains tag cham es also
Verse: 100 das in ain ritter macht unfro.
Verse: 101 der sagt im und warmbt in des
Verse: 102 das der chaiser Artaxerses,
Verse: 103 der gross chunig von Persia,
Verse: 104 mit gewalt chem alda
Verse: 105 mit ainem mochtigen her
Verse: 106 und mit chieln auff dem mer.
Verse: 107 er jach, er wolt das landt betwingen
Verse: 108 und in sein gewalt pringen,
Verse: 109 und sprach das er sich danach richt:
Verse: 110 sein wer wer gegen im enwicht.
Verse: 111 Der kunig anttwurt dem ritter do:
Verse: 112 'reit und phlig der huet also
Verse: 113 als ich dir enpholichen han.
Verse: 114 du redest nit als ain pider man
Verse: 115 sunder als ein vorichtiger zag.
Verse: 116 merkch recht was ich dir sag:
Verse: 117 der sig leit an der menig nit,
Verse: 118 er hat mit der mannhait phlicht;
Verse: 119 wenn dikch ein leb unverczagt
Verse: 120 ein gancz her hierssen jagt.'
Verse: 121 der chunig gepart gegen dem mẽr
Verse: 122 als im nichts dar umb wẽr,
Verse: 123 und hueb sich von dannen
Verse: 124 taugenlich von seinen mannen
Verse: 125 in sein haymlich chemnatten.
Verse: 126 ein erdein pekch er im pringen pat,
Verse: 127 regen wasser er darin gas,
Verse: 128 dar umb so warff er seinew lass.
Verse: 129 er sprach mit seinem mundt
Verse: 130 solichew wart die er wol chundt.
Verse: 131 die tivel er vast beswuer,
Verse: 132 unczt das er genczlich erfuer
Verse: 133 und auch das mit loss ervant
Verse: 134 das er muest raumen das landt
Verse: 135 ob er wolt lembtig wesen:
Verse: 136 er mocht anders nicht genesen.
Verse: 137 er czach ab sein kuniklich wat
Verse: 138 und verstalt sich auf der stat.
Verse: 139 er schar ab har und part,
Verse: 140 das er unkuniklich wart.
Verse: 141 er nam czu im von golde
Verse: 142 und von gestain was er wolde,
Verse: 143 er nam auch mit im da
Verse: 144 sumlich instrumenta,
Verse: 145 der er nicht enpern macht
Verse: 146 und im zu seiner chunst tocht.
Verse: 147 damit fuer er von dannen
Verse: 148 allain von all sein mannen
Verse: 149 und verhal also sein vart
Verse: 150 das ir nyemant inne wart,
Verse: 151 unczt das er gegen Chriechen cham.
Verse: 152 war sagen er sich an nam.
Chapter: 3
Nectanabus wird von den Ägyptern gesucht
Verse: 153 schir dar nach wardt bekannt
Verse: 154 dem volkch in Egyppten landt
Verse: 155 und erfuern das mer
Verse: 156 das der kunig verlorn wer.
Verse: 157 ir abgot der hies Seraphin,
Verse: 158 da zogten sy gemainklich hin.
Verse: 159 ir oppher prachten sy im dar
Verse: 160 und paten in stil und offenbar
Verse: 161 das er in saget das mer
Verse: 162 wo ir herr hin komen wer.
Verse: 163 Der abgot anttwurt in alda
Verse: 164 und sprach 'der kunig von Persia,
Verse: 165 der Artaxerses ist genant,
Verse: 166 der betwingt dicz landt
Verse: 167 gewaltiklich mit heres chraft
Verse: 168 und macht euch im zinshaft.
Verse: 169 das mag im nieman erwern.
Verse: 170 Nectanabus der wolt sich ernern,
Verse: 171 do er es mit dem los ervant,
Verse: 172 und ist entrunnen von dem lanndt,
Verse: 173 der edl und der her:
Verse: 174 ir gesecht in nymmer mer.
Verse: 175 aber noch ettleichen jarn
Verse: 176 so chumbt ain junglinkch gefarn
Verse: 177 von fromden landen verr,
Verse: 178 der ist ewr erb und wirt ewr herr.
Verse: 179 der ledigt euch mit seiner chraft
Verse: 180 van dienst und van aygenschaft.
Verse: 181 an ewrn veintten er euch richt
Verse: 182 und ewr herschaft hie zupricht,
Verse: 183 ir puͤrg, ir stet legt er zu der erden,
Verse: 184 unczt sy im undertenig werden.'
Verse: 185 do das volkch vernam das
Verse: 186 das ir herr enttrunnen was,
Verse: 187 ir chlag die was manigvalt.
Verse: 188 sy machten do nach seiner gestalt
Verse: 189 ain seull von swarczem mermelstain,
Verse: 190 hach und gepoliret rain,
Verse: 191 zu lob und auch zu ern
Verse: 192 und zu gedechtnuͤs irm herrn,
Verse: 193 und liessen zu den fuessen graben
Verse: 194 mit guldein puechstaben
Verse: 195 die red die ir abgot Seraphin
Verse: 196 von im het geweissagt in.
Verse: 197 das volkch die sewl geseczet hat
Verse: 198 mitten in ir hawbstat.
Verse: 199 Lass wir die red beleiben so
Verse: 200 und sagen wie es Nectanabo
Verse: 201 do zu Chriechen ergie,
Verse: 202 wie er sein dinkch an gevie.
Verse: 203 er legt an sich weis seydein wat,
Verse: 204 fur ainen weissagen man in hat.
Verse: 205 er begundt den leutten
Verse: 206 auslegen und bedeutten
Verse: 207 die trewm und was in scholt geschechen:
Verse: 208 des lies er sy die warhait sechen.
Verse: 209 er was do lang unerkant.
Verse: 210 die leut uber all das lanndt
Verse: 211 begunden zu im gachen,
Verse: 212 do sy sein weyshait sachen,
Verse: 213 und namen von ym rat und ler
Verse: 214 und erputten im michel er,
Verse: 215 wann sy in all hetten
Verse: 216 fur ain Gottes prophetten.
Verse: 217 Zu Chriechen pey den zeitten was
Verse: 218 ein edel kunig (gelaubt das!),
Verse: 219 der was Philippus genant,
Verse: 220 sein nam was weytten erkant.
Verse: 221 er was zu den zeitten
Verse: 222 in ein ander landt durich streytten
Verse: 223 mit grosser heres chraft gezogt
Verse: 224 gegen ainen kunig der gegen im progt.
Verse: 225 wie der kunig sey genant,
Verse: 226 das tuet dye kronikchen nicht erkantt.
Verse: 227 chunig Philip het ein schons weib,
Verse: 228 die was im lieb als der leib,
Verse: 229 die auch zu Chriechen chunigin was
Verse: 230 und was genant Olymppias;
Verse: 231 man vandt in allen den kunig reichen
Verse: 232 an schon nit irn geleichen.
Verse: 233 do das derfuer Nectanabas
Verse: 234 das der kunig nicht was zu haus
Verse: 235 und die fraw so schon was,
Verse: 236 er gieng auff den palas
Verse: 237 und wolt gern schawen
Verse: 238 die mynnikleichen frawen.
Verse: 239 zu hant do er die frawen erplikcht,
Verse: 240 sein hercz und sein muet erschrikcht
Verse: 241 und darczu al sein synn
Verse: 242 stuend auf der frawen mynn.
Verse: 243 er hielt sein handt fur sich
Verse: 244 und sprach: 'kunigin, Got gruess dich!'
Verse: 245 vor uber muet er es lies
Verse: 246 das er sey nit fraw hies:
Verse: 247 das tet er umb das
Verse: 248 wenn er auch ain kunig was.
Verse: 249 die kunigin dankcht im an der frist
Verse: 250 und jach: 'ob du ain maister pist,
Verse: 251 so sicz her pey mich,
Verse: 252 wenn ich wolt ettwas fragen dich.'
Verse: 253 sy sprach: 'maister, sag mir sus:
Verse: 254 pistu ein Egypcius?'
Verse: 255 er sprach: 'ich han von dir gebort,
Verse: 256 chunigin, ein kuniklich wort,
Verse: 257 das du Egypptum nenst.
Verse: 258 ob du die leut nicht erkenst,
Verse: 259 die sind so gar synnreich:
Verse: 260 man vindt nynndert irn geleich.
Verse: 261 sy kunnen den leutten
Verse: 262 die trewmb wol bedeutten,
Verse: 263 sy wissen taugen und gedankchen
Verse: 264 und verstent aller voglein gesankch,
Verse: 265 sy chunnen an dem gestyerm sehen
Verse: 266 was den leutten schol geschechen,
Verse: 267 wenn sy auf der erden
Verse: 268 erst geporn werdent.
Verse: 269 alles das ich hann genant,
Verse: 270 das ist mir, kunigin, wol bekannt'.
Verse: 271 Do er das alles gesprach,
Verse: 272 die frawen er mynniklich an sach
Verse: 273 mit schelklichen augen.
Verse: 274 die chunigin fragt in taugen:
Verse: 275 'maister, wes habt ir gedacht,
Verse: 276 do ir mich also an sacht?'
Verse: 277 er sagt ir ein mer:
Verse: 278 wie es im geweissagt wer
Verse: 279 das er pey ir siczen scholt
Verse: 280 und mit ir reden was er wolt.
Verse: 281 sy sprach: 'chanstu mir gesagen
Verse: 282 ains dings wil ich dich fragen,
Verse: 283 so wil ich gelauben dir
Verse: 284 was du furbas sagest mir.
Verse: 285 sag mir wenn der schanden frey
Verse: 286 chunig Philipp geporn sey,
Verse: 287 lass mich horn die stundt,
Verse: 288 die jar, die teg aus deinem mundt!'
Verse: 289 er zach aus dem puesem sein
Verse: 290 ain helffenpainen teschlein.
Verse: 291 do was ainhalb an geschriben
Verse: 292 mit golt die planetten suben,
Verse: 293 ynderthalb stuendt dar an
Verse: 294 gegraben sunn und der man
Verse: 295 und auch die zweleff zaichen
Verse: 296 die dy sunn mues erraichen.
Verse: 297 in der chunst von dem gestyerm
Verse: 298 begund er ratten und studiern
Verse: 299 unlang unczt er es gar ervant.
Verse: 300 die kunigin beschied er zu handt
Verse: 301 und velt nicht praittes ain hars
Verse: 302 der stundt, des tags, des jars
Verse: 303 dar an der kunig wardt geporn.
Verse: 304 er sprach: 'kunigin aus erkorn,
Verse: 305 wes du furbas fragest mich,
Verse: 306 des wil ich also berichten dich.'
Verse: 307 Dye kunigin edl und reich
Verse: 308 fragt in gar geczogenlich:
Verse: 309 'maister, du scholt mir verjechen
Verse: 310 was zwischen mir schol geschechen
Verse: 311 und dem kunig Philippo.
Verse: 312 die leut redent also
Verse: 313 und gechen algemain,
Verse: 314 wenn der chunig chom her haym,
Verse: 315 so well er nemen und gewingen
Verse: 316 fur mich ain andre kunigynne.'
Verse: 317 der maister sprach: 'sy sind betrogen;
Verse: 318 die dir es sagent, die habent gelogen.
Verse: 319 es ist war das es geschicht,
Verse: 320 aber in dissen zeitten nicht.
Verse: 321 uber ettlich jar
Verse: 322 versmecht er dich, das ist war.
Verse: 323 er tor dich aber gelassen nicht,
Verse: 324 wenn ein got gewingt mit dir phlicht,
Verse: 325 der wirt dein mynne gesell.
Verse: 326 der chunig, er well oder enwell,
Verse: 327 er mues dich behalten
Verse: 328 und mues mit dir alten.'
Verse: 329 sy sprach: 'und ist es nit dein spot,
Verse: 330 so say mir recht: wer ist der got
Verse: 331 der mich schol beslaffen,
Verse: 332 und wie ist er geschaffen?'
Verse: 333 'er ist weder ze junkch noch ze alt,
Verse: 334 er ist zu mitter weis gestalt.
Verse: 335 er hat an dem haup vorn
Verse: 336 als ein wider chrumppe horn
Verse: 337 und haist der got Amon.
Verse: 338 er erscheinet dir gar schon
Verse: 339 in dem trawmb noch heint.
Verse: 340 er ist dir nicht veint,
Verse: 341 des scholtu im alczeit
Verse: 342 tag und nacht sein berait.'
Verse: 343 Nectanabus urlaub pat
Verse: 344 die frawen und gieng ann ein stat
Verse: 345 auf das gevild, da er vand
Verse: 346 wurczen und chreutter alczuhandt,
Verse: 347 der er bedarft czu der sachen
Verse: 348 die er mit zawber wolt machen.
Verse: 349 die geist er pienn zu maniger stund
Verse: 350 und czaubert, als er wol chundt.
Verse: 351 do es nacht warden was,
Verse: 352 Nectanabus hat gemaistert das
Verse: 353 das sy in dem trawm sech
Verse: 354 wie Amon der got wech
Verse: 355 pey ir an dem pet leg
Verse: 356 und der mynne mit ir phleg
Verse: 357 und sprach zu ir also:
Verse: 358 'fraw, du solt wesen fro:
Verse: 359 du trest den der dich schol bewarn
Verse: 360 und behuetten in dein jarn.'
Verse: 361 mit dem er von ir verswandt.
Verse: 362 die fraw erwacht zu handt.
Verse: 363 die chunigin ward unmassen fro,
Verse: 364 nach dem maister sandt sy do.
Verse: 365 die chunigin sagt im offenwar
Verse: 366 wie ir des nachts geschechen wer,
Verse: 367 wie sy den got het gesechen
Verse: 368 und wes er ir het verjechen.
Verse: 369 der maister anttwurt ir do:
Verse: 370 'ich wais es wol, im ist also:
Verse: 371 es ist dir inn dem trawm geschechen.
Verse: 372 wildu des die warhait sechen,
Verse: 373 so hais mir machen ain pettlein
Verse: 374 fuͤr die chemnatten dein!'
Verse: 375 die fraw schuͤrff im guetten gemach,
Verse: 376 in irm palas das geschach.
Verse: 377 der maister sagt der frawen do:
Verse: 378 'du wirst in heint sechen so
Verse: 379 als ain trakchen wildt.
Verse: 380 dar nach in aines mannes pild
Verse: 381 verwandelt er sich schir
Verse: 382 und wirt wispeln vor dir.
Verse: 383 er wirt sich an dein pett legen
Verse: 384 und wirt der mynn mit dir phlegen.'
Verse: 385 Do es also cham
Verse: 386 das der tag ain end nam
Verse: 387 und die nacht an trat,
Verse: 388 nach der ersten hanchratt
Verse: 389 Nectanabus der weis man
Verse: 390 graiff sein zawbernuss an.
Verse: 391 zu ainem trakchen macht er sich,
Verse: 392 er wispelt und tet ayslich,
Verse: 393 ainer chuerczweil er began
Verse: 394 und wart wider zu ainem man.
Verse: 395 der frawen er zuchtiklichen naigt
Verse: 396 und zu ir an das pet staig.
Verse: 397 er halst sey und chusts,
Verse: 398 als offt in gelust.
Verse: 399 der mynn er mit ir phlag
Verse: 400 die lang nacht unczt an den tag.
Verse: 401 mynniklich er mit ir spilt,
Verse: 402 unczt das er ir ein kind geczilt.
Verse: 403 do er das an ir enphandt,
Verse: 404 auf irn pauch legt er sein handt
Verse: 405 und sprach: 'das kind wirt sighaft.
Verse: 406 das schol von menschlicher chrafft
Verse: 407 nymmer uber wunden werden,
Verse: 408 die weil es lebt auf der erden.'
Verse: 409 do die nacht zergangen was,
Verse: 410 sich hueb auf das palas
Verse: 411 Nectanabus der greis
Verse: 412 taugenlich und weis.
Verse: 413 die fraw lag aber lenger,
Verse: 414 wenn sy was warden swanger.
Verse: 415 die chunigin edel und hochgeporn
Verse: 416 hiet des tausent aydt gesworn
Verse: 417 das sey beslaffen hiet ain gatt,
Verse: 418 unczt an Nectanabo todt:
Verse: 419 der sagt ee Allexandro,
Verse: 420 do verstund sy sich erst do.
Verse: 421 Do der kunigin wol getan
Verse: 422 der leib grossen began,
Verse: 423 ir was laid und antt.
Verse: 424 nach Nectanabo sy sand,
Verse: 425 sy sprach: 'du solt mir ervarn
Verse: 426 wie ich umb dissew sach schol geparn,
Verse: 427 chunig Philipp der pider
Verse: 428 wann der zu lanndt chumbt wider.'
Verse: 429 er sprach: 'fraw, umb die geschicht
Verse: 430 durft ir euch furchten nicht.
Verse: 431 Amon der got bewart dich
Verse: 432 zu allen zeitten und auch ich.'
Chapter: 8
Nectanabus täuscht Philipp
Verse: 433 Nectanabus von danne gie,
Verse: 434 sein maisterschaft er scheinen lie:
Verse: 435 er schurff das chunig Philipp sach
Verse: 436 (in ainem trawmb das geschach)
Verse: 437 wie der got Amon
Verse: 438 des selben nachtes schon
Verse: 439 pey seinem weib leg
Verse: 440 und hubscher mynn mit ir phleg,
Verse: 441 und do er das getet,
Verse: 442 ir haimlich stat an der stet
Verse: 443 versigelt mit seinem vingerlein
Verse: 444 (do stuendt ein edel stain ein
Verse: 445 verwaricht und new gegraben
Verse: 446 und mit goldt wol erhaben
Verse: 447 der sunne wagen und ains leben
Verse: 448 haubt und ain swert da neben),
Verse: 449 und sprach: 'weib, pis an swer,
Verse: 450 du traist den beschirimer.'
Verse: 451 Do der kunig erwacht,
Verse: 452 den trawm er wol betracht.
Verse: 453 er hies sein leut nach den pesten
Verse: 454 maistern senden die sy westen,
Verse: 455 die zu den selben stunden
Verse: 456 die trawm aus legen chunden.
Verse: 457 ain sternsecher dar becham.
Verse: 458 do er den trawm recht vernam,
Verse: 459 er sprach: 'dein weib ein chind gepiert,
Verse: 460 das nach dir die chran tragen wirt.
Verse: 461 fur war, das gelaub mir,
Verse: 462 den hat ain got gemachet ir.
Verse: 463 der sunne wagen und daz swert
Verse: 464 bedeut das er betwingen wirt
Verse: 465 als ein leb gewaltiklich
Verse: 466 mit seinem swert alle reich
Verse: 467 gar von orient
Verse: 468 unczt das die sunn went.'
Verse: 469 nu was es in den zeitten
Verse: 470 das der chunig scholt streytten
Verse: 471 mit den veintten seinen.
Verse: 472 Nectanabus lies erscheinen
Verse: 473 aber seiner chunst macht.
Verse: 474 er schurff, do der chunig vacht,
Verse: 475 das er sach ainen trakchen
Verse: 476 vor im vechten und hakchen,
Verse: 477 der die veint von im verjagt
Verse: 478 und tet sy siglos und verczagt.
Verse: 479 Do der kunig den sig gewan,
Verse: 480 do fuer er als ain weis man
Verse: 481 und hueb sich von dannen
Verse: 482 zu lant mit seinen mannen.
Verse: 483 do der chunig Philippus
Verse: 484 cham zu Chriechen in sein haus,
Verse: 485 die chunigin im engegen gie;
Verse: 486 frolich sy in enphie.
Verse: 487 er dankcht ir und drukchts an sich
Verse: 488 und sprach: 'fraw, nit furcht dich!
Verse: 489 du solt freylichen frolich geparn,
Verse: 490 wenn du hast nit missevarn.
Verse: 491 alles das dir ist geschechen,
Verse: 492 das hab ich in dem trawm gesechen.'
Verse: 493 Aines tags der kunig as
Verse: 494 frolich auf seinem palas
Verse: 495 und mit im die kunigin
Verse: 496 und auch die pesten maister sein.
Verse: 497 Nectanabus der macht sich
Verse: 498 zu ainem trakchen aislich
Verse: 499 und gieng wispeln in dem sall
Verse: 500 hin und her uber all.
Verse: 501 die hern die do sassen
Verse: 502 und vor dem kunig assen,
Verse: 503 swigen all und erschrakchten
Verse: 504 und vorchten ser den trakchen,
Verse: 505 der czu der frawen gie.
Verse: 506 sein haubt er in ir schoss lie
Verse: 507 und chust sey an irn mundt
Verse: 508 und verswandt an der stund.
Verse: 509 der chunig zu den hern sprach:
Verse: 510 'wist das ich bey mir sach
Verse: 511 disen trakchen in den zeitten
Verse: 512 do wir vechten scholten und streitten.
Verse: 513 die veint er von uns slueg und jagt
Verse: 514 und macht sew siglos und verzagt.'
Verse: 515 Chuerczlich alain auf seinem palas sas,
Verse: 516 da er nuer allain was,
Verse: 517 do cham ain chlaines vogellein
Verse: 518 geflogen zu dem venster ein
Verse: 519 und legt im auf die schass ain ay,
Verse: 520 das viel nyder und enprast enczway.
Verse: 521 do das ay was zeprochen,
Verse: 522 do cham aus der schal gechrochen
Verse: 523 ain chlaines lindwurmelein;
Verse: 524 ein chran was auf dem haubt sein.
Verse: 525 das trẽkchlein chrach auf dem sall
Verse: 526 ainst umb und umb die schall;
Verse: 527 und do es wol wider ein
Verse: 528 in die schal gechrochen sein,
Verse: 529 an ain egkch es sich sties,
Verse: 530 sein haubt es seygen lies
Verse: 531 und vil nider und was todt.
Verse: 532 der kunig hies besenden drat
Verse: 533 sein pest maister all,
Verse: 534 und sy chamen in den sall.
Verse: 535 das zebrochen ay zaigt er in
Verse: 536 und das chlain lintwurmelein.
Verse: 537 er begund in sagen das
Verse: 538 wie es also geschechen was.
Verse: 539 die maister zu der selbing stundt
Verse: 540 jachen aus gemainem mundt:
Verse: 541 'ain sun dir geporn wirt,
Verse: 542 der alle dew welt durich vert
Verse: 543 und betwingt mit gewalt;
Verse: 544 er wirt aber nit alt.
Verse: 545 wenn er mit seiner chraft
Verse: 546 macht allew reich diensthaft,
Verse: 547 so er wil haim zu land varn
Verse: 548 und stirbt in seinen jungen jarn.'
Verse: 549 nu was auch die zeit chomen,
Verse: 550 als ir var habt vernomen,
Verse: 551 das die chuniginne
Verse: 552 ein chind scholt gewinnen.
Verse: 553 Die edel fraw Olimpias
Verse: 554 aines schon suͤns genas.
Verse: 555 do das chind zu erden cham,
Verse: 556 grossew wunder man vernam.
Verse: 557 do ward ein erdpidm gros,
Verse: 558 das fewr aus den lufften schas,
Verse: 559 von dorrslegen und von plikchen
Verse: 560 macht man oft und dikch erschrikchen,
Verse: 561 groß sturm windt wetten,
Verse: 562 sne und stain nider schretten,
Verse: 563 der tag ward vinster als dew nacht;
Verse: 564 nymant solich mer gedacht.
Verse: 565 do das der chunigk Philipp ersach,
Verse: 566 er gieng zu der frawen und sprach:
Verse: 567 'edlew chuniginne,
Verse: 568 ich het gedacht in meinem synne,
Verse: 569 ich wolt nicht lan das kindlein
Verse: 570 ziechen, wenn es ist nit mein.
Verse: 571 nu ich die wunder han gesechen
Verse: 572 die zu der purd sind geschechen,
Verse: 573 die ellement sich habent verchert,
Verse: 574 des prueff ich woll das es wart
Verse: 575 geczilt von ainem got.
Verse: 576 ich wil es ziechen ane spot
Verse: 577 in meinem namen furbas.'
Verse: 578 des frewt sich Olimpias.
Verse: 579 er hies ziechen schon den degen
Verse: 580 und hies sein erlich phlegen
Verse: 581 aine und die ander
Verse: 582 und nandt das kind Alexander.
Verse: 583 des chindes phlag man schon.
Verse: 584 es was aber sein person
Verse: 585 dem vater noch der mueter geleich;
Verse: 586 es was geschaffen wunderlich.
Verse: 587 im was stumpphat das har
Verse: 588 und ainem leben geleich gevar.
Verse: 589 die augen im glissen als ain glas;
Verse: 590 das ain dem andern ungeleich was:
Verse: 591 das ain was swarcz, das ander val,
Verse: 592 das ain stuend hoch, das ander zu tall.
Verse: 593 die zend in dem mundt vorn
Verse: 594 im lang und gar spiczig warn.
Verse: 595 fraisleich was all sein geper,
Verse: 596 recht als er ein leb wer.
Verse: 597 das chind zach man gar zart,
Verse: 598 unczt das es sechs jar alt wart.
Verse: 599 do wolt der kunig nicht enpern
Verse: 600 man muest es die puech lern.
Verse: 601 der jung herr gar gelernig was:
Verse: 602 alles das man vor im loss,
Verse: 603 das chund er pas alczu handt
Verse: 604 denn dye andern alsandt.
Verse: 605 Der chnab wart gar synn reich:
Verse: 606 czucht und er nam er an sich
Verse: 607 und ander tugent manigvalt.
Verse: 608 do er wart zweliff jar alt,
Verse: 609 do wolt er nicht enpern
Verse: 610 er wolt ritterschaft lern.
Verse: 611 man lernet in justiern,
Verse: 612 stechen und turnyern
Verse: 613 und vechten mit dem swert;
Verse: 614 schirmen man in auch lert,
Verse: 615 unczt er es alles chundt.
Verse: 616 man vand in zu aller stund
Verse: 617 frolich und unervorcht,
Verse: 618 mẽndlich ding er albeg worcht.
Chapter: 18
Alexander tötet Nectanabus
Verse: 619 do das chunig Philipp ersach,
Verse: 620 er frewt sich ser und sprach:
Verse: 621 'Allexander, sun gemait,
Verse: 622 ich frew mich deiner behendikait
Verse: 623 und umb dein spechen synn.
Verse: 624 ydoch umb ains ich truebig pin:
Verse: 625 das dein figur und die mein
Verse: 626 an nichtew nit geleich sein.'
Verse: 627 die chunigin Olimpias
Verse: 628 het wol gehort das.
Verse: 629 sy erschrakcht und was unfro
Verse: 630 und sand nach Nectanabo.
Verse: 631 do in die fraw chomen sach,
Verse: 632 zuchtiklich sy zu im sprach:
Verse: 633 'maister, ir schalt ervarn schir
Verse: 634 wie gemuett sey gegen mir
Verse: 635 mein herr, chunig Philippus.
Verse: 636 er sprach zu seinem sun alsus:'
Verse: 637 sy sagt im an der selben stat
Verse: 638 als der chunig gesprochen hat.
Verse: 639 Nectanabus, der weis man,
Verse: 640 sein chunst er schawen began;
Verse: 641 er sprach: 'chunigin reich,
Verse: 642 wiss das sicherlich:
Verse: 643 des chuniges muet stet gegen dir
Verse: 644 fur war recht, das glaub mir.
Verse: 645 aber zu der stundt
Verse: 646 ein stern pey der suͤnn stuͤndt;
Verse: 647 das merkch recht und vernym:
Verse: 648 der stern laidet dich im.'
Verse: 649 Alexander stuendt und hort
Verse: 650 disew red und die selben wart.
Verse: 651 er sprach: 'maister, sagt an mer
Verse: 652 ob der stern an dem himel ste.'
Verse: 653 Neetanabus anttwurt im do
Verse: 654 und sprach: 'sun, im ist also.'
Verse: 655 er sprach: 'chanstu mir den stern
Verse: 656 zaigen, den sech ich gern.'
Verse: 657 der maister sprach: 'so ge mit mir!
Verse: 658 hinez nacht so czaig ich in dir.'
Verse: 659 Allexander nicht west das
Verse: 660 Nectanabus sein vater was;
Verse: 661 der maister west es aber wol,
Verse: 662 als ain weiser man schol.
Verse: 663 der jung herr sprach aber do
Verse: 664 Nectanabo dem maister zue:
Verse: 665 'waistu was dir schol geschechen? -
Verse: 666 'ja ich wais, ich will dir es verjechen.'
Verse: 667 des antwurt im der jungling:
Verse: 668 das sind zuchtickleiche ding
Verse: 669 und das ich geren chunen wolt.
Verse: 670 wegstu wie du sterben scholt?'
Verse: 671 der meister sprach: 'ich weyß es wol,
Verse: 672 von meinem sun ich sterben schol,
Verse: 673 der von mir geporn ist;
Verse: 674 ich wais aber nicht die frist.'
Verse: 675 der jung herr gedacht wie er in betruͤg
Verse: 676 und in seczet an dew lug.
Verse: 677 do es nacht warden was,
Verse: 678 sy giengen ab dem palas,
Verse: 679 Nectanabus und der herr,
Verse: 680 fuer die stat und nit verr.
Verse: 681 sy gienngen auf den purgraben,
Verse: 682 der was weit und tieff gegraben.
Verse: 683 der maister zaigt im zwen stern,
Verse: 684 dew sach Allexander gern.
Verse: 685 den ain nant er Venus,
Verse: 686 den andern Mercurius;
Verse: 687 der ain walt der mynn,
Verse: 688 der ander der gewynn.
Verse: 689 Nectanabus zaigt im das;
Verse: 690 Alexander trat hin nacher pas,
Verse: 691 in den graben er in warff,
Verse: 692 der was tieff und die stain scharff.
Verse: 693 er viel das er nachent zebrast.
Verse: 694 Alexander zu im sprach:
Verse: 695 'du alter narr, lig alda!
Verse: 696 du must sterben allso,
Verse: 697 wie du sagest, dir scholt tun
Verse: 698 deinen tadt dein aigen sun.
Verse: 699 die maisterschaft hat dich betrogen
Verse: 700 und dein kunst hat dir gelogen.'
Verse: 701 der maister sprach: 'es was mir kundt,
Verse: 702 ich west es vor maniger stundt
Verse: 703 das mir also scholt geschechen.
Verse: 704 hab ich dir, sun, nicht verjechen
Verse: 705 das ich also verdurb
Verse: 706 und von meinem sun sturb?'
Verse: 707 Alexander sprach dapey:
Verse: 708 'du redest als ich dein sun sey.'
Verse: 709 er sprach: 'frag die mueter dein,
Verse: 710 ob du nit gelaubst den warten mein
Verse: 711 das du fur war mein sun seyst.'
Verse: 712 mit dem starb er an der frist.
Verse: 713 do er vernam die warhait,
Verse: 714 im ward auster massen laidt.
Verse: 715 er ward truebig und unfro
Verse: 716 das er het seinen vater so
Verse: 717 gestossen in den graben tieff.
Verse: 718 nach den leutten er do lieff
Verse: 719 und saget den allen,
Verse: 720 der maister hiet sich ervallen.
Verse: 721 er hies in gewinnen aus dem graben.
Verse: 722 do er ward heraus erhaben,
Verse: 723 do begund er im erparmen.
Verse: 724 er nam in pei den armen
Verse: 725 und trueg in auf den palas.
Verse: 726 die chunigin sprach: 'was ist das ?' -
Verse: 727 er sprach: 'das ist Nectanabus.'
Verse: 728 sy sprach: 'wie ist im geschechen sus?' -
Verse: 729 'mueter, also muest es sein
Verse: 730 als es schuerf die torhait dein.
Verse: 731 muter, er hat mir gesait
Verse: 732 vor dir die gancz warhait
Verse: 733 das er sey der vater mein.
Verse: 734 nu wil ich von dem mundt dein
Verse: 735 horn, du solt mir vergehen
Verse: 736 der warhait wie dir sey geschechen.'
Verse: 737 die chunigin gedacht ir an der stat
Verse: 738 das er sey betrogen het
Verse: 739 und geẽfft schon
Verse: 740 mit dem got Amon,
Verse: 741 das ers selb gewessen wer.
Verse: 742 dem sun sagt sy offenwar
Verse: 743 wie ir mit ym wer geschechen
Verse: 744 und wie sy in het gesehen
Verse: 745 und wie es alls dar chomen wer.
Verse: 746 do er recht het vernomen die mer,
Verse: 747 er sprach: 'mueter, es ist mein will
Verse: 748 das wir darczu sweygen still.'
Verse: 749 nit lenger man in ligen lies:
Verse: 750 die chunigin in begraben hies
Verse: 751 und auch Alexander,
Verse: 752 der junk herr edel und her,
Verse: 753 mit grossen ern (gelaubt das!),
Verse: 754 wann es wol pilleich was.
Verse: 755 Ain furst von Capodocia
Verse: 756 der sand in den zeitten da
Verse: 757 dem kunig Philipp durich ein wunder
Verse: 758 gar ein seltczams chunder:
Verse: 759 das was schon und gros,
Verse: 760 geschaffen als ein wildes ros.
Verse: 761 vil ungehewr es was,
Verse: 762 nicht anders wenn menschen fleisch es as.
Verse: 763 zendt und kla het im gegeben
Verse: 764 die natur als ainem leben,
Verse: 765 es was ein fraissams tier
Verse: 766 und het ein haubt als ain stier.
Verse: 767 an dem haubt vorn
Verse: 768 het es gar ain scharffes horn,
Verse: 769 das was lankch und prait:
Verse: 770 als ein scher messer es snaid.
Verse: 771 das gestirm was im hurnein.
Verse: 772 mit starkchen chetten eysnein
Verse: 773 was es gepunden uberall
Verse: 774 und was genandt Puczeval.
Verse: 775 mit vraisleicher stym es hall.
Verse: 776 er hies im machen ain stal
Verse: 777 mit ainem gattern eysneynn
Verse: 778 und hies es lassen dar ein.
Verse: 779 wer auf dem landt und in der stat
Verse: 780 verurtailt wart umb ubeltat,
Verse: 781 den warff man fuer das tier,
Verse: 782 den het es verczert schir.
Verse: 783 der chunig behielt das chunder
Verse: 784 durich nichtew wann durich ain wunder.
Verse: 785 ain got het im geweissagt:
Verse: 786 welicher man so unverczagt
Verse: 787 es sich liess reitten,
Verse: 788 der scholt nach seinen zeitten
Verse: 789 die chron tragen gewaltiklich
Verse: 790 uber all sein reich.
Chapter: 15
Alexander reitet Bucephalus und wird als Philipps Nachfolger prophezeit
Verse: 791 do Allexander gieng fur war
Verse: 792 in das funczehent jar,
Verse: 793 do er het wicz und chraft,
Verse: 794 er was chuen und manhaft.
Verse: 795 aines tags er das chunder
Verse: 796 begund schawen durich ein wunder.
Verse: 797 er sach pey im an ainem endt
Verse: 798 ligen menschen fuess und hendt,
Verse: 799 das ander het es fressen.
Verse: 800 Allexander der vermessen
Verse: 801 grayff auf das tier durich die wantt.
Verse: 802 es swaig und lekcht im die handt,
Verse: 803 frolokchen es began,
Verse: 804 es legt sich nider und luegt in an.
Verse: 805 do Alexander das ersach,
Verse: 806 die tuer er zu hant auf prach
Verse: 807 und gie chuenlich zu dem tier.
Verse: 808 es gesach in nye so schir,
Verse: 809 es viel nider an der stundt
Verse: 810 und wanczagelt als ain hundt
Verse: 811 gegen seinen herrn, gelaubt das!
Verse: 812 Alexander auf es sas,
Verse: 813 wann es tet im chain laid;
Verse: 814 fur den kunig er es rait.
Verse: 815 Do der chunig das ersach,
Verse: 816 er was frolich und sprach:
Verse: 817 'Allexander, sun mein,
Verse: 818 ich frew mich der ern dein.
Verse: 819 es wirt erfullet gar an dir
Verse: 820 das do lang ist geweyssagt mir
Verse: 821 von den gotten und von den weis sagen:
Verse: 822 das du nach mir schalt die chran tragen.'
Chapter: 20
Alexanders erster Kriegszug gegen Nicolaus
Verse: 823 er sprach: 'vater, ob es dir
Verse: 824 geval, so hais machen mir
Verse: 825 ainen wagen kunigklich
Verse: 826 und lass mich in deinem reich
Verse: 827 ee ziechen und reitten
Verse: 828 und jar lang fur dich streitten.'
Verse: 829 der chunig sprach: 'das sol sein.
Verse: 830 nym virczigk tausent guldein
Verse: 831 und aus mein rossen allen
Verse: 832 hundert die dir wol gevallen!
Verse: 833 ainen fursten nym mit dir
Verse: 834 und betwing das landt mir
Verse: 835 das kunig Niclas der alt
Verse: 836 uns vorhelt mit gewalt!'
Verse: 837 Allexander berait sich
Verse: 838 zu der hervart ritterlich.
Verse: 839 er gab den rittern uber all
Verse: 840 gold und silber ane zall,
Verse: 841 das sy ros und phert,
Verse: 842 harnasch chauften und swert.
Verse: 843 darczu gab im die mueter sein
Verse: 844 zwainczigk tausent gulldein
Verse: 845 zu stewr zu der hervart.
Verse: 846 da er nu gar berait wart,
Verse: 847 von dem vater er urlaub nam,
Verse: 848 in die hervart fuer er lustsam.
Verse: 849 er zagt mit her in das landt
Verse: 850 das Arideas ist genandt.
Verse: 851 Cunig Niclas im widerrait
Verse: 852 ee er im hiet wider sait.
Verse: 853 er sprach Allexander zue:
Verse: 854 'wie haist oder wer pistu?'
Verse: 855 Alexander zu im sprach,
Verse: 856 do er in von erst an sach:
Verse: 857 'Allexander ist mein nam.
Verse: 858 meins vaters ich mich nicht scham
Verse: 859 und ist chunig Philipp genant
Verse: 860 und haist vordern mich das landt.'
Verse: 861 do das chunig Niclas erhort,
Verse: 862 zorniklich sprach er das wort:
Verse: 863 'und schant ich nicht der ern mein,
Verse: 864 ich spuerczt dir under dew augen dein.'
Verse: 865 Allexander das versmacht,
Verse: 866 an sein zucht er gedacht.
Verse: 867 er sprach: 'Niclas, ich dir
Verse: 868 pey meines vaters hail swer
Verse: 869 das ich mit dir streitten will.'
Verse: 870 damit saczten sy ain zill,
Verse: 871 chunig Niclas und Allexander,
Verse: 872 das sy wolten streytten mit einander
Verse: 873 uber die nagsten virczig tag
Verse: 874 (es ist war das ich euch sag).
Verse: 875 die red in ainem fridt geschach,
Verse: 876 das ainer wider den andern sprach.
Verse: 877 sy schieden sich gar czorniklich.
Verse: 878 ir yeglicher berait sich
Verse: 879 mit seinen leutten zu dem streit.
Verse: 880 do nu chomen was die zeit
Verse: 881 und die tag ein endt namen,
Verse: 882 die herrn zu velde chamen,
Verse: 883 do sy vechten scholten,
Verse: 884 als sy paidenthalben wolten.
Verse: 885 aines morgens gar frue
Verse: 886 ritten sy an ain ander zue.
Verse: 887 ir herhorn sy plasen liessen,
Verse: 888 die her sy zu ein ander stiessen.
Verse: 889 sy stritten grimiklich
Verse: 890 guetten helden geleich
Verse: 891 unczt nach mitten tag lankkch.
Verse: 892 maniger layd van gedrang
Verse: 893 und auch van slegen grassew not.
Verse: 894 maniger wundt und maniger tadt
Verse: 895 viellen paidenthalben nider,
Verse: 896 der chainer nymmer chom wider.
Verse: 897 zu jungist Niclas und Alexander
Verse: 898 chamen paid zu ein ander.
Verse: 899 ainer dem andern nicht vertrueg,
Verse: 900 yeglicher auf den andern slueg
Verse: 901 starkch sleg und gross
Verse: 902 als auf ainen anpass.
Verse: 903 sy vachten gegen einander
Verse: 904 unczt das Alexander
Verse: 905 zu tod slueg chunig Niclasen,
Verse: 906 do mit er den sig gewann.
Verse: 907 die pesten herren er al fieng,
Verse: 908 do mit auch der streit zergieng.
Verse: 909 do er nu den sig gewan,
Verse: 910 do hies er sein pest man
Verse: 911 uber reitten das land.
Verse: 912 also betwang er allesand
Verse: 913 mit gewalt und heres chraft,
Verse: 914 das es wart sighaft.
Verse: 915 Dye herrn uber all das lanndt
Verse: 916 chamen zu im alczu handt
Verse: 917 paid nachent und vern
Verse: 918 und swuern im zu ainem herrn.
Verse: 919 sy chrontten in herlich
Verse: 920 uber als das chunigreich.
Verse: 921 er besaczt es uber all,
Verse: 922 paid in perg und in tall
Verse: 923 die vesten mit seinen mannen
Verse: 924 und hueb sich von dannen.
Chapter: 21
Philipps Heiratsversuch
Verse: 925 do er zu Macedonia cham,
Verse: 926 ein laides mer er vernam:
Verse: 927 chunig Philipp der hochgeporn
Verse: 928 het die chunigin verlorn,
Verse: 929 die schon Olimpias,
Verse: 930 die Allexander mueter was,
Verse: 931 und het im genomen da
Verse: 932 ein andre hies Kaleopacia,
Verse: 933 ein hausfrawn erkorn.
Verse: 934 das tet Allexandro zarn.
Verse: 935 der jungling cham gegangen ein,
Verse: 936 do vandt er den vater sein
Verse: 937 an der prawtschaft siczen.
Verse: 938 er sprach zu im mit wiczen:
Verse: 939 'vater mein, enphach von mir
Verse: 940 dew chron des lanndes die ich dir
Verse: 941 in dem ersten streyt mein
Verse: 942 ervochten hab, die er ist dein.
Verse: 943 aber, vater, ich sag dir das
Verse: 944 in ganczem ernst ane has,
Verse: 945 wenn ich nun die mueter mein,
Verse: 946 Olympias die chunigein,
Verse: 947 geb ainem chunig ze man,
Verse: 948 das ich dich zu der hochzeit dann,
Verse: 949 vater, pit noch enladt,
Verse: 950 es wer frum oder schad.'
Verse: 951 Ain furst hies Lysias,
Verse: 952 der pey dem kunig zu nagst sas,
Verse: 953 der stund auf und sprach also:
Verse: 954 'herr kunig Philipp, nu seyt fro,
Verse: 955 ich wil euch das war sagen:
Verse: 956 Kaleopacia wirt pey euch tragen
Verse: 957 ainen sun euch geleich,
Verse: 958 der besiczt nach euch ewr reich.'
Verse: 959 do Allexander das erhort,
Verse: 960 disew red und dissev wart,
Verse: 961 dem edeln und hochgepornen
Verse: 962 wart aus der massen zarn.
Verse: 963 mit ainem stab den er trueg,
Verse: 964 Lisiam er an das haubt slueg,
Verse: 965 das er zu hant tad lag.
Verse: 966 kunig Philipp des ser erschrakcht,
Verse: 967 er sprang auf zu handt,
Verse: 968 ein swert nam er in die hant.
Verse: 969 so zorniklich und ungfueg
Verse: 970 er nach Alexandro slueg
Verse: 971 das er nach dem slag viel nider;
Verse: 972 er macht sich nit gehalden wider.
Verse: 973 do Allexander das ersach,
Verse: 974 zuchtiklich er zu im sprach:
Verse: 975 'kunig Philipp, vater mein,
Verse: 976 wie zymbt das den ern dein!
Verse: 977 wenn du manig landt betwungen hast,
Verse: 978 pistu nu deiner wicz ein gast
Verse: 979 das du nicht macht gealden
Verse: 980 nach ern, als sy dich wol an puerden.'
Verse: 981 die hachzeit trawriklich ergie,
Verse: 982 die sich doch frolich an gevie.
Verse: 983 kunig Philipp der hochgeporn
Verse: 984 ward siech vor laid und zorn,
Verse: 985 das er in seinem pet lag.
Verse: 986 dar nach uber ettlich tag
Verse: 987 Alexander zu im gie.
Verse: 988 er wolt schawen und warten wie
Verse: 989 sich der kunig hielt,
Verse: 990 wer sein phleg oder wielt.
Verse: 991 Do er in erst ansach,
Verse: 992 zuchtiklich er zu im sprach
Verse: 993 wie das sey unpillich.
Verse: 994 'chunig Philipp, vernymb mich
Verse: 995 das ich also nenne dich
Verse: 996 und dein nit zu vater gich.
Verse: 997 doch red ich zu dir in dem muett
Verse: 998 als ain frewnt zu dem andern tuett.
Verse: 999 es zymbt wol den ern dein
Verse: 1000 das du nenst die kunigin.
Verse: 1001 du scholt sey des geniessen lan
Verse: 1002 das du unrecht hast getan.
Verse: 1003 du solt dich auch umb die geschicht
Verse: 1004 betrueben und beswern nicht
Verse: 1005 das ich zu tod slueg Lisiam,
Verse: 1006 wann dem han ich recht getan.
Verse: 1007 wie getorst er ye vor mir
Verse: 1008 so getane red sagen dir
Verse: 1009 die mir und der mueter mein
Verse: 1010 wider unser er gesein!
Verse: 1011 du hast dich uber dacht
Verse: 1012 und gar gegen mir vergacht,
Verse: 1013 das du dein swert zugt gegen mir;
Verse: 1014 vater, des vergan ich dir.'
Verse: 1015 der kunig waint do er in an sach,
Verse: 1016 Allexander wainat auch.
Verse: 1017 do er ein weil gesas,
Verse: 1018 do gieng er auf den palas
Verse: 1019 zu Olympiam der chunigin,
Verse: 1020 die hies in willigkomen sein.
Verse: 1021 er sprach zu ir: 'mueter mein,
Verse: 1022 du solt frolich sein!
Verse: 1023 furicht nit meines vater muet,
Verse: 1024 wann der ist gegen dir stet und guet.
Verse: 1025 wis fro, die sunde dein
Verse: 1026 sullen var im gar verporgen sein.
Verse: 1027 er hat gegen dir des straffen recht,
Verse: 1028 wann es ist pilleich und slecht
Verse: 1029 das ygleichew frawn
Verse: 1030 irm man gehorsam sein.'
Verse: 1031 mit dem nam er die kunygin
Verse: 1032 und fuert sey zu dem kunig hynn.
Verse: 1033 do sey kunig Philipp an sach,
Verse: 1034 tugenleich er zu ir sprach:
Verse: 1035 'seyt wiligkomen, fraw mein,
Verse: 1036 aller zarn sol hin sein.'
Verse: 1037 er halst und chusts an irn mundt
Verse: 1038 und wart frolich und gesundt.
Verse: 1039 Nu was zu den zeitten da
Verse: 1040 in dem landt zu Persia
Verse: 1041 ain chaiser, der hies Darius,
Verse: 1042 die geschrift nennet in alsus.
Verse: 1043 der was so gewaltig und so reich
Verse: 1044 das im allew kunigreich
Verse: 1045 auf erden undertenig warn
Verse: 1046 und zinsthaft in den selben jarn.
Verse: 1047 der chaiser in den zeitten do
Verse: 1048 sandt zu kunig Philippo.
Verse: 1049 die potten sein er het gesandt
Verse: 1050 und hiessen den zinns van dem landt.
Verse: 1051 do sy Allexander sah,
Verse: 1052 vermessenlich er zu in sprach:
Verse: 1053 'zogt hin wekch und sagt also
Verse: 1054 ewrm chaiser Dario:
Verse: 1055 die weil Philippo het chain sun,
Verse: 1056 do hett er in dem lant ein hun,
Verse: 1057 das legt im ayer guldein,
Verse: 1058 do mit galt er denn czinss sein.
Verse: 1059 do im gebornn wart ein sun,
Verse: 1060 zu hant wart urleugen das huenn.'
Verse: 1061 do das die potten hetten vernomen
Verse: 1062 die nach dem zinns warn komen,
Verse: 1063 sy wundert ser der weysen redt
Verse: 1064 die der jung fuerst tet.
Verse: 1065 nicht lenger sy do pitten,
Verse: 1066 an czynns sy von dann ritten.
Verse: 1067 Do das geschechen was also,
Verse: 1068 do chamen mer Philippo
Verse: 1069 wie sich seczen wolt das landt
Verse: 1070 das Armenia ist genandt,
Verse: 1071 mit wer wider in.
Verse: 1072 do sandt er Allexander hin
Verse: 1073 mit ainem chreitigen her,
Verse: 1074 mit vil gallein auf dem mer,
Verse: 1075 ob sy sich seczen wolten wider,
Verse: 1076 das er ir vesten leget nider
Verse: 1077 und verhert und verprantt
Verse: 1078 was ir stuendt in dem landt.
Verse: 1079 Allexander fuͤr fuer sich
Verse: 1080 mit seinem her frolich.
Verse: 1081 darnach uber ettlich tag
Verse: 1082 geschach ain geschicht, als ich ew sag.
Verse: 1083 pey dem mer leit ain landt,
Verse: 1084 das ist Britania genandt,
Verse: 1085 das dient kunig Phylippo
Verse: 1086 an den selben zeitten do.
Verse: 1087 der zu der zeit kunig was alda,
Verse: 1088 der hies Pausania,
Verse: 1089 der was chuen und manhaft.
Verse: 1090 er het sich mit grosser chraft
Verse: 1091 besandt in den zeitten
Verse: 1092 in dem land weytten,
Verse: 1093 und was dem kunig Philippo gerantt
Verse: 1094 mit gewalt in sein landt,
Verse: 1095 do er het vernomen das
Verse: 1096 Allexander nit dahaim was.
Verse: 1097 dem kunig Philipp das versmacht.
Verse: 1098 er traut nit das mit solher chraft
Verse: 1099 der kunig von Brithania
Verse: 1100 in sein landt wer chomen so.
Verse: 1101 sein hern er besandt,
Verse: 1102 er dacht in treyben aus dem landt.
Verse: 1103 do chunig Philipp sein macht
Verse: 1104 gar zu sam het pracht,
Verse: 1105 gegen im er do rait.
Verse: 1106 Pusania auch nit lenger pait,
Verse: 1107 mit seinem her er gegen im prach.
Verse: 1108 do chunig Philipp die menig ersach
Verse: 1109 die mit kunig Pusania zach,
Verse: 1110 zu handt hueb er sich und floch.
Verse: 1111 do in Pusania fliechen sach,
Verse: 1112 er rait im ritterleichen nach
Verse: 1113 uber ain gevildt prait;
Verse: 1114 zw jungst er in doch errayt.
Verse: 1115 ein scharffes swert er durich in rant,
Verse: 1116 das er viel nider auf das lanndt;
Verse: 1117 yedoch was er nicht gar todt.
Verse: 1118 Pusania dem verpott
Verse: 1119 und lernt auch sein edelkait
Verse: 1120 das er im furbas chain laidt
Verse: 1121 scholt nicht tuen mer,
Verse: 1122 wenn es wer im chain er.
Verse: 1123 das valkch flach allczu mall
Verse: 1124 uber perg und uber tall.
Verse: 1125 Secht, das mẽr darnach erhall
Verse: 1126 in dem land uber all
Verse: 1127 das chunig Philipp wer erslagen.
Verse: 1128 do hueb sich wainen und chlagen.
Verse: 1129 Pusania was zu handt
Verse: 1130 mit gewalt in die stat gerant
Verse: 1131 auf des kunigs palas.
Verse: 1132 do die kunigin inne was.
Verse: 1133 die wolt er gern geczukcht hab
Verse: 1134 und mit gewalt fuern dann.
Verse: 1135 die kunigin was do so chlueg
Verse: 1136 das sy sich pald verslueg.
Verse: 1137 nu was auch zu der zeit da
Verse: 1138 von dem landt Armenia
Verse: 1139 der herr Allexander komen
Verse: 1140 und het den sig do genomen.
Verse: 1141 do er in die puerkch cham
Verse: 1142 und die truͤbsall do vernam
Verse: 1143 die in seins vaters landt was,
Verse: 1144 do cham die fraw Olympias
Verse: 1145 aus ainer kemnatt,
Verse: 1146 do sy sich inn verporgen hat.
Verse: 1147 mit lautter stym sy im chlagt
Verse: 1148 ir ungemach und ir laidt.
Verse: 1149 sy sprach: 'vil lieber sun mein
Verse: 1150 wo ist nu die czue chumft dein,
Verse: 1151 die dir van den gotten ist
Verse: 1152 geweissagt vor maniger frist?
Verse: 1153 las heut dein manhait schein
Verse: 1154 und rich den vater dein.'
Verse: 1155 do das erhort Pusania
Verse: 1156 die wort die er hort alda,
Verse: 1157 mendlich er fuer den palas sprang.
Verse: 1158 Allexander gegen im drang,
Verse: 1159 er was grimig gemuett.
Verse: 1160 mit ainem swert, das was guot,
Verse: 1161 gab er Pusanie ainen slag
Verse: 1162 das er tad vor im lag.
Verse: 1163 der ritter ainer sagt also
Verse: 1164 dem kunig Allexandro:
Verse: 1165 'Allexander, herr mein,
Verse: 1166 chunig Philipp, der vater dein,
Verse: 1167 ligt auf dem veld und ist tod.'
Verse: 1168 Allexander eyllt dratt
Verse: 1169 und cham an die stat zu hannt
Verse: 1170 do er den vater ligundt vand,
Verse: 1171 er was dannoch nit gar tad.
Verse: 1172 auf seine chnye er sich pot,
Verse: 1173 hais wainen er began.
Verse: 1174 der chunig luegt auf und sach in an;
Verse: 1175 er sprach zu im permiklich:
Verse: 1176 'suͤn mein, ich stirb nu frolich,
Verse: 1177 das du mich hast gerochen
Verse: 1178 und den hast erstochen
Verse: 1179 der mich hat verderbet
Verse: 1180 und gemirlich gestirbit.'
Verse: 1181 sein leben er an der redt
Verse: 1182 verchert und starb auf der stet,
Verse: 1183 das er weder wee nach ach
Verse: 1184 furbas nymmer mer gesprach.
Verse: 1185 chunig Allexander umb in waint,
Verse: 1186 sein trew er dar an beschaint.
Verse: 1187 selber er in auf hueb
Verse: 1188 des andern tags und begrueb
Verse: 1189 mit zir und mit reichait
Verse: 1190 nach chuniklicher wirdikait.
Verse: 1191 die red ich damit churczen will
Verse: 1192 das ich nit han gesagt vil
Verse: 1193 von der grossen schonhait
Verse: 1194 und der zier und reichait
Verse: 1195 damit der kunig ward begraben.
Verse: 1196 das hab ich alles uber haben
Verse: 1197 durich der chuercz willen;
Verse: 1198 so las ich es ligen stillen.
Verse: 1199 An dem dritten tag frue
Verse: 1200 des landes fursten griffen zue,
Verse: 1201 zu kunig Allexandrum sy chuern,
Verse: 1202 gemainklich sy im all swuern.
Verse: 1203 sy saczten in auf des vaters tran,
Verse: 1204 mit ainer achpern chron
Verse: 1205 chronten sy in frolichen
Verse: 1206 zu allen chriechischen reichen.
Verse: 1207 do er des landts gewaltig wart,
Verse: 1208 do hies er rueffen hervart
Verse: 1209 in allen sein kunig reichen
Verse: 1210 paid arm und reichen,
Verse: 1211 allen den die streyttper wern,
Verse: 1212 das sy des nit verpern
Verse: 1213 und des chuniges wart vernemen,
Verse: 1214 das sy zu hoff chẽmen.
Verse: 1215 die herrn edel und reich
Verse: 1216 czogten all gemainklich
Verse: 1217 zu hoff durich die mẽr
Verse: 1218 was des kunigs will wẽr.
Verse: 1219 do sy chomen warn all
Verse: 1220 mit zierhait und mit grassem schall,
Verse: 1221 der chunig saczt sich schon
Verse: 1222 auf seinen chunigklichen tran.
Verse: 1223 er luedt fuͤr sich gemainklich
Verse: 1224 paid arm und reich.
Verse: 1225 er sprach zu in: 'ir herrn mein,
Verse: 1226 die mir getrew wellen sein,
Verse: 1227 die von Macedonia,
Verse: 1228 von Chriechen und von Tracia,
Verse: 1229 von wann ir seyt und anderswo,
Verse: 1230 is sy ferre oder no,
Verse: 1231 ir wist wol das ir seit
Verse: 1232 gewessen aygen manig zeit
Verse: 1233 der von Babilonia
Verse: 1234 und auch der von Persya.
Verse: 1235 dye chunigreich und die landt
Verse: 1236 sind allew barbarey genandt.'
Verse: 1237 er sprach: 'welt ir voligen mir,
Verse: 1238 pey meinen gottern ich euch swier
Verse: 1239 das ich euch wil machen frey
Verse: 1240 von allen den von barwarey.
Verse: 1241 landt mir die goͤt gelingen,
Verse: 1242 ich wil euch sew all betwingen,
Verse: 1243 all ir reich mit herschaft,
Verse: 1244 und wil euch die zinshaft
Verse: 1245 machen all undertan.
Verse: 1246 welich ewr nit wappen han,
Verse: 1247 die schullen auf den palas gan
Verse: 1248 und nit lenger frist han
Verse: 1249 und nemen mit ir fueg
Verse: 1250 chost und harnasch genueg.
Verse: 1251 welich aber mein man
Verse: 1252 chost und harnasch mugen han
Verse: 1253 und zu hervart tugen,
Verse: 1254 die schullen als sy pest mugen,
Verse: 1255 sich beraitten und bewarn,
Verse: 1256 das sy in die hervart mit mir varn.
Verse: 1257 sy sullen sich so berichten
Verse: 1258 und ir ding also slichten
Verse: 1259 das sy all berait sein
Verse: 1260 nach dissen maneyden drein.
Verse: 1261 die alten hern in dem landt
Verse: 1262 giengen in ainen rat zuhant.
Verse: 1263 da sy ein weil berietten sich,
Verse: 1264 do tratten sew fuer den kunig reich
Verse: 1265 und sprachen an der stundt
Verse: 1266 all aus ainem mundt:
Verse: 1267 'Chunig Allexander, edler herr,
Verse: 1268 wir haben mit deinem vater verr
Verse: 1269 gehervert manig jar,
Verse: 1270 das wir nu sein warden gar
Verse: 1271 alt, muedt und chrankch,
Verse: 1272 das wir dir nu jarlankch
Verse: 1273 zu streit nymmer taugen.
Verse: 1274 ercheus die jungen, die mit dir mugen
Verse: 1275 chreftiklich gereitten
Verse: 1276 und mendlich pey dir streytten.'
Verse: 1277 der kunig Allexander sprach zu in:
Verse: 1278 'getrewn herrn, die redt tuet hin,
Verse: 1279 wann ich hor ir nit gern;
Verse: 1280 ich wil und mag ewr nit enpern.
Verse: 1281 ir fuegt und taugt mir michels pas
Verse: 1282 dann die jungen, gelaubt das!
Verse: 1283 die jungen trosten sich alczeit
Verse: 1284 ir chreft und ir manhait
Verse: 1285 und greyffent dikch zu andrer tat,
Verse: 1286 da es in an myssegat.
Verse: 1287 des entuent die allten nicht,
Verse: 1288 mit den hat die weishait phlicht;
Verse: 1289 wes sy nit mit der tat
Verse: 1290 volfuernt, das verhengents mit dem rat.'
Verse: 1291 do sy vernomen disew redt,
Verse: 1292 die chunig Allexander tet,
Verse: 1293 mit gemainer stym lobten sy in;
Verse: 1294 sy wundert ser der weishait sein.
Verse: 1295 die alten herrn im all swuern
Verse: 1296 das sy in die hervart mit im fuern.
Verse: 1297 der kunig berait sich
Verse: 1298 darczue aller menigklich
Verse: 1299 mit chost und mit wer
Verse: 1300 und mit scheffen auf das mer.
Verse: 1301 ygleicher auf ain ganczes jar
Verse: 1302 sein scheff speist er gar.
Verse: 1303 der chunig was milt und reich;
Verse: 1304 er gab aller meniklich
Verse: 1305 myldiklich grossen sold.
Verse: 1306 gestain, silber und gold
Verse: 1307 des vergab er ane zall.
Verse: 1308 das mer in dem landt erhall:
Verse: 1309 des gwan er volkch also vill
Verse: 1310 das ich der zall nicht sagen will.
Verse: 1311 Do sy berait wurden gar,
Verse: 1312 seiner mueter rueft er dar.
Verse: 1313 Olympie der chuniginne
Verse: 1314 enphalich er das landt sein,
Verse: 1315 paidew leut und landt
Verse: 1316 saczt er gar in ir handt.
Verse: 1317 die kungin waint ser,
Verse: 1318 wann sy gesach sein nymmer mer;
Verse: 1319 die andern frawen alsam,
Verse: 1320 wann ir luczl haim cham.
Chapter: 29
Alexander erobert Italien (Rom)
Verse: 1321 do sy urlaub genamen
Verse: 1322 und zu den scheffen chamen,
Verse: 1323 sy fuern pald uber mer
Verse: 1324 mit ainem mechtigen her
Verse: 1325 mer dann mit taussent scheffen.
Verse: 1326 das nagst landt das sy begriffen,
Verse: 1327 das was vor den alten zeitten da
Verse: 1328 genennet Ytalia,
Verse: 1329 nu nennent es die leut so
Verse: 1330 Lamparten und Tustkan.
Verse: 1331 sy laitten zu an dem gestat
Verse: 1332 do die Teiffer in das mer gat.
Verse: 1333 sy zugen aus an das veld
Verse: 1334 und sluegen auf hutten und zelt.
Verse: 1335 sy lagen in der geper
Verse: 1336 sam al die welt da wer.
Verse: 1337 ettlich tag sy still lagen,
Verse: 1338 das sy ir rue phlagen.
Verse: 1339 Dye do zu Rom herrn warn
Verse: 1340 und rattleut zu den selben jarn,
Verse: 1341 do sy erhortten disew mer,
Verse: 1342 do erschrakchten sy vil ser
Verse: 1343 auf dem landt und in der stat.
Verse: 1344 ein weyser man gab in den rat,
Verse: 1345 sy scholten in guet sentten
Verse: 1346 und pitten sy von in zu wenden.
Verse: 1347 sy santten in zu der selben stundt
Verse: 1348 ratts golts tausent phunt
Verse: 1349 und ain chran guldein
Verse: 1350 und speisten im auch die scheff sein
Verse: 1351 mit newer chost pas,
Verse: 1352 und was dar an zeprochen was,
Verse: 1353 das machten sy geradt,
Verse: 1354 und paten sein genad
Verse: 1355 das er aus dem landt rit
Verse: 1356 und nit mit in strit.
Chapter: 31
Alexander landet in Afrika
Verse: 1357 der chunig nach der herrn rat
Verse: 1358 entwaich dem land und der stat
Verse: 1359 und fuer aber auf das mer
Verse: 1360 mit seinem lustsamen her.
Verse: 1361 die mariner hies er chern da
Verse: 1362 gegen dem landt Affrica.
Verse: 1363 do sy in das landt chomen
Verse: 1364 und die hab do genomen,
Verse: 1365 die herrn uber all das landt
Verse: 1366 ergaben sich allsandt.
Verse: 1367 do sy in sachen so geparn
Verse: 1368 und so getanne welt mit im varn,
Verse: 1369 sy erputten dem kunig her
Verse: 1370 michel frid und er.
Verse: 1371 sy gaben im von gold
Verse: 1372 und von silber was er wold,
Verse: 1373 und speisten im die scheff sein
Verse: 1374 paid mit chost und mit wein.
Verse: 1375 ainen haubtman er do lie,
Verse: 1376 das volkch in williklich enphie
Verse: 1377 und swuern im alda
Verse: 1378 mit gemainem schalle.
Verse: 1379 Allexander het ein synn,
Verse: 1380 da betwang er vil leut mit:
Verse: 1381 welichs landt sich im ergab,
Verse: 1382 do nam er nichtes nit ab;
Verse: 1383 den tet nyemant chain gewalt,
Verse: 1384 sy wern jung oder alt,
Verse: 1385 sy wern arm oder reich.
Verse: 1386 er schuerff in guetten fridt geleich
Verse: 1387 und rechtes gericht alsam;
Verse: 1388 nicht wann den rechten zinns er nam.
Verse: 1389 welich stat sich alczu handt
Verse: 1390 nicht im ergab oder weliches landt,
Verse: 1391 das er muest gewinnen,
Verse: 1392 da lies er nichts ynnen:
Verse: 1393 es ward verhert und verprant,
Verse: 1394 und zerfuert alle sambt.
Chapter: 34
Alexander im Ammonion
Verse: 1395 da im Affrica geswuer,
Verse: 1396 mit seinem her er furbas fuer
Verse: 1397 und chertten gegen ainer insula,
Verse: 1398 die was gelegen nachant da.
Verse: 1399 die was gepaut schon
Verse: 1400 irem werden gott Amon
Verse: 1401 ain schoner tempel dar inne
Verse: 1402 zu lob und zu mynne.
Verse: 1403 Do sy chomen auf das landt,
Verse: 1404 die herrn sprungen auf den sandt.
Verse: 1405 do sy zogten under wegen,
Verse: 1406 do sachen sy das in engegen
Verse: 1407 gelauffen cham ain schoner hiers,
Verse: 1408 ich wais von wann, gelaubt mirs!
Verse: 1409 do er in so nachant cham,
Verse: 1410 yeglicher sein pogen nam.
Verse: 1411 sy zugen an ir scharffew strall
Verse: 1412 und schussen auf den hierssen allczu mall.
Verse: 1413 was sy auf in geschussen ye,
Verse: 1414 ir chainer in gewundet nye.
Verse: 1415 die zain prelten all wider
Verse: 1416 und viellen zu der erdt nyder.
Verse: 1417 chunig Allexander nam czu handt
Verse: 1418 ain pogen in sein handt,
Verse: 1419 ein scharffew strall zach er ein
Verse: 1420 und sprach zu den herrn sein:
Verse: 1421 'lat euch des nit verdriessen,
Verse: 1422 also schult ir furbas schiessen!'
Verse: 1423 den hirs durich schas er zu handt,
Verse: 1424 das er viel tad auf das landt.
Verse: 1425 dar nach wardt die stat alsus
Verse: 1426 genennet Sagitarius.
Verse: 1427 do sy der stat begunden nachen,
Verse: 1428 do sy den tempel vor in sachen,
Verse: 1429 der chunig hies auf slachen die gezelt
Verse: 1430 weit und prait auf das veld.
Verse: 1431 er sprach, er walt nit dannen reitten,
Verse: 1432 er wolt der anttwurt peytten
Verse: 1433 die im do von seinen gottern
Verse: 1434 wart geweisagt und gepotten.
Verse: 1435 sein oppher er nach des landes sit
Verse: 1436 tet und eret die gott damit.
Verse: 1437 fleissiklich er die do pat
Verse: 1438 das ym von in an der stat
Verse: 1439 die warhait wuerd chundt getan
Verse: 1440 wie im die vart scholt ergan.
Verse: 1441 die ritter gienngen all darnach
Verse: 1442 zu herwerig an irn gemach.
Verse: 1443 Do der chunig des nachts lag
Verse: 1444 an seinem pet und slaffens phlag,
Verse: 1445 im erschain in menschleicher weis
Verse: 1446 sein werder got Serapheis.
Verse: 1447 ain grasser perg stuendt aldo,
Verse: 1448 den zaigt er Allexandro.
Verse: 1449 'Allexander', sprach der got,
Verse: 1450 'vernym mein red ane spot:
Verse: 1451 siechstu den perg der do stet ?
Verse: 1452 magstu den an ain andrew stat
Verse: 1453 getragen mit den chreften dein ?'
Verse: 1454 der chunig sprach: 'herre mein,
Verse: 1455 wie mocht ich valbringen das
Verse: 1456 das ich den perg furbas
Verse: 1457 trueg mit den chreften mein?'
Verse: 1458 der geist sprach: 'die red nym ein!
Verse: 1459 also vill und nyeman
Verse: 1460 disen perg geseczen kan
Verse: 1461 noch getragen von seiner stat,
Verse: 1462 also wenig dein nam und dein getat
Verse: 1463 pey deinem leben gewanndelt wirt.
Verse: 1464 dein vart dir alle woll erpiert.'
Verse: 1465 chunig Allexander wart fro,
Verse: 1466 do im der got sagt also.
Verse: 1467 er gnadt im und pat in ser
Verse: 1468 das er im geruecht zu sagen mer.
Verse: 1469 er sprach: 'ich pit dich, Serapheis,
Verse: 1470 das du mir sagest in welicher weis
Verse: 1471 oder wenn ich schull sterben
Verse: 1472 oder rechtes verderben
Verse: 1473 oder nicht, das du das sagest
Verse: 1474 und mir die warhait nit verdagest.'
Verse: 1475 Serapheis der sprach zu im:
Verse: 1476 'Allexander, des vernymb:
Verse: 1477 die zeit seines tades nyemant schal
Verse: 1478 wissen, wann es wer nit woll;
Verse: 1479 ein yeglich mensch erfurcht sich
Verse: 1480 und wuerd nymmer frolich.
Verse: 1481 doch durich die grossen pet dein
Verse: 1482 sag ich dir was do mues sein,
Verse: 1483 und wil dir sein nit verdagen.
Verse: 1484 du stirbt in dein jungen tagen;
Verse: 1485 dir wirt in ainem trankch vergeben,
Verse: 1486 also verendestu dein leben.
Verse: 1487 du muest aber fuer dein zill
Verse: 1488 nat und aribait leiden vil.'
Verse: 1489 do er die redt gar geredt,
Verse: 1490 do verswant er auff der stet.
Verse: 1491 des margens der kunig erwacht
Verse: 1492 und die anttwurt recht bedacht:
Verse: 1493 do ward er ain tail unfro.
Chapter: 36
Alexander gründet Alexandria (in Ägypten)
Verse: 1494 sein werich maister besandt er do,
Verse: 1495 er schuerff und pat das czu hant
Verse: 1496 pey dem mer auf das landt
Verse: 1497 pautten im ain schone stat.
Verse: 1498 guetts genueg er sy nemen pat
Verse: 1499 und das man die stat allda
Verse: 1500 nach im nandt Allexandria.
Verse: 1501 die stat man vor im aus mas
Verse: 1502 mit ainer snuer, umb das
Verse: 1503 das er in zaigen scholt
Verse: 1504 wie weit er sey haben wolt.
Verse: 1505 wo er die tuern seczen lies
Verse: 1506 und wie vil er pauen hies,
Verse: 1507 das ward mit phlokchen gar
Verse: 1508 beczaichent und mit chreid furbar.
Verse: 1509 des andern margns gar frue
Verse: 1510 cham ein grass gefugel zue
Verse: 1511 geflogen und saczten sich an die stat
Verse: 1512 do man die purg beczaichent hat.
Verse: 1513 mit dem und sy gesassen,
Verse: 1514 das marich sy gar auf assen,
Verse: 1515 das der craid nit da belaib.
Verse: 1516 nyemant die da nacher traib.
Verse: 1517 der chunig sich beswert
Verse: 1518 disser ding und wart erfert.
Verse: 1519 er gedacht in seinem muett,
Verse: 1520 das zaichen wer nit guet,
Verse: 1521 das bedeuttet leicht den list
Verse: 1522 das die stat noch werhaft ist.
Verse: 1523 Dye priester von Egippten landt
Verse: 1524 warn die weil zu im gesandt.
Verse: 1525 die horten das er betruebt was
Verse: 1526 umb anders nit dann umb das.
Verse: 1527 sy sprachen zu der stundt
Verse: 1528 zu dem kunig aus ainem mundt:
Verse: 1529 'edler kunig her,
Verse: 1530 vernymb unser ler!
Verse: 1531 du scholt dich umb die geschicht
Verse: 1532 umb chain ding betrueben nicht,
Verse: 1533 wann wes du dir hast gedacht,
Verse: 1534 das scholtu lan sein volbracht.
Verse: 1535 diez zaichen bedeuttet woll
Verse: 1536 das die stat wirt volkches voll
Verse: 1537 und das nach dir scholl werden
Verse: 1538 sein narung nach dir auf der erden'.
Verse: 1539 Chunig Allexander wart aldo
Verse: 1540 der redt aus der massen fro.
Verse: 1541 an die stat stost zuhandt
Verse: 1542 das chunigreich Egippten landt.
Verse: 1543 da man die stat nu maurn begundt,
Verse: 1544 chunig Allexander zu der stundt
Verse: 1545 nach allen den priestern sandt
Verse: 1546 die do warn in dem landt.
Verse: 1547 er hies sew pringen das gepain,
Verse: 1548 das vil heilig und das vil rain,
Verse: 1549 des guetten sand Jeremias,
Verse: 1550 das vor czwain hundert jarn was
Verse: 1551 in dem landt begraben.
Verse: 1552 die priester im das willigklich gaben.
Verse: 1553 der chunig es vermaurn pat
Verse: 1554 in die maur all umb die stat.
Verse: 1555 affter mall unczt herr
Verse: 1556 getarst chain wurm nymmermer
Verse: 1557 der giftig was und unrain,
Verse: 1558 vor dem heiligen gepain
Verse: 1559 zu der stat chomen nachen,
Verse: 1560 er muest zu hant von dann gachen.
Verse: 1561 do der chunig die selb stat
Verse: 1562 gemawret und gestifft hat,
Verse: 1563 er schuerff ir grassen reichtum
Verse: 1564 und den pesten freytumb
Verse: 1565 auf dem landt und auf dem mer.
Verse: 1566 damit schikcht er sein her
Verse: 1567 gegen dem landt Egippto,
Verse: 1568 das wolt er auch betwingen do.
Verse: 1569 die scheff er do sten lies,
Verse: 1570 chern wãgen er do machen hies.
Verse: 1571 Do die scheff und ir gezeug
Verse: 1572 der sy zu dem urleug
Verse: 1573 bedorften und fuerten mit in,
Verse: 1574 also czogten sy dahin.
Verse: 1575 do des das volkch wart gewar
Verse: 1576 das der chunig chert alldar,
Verse: 1577 sy czogten mit gemainem ratt
Verse: 1578 gegen im fur die stat
Verse: 1579 und ergaben sich im zu handt,
Verse: 1580 paidew leut und lanndt.
Verse: 1581 sy fuertten in herlich,
Verse: 1582 als ainem chunig reich
Verse: 1583 und seinem adel wall geczam.
Verse: 1584 do er in die stat cham
Verse: 1585 und seines vaters sewl sach,
Verse: 1586 zu den hern er do sprach:
Verse: 1587 'sagt mir, gutt leutt,
Verse: 1588 was dissew seull bedeut,
Verse: 1589 die da stet hie nachant pey,
Verse: 1590 oder wes sy gewesen sey!'
Verse: 1591 ain alter tratt zu im dar,
Verse: 1592 er sprach: 'es sind woll dreissig jar
Verse: 1593 das ain chunig was uber das lanndt,
Verse: 1594 der was Nectanabus genant.
Verse: 1595 den verluer wir alhie,
Verse: 1596 wir wissen selb nicht wie.
Verse: 1597 do wir den also verluern,
Verse: 1598 zu unserm abgott wir fuern.
Verse: 1599 der sagt uns, er wer verlorn,
Verse: 1600 es wuerd aber von im geparn
Verse: 1601 ain chnab in den landen verr:
Verse: 1602 der scholt werden unser herr,
Verse: 1603 der scholt uns mit seiner chraft
Verse: 1604 ledigen von der aigenschaft.
Verse: 1605 da saczt wir dem hern
Verse: 1606 die sewl zu lob und zu ern
Verse: 1607 und zu gedechtnuss dem chnaben
Verse: 1608 den wir zu herrn schollten haben.'
Verse: 1609 do chunig Allexander hortt
Verse: 1610 von den herrn disew wart,
Verse: 1611 er wart fro umb das
Verse: 1612 das er ain chunig gewesen was.
Verse: 1613 er sprach: 'ir herrn, wisset das:
Verse: 1614 Nectanabus mein vater was.'
Verse: 1615 der edel und der werd
Verse: 1616 von dem ross zu der erdt
Verse: 1617 sprang als umb den gelust:
Verse: 1618 die seull er halst und chust.
Verse: 1619 er naigt sich nyder und las
Verse: 1620 die geschrift die dar an geschriben was.
Verse: 1621 die herrn gaben im von goldt
Verse: 1622 und von sylber was er wolt,
Verse: 1623 von rossen und von chost
Verse: 1624 als vil in des geczymen lust.
Verse: 1625 fünfhundert chẽrren chamen der ungefuegen
Verse: 1626 die im die chost nach truegen.
Verse: 1627 er besaczt das landt
Verse: 1628 wie er wolt, und chert zuhandt
Verse: 1629 mit dem mechtigen hẽr
Verse: 1630 auf das landt von dem mer.
Verse: 1631 Der werd schanden frey
Verse: 1632 chert gegen dem landt Syrey.
Verse: 1633 do das das landt volkch vernam
Verse: 1634 das chunig Allexander cham,
Verse: 1635 sy saczten sich mẽndlich wider.
Verse: 1636 er legt sich mit gewalt nyder
Verse: 1637 mit seinem her in das landt,
Verse: 1638 er stifftet raub und prant
Verse: 1639 und hies das landt verwuegsten,
Verse: 1640 unczt das sy sich ergeben muesten.
Verse: 1641 das traib er also lang
Verse: 1642 unczt das er das landt betwang.
Verse: 1643 welich puͤrg er gewang,
Verse: 1644 die hies er sein leut san
Verse: 1645 auf die erd prechen
Verse: 1646 und alles das erstechen
Verse: 1647 das darinne lemptig was,
Verse: 1648 das man in varicht dester pas.
Verse: 1649 do er das bettwang also,
Verse: 1650 do czogt er gegen Damasco.
Verse: 1651 dy macht er im san
Verse: 1652 dinsthaft und undertan.
Verse: 1653 dieweil er was gelegen da
Verse: 1654 in dem land Syrea,
Verse: 1655 sein nam und sein tat erhal
Verse: 1656 in dem landt uber all.
Verse: 1657 die da umb gelegen warn,
Verse: 1658 vil chunig chamen czu im gefarn,
Verse: 1659 die im do swuern und holten
Verse: 1660 ee das sy sein zarn dolten,
Verse: 1661 und erten in mit grosser gab.
Verse: 1662 ettlich die saczt er ab,
Verse: 1663 sumleich er vervie,
Verse: 1664 sumlich er auch totten lie.
Verse: 1665 Mit dem czogt er furbas.
Verse: 1666 ein grassew stat er besas,
Verse: 1667 die was Sindon genandt,
Verse: 1668 die ergab sich im zehanndt.
Chapter: 93
Alexander belagert Tyros
Verse: 1669 do er die also gewan,
Verse: 1670 zu handt hueb er sich herdan.
Verse: 1671 ein grassew stat lag dapey nachent,
Verse: 1672 da begund er mit valkch hin gachen,
Verse: 1673 die was Tiris genant;
Verse: 1674 die besas er alczu handt.
Verse: 1675 er lag do vor langew zeit,
Verse: 1676 wann sy was gros und weyt,
Verse: 1677 das er ir nit macht gewinnen;
Verse: 1678 wann die purger darinnen
Verse: 1679 paid arm und reich
Verse: 1680 wertten sich gar frumpchleich.
Verse: 1681 er begund dikch zu stuermen
Verse: 1682 an den maurn und an den tuernnen.
Verse: 1683 das werten im die dort ynnen,
Verse: 1684 sy wuerffen und schussen von den zynnen.
Chapter: 94
Alexanders Brief an die Juden
Verse: 1685 er lag lang var der stat,
Verse: 1686 das er zu wenig chost hat.
Verse: 1687 sein brieff sandt er zu hant
Verse: 1688 dem pischolff in der Juden landt,
Verse: 1689 der was genant Jaldus.
Verse: 1690 er hies im schreiben alsus
Verse: 1691 das er im von dem landt
Verse: 1692 volkch zu hilff sandt
Verse: 1693 und ym zu statten chem
Verse: 1694 (und sein guett dar umb nem)
Verse: 1695 mit chost, mit wein und mit prat
Verse: 1696 und was dem gesindt wer nott,
Verse: 1697 das er das beraitten wolt,
Verse: 1698 und den zinns den er scholt
Verse: 1699 und auch vor hiet geben Dario,
Verse: 1700 den solt er im sennten so.
Verse: 1701 die potten chamen an den stunden
Verse: 1702 do sie den pischolff Jaldum funden.
Verse: 1703 der pischolff anttwurt in also:
Verse: 1704 er hiet dem chaiser Dario
Verse: 1705 gesworn und sein trew geben
Verse: 1706 das er yemant pey seynem leben
Verse: 1707 wider in ze hilff chem
Verse: 1708 oder chain waffen wider in nem;
Verse: 1709 er mocht auch durich chain geschicht
Verse: 1710 noch tarst sein aid zeprechen nicht
Verse: 1711 die weil und lebt Darius.
Verse: 1712 dem chunig sagt man die redt alsus,
Verse: 1713 im ward un massen zarn.
Verse: 1714 'er mocht lieber han enporn,'
Verse: 1715 sprach der chunig, 'diser potschaft.
Verse: 1716 ich zeuch auf in mit solicher chraft
Verse: 1717 und leg in solichew straff an
Verse: 1718 das paidew weib und man
Verse: 1719 an dem jungisten tag
Verse: 1720 von mir immer sagen mag.
Verse: 1721 ich ler sy es erkennen
Verse: 1722 wenn sy zu herrn schollen nemen.'
Verse: 1723 doch wolt er durich die geschicht
Verse: 1724 von der stat chomen nicht,
Verse: 1725 er wolt sy vor gewynngen,
Verse: 1726 ob er mocht, mit chainen synnen.
Verse: 1727 Des nagsten nachts darnach
Verse: 1728 der chunig in dem trawmbt sach:
Verse: 1729 er hiet ein weintraub in der hanndt,
Verse: 1730 die warff er auf die erd zu handt,
Verse: 1731 mit den fuessen er sy zutrẽtt,
Verse: 1732 das rotter wein daraus schrett.
Verse: 1733 do der chunig erwacht
Verse: 1734 und den selben trawmb betracht,
Verse: 1735 er hies senden allczuhant
Verse: 1736 nach seinen maistern, wo man sew vandt.
Verse: 1737 er sagt dem sternseher
Verse: 1738 was im des nachts getrawmbt wer.
Verse: 1739 der maister legt in im aus
Verse: 1740 und anttwurt dem chunig also:
Verse: 1741 'edler chunig hochgeporn,
Verse: 1742 ich sag dir: das weinper chorn
Verse: 1743 das dein hant geworffen hat
Verse: 1744 zu der erden, bedeut dew stat.
Verse: 1745 die schol von dir gewunnen werden
Verse: 1746 und geworffen nider auf dew erden.
Verse: 1747 der wein der aus der trauben ran,
Verse: 1748 anders nicht bedeutten chan
Verse: 1749 wann menschen pluet. von dir
Verse: 1750 das wirt also vergossen schir.'
Verse: 1751 der chunig sagt den hern das
Verse: 1752 das sein ding also was.
Verse: 1753 des andern margens gar frue
Verse: 1754 griffen die ritter alczue.
Verse: 1755 der chunig der wolt nit erwenden,
Verse: 1756 er hies stuermen an allen enden.
Verse: 1757 die purger saczten sich hin wider.
Verse: 1758 ydoch so rissen sy do nyder
Verse: 1759 an irn dankch die purg taͤr,
Verse: 1760 die mawr sy nider legten gar,
Verse: 1761 die stat sy gewungen.
Verse: 1762 welich daraus nit entrunnen
Verse: 1763 paid gross und chlain,
Verse: 1764 die verderbten sy allgemain.
Verse: 1765 sy rachen irn anden,
Verse: 1766 die stat sy verpranden
Verse: 1767 und legtens in den grundt nyder.
Verse: 1768 do enmachtens nit wider.
Verse: 1769 das laid und der ungemach
Verse: 1770 der in zu der czeit geschach,
Verse: 1771 die haben die Tirre
Verse: 1772 uberwunden nymer mer.
Chapter: 97
Alexander in Jerusalem
Verse: 1773 do er die stat also zeprach,
Verse: 1774 gegen Jerusalem was im gach;
Verse: 1775 er wolt sy auch zeprechen
Verse: 1776 und sein anden an im rechen.
Verse: 1777 do wentt er uber das landt.
Verse: 1778 was er da zwischen vandt,
Verse: 1779 das hies er wuegsten und hern,
Verse: 1780 sich macht nyemant gegen im erwern.
Verse: 1781 Nodus und Cilicia
Verse: 1782 zwo stet lagen czwischen da,
Verse: 1783 die wuerden von im uber rant,
Verse: 1784 beraubt und verprant.
Verse: 1785 do er in Judeam cham
Verse: 1786 und es der pischolff vernam,
Verse: 1787 er varicht sich hart und er schrakcht.
Verse: 1788 wann er guetter wicz phlag,
Verse: 1789 den Juden er allen uberall gepot
Verse: 1790 das sy mit wasser und mit prott
Verse: 1791 vasten aller menichlich
Verse: 1792 drey tag gar vleyssigklich
Verse: 1793 und an irm gepet legen
Verse: 1794 und Got ze pitten phlegen
Verse: 1795 das er des chuniges zarn went
Verse: 1796 und in genediklichen sent.
Verse: 1797 der pischolff, ein guet man,
Verse: 1798 do er das oppher het getan
Verse: 1799 und in dem tempel was allain,
Verse: 1800 des selben nachts im Got erschain.
Verse: 1801 er sprach zu im: 'furcht dir nicht!
Verse: 1802 wiss das dir chain laid geschicht
Verse: 1803 von chunig Allexander,
Verse: 1804 ob du voligest meiner ler.
Verse: 1805 du solt all gassen
Verse: 1806 ziern und schon machen lassen.
Verse: 1807 la dich des nit verdriessen,
Verse: 1808 hais die torr nuer auf sliessen,
Verse: 1809 hais alles volkch gegen im gan
Verse: 1810 und weissew chlaider legen an.
Verse: 1811 du und all dew priester dein
Verse: 1812 schullen schon geziert sein
Verse: 1813 in ainem priesterleichen gewant,
Verse: 1814 und get all gegen im zu handt!'
Verse: 1815 do er erwacht und es tagt,
Verse: 1816 der pischolf in allen sagt
Verse: 1817 Gottes wart und sein gepot,
Verse: 1818 also ward es von im gehort.
Verse: 1819 do es alles wardt berait
Verse: 1820 als der pischolf het gesait,
Verse: 1821 der pischolf Jaldus gieng vor
Verse: 1822 mit den andern priestern fuͤr die tor.
Verse: 1823 nach im gieng aller meniklich
Verse: 1824 paidew arm und reich.
Verse: 1825 do sy chamen also
Verse: 1826 auf ain perg, der hies Schoprillo
Verse: 1827 in der czeit gehaissen hat,
Verse: 1828 do man von erst sach die stat,
Verse: 1829 als sy sich klaitten
Verse: 1830 und des chuniges paitten.
Verse: 1831 do in der chunig chom so nachen
Verse: 1832 das sy in mit den augen sachen,
Verse: 1833 der pischolff des nicht enlie,
Verse: 1834 mit der menig er im engegen gie.
Verse: 1835 do der chunig die schar so prait
Verse: 1836 sach var im sten in weyssem chlaid
Verse: 1837 und die priester alsandt
Verse: 1838 in irm pheleim gewant
Verse: 1839 und denn pischolff fur in
Verse: 1840 in dem guldein gewant sein
Verse: 1841 (ein yniffel er auf dem haubt trueg,
Verse: 1842 dar an lag edler stain genueg;
Verse: 1843 vorn an der stiern sein
Verse: 1844 do was ain leisten guldein,
Verse: 1845 do was eingegraben
Verse: 1846 mit guldein puechstaben
Verse: 1847 Gottes nam der fron
Verse: 1848 Tetragramaton) -
Verse: 1849 do das der kunig alles sach,
Verse: 1850 zu seinen herrn er do sprach:
Verse: 1851 es wẽr sein pet und sein will
Verse: 1852 das sy all hielten still.
Verse: 1853 der chunig allain von in rant
Verse: 1854 und viel von dem ross zu hanndt,
Verse: 1855 der edel und der werd
Verse: 1856 viel nyder auff die erd.
Verse: 1857 Gottes namen pett er an,
Verse: 1858 den er sach an der iniffel stan.
Verse: 1859 dem pischolf er lobes jach,
Verse: 1860 den er also geklait sach.
Verse: 1861 die Juden allgemain
Verse: 1862 paid gross und chlain
Verse: 1863 die sprachen mit einander:
Verse: 1864 'veniat rex Allexander!'
Verse: 1865 das spricht: 'lob, edeler chunig her,
Verse: 1866 und hab hail immer mer!'
Verse: 1867 die chunig von Syrei,
Verse: 1868 die nachant hielten da pey,
Verse: 1869 und ander fursten die da warn,
Verse: 1870 do sy in sachen also geparn,
Verse: 1871 gar ser wundern sew began
Verse: 1872 wie der kunig het also getan.
Verse: 1873 ydoch tarst ir chainer nicht
Verse: 1874 in fragen umb die geschicht
Verse: 1875 denn ain fuerst, der hies Parmetra.
Verse: 1876 der trat fuer den kunig da,
Verse: 1877 er fragt in gar zuchtiklich:
Verse: 1878 'sagt mir, edler chunig reich,
Verse: 1879 war umb hastu gepetten an
Verse: 1880 disen judischen man ?
Verse: 1881 wann du pist so gewaltig woll
Verse: 1882 das man dich an petten scholl.'
Verse: 1883 Allexander anttwurt im schon:
Verse: 1884 'ich sag dir das, Parmetron,
Verse: 1885 ich hab nicht hie gepett an
Verse: 1886 den pischolf noch chain man;
Verse: 1887 ich hab mein got gesechen
Verse: 1888 in sulcher wat. das ist geschehenn
Verse: 1889 in dem trawm vor manigen jarn,
Verse: 1890 do wir dannoch zu Chriechen warn.
Verse: 1891 do ich gedacht in meinen synnen
Verse: 1892 wie ich Asyam mocht gewinnen,
Verse: 1893 do riet er mir das ich die vart
Verse: 1894 durich chain vart nit enspart,
Verse: 1895 das ich die freylich scholt varn,
Verse: 1896 wann er wolt mich bewarn.
Verse: 1897 er jach, ich scholt gewaltig werden
Verse: 1898 aller perschischen erden.
Verse: 1899 er nant sich mir schon,
Verse: 1900 er hiess Tetragramaton.
Verse: 1901 das ist ain chryechisch wart,
Verse: 1902 das siech ich gegraben dort
Verse: 1903 an der iniffel sein
Verse: 1904 mit puechstaben guldein.
Verse: 1905 nu han ich auch zu chainer zeit
Verse: 1906 weder vor noch seint
Verse: 1907 nie gesechen chainen man
Verse: 1908 der also getanew wat trueg an.
Verse: 1909 do ich also sach chomen in,
Verse: 1910 do mant er mich der synne mein
Verse: 1911 das ich schol von dem rosse tretten
Verse: 1912 und scholt in ern und anpetten
Verse: 1913 und im an die fuess ruern
Verse: 1914 den ich sach sein zaichen fuern.
Verse: 1915 ich getraw woll den gnaden sein
Verse: 1916 das er mir tue sein hilff schein,
Verse: 1917 das ich meinen veintten
Verse: 1918 mit seiner hilff mug uber winden
Verse: 1919 und mir mach undertan
Verse: 1920 die chunigreich in Asyam
Verse: 1921 und das mir von im chumstig werd
Verse: 1922 alles des mein hercz gert.'
Verse: 1923 do er das gesprochen hat,
Verse: 1924 do zogt er mit in in die stat.
Verse: 1925 die fuersten er mit im reitten hies,
Verse: 1926 das ander volkch er davor lies.
Verse: 1927 der pischolff der fuert in
Verse: 1928 in Salomons templ hin.
Verse: 1929 sein oppher das er tet
Verse: 1930 nach des pischolffs ler.
Verse: 1931 der pischolff hies im tragen
Verse: 1932 Daniels puech des weissagen.
Verse: 1933 do man im das gelas,
Verse: 1934 do stund darin geschriben das,
Verse: 1935 das ainer chem von Chriechen dar,
Verse: 1936 dem wurden allew reich gar
Verse: 1937 mit gewalt undertan,
Verse: 1938 der uber wundt die Persian.
Verse: 1939 das het er vor der czeit fur war
Verse: 1940 geweissag dritthalbhundert jar.
Verse: 1941 der chunig frewt sich der mer;
Verse: 1942 er gedacht das es von im wer
Verse: 1943 die selb red geweyssagt,
Verse: 1944 das die geschrift alles sagt.
Verse: 1945 zu dem tempel er do gab
Verse: 1946 grasses guet und schone hab.
Verse: 1947 er sprach zu in das sy scholten
Verse: 1948 von im pitten was sy wolten.
Verse: 1949 der pischolff und die priester tratten
Verse: 1950 fuer den chunig und patten
Verse: 1951 in die gab zu geben
Verse: 1952 das er in gundt zeleben
Verse: 1953 in irr vor vardern ee,
Verse: 1954 die Got selber gab Moise,
Verse: 1955 und das er sy auch suben jar
Verse: 1956 liess des zinses ledig gar.
Verse: 1957 das verlech er in zu handt
Verse: 1958 williklich alles sandt.
Verse: 1959 sy sprachen: 'chunig edel und her,
Verse: 1960 wir pitten dein genad noch mer:
Verse: 1961 die Juden die in dem landt dein
Verse: 1962 uber all wanhaft sein,
Verse: 1963 in dem landt zu Media
Verse: 1964 und auch zu Babilonia,
Verse: 1965 das die in unsern een
Verse: 1966 auch von dein genaden sten.'
Verse: 1967 der chunig sprach: 'ir seit gewert
Verse: 1968 wes ir an mich habt bgert.
Verse: 1969 davon pittet ewrn got
Verse: 1970 fleissickleich an allen spot
Verse: 1971 das er in dem streit mein
Verse: 1972 mir gehulffig und genedig sey.'
Verse: 1973 Allexander zogt von dann,
Verse: 1974 er lies ainen seiner mann
Verse: 1975 do zu phleger uber das land,
Verse: 1976 der was Andevagus genant.
Verse: 1977 er czogt mit dem her uberall
Verse: 1978 fuer die stet alczu mall.
Verse: 1979 er was nu so varicht sam
Verse: 1980 warden: fur welich stat er cham
Verse: 1981 wann sy sein czuechumft vernomen,
Verse: 1982 das sy zu hant gegen im chomen
Verse: 1983 und enphiengen in erleich
Verse: 1984 und naigten im für aigen sich.
Chapter: 98
Alexander und die Samariter
Verse: 1985 es sagt ain puech haist alda
Verse: 1986 scolastica historia:
Verse: 1987 er cham zu handt in das landt
Verse: 1988 das Samaria ist genant.
Verse: 1989 do patten in die Samaritan
Verse: 1990 das er auch mit in solt gan
Verse: 1991 in ir petthaus und in geben
Verse: 1992 freytumb nach irm ewen,
Verse: 1993 wann sy der Juden prueder wern.
Verse: 1994 er sprach das sy es verpern
Verse: 1995 unczt er chem wider dar;
Verse: 1996 also versagt er in gar.
Chapter: 43a
Darius fragt nach Alexanders Aussehen
Verse: 1997 nu warn auch in der zeit do
Verse: 1998 die purger von Tiro
Verse: 1999 die Allexander enttrunnen
Verse: 2000 do er die stat hett gewunnen.
Verse: 2001 sy chomen zu chaiser Dario
Verse: 2002 und sagten im die mer also:
Verse: 2003 wie Allexander sein landt
Verse: 2004 hyett uber ritten und verprant,
Verse: 2005 und wie Tiris die stat
Verse: 2006 er auf die erdt gelegt hat.
Verse: 2007 dem chaiser tet das ant;
Verse: 2008 er fragt die leut von dem landt
Verse: 2009 das sy im sagten mer
Verse: 2010 in welicher gestalt ein man er wer.
Verse: 2011 sy sagten im, er wer nit alt,
Verse: 2012 er wer als ein chindt gestalt.
Verse: 2013 do man im die form sein
Verse: 2014 sagt, do versmacht er im
Verse: 2015 dar umb das er so chlain was
Verse: 2016 und so gestalt, wisset das!
Verse: 2017 Ain pal hies er hin ein
Verse: 2018 tragen und ain steblein
Verse: 2019 das oben umb chrump was,
Verse: 2020 und ain guldein trinkchvas;
Verse: 2021 der stab was nach der Persian sit
Verse: 2022 do die chind spilten mit.
Verse: 2023 das sandt er im, das er domit die zeit
Verse: 2024 vertrib und auch spilt damit.
Verse: 2025 er sandt nach dem schreiber sein
Verse: 2026 und hies in schreiben ein prieflein.
Verse: 2027 der brieff sprach alsus:
Verse: 2028 'wir chaiser Darius,
Verse: 2029 aller chunig herr
Verse: 2030 auf der erden nachant und verr
Verse: 2031 und der heiligen sunne sun,
Verse: 2032 wir enpietten und chundt tun
Verse: 2033 unserm dienner also,
Verse: 2034 dem chunig Allexandro:
Verse: 2035 wir haben von dir all vernomen
Verse: 2036 das du her seist chomen
Verse: 2037 hochvertiklich in unser landt
Verse: 2038 und wellest sew betwingen alle sandt
Verse: 2039 mit den raubern dein,
Verse: 2040 die in deinem her sein.
Verse: 2041 ich sag dir das fur war:
Verse: 2042 und hicz tu alle welt gar
Verse: 2043 mit dir her zu veld pracht,
Verse: 2044 du werst zu nicht gegen unser macht.
Verse: 2045 davan var wider pald zu landt,
Verse: 2046 ee du chombst in grassew schant.
Verse: 2047 wir sennden dir zu gab
Verse: 2048 ainen pal und ainen stab
Verse: 2049 und ainen aphel guldein,
Verse: 2050 do mit spil vor der muter dein.
Verse: 2051 wir wissen wol zu diser frist
Verse: 2052 das du arm und natig pist;
Verse: 2053 so hab aber wir alda
Verse: 2054 in unserm land zu Persia
Verse: 2055 rattes gold fein und klar,
Verse: 2056 das uber gleist der sunne schein.
Verse: 2057 davon lass von der hochvart dein,
Verse: 2058 oder ich haiss die ritter mein
Verse: 2059 dich mit gewalt vachen
Verse: 2060 und als ain rauber hachen.'
Verse: 2061 die potten chamen in chorczer stundt
Verse: 2062 do sy kunig Allexandrum funden.
Verse: 2063 sy gaben im den brieff zu hannd
Verse: 2064 und die chlainat die gesand
Verse: 2065 im het der kunig Darius.
Verse: 2066 chunig Allexander schuerf alsus
Verse: 2067 das man den brief las
Verse: 2068 do allew sein ritterschaft was.
Verse: 2069 do sy den brief hortten do,
Verse: 2070 die ritter wurden ain tail unfro.
Verse: 2071 do sy der chunig truebig sach,
Verse: 2072 mendlich er zu in sprach:
Verse: 2073 'o ir starkchen ritter mein,
Verse: 2074 ir schult der mer nit trawrig sein.
Verse: 2075 wist ir nit das ain hundt
Verse: 2076 der vil pild zu aller stundt,
Verse: 2077 ist unnucz und enwicht ?
Verse: 2078 ir sult sein gar gelauben nicht!
Verse: 2079 yedoch wel wir gelauben das
Verse: 2080 das an dem brief geschriben was
Verse: 2081 von dem grossen gold
Verse: 2082 das Darins haben schold.
Verse: 2083 dar umb schul wir vechten
Verse: 2084 geleich guetten chnechten,
Verse: 2085 das uns das land und die erd
Verse: 2086 und das gold zu tail werd.'
Verse: 2087 hie mit hies er die potten vachen
Verse: 2088 und hies sew sein ritter hachen.
Verse: 2089 des machten sew sich nicht erwern
Verse: 2090 an das sy zu dem chunig schriern:
Verse: 2091 'werder kunig, edeller man,
Verse: 2092 was schuld haben wir dar an?'
Verse: 2093 der chunig Allexander sprach:
Verse: 2094 'ir leidet dissen ungemach
Verse: 2095 von ewrm chaiser Dario,
Verse: 2096 dar umb das er mir schreibt also
Verse: 2097 das ich sey ain rauber;
Verse: 2098 das will ich machen schein per.'
Verse: 2099 die pesten anttwurtten im:
Verse: 2100 'edeler chaiser, nu vernym:
Verse: 2101 Darius der wais nicht
Verse: 2102 die grossen ern die man dir gicht.
Verse: 2103 nu wir es aber haben gesechen,
Verse: 2104 so muess wir der warhait gechen
Verse: 2105 der wierd die dein name hat,
Verse: 2106 ob uns die deinen ziechen landt.'
Verse: 2107 zu handt er sy ledig lies;
Verse: 2108 ainen er sy fuern hies
Verse: 2109 in sein gezelt neben sich
Verse: 2110 und gewirte sy gar erlich.
Verse: 2111 die weil sy also sassen
Verse: 2112 und var dem kunig assen,
Verse: 2113 der ain zu dem chunig sprach,
Verse: 2114 do er die grassen herschaft sach:
Verse: 2115 'chunig Allexander, herre mein,
Verse: 2116 ob es gevelt den gnaden dein,
Verse: 2117 so sent deiner ritter ettlich
Verse: 2118 mit uns haim taugenlich!
Verse: 2119 so well wir den chaiser schir
Verse: 2120 gevangen anttwurtten dir.'
Verse: 2121 der chunig sprach: 'in solicher massen
Verse: 2122 wolt ich mit euch nit ritter lassen
Verse: 2123 den mynnisten ritter den ich han;
Verse: 2124 wenn was mir nit werden chan
Verse: 2125 mit streit und mit ern,
Verse: 2126 des will ich auch sust enpern.'
Verse: 2127 die redt lies er beleiben.
Chapter: 46
Alexanders 1. Brief an Darius (Auslegung der Geschenke)
Verse: 2128 des andern tags hies er schreiben
Verse: 2129 prieff dem chaiser Dario
Verse: 2130 und hies sew schreiben also:
Verse: 2131 'Ich Alexander, Philippes sun,
Verse: 2132 von Macidonie chundt tun
Verse: 2133 Dario dem werden,
Verse: 2134 dem chunig auf der erden
Verse: 2135 und dem kind der sunnen,
Verse: 2136 mit frewd und mit wundt:
Verse: 2137 es stet noch enczimbt nit wol
Verse: 2138 das ain reicher chaiser soll
Verse: 2139 so getanne redt enpietten hin
Verse: 2140 ainem chlainen mann als ich pin.
Verse: 2141 du zeuchest uppigew red an dich
Verse: 2142 das du dich gleichest den gotten gleich
Verse: 2143 und das du seist der sunne chindt;
Verse: 2144 wann die gar untodlich sind,
Verse: 2145 du muest aber sterben
Verse: 2146 und als ein ander mensch verderben.
Verse: 2147 das du mich auch vernichtest
Verse: 2148 wann du dann mit mir vichtest,
Verse: 2149 dar umb das du mich ring wigst,
Verse: 2150 ob du mir dann an gesigst,
Verse: 2151 des enhastu chain er,
Verse: 2152 wann du slegst ain rauber.
Verse: 2153 ob dich Got dann fueget mir
Verse: 2154 das ich syghaft wirt an dir,
Verse: 2155 des hann ich ymmer ern mer
Verse: 2156 paidew lob und er,
Verse: 2157 das ich ainem chaiser han
Verse: 2158 mit streyt gesiget an.
Verse: 2159 dein reichtumb und dein grasses guet
Verse: 2160 das scherffet und sterkchet uns den muet
Verse: 2161 auf trast und auf wan,
Verse: 2162 ob wir dir gesigen an,
Verse: 2163 das wir dann mit deinem guot
Verse: 2164 vertreibn unser armmuet.
Verse: 2165 die ding die du mir hast gesandt,
Verse: 2166 die sind mir zaichenlich bechant
Verse: 2167 das ich soll werden
Verse: 2168 gewaltig aller erden.
Verse: 2169 wann es bedeut der pall,
Verse: 2170 der da ist synibel uberall,
Verse: 2171 das mir alle chunigreich
Verse: 2172 diennen schullen gewaltiklich.
Verse: 2173 so beczaichent uns der stab
Verse: 2174 den ich hie von dir hab,
Verse: 2175 der umb das haubt gechrump ist,
Verse: 2176 das all kunig in chuerczer frist
Verse: 2177 die da leben auf der erden,
Verse: 2178 ir haubt gegen mir naigen und chern.
Verse: 2179 der chopp rat guldein
Verse: 2180 den mir prachten die potten dein,
Verse: 2181 bedeuttet ane schant
Verse: 2182 den zins von dem landt
Verse: 2183 der du dann gewaltig pist
Verse: 2184 und du ir aller her pist
Verse: 2185 und du hast gehebet an,
Verse: 2186 so pin ich sicher ane wan
Verse: 2187 das mir werden alle reich
Verse: 2188 zinsshaft gar churzlich
Verse: 2189 und das ich wird ir aller herr
Verse: 2190 paidew nachant und verr.'
Verse: 2191 dem chaiser er den brieff sandt
Verse: 2192 pey seinen potten allczu hand;
Verse: 2193 reichlich er sy begaben hies,
Verse: 2194 damit er sy reitten lies.
Verse: 2195 Alexander zogt zu handt
Verse: 2196 mit seinem her in das landt.
Verse: 2197 do chamen auch die potten do
Verse: 2198 zu dem reichen chaiser Dario
Verse: 2199 die er zu Allexandro het gesandt;
Verse: 2200 sy gaben im den brief zu hand.
Verse: 2201 do man im den brief gelass,
Verse: 2202 ein guet weil er zarnig was.
Chapter: 47
Darius' Brief an seine Hauptleute
Verse: 2203 do im der unmuet vergie,
Verse: 2204 zu hant er prieff schreiben lie
Verse: 2205 und sandt die von dannen.
Verse: 2206 zwain fursten seinen mannen
Verse: 2207 (der ain hies Primus,
Verse: 2208 der ander Anttilogus,
Verse: 2209 die hern paid in dem landt
Verse: 2210 nach dem chaiser die pesten genant)
Verse: 2211 er gepot in das sy nit erwunden
Verse: 2212 unczt sy Allexandrum funden,
Verse: 2213 das chindt, und im das prechten
Verse: 2214 so sy schirist mechten.
Verse: 2215 er sprach: 'wann er mir wirt gesandt,
Verse: 2216 so han ich mir des gedacht
Verse: 2217 das ich im den rukchen sein
Verse: 2218 mit ainer gaisel riemein
Verse: 2219 ser lan behawen,
Verse: 2220 und wil in seiner frawen,
Verse: 2221 der chunigin Olympia,
Verse: 2222 senden gen Macedonia
Verse: 2223 in ainem purpur chlaid,
Verse: 2224 das er icht werd zu laid.'
Chapter: 49
Darius' Hauptleute berichten in einem Brief
Verse: 2225 die herrn ser erkomen
Verse: 2226 do sy die red vernomen,
Verse: 2227 Primus und Anttilogus.
Verse: 2228 dem chaiser schriben sy alsus:
Verse: 2229 'wiss, edeller chaiser her,
Verse: 2230 das chunig Allexander
Verse: 2231 mit gewalt leit in dem landt
Verse: 2232 paide mit raub und mit prant,
Verse: 2233 er hat dein stet gewunnen.
Verse: 2234 wir sein im chawm entrunnen
Verse: 2235 do wir mit im wolten streytten.
Verse: 2236 wir torsten sein nit enpeitten
Verse: 2237 mit aller unser ritterschaft,
Verse: 2238 wann er hat so grassew chraft
Verse: 2239 das in der welt nie chain man
Verse: 2240 grosser ritterschaft gewan.
Verse: 2241 du schreibst uns von ainem chindt:
Verse: 2242 wiss, er hat das maist gesindt
Verse: 2243 das wir verr oder nachen
Verse: 2244 pey unsern tagen nye gesachen;
Verse: 2245 wann Tyrum die gross stat
Verse: 2246 er in den grundt zestoret hat.'
Chapter: 50
Darius' 2. Brief an Alexander (Mohnsamen)
Verse: 2247 do Darius die mer vernam,
Verse: 2248 zu hant ain ander pot chom,
Verse: 2249 der sagt im wie alda
Verse: 2250 das pey dem wasser Kranica
Verse: 2251 kunig Allexander sein gezelt
Verse: 2252 het geslagen auf das veld;
Verse: 2253 chawm funff tagwaid verr
Verse: 2254 leg Allexander der herr
Verse: 2255 von des chaisers haubstat.
Verse: 2256 der chaiser prieff im schreiben pat,
Verse: 2257 dem chunig Allexandro,
Verse: 2258 paid mit pet und mit dro:
Verse: 2259 er hies in enttweichen
Verse: 2260 aus seinen chunig reichen,
Verse: 2261 ee das er scheden dar inne nem
Verse: 2262 und czu grassen schanden chem.
Verse: 2263 das er im das nicht gunnen wolt,
Verse: 2264 das hiet sein vater umb in versolt.
Verse: 2265 er begund umb ze sentten
Verse: 2266 ain hanttschuch van seinen hannden
Verse: 2267 mit magen samen gefult voll:
Verse: 2268 'Allexander, wiss, als woll
Verse: 2269 den magen du gezellen magst,
Verse: 2270 als vil ist unsers volkches acht
Verse: 2271 chan nyemant gar betrachten
Verse: 2272 noch mit zal volachten.
Verse: 2273 davon soltu wider chern
Verse: 2274 und dein elter damit ern
Verse: 2275 das du in fromden landen
Verse: 2276 icht werst zu schanden.'
Verse: 2277 do die pottschaft chomen was
Verse: 2278 und die Alexander gelas,
Verse: 2279 er graif dar mit der hant
Verse: 2280 in den hantschuch alczu hant.
Verse: 2281 des magens warff er in den mundt
Verse: 2282 und as sein an der selben stundt.
Verse: 2283 der chunig sprach: 'des volkchs ist vil,
Verse: 2284 aber aines ich euch sagen will:
Verse: 2285 der magen ist lindt,
Verse: 2286 also ist es umb das gesindt.'
Verse: 2287 die potten hies er begaben
Verse: 2288 und lie sy hin wekch traben.
Chapter: 51
Alexanders 2. Brief an Darius (Pfefferkorn)
Verse: 2289 er sandt dem chaiser hoch geporn
Verse: 2290 nicht wann ain pheffer chorn
Verse: 2291 und hies im schreiben alsus:
Verse: 2292 'wiss, chaiser Darius,
Verse: 2293 du hast mir vil magens gesant
Verse: 2294 in ainem hantschuͤch bechant,
Verse: 2295 wie deins volkchs gross menig werden
Verse: 2296 die du vermacht auf der erden.
Verse: 2297 da wider han ich dir gesandt
Verse: 2298 ain pheffer charn, das ist dir bechant.
Verse: 2299 wie gross chraft in mein leutten sey,
Verse: 2300 das vernym und merkch da pey.
Verse: 2301 du waist wol an welicher frist
Verse: 2302 das ain charn pheffers ist
Verse: 2303 werder und edler woll
Verse: 2304 wann ain schussel magens vol.'
Verse: 2305 chunig Allexander zogt zu handt
Verse: 2306 aber fuͤrbas in das landt
Verse: 2307 mit seinem mechtigem her;
Verse: 2308 nyemant seczt sich wider in zu wer.
Verse: 2309 Dye fuersten sein er alle pat
Verse: 2310 mit im ze gen an ainen rat;
Verse: 2311 er sprach: 'ir hern, rattet zue
Verse: 2312 was euch das pest dunkchet nu!
Verse: 2313 es taug also hie nit zu ligen;
Verse: 2314 seyd wir uns sein haben verbegen,
Verse: 2315 so schullen wir es auch verenden.
Verse: 2316 nu ratet wen wir senden
Verse: 2317 zu dem chaiser Dario,
Verse: 2318 der im von uns sag also
Verse: 2319 das er sich aus dem lanndt heb
Verse: 2320 oder in unser gnad ergeb
Verse: 2321 paidew leut und landt,
Verse: 2322 oder das er so zu handt
Verse: 2323 zu veld mit uns streit
Verse: 2324 und des lenger nit enpeit!'
Verse: 2325 die fursten fuer den chunig tratten
Verse: 2326 und jachen, sy wolten sich beratten
Verse: 2327 unczt des andern margen frue
Verse: 2328 und wolten dann ratten dar czue.
Verse: 2329 des nachtes do der chunig lag
Verse: 2330 an dem pet und slaffens phlag,
Verse: 2331 sein werder got Amon
Verse: 2332 der erschain im schon;
Verse: 2333 ain chuniges vel het er an.
Verse: 2334 er sprach zu dem chunig san:
Verse: 2335 'Allexander, sun mein,
Verse: 2336 meiner hilff scholtu sein
Verse: 2337 gewis und sicher zu aller frist,
Verse: 2338 wann dir der nat ist.
Verse: 2339 du wild deinen potten senden
Verse: 2340 Dario, das will ich wenden.
Verse: 2341 du scholt nit lenger peitten
Verse: 2342 du scholt selber dar reitten
Verse: 2343 und scholt die mer selber erfarn.
Verse: 2344 der hogst Got wil dich bewarn,
Verse: 2345 das du an disser rais
Verse: 2346 leidest chain vrais.
Verse: 2347 nu nym hin dicz gewant,
Verse: 2348 dar inne pistu unerkant.'
Verse: 2349 do sich volendet het die nacht,
Verse: 2350 der chunig im frolich gedacht.
Verse: 2351 nach den fuersten er do sandt
Verse: 2352 und sagt in den trawm zu hant.
Verse: 2353 sy rietten im, er scholt nit sparn,
Verse: 2354 er scholt die rais also varn.
Verse: 2355 Allexander im kamen pat
Verse: 2356 ainen ritter den er hat,
Verse: 2357 an dem er wal erchant das
Verse: 2358 das er getrew und manhaft was,
Verse: 2359 er was gehaissen Emolus.
Verse: 2360 der chunig sprach zu im alsus:
Verse: 2361 'sicz auf dein snelles ros zu hannt
Verse: 2362 und fur aines ledig an der hant
Verse: 2363 und tue als ich sag dir:
Verse: 2364 wo ich hin reit, do reit mit mir!'
Verse: 2365 sy chomen pey nacht gerant
Verse: 2366 an das wasser das ist genant
Verse: 2367 Tigris; das selb sy funden
Verse: 2368 hert gefrorn an den stunden.
Verse: 2369 das selb wasser Tigris
Verse: 2370 hat die art und die weis
Verse: 2371 das es durich das lang jar
Verse: 2372 des nachtes uber frewset gar,
Verse: 2373 das man wal dar uber reit
Verse: 2374 sicherlich unczt an die zeit
Verse: 2375 das die sun auf gat
Verse: 2376 (des mag nit sein rat),
Verse: 2377 und wirt so drat pey dem tag
Verse: 2378 das nyemant dar uber mag
Verse: 2379 gevarn zu chainer stundt,
Verse: 2380 nuer es ziech in zu dem grundt.
Verse: 2381 nu lass wir das wasser stan
Verse: 2382 und vachen die red wider an.
Verse: 2383 der chunig verchert sich zu hant
Verse: 2384 und legt an sich ain fromb gewant,
Verse: 2385 das weis und seidein was,
Verse: 2386 der got Amon gab im das;
Verse: 2387 es was genet und gesnitten
Verse: 2388 gar nach chriechischen sitten.
Verse: 2389 den ritter lie er do allain
Verse: 2390 halten mit den phertten czwain,
Verse: 2391 das er sein paittet an der stat.
Verse: 2392 der ritter in fleissiklichen pat:
Verse: 2393 'edler herr, gunn mir
Verse: 2394 das ich die rais reit mit dir!'
Verse: 2395 der chunig in nit fuerbas lie,
Verse: 2396 er sprach zu im: 'pait mein hie,
Verse: 2397 wenn ich reit nit allain.
Verse: 2398 der mir in dem slaff erschain,
Verse: 2399 der chumbt in die hilf mein,
Verse: 2400 wan ich nuer bedarff sein.'
Verse: 2401 nu was das wasser da
Verse: 2402 nicht als prait als anderswo,
Verse: 2403 es ist aines pogen schusses prait;
Verse: 2404 dar uber er chuniklich rait.
Verse: 2405 do er cham uber das eys,
Verse: 2406 do chart er gegen Persypoleis,
Verse: 2407 die was des landes haubstat,
Verse: 2408 do Darius sein wanung hat.
Verse: 2409 do er fuer die stat cham,
Verse: 2410 die leut grosses wunder nam
Verse: 2411 umb sein wunderlich gestalt.
Verse: 2412 ir gedenkchen wuerden manigvalt,
Verse: 2413 sy gedachten das es wẽr
Verse: 2414 ain got achtper.
Verse: 2415 sy sprachen zu im zu der zeit:
Verse: 2416 'sagt uns, herr, wer ir seit!'
Verse: 2417 er sprach: 'ich pins nit ain got,
Verse: 2418 ich pin chunig Alexanders pot.'
Verse: 2419 nu was der chaiser Darius
Verse: 2420 in der zeit geritten aus
Verse: 2421 und hies beraitten uber all
Verse: 2422 paid in perg und in tall
Verse: 2423 sich allew sein ritterschaft;
Verse: 2424 wann er wolt mit herres chraft
Verse: 2425 auf Allexandrum reiten
Verse: 2426 und wolt mit im streitten.
Verse: 2427 nu was es abent warden nu,
Verse: 2428 dieweil rait auch der chaiser zue.
Verse: 2429 do er chom zu dem purig tor,
Verse: 2430 do vand er Allexandrum davor
Verse: 2431 chossen mit den leutten.
Verse: 2432 er gedacht: was mag das bedeutten,
Verse: 2433 diesse wunderleiche person,
Verse: 2434 dye do selczam unnd so schon
Verse: 2435 gestalt unnd auch geklayt ist?
Verse: 2436 er gedach im an der frist:
Verse: 2437 er ist leicht Appell der werd,
Verse: 2438 vonn hymel komen auff dye erde.
Verse: 2439 er grusst in schon unnd naigt im dar zu,
Verse: 2440 er sprach zu im: 'wer pist dw?'
Verse: 2441 des anntwurt er im alzu hannt
Verse: 2442 unnd sprach: 'mich hat her zu dir gesanndt
Verse: 2443 chunigk Allexannder reich
Verse: 2444 unnd enpewt dir ernstleich
Verse: 2445 wes dw so lanng peytest,
Verse: 2446 das dw nicht zu veld reyttes
Verse: 2447 unnd vichst nicht mit den veinden dein.
Verse: 2448 kain chaiser sol nicht so gar verczagt sein,
Verse: 2449 oder dw solt dich ergebeñ.
Verse: 2450 bildw aber des wider strebeñ,
Verse: 2451 so chewss einen tag unnd nym
Verse: 2452 zw stregten zwischen dir unnd im.'
Verse: 2453 do der chaiser Darius
Verse: 2454 denn potten hort reden alsus,
Verse: 2455 er sprach zw im: 'bey meinem got,
Verse: 2456 dw redest nicht als ein pot,
Verse: 2457 dw redts vermessentlich
Verse: 2458 Allexanndro geleych.
Verse: 2459 doch wiss das ich der red nicht
Verse: 2460 erschrick, wass dar umb geschicht.
Verse: 2461 yedoch so gepeut ich dir
Verse: 2462 das du heint essest mit mir,
Verse: 2463 wann Allexander meinen potten
Verse: 2464 wirttschaft hat und er erpotten.'
Verse: 2465 Der chaiser Darius zu hant
Verse: 2466 nam in pey seiner rechten hant
Verse: 2467 und fuert in auf den palas,
Verse: 2468 do er mit seinen fuersten sas.
Verse: 2469 Allexander in seinem muet
Verse: 2470 gedacht: das ist ain czaichen guet
Verse: 2471 das mich diser warbarus
Verse: 2472 auf seinen palas alsus
Verse: 2473 furt mit seiner rechten hant.
Verse: 2474 das ist ain zaichen das zue hant
Verse: 2475 diser palas wirt mein,
Verse: 2476 ob mir die goͤtt gehulffig sein.
Verse: 2477 Darius und Alexander
Verse: 2478 warn auf dem palas mit ein ander;
Verse: 2479 ir yettwerdern den andern sach,
Verse: 2480 ain mundt gegen dem andern sprach.
Verse: 2481 do das essen berait was,
Verse: 2482 Darius zu tische sas;
Verse: 2483 er saczt auch die fuersten sein
Verse: 2484 und Allexander zwischen in.
Verse: 2485 der palas und der sall
Verse: 2486 warn ritterlich uberall
Verse: 2487 gecziert von golt,
Verse: 2488 als die der chaiser wold.
Verse: 2489 die Persian die do sassen
Verse: 2490 und vor dem chaisser assen,
Verse: 2491 die spotten des der do sas,
Verse: 2492 dar umb das er also chlain was.
Verse: 2493 sy chantten nicht die manhait,
Verse: 2494 die tugent und die weishait
Verse: 2495 die was in dem chlainen leichnam,
Verse: 2496 und was ern von im cham.
Verse: 2497 das assech alles guldein was
Verse: 2498 do man aus as und trankch.
Verse: 2499 man trueg dar ungefueg
Verse: 2500 reicher chost genueg.
Verse: 2501 die schenkchen schankchten dik ein
Verse: 2502 lautter trankch und klarn wein
Verse: 2503 in die chopp von gold,
Verse: 2504 ygleichem was er wold.
Verse: 2505 do Allexander ein weil gesas
Verse: 2506 an dem tisch und as,
Verse: 2507 wann er aus trankch den wein,
Verse: 2508 so nam er den chopph guldein,
Verse: 2509 in sein puesem er in parg;
Verse: 2510 der choph wueg wol funf markch.
Verse: 2511 der schenkch nam des eben war
Verse: 2512 und pracht ain andern dar;
Verse: 2513 dem tet er aber also,
Verse: 2514 unczt es an den dritten cham.
Verse: 2515 do daucht sein den schenkchen genueg,
Verse: 2516 dem chaiser sagt er es mit fueg.
Verse: 2517 der chaiser richt sich auf und sprach
Verse: 2518 do er den patten siczen sach:
Verse: 2519 'was mainst das du alhie begast,
Verse: 2520 das du die choph verporgen hast,
Verse: 2521 das du die vas guldein
Verse: 2522 gestossen hast in den puesm dein ?'
Verse: 2523 der pot anttwurt also:
Verse: 2524 'pey chunig Allexandro
Verse: 2525 phligt man der gewonhait:
Verse: 2526 aus wew man ainem zu trinkchen geit,
Verse: 2527 das helt er wol an der frist.
Verse: 2528 seit die gewonhait hie nit ist,
Verse: 2529 so gib ich sew gern wider.'
Verse: 2530 er saczt sew auf den tisch nider.
Verse: 2531 die Persen daucht in irm muett:
Verse: 2532 die gewanhait ist nit guett.
Verse: 2533 ain edel fuerst do nahant sas
Verse: 2534 (Antiopolis sein nam was),
Verse: 2535 der was ettwenn gesandt
Verse: 2536 czu kunig Philippum in Chriechen lanndt,
Verse: 2537 das er nem den zinns dar innen.
Verse: 2538 der gedacht in seinen synnen,
Verse: 2539 in daucht an des potten geper
Verse: 2540 wie es Allexander wer.
Verse: 2541 er sach in fleyssiklichen an;
Verse: 2542 mit dem gienng er hin dan
Verse: 2543 do Darius der chaiser sas,
Verse: 2544 er sagt im taugenlichen das:
Verse: 2545 'edler chaiser schanden frey,
Verse: 2546 der pot der dir siczet pey,
Verse: 2547 auf mein trew und er
Verse: 2548 es ist Allexander,
Verse: 2549 des edlen chuniges Philippes sun.
Verse: 2550 wart was du im wellest tuenn!'
Verse: 2551 do sy chunig Allexander
Verse: 2552 sach rawnen mit ein ander,
Verse: 2553 im graust gar ser;
Verse: 2554 er gedacht das es auf in wer.
Verse: 2555 er sawmbt sich nit lang,
Verse: 2556 fuer den tisch er do sprang
Verse: 2557 und gie pald fuer die tuer.
Verse: 2558 ainen chnaben vandt er davor,
Verse: 2559 der het ainen valkchen auf der hant;
Verse: 2560 den rukcht er im alczu hant
Verse: 2561 und lieff pald an die stat,
Verse: 2562 do er sein pherdt gepunden hat.
Verse: 2563 behendiklich er dar auf sas
Verse: 2564 und rant von dann ye pas und pas.
Verse: 2565 do die herrn sachen das
Verse: 2566 das er es selb gewesen was,
Verse: 2567 nach den rossen sy do riefften
Verse: 2568 und auch selb darnach lieffen:
Verse: 2569 in was nach im unmassen gach,
Verse: 2570 sy jagten im snelliklich nach.
Verse: 2571 des selben nachts es vinster was;
Verse: 2572 chunig Allexander erneret das
Verse: 2573 das er ain liecht furt in der hant,
Verse: 2574 die rechten weg er do rantt.
Verse: 2575 das volkch das im nach gacht,
Verse: 2576 van der vinsternuss der nacht
Verse: 2577 die wuerden irr und vergassen
Verse: 2578 der rechten weg und der strassen.
Verse: 2579 an die pawm sy sich stiessen,
Verse: 2580 das sy sumlich ir suechen liessen.
Verse: 2581 sumlich die nach voligten,
Verse: 2582 in den puczen sy sich soligten,
Verse: 2583 das sy gar czornig wurden;
Verse: 2584 damit das suechen sy verpuerrn.
Verse: 2585 die weil die herrn suechten sus,
Verse: 2586 do sas der chaiser Darius
Verse: 2587 dannoch auf seinem tron
Verse: 2588 herlich und schon.
Verse: 2589 er betracht das mendlich ding
Verse: 2590 das Allexander begieng,
Verse: 2591 als er het vor im getan.
Verse: 2592 die guldein seull sach er an
Verse: 2593 die mitten auf dem palas
Verse: 2594 reichlich geseczet was
Verse: 2595 geleich gegen im schon
Verse: 2596 auf ainen guldein tron
Verse: 2597 von Exerso dem werden;
Verse: 2598 die viellen do nyder zu der erden.
Verse: 2599 do Darius das sach
Verse: 2600 das vor im aldo geschach,
Verse: 2601 klagen und wainen er began.
Verse: 2602 er sprach: 'mein frewnt und mein man,
Verse: 2603 disew wunderlich gesicht
Verse: 2604 bedeuttet anders nicht
Verse: 2605 wenn das mein hoff zergat
Verse: 2606 und unser reich ain endt hat.'
Verse: 2607 nu was auch Allexander
Verse: 2608 chomen an das wasser
Verse: 2609 das do Tigris ist genandt,
Verse: 2610 hert er es gefrorn vandt.
Verse: 2611 do er uber das wasser cham
Verse: 2612 und das landt do genam,
Verse: 2613 das ros das er geritten hat,
Verse: 2614 das starb an der selben stat;
Verse: 2615 er cham geundt allczu hant,
Verse: 2616 do er seinen ritter vant,
Verse: 2617 do er in gelassen hat.
Verse: 2618 der ritter Emulus in patt
Verse: 2619 das er im sagt die mer
Verse: 2620 wie es im ergangen wer.
Verse: 2621 der chunig sagt im alles das
Verse: 2622 wie es ym erganngen was.
Verse: 2623 do mit sy zu dem her chamen.
Verse: 2624 do die herrn das vernomen
Verse: 2625 das der chunig cham geritten,
Verse: 2626 mit dem sy nit lenger pitten,
Verse: 2627 sy czogten gegen im allgeleich
Verse: 2628 und enphiengen in frolich.
Chapter: 44
Alexanders erste Schlacht mit den Persern (Granicus)
Verse: 2629 dar nach des nagsten morgen frue
Verse: 2630 Allexander der gie zue,
Verse: 2631 sein volkch er fuer sich chomen pat,
Verse: 2632 auf ain hoch er do tratt.
Verse: 2633 er sprach: 'ir herrn und frant mein,
Verse: 2634 die hie in meinem namen sein,
Verse: 2635 ich will euch der warhait jechen:
Verse: 2636 ich han der Persien macht gesechen,
Verse: 2637 der en ist als vil nicht
Verse: 2638 als man unser hie siecht.
Verse: 2639 ob ir dann mer wer
Verse: 2640 dann unser ist, gelaubt mir,
Verse: 2641 dar umb schult ir nit wenkchen
Verse: 2642 von ewrm muͤet; ir schult gedenkchen
Verse: 2643 das zechen taussent mukchen
Verse: 2644 hundert wespen nider drukchen.
Verse: 2645 do das die leutt erhortten,
Verse: 2646 sy ruefften all mit lautten wartten:
Verse: 2647 'lob, preis und er
Verse: 2648 hab chunig Allexander!'
Verse: 2649 Darius sandt zu handt
Verse: 2650 prieff uber all sein landt;
Verse: 2651 er hies pey dem hals gepietten
Verse: 2652 allen den dew von im hietten
Verse: 2653 lechen oder urbar,
Verse: 2654 das sy all chẽmen dar,
Verse: 2655 und die zu streit tochten,
Verse: 2656 so sy aller pest mochten.
Verse: 2657 do er die alle gewegt,
Verse: 2658 zu hant er sich zu veldt legt
Verse: 2659 gegen chunig Allexandro.
Verse: 2660 sein volkch das rait man do
Verse: 2661 auf sechs und hundert tausent man,
Verse: 2662 die all wappen truegen an.
Verse: 2663 nu het sich auch berait zu wer
Verse: 2664 Allexander mit seinem her.
Verse: 2665 es was dreissig tausent man
Verse: 2666 er zu fuessen gewann,
Verse: 2667 zu rossen virczigt taussen oder mer
Verse: 2668 er welt und aus gesundert.
Verse: 2669 das ich vil saget von der diett,
Verse: 2670 wie vil yeglicher schar hiet,
Verse: 2671 wie sich yeglicher hiet berait,
Verse: 2672 oder wer yglichew schar laitt,
Verse: 2673 als Wolfram tet von Eschenpach,
Verse: 2674 da prich ich mich nit nach,
Verse: 2675 es wuerd zu lang und wer enwicht;
Verse: 2676 ir erchennet doch chainen nit.
Verse: 2677 wann do die hern chomen so nachant
Verse: 2678 das sy an ain ander sachen,
Verse: 2679 die her horn sy plasen hiessen.
Verse: 2680 mit dem die schar zu sam stiessen;
Verse: 2681 man warff auf den stuern vanen,
Verse: 2682 yglicher begund die sein manen.
Verse: 2683 Allexander begund die spiczen
Verse: 2684 selber fuern mit seinen wiczen.
Verse: 2685 do die schar zu samen chomen,
Verse: 2686 sy gaben waidenklichen unde namen
Verse: 2687 mit slegen und mit stichen.
Verse: 2688 wie dissew bestuenden und jene wichen,
Verse: 2689 das wer allczu lang zu sagen.
Verse: 2690 es ward gestochen und geslagen
Verse: 2691 und so ritterlich gestritten
Verse: 2692 das man von den alten sitten
Verse: 2693 so getanes streyts gedacht nye,
Verse: 2694 unczt es an den abent gie.
Verse: 2695 do begunden aller erst sich
Verse: 2696 die Chriechen ruern ritterlich:
Verse: 2697 auf die Persien sy sluegen
Verse: 2698 mit so getan ungefuegen
Verse: 2699 das sy tad viellen nyder;
Verse: 2700 ir vechten half nit dawider.
Verse: 2701 do chaiser Darius sein her
Verse: 2702 so gar sach sterben an wer,
Verse: 2703 er begundt zu fliechen
Verse: 2704 und von dem veldt ziechen.
Verse: 2705 im was zu fliechen also gach,
Verse: 2706 die sein voligten im all nach,
Verse: 2707 unczt das er in sein stat entran.
Verse: 2708 Allexander also gewann
Verse: 2709 den sig und behuet das wall.
Verse: 2710 er gepot uber all
Verse: 2711 das man die totten auf hueb
Verse: 2712 und sew alczuhant begrueb.
Verse: 2713 nu warn der Persen
Verse: 2714 erslagen virczigtausent man,
Verse: 2715 der von Macedonia
Verse: 2716 wuerden nit mer erslagen da
Verse: 2717 wann dreisig und hunder man,
Verse: 2718 als ich es gesechen han.
Verse: 2719 Chunig Allexander sandt zu handt
Verse: 2720 brieff in all sein landt
Verse: 2721 yeglichen fuersten der do was
Verse: 2722 von seinen wegen, und gepot in das
Verse: 2723 pey seinen hulden vestiklich
Verse: 2724 das im beraittet ir yeglich
Verse: 2725 guetter chlaider tausent par,
Verse: 2726 die under czogen wern gar
Verse: 2727 mit hermel und mit punden,
Verse: 2728 so sy es pest funden,
Verse: 2729 und santten die im alle dar
Verse: 2730 wo sy sein wuerden gewar.
Verse: 2731 Darius der sandt alda
Verse: 2732 brieff dem chunig in India,
Verse: 2733 der was Porrus genandt.
Verse: 2734 er tet sein laster im bechantt,
Verse: 2735 er pat im hilff zu senden
Verse: 2736 und im sein laid helffen wenden.
Chapter: 113
Porus' 1. Brief an Darius (verweigert Unterstützung)
Verse: 2737 Porrus, der chunig von India,
Verse: 2738 pat im hin wyder da
Verse: 2739 das im sein smachait unnd sein swer
Verse: 2740 getrewlich laidt wer;
Verse: 2741 er wolt ims helfen wenden
Verse: 2742 und wolt im volkch senden,
Verse: 2743 wie vil er des geruecht,
Verse: 2744 seind er hillf an in suecht.
Chapter: 61
Alexander erobert Cilicien
Chapter: 62
Alexander besetzt Gebirgspässe
Verse: 2745 die weil man Allexander warnt
Verse: 2746 wie Darius in an der stundt
Verse: 2747 mit grossem her besten wolt.
Verse: 2748 im wart geratten das er scholt
Verse: 2749 gegen im ziechen in ein eng
Verse: 2750 und in besten in dem gedreng.
Verse: 2751 chunig Allexander zogt zu hant
Verse: 2752 mit seinem her in ain landt,
Verse: 2753 das ist genant Cilicia.
Verse: 2754 ein hocher perg leit alda,
Verse: 2755 der ist gehaissen Thaurus.
Verse: 2756 den uber czoch er also;
Verse: 2757 er czoch mit grosser eyll
Verse: 2758 des ain tags wal sechczig meil.
Chapter: 75
Alexanders Arzt Philipp wird verleumdet
Verse: 2759 er legt sich zu ainer stat
Verse: 2760 dar umb ain fliessund wasser gat.
Verse: 2761 im was ze hais, er swiczet ser;
Verse: 2762 es was sein lust und auch sein ger
Verse: 2763 das er gar snelliklich
Verse: 2764 in dem wasser kuellet sich.
Verse: 2765 do er sich gepadt hatt,
Verse: 2766 er gewann ain siechtum an der stat
Verse: 2767 und ain sucht hart,
Verse: 2768 aller seiner leib im erstart.
Verse: 2769 er was aldo nachant tod;
Verse: 2770 sein ritter gewunnen grossew natt
Verse: 2771 do sy das ersachen,
Verse: 2772 sy vorchten in und jachen:
Verse: 2773 'und ervert das Darius
Verse: 2774 das ist unserm herrn alsus,
Verse: 2775 er wirt uns uber reitten
Verse: 2776 und wirt mit uns streytten.'
Verse: 2777 do chunig Allexander erhort
Verse: 2778 disew redt und ir wart,
Verse: 2779 er sprach zu in: 'mir wirt nit.
Verse: 2780 trawrt nit umb die geschicht!'
Verse: 2781 nach seinem arczt sandt er zu hant,
Verse: 2782 der was Philippus genant.
Verse: 2783 und fragt in der mer
Verse: 2784 was siechtumbs das wer
Verse: 2785 der im tẽt so ande,
Verse: 2786 das er im den nande.
Verse: 2787 der maister was ein weyser man,
Verse: 2788 den chunig trosten er began:
Verse: 2789 'chunig Allexander, du pist chrankch,
Verse: 2790 do gib ich dir ainen trankch.
Verse: 2791 wenn du den nymbst in deinen mundt,
Verse: 2792 so witstu allczehandt gesundt.'
Verse: 2793 nu was in den zeitten da
Verse: 2794 ein furst von Armenia,
Verse: 2795 der was genant Parmetrus.
Verse: 2796 der naid das Philippus
Verse: 2797 der arcz dem kunig also lieb was,
Verse: 2798 er trueg im haimleich has.
Verse: 2799 er schraib im ein priefflein:
Verse: 2800 'chunig Allexander, herr mein,
Verse: 2801 du solt dich bewarn so
Verse: 2802 von dem arczt Philippo,
Verse: 2803 das du durich chain geschicht
Verse: 2804 seines trankches trinkchest nicht!
Verse: 2805 wann er wil dir vergeben
Verse: 2806 und also pringen umb dein leben
Verse: 2807 mit dem trankch an der stat;
Verse: 2808 dar umb im verhaissen hat
Verse: 2809 Darius die tachter sein.
Verse: 2810 das nymb ich auf die trewe mein.'
Verse: 2811 den brieff raicht er im haimelich dar;
Verse: 2812 Allexander nam des war.
Verse: 2813 do der chunig das gelas
Verse: 2814 das an dem brief geschriben was,
Verse: 2815 in die handt er in nam.
Verse: 2816 nichtes nit er davon ercham;
Verse: 2817 er west wol an gever
Verse: 2818 das im der arczt getrew wer.
Verse: 2819 die weil gienng auch der arczt ein
Verse: 2820 und trueg in der hend sein
Verse: 2821 den trankch den er im het berait.
Verse: 2822 der chunig Allexander paitt
Verse: 2823 das er des trankches nit ein nam.
Verse: 2824 er sach seinen maister an,
Verse: 2825 ob er sein varb hiet verchert.
Verse: 2826 der arczt sprach zu im mit der vart:
Verse: 2827 'grosser chunig, furcht nit dich;
Verse: 2828 nym den trankch von mir freylich!'
Verse: 2829 do der chunig den trankch genam
Verse: 2830 und do im der wol becham,
Verse: 2831 den brieff den er het in der handt,
Verse: 2832 raicht er dem maister allczuhand.
Verse: 2833 do der arczt den brief gelas
Verse: 2834 und hort wie er verratten was
Verse: 2835 er sprach: 'herr, es wais Got,
Verse: 2836 dem wir all sten zu gepot,
Verse: 2837 van dem ich hab das leben mein,
Verse: 2838 das ich der sach unschuldig pin.
Verse: 2839 edler chunig, stell mir
Verse: 2840 den man der dicz chundet dir!'
Verse: 2841 nu was der chunig an der stundt
Verse: 2842 warden frisch und gesundt.
Verse: 2843 den arczt halst er zu im
Verse: 2844 und sprach: 'Philipp, nu vernym
Verse: 2845 mein grossew lieb und mein trew,
Verse: 2846 die ich dir erczaigt han an dew
Verse: 2847 das ich den trankch genomen hab
Verse: 2848 ee ich dir den brieff gab.
Verse: 2849 dein trew was mir woll bechant.'
Verse: 2850 noch Parmeneis er do sandt,
Verse: 2851 den hies er gichtigen und fragen,
Verse: 2852 das er muest die warhait sagen.
Verse: 2853 do Allexander erfuer das
Verse: 2854 das Parmeneis schuldig was,
Verse: 2855 das er es dar umb het getan
Verse: 2856 das er in solt verderben lan,
Verse: 2857 er hies in sein ritter vachen
Verse: 2858 und hies im sein haubt abslachen.
Verse: 2859 Nu het der chaiser Darius
Verse: 2860 sein her besamet sus,
Verse: 2861 das er sich mit grosem her
Verse: 2862 gegen Allexander legt zu wer.
Verse: 2863 er het vir hundert tausent man,
Verse: 2864 die all wappen truegen an;
Verse: 2865 er hoft, er solt den sig gewinnen,
Verse: 2866 Allexander muest im entrinnen.
Verse: 2867 Allexander sein do nit paitt,
Verse: 2868 gegen im er in das pirig rait.
Verse: 2869 do Darius und Allexander
Verse: 2870 so nachant chamen auf ain ander,
Verse: 2871 yeglicher schikcht sein her,
Verse: 2872 so er pest chundt, zu wer
Verse: 2873 und mantten sy gar vleissigkllich
Verse: 2874 das sy vechten ritterlich.
Verse: 2875 die panyr man auf warff,
Verse: 2876 sy zugen manig swert scharff,
Verse: 2877 ir pusawn sy plassen hiessen.
Verse: 2878 hie mit die schar zu sam stiessen.
Verse: 2879 sy vachten mẽndlich,
Verse: 2880 nyemant dem andern wolt enttweichen.
Verse: 2881 gene stachen, disew sluegen,
Verse: 2882 disew den andern nit vertruegen.
Verse: 2883 welich da sluegen oder stachen
Verse: 2884 oder welich ir swert zerbrachen
Verse: 2885 oder welich do wurden erslagen,
Verse: 2886 des mues ich durich der chuercz verdagen.
Verse: 2887 wann des margens gar enczeit
Verse: 2888 griffen sy zu dem streit;
Verse: 2889 es gieng slag wider slag,
Verse: 2890 das wert unczt nach mitten tag.
Verse: 2891 die Persien vast under giengen,
Verse: 2892 davon die Chriechen hercz gevienngen.
Verse: 2893 do Allexander wart gewar
Verse: 2894 das Darius selbs was chomen dar,
Verse: 2895 das volkch durich prach er uberall
Verse: 2896 auf seinem tier Puczeval.
Verse: 2897 do er in aller erst ervandt,
Verse: 2898 auf in slueg er czu hant;
Verse: 2899 er slueg im ein wunden.
Verse: 2900 do der Darius het enphunden
Verse: 2901 und er sein volkch vachen sach,
Verse: 2902 im ward auch zu fliechen gach.
Verse: 2903 gegen dem pirig er vast floch,
Verse: 2904 sein volkch im fliech und nach zoch.
Verse: 2905 die Chriechen wuerden all fro,
Verse: 2906 do sy die Persien sachen also
Verse: 2907 fliechen und verczagen,
Verse: 2908 sy begunden nach ze jagen.
Verse: 2909 ir entrunnen vil von dann,
Verse: 2910 ir gezelt liessen sy stan.
Verse: 2911 virczig tausent sy ir vienngen,
Verse: 2912 die andern in engiengen.
Chapter: 85
Alexander nimmt Darius' Familie gefangen
Verse: 2913 wann der chaiser Darins
Verse: 2914 was in dem wan chomen aus
Verse: 2915 und mit solichem volkch geritten:
Verse: 2916 er want das sy sein nit pitten
Verse: 2917 wann sy in hortten chomen.
Verse: 2918 dar umb het er mit im genomen
Verse: 2919 sein weib, dew edel chaisserin,
Verse: 2920 czwo swester und die muetter sein
Verse: 2921 und sein tochter Roxanen,
Verse: 2922 die zartten wolgetanen.
Verse: 2923 die Chriechen suchten auf dem wall
Verse: 2924 in den geczelten uber all;
Verse: 2925 gold und sylber sy vil funden
Verse: 2926 und andern reichtum zu den stunden.
Verse: 2927 all zu hannt sy es namen.
Verse: 2928 zw des kaisers gezelt sy chomen;
Verse: 2929 sye funden dar inne
Verse: 2930 sein weyb, dy kaiserynne,
Verse: 2931 sein muter unnd sein swester czwe
Verse: 2932 unnd sein tochter auch do,
Verse: 2933 dye edel maid Roxanen:
Verse: 2934 dye mocht sich wol Dyanen
Verse: 2935 geleichen der gottinnen.
Verse: 2936 dye sie funden dynnen,
Verse: 2937 dye herren sich wedachten,
Verse: 2938 Allexanndro sy sey prochtenn.
Verse: 2939 der chunigk wass unmossen fro
Verse: 2940 das es wass erganngen so,
Verse: 2941 der frowen liess er kaiserlich
Verse: 2942 phlegen und auch erleich.
Chapter: 83
Mordversuch durch einen verkleideten Perser
Verse: 2943 nw mercket ein selczam geschicht,
Verse: 2944 der wil ich versweigen nicht.
Verse: 2945 wie es in dem streit geschach,
Verse: 2946 so muss ich sagen doch dar nach:
Verse: 2947 Darius der het eynen man,
Verse: 2947a der was von art ein Persian,
Verse: 2948 er wass ein ritter chun unnd starck,
Verse: 2949 dar zw listig unnd charck;
Verse: 2950 dem hett er gelobet zu geben
Verse: 2951 dy tochter seyn ob er das lehen
Verse: 2952 nem Allexandro
Verse: 2953 in dern streyt aldo.
Verse: 2954 der ritter daucht sich des gemait.
Verse: 2955 die weil man aller hertist strait,
Verse: 2956 ritterleich chlaider legt er an.
Verse: 2957 sein wappen der was so getan:
Verse: 2958 er rait in dem gepẽr
Verse: 2959 als er ein chriechisch ritter wer.
Verse: 2960 er rait zu Allexandro hin.
Verse: 2961 do er recht cham hinder in,
Verse: 2962 er slueg im ainen hertten slag
Verse: 2963 durich den hellm in den nakch,
Verse: 2964 das er nachant gevallen was.
Verse: 2965 das macht das der helm guet was,
Verse: 2966 und wer der nit so vest gewesen,
Verse: 2967 er mocht muelich sein genesen.
Verse: 2968 do das dersachen die ritter sein,
Verse: 2969 sy rantten und viengen in
Verse: 2970 und fuertten in zu Allexandro.
Verse: 2971 der chunig sprach zu im also:
Verse: 2972 'o du chryechischer man,
Verse: 2973 was hastu an mir getan!'
Verse: 2974 der ritter sprach wider in:
Verse: 2975 'wiss, herr, das ich chain Chriech pin;
Verse: 2976 ich pin ein rechter Persyan,
Verse: 2977 Dario ich gelobet han
Verse: 2978 dein haubt zu pringen
Verse: 2979 auf solichen gedingen:
Verse: 2980 wann er mir gelobet hat/
Verse: 2981 sein tachter auf der stat
Verse: 2982 und seiner lanndt halben taill,
Verse: 2983 ob mir Got geb das haill.'
Verse: 2984 Allexander der besandt
Verse: 2985 sein ritterschaft zu hanndt
Verse: 2986 und stalt fur in den man.
Verse: 2987 er sprach: 'ir hern, secht mich an
Verse: 2988 und gesterkcht ewrn muett
Verse: 2989 pey disem pild, was euch sey guet!'
Verse: 2990 er lies in ledig an der stundt
Verse: 2991 und sandt in haym woll gesundt.
Verse: 2992 der chunig sprach: 'mit der geschicht
Verse: 2993 hat er den leib verworicht nicht
Verse: 2994 noch sein gesundt mit der tat,
Verse: 2995 wann er sein trew gehalten hat
Verse: 2996 an seinem rechten herrn;
Verse: 2997 dar umb sol im nit gewerden.'
Verse: 2998 der chunig gepot das man auf hueb
Verse: 2999 die totten und all begrueb
Verse: 3000 wo sy auf dem veld legen.
Verse: 3001 der Chriechen wuerden nit mer erslagen
Verse: 3002 wann anderthalb hundert,
Verse: 3003 die wuerden auch nit ausgesundert;
Verse: 3004 der Persien warn an der czeit
Verse: 3005 an der flucht und an dem streytt
Verse: 3006 tott vir und czwainczig taussent man,
Verse: 3007 die andern chawm entrunnen dann.
Verse: 3008 Allexander legt sich do
Verse: 3009 auf das wall und was fro.
Verse: 3010 sy sluegen hutten und gezelt
Verse: 3011 prait und weit auf das veldt,
Verse: 3012 sy lagen in dem geper
Verse: 3013 als es ein ganczew stat wer.
Verse: 3014 maniges spilles sy begunden
Verse: 3015 und chuercz weil vil in den stunden.
Verse: 3016 die weil sy do zu veld lagen,
Verse: 3017 sumlich auch ir rue phlagen,
Verse: 3018 frolich turnierten,
Verse: 3019 und ettlich justiernten,
Verse: 3020 sumlich mit schaffczagel spill,
Verse: 3021 die andern schussen zu dem zill,
Verse: 3022 frolich chuerczweillten vor den frawen,
Verse: 3023 sy liessen sich in tugenten schawen.
Verse: 3024 gene videlten, disew sungen,
Verse: 3025 disew tanczten, gene sprungen.
Verse: 3026 an der ain stat sy biliben
Verse: 3027 unczt sy nachant ain jar vertriben.
Verse: 3028 Alexander gieng durich schawen
Verse: 3029 zu den mynniklichen frawen.
Verse: 3030 er ret mit Raxanen vil
Verse: 3031 und czach mit ir schaffczagel spill.
Verse: 3032 si plikcht in seniklichen an,
Verse: 3033 nach ir doch im sein hercz pran.
Verse: 3034 Nu wil ich euch berichten wie
Verse: 3035 es Dario dem chaiser gie.
Verse: 3036 do er von dem streit cham
Verse: 3037 geflochen und sein volkch alsam,
Verse: 3038 er cham in die stat gerantt
Verse: 3039 die Persipolis ist genant,
Verse: 3040 und gienng auf das palas.
Verse: 3041 dar czue und er wunt was,
Verse: 3042 er was laidig und unfro,
Verse: 3043 das es im was ergangen also.
Verse: 3044 er legt gestrakcht auf sein anttlicz sich,
Verse: 3045 er erschrikcht und tet permiklich.
Verse: 3046 das wart er kleglichen sprach:
Verse: 3047 'awe mir armen mann und ach!
Verse: 3048 Gottes zorn get groslich
Verse: 3049 uber mein leut und uber mich.
Verse: 3050 nu han ich mit meiner handt
Verse: 3051 betwungen manigs gross landt,
Verse: 3052 vest stet und ynsel vil.
Verse: 3053 seint das Got nit mer wil,
Verse: 3054 so pin ich zu disen stunden
Verse: 3055 fluchtig und auch uberwunden.
Verse: 3056 Got der vermag wunders vil,
Verse: 3057 er hocht und nydert wenn er will;
Verse: 3058 das tuet er an mir wolbekant.'
Verse: 3059 auf richt er sich zu handt
Verse: 3060 und hies prieff schreiben do
Verse: 3061 dem chunig Allexandro.
Verse: 3062 'Alexander, herr mein,
Verse: 3063 ich Darius pit die guette dein
Verse: 3064 das du bedenkchs die wirdikait
Verse: 3065 die Got an dich hat gelait;
Verse: 3066 wann die selbig Gottes gnad
Verse: 3067 dir den sig gewunnen hat.
Verse: 3068 davon tue gnad an mir,
Verse: 3069 wenn ich gnad suech zu dir!
Verse: 3070 edler herr, bedenkch recht
Verse: 3071 mein edelkait und mein geslecht!
Verse: 3072 wann ich ger der gnaden dein,
Verse: 3073 so sendt mir die muetter mein
Verse: 3074 mein weib und auch mein kindt
Verse: 3075 die pey dir gevangen sindt!
Verse: 3076 dawider ich dir geben will
Verse: 3077 gold und silbers also vil
Verse: 3078 als du sein wild nemen
Verse: 3079 und deinen gnaden wil zymen.
Verse: 3080 ich wil dir machen undertan
Verse: 3081 Persian und Median,
Verse: 3082 dar czue alle meinew reich,
Verse: 3083 das dir dew gewaltiklich
Verse: 3084 dienen alle jar.
Verse: 3085 der sig sey dir gegeben gar!'
Verse: 3086 Dye potschaft cham aldar
Verse: 3087 und ir der chunig wart gewar,
Verse: 3088 er lies sew lesen offenlich
Verse: 3089 und horn aller meniklich.
Verse: 3090 die ritter von der pottschaft do
Verse: 3091 wuerden hochgemuett und fro;
Verse: 3092 sy jachen mit gemainem ratt:
Verse: 3093 'wes er dich gepetten hatt,
Verse: 3094 das schol euch nicht versmachen;
Verse: 3095 ir sult euch sein verfachen.
Verse: 3096 czwew sol euch weib und seinew kindt,
Verse: 3097 muetter und swester, die do sind?'
Verse: 3098 der kunig hies dew potten dar
Verse: 3099 gen und sagt in offenn war:
Verse: 3100 'zogt hinwekch und sagt also
Verse: 3101 ewrm herrn Dario
Verse: 3102 das mich Allexander
Verse: 3103 wundert des unmassen ser
Verse: 3104 das er sein weib und seinew kindlein,
Verse: 3105 die swester und die muetter sein
Verse: 3106 mit guot von mir well loͤssen!
Verse: 3107 wẽnt er mich zu poͤssen,
Verse: 3108 das mir nach guet sey so we?
Verse: 3109 will er mit mir vechten mer,
Verse: 3110 ob dann das ist getan
Verse: 3111 das er mir gesigt an,
Verse: 3112 und beheltet er das leben,
Verse: 3113 so darff er mir chain guet geben
Verse: 3114 weder umb weib noch umb kindt,
Verse: 3115 wann sy vor sein sind.'
Chapter: 109
Alexanders 3. Brief an Darius
Verse: 3116 die potten hies er ritterleichen
Verse: 3117 begaben und hies sew sicherleichen
Verse: 3118 reitten und belaitten
Verse: 3119 und nit lenger paitten.
Verse: 3120 do sy an chaiser Dario
Verse: 3121 chamen und sagten im also
Verse: 3122 das er zu diser stundt
Verse: 3123 nicht gnad an im fundt,
Verse: 3124 Darius umb das gedacht,
Verse: 3125 er wolt al sein macht
Verse: 3126 an in wagen aber sa.
Verse: 3127 alles sein volkch besant er do.
Verse: 3128 Darius sandt aber so
Verse: 3129 prief dem kunig von India.
Verse: 3130 er begundt im chlegleichen chlagen
Verse: 3131 wie im sein volkch wer erslagen
Verse: 3132 und wie im sein muetter wer gevangen
Verse: 3133 und wie es im alles wer ergangen.
Verse: 3134 er schraib im und tet im kundt
Verse: 3135 wie Allexander zu diser stundt
Verse: 3136 hiet aines leben gemuett;
Verse: 3137 er het also wenig guet
Verse: 3138 als ein wildes tier.
Verse: 3139 er wuetet als das mer
Verse: 3140 wenn es die stuerm windt bestandt
Verse: 3141 und die unden dar auff gandt.
Verse: 3142 es stuend auch geschriben da:
Verse: 3143 'wisse das wir aber so
Verse: 3144 besamen wellen unser her
Verse: 3145 und wellen uns legen gegen im zu wer,
Verse: 3146 und ist erlicher das wir sterben
Verse: 3147 wann das wir also sechen verderben
Verse: 3148 unser landt und unser leutt.
Verse: 3149 dar umb, prueder, ich dir enpeut
Verse: 3150 und pitt dich pruederlich
Verse: 3151 das mein laid erparme dich,
Verse: 3152 und sendt mir die hilff dein!
Verse: 3153 gedenkch an dew gepuerd mein!
Verse: 3154 ich will dir geben grassen sold,
Verse: 3155 paidew silber und gold.
Verse: 3156 yeglichem der ain ros reitt,
Verse: 3157 dem gib ich das moneyt
Verse: 3158 funf chuercz schilling
Verse: 3159 guldeiner phenning.
Verse: 3160 wer aber ze fuessen gat,
Verse: 3161 dem gib ich an der selben stat
Verse: 3162 guldeiner schilling drey,
Verse: 3163 was er mir helffund sey.
Verse: 3164 ich gib auch dem gesindt dein
Verse: 3165 chost, fuetter und wein,
Verse: 3166 das scholtu gelauben mir.
Verse: 3167 ich wil auch senden dir,
Verse: 3168 wo du zu veld seczest dich,
Verse: 3169 zway hundert maid erlich,
Verse: 3170 die dir und den herrn dein
Verse: 3171 an pet und an tisch diennund sein.
Verse: 3172 das guet phert Puczevall
Verse: 3173 und die wappen allczu mall
Verse: 3174 die Allexander hat,
Verse: 3175 die gib ich dir an der stat,
Verse: 3176 wenn ich mit der hilff dein
Verse: 3177 an gesig dem volkch sein.'
Verse: 3178 Dye weil cham geflochen dann
Verse: 3179 der ritter ainer von Persian.
Verse: 3180 der sagt Alexandrus sus
Verse: 3181 wie sich beraittet Darius,
Verse: 3182 das er mit im streitten weld,
Verse: 3183 wie im zu hilff chomen schold
Verse: 3184 chunig Porrus von India
Verse: 3185 mit grosser macht aber sa.
Verse: 3186 Do das die mueter sein vernam,
Verse: 3187 sy ward trawrig und erkam.
Verse: 3188 do sand sy ainen prieff also
Verse: 3189 irm sun Dario:
Verse: 3190 'lieber sun Darius,
Verse: 3191 dir enpeut dein mueter also:
Verse: 3192 uns ist gesagt und warden kundt
Verse: 3193 das du dich besamest an der stundt
Verse: 3194 und dich darnach stellest
Verse: 3195 das du vechten wellest
Verse: 3196 mit chaiser Allexandro.
Verse: 3197 ich enpeut dir also
Verse: 3198 und sag dir das fur bar,
Verse: 3199 das du all die welt gar
Verse: 3200 in dein hillf nembst
Verse: 3201 und mit im zu streit chemst,
Verse: 3202 du moͤgst im nit gesigen an
Verse: 3203 noch chain weil wider stan,
Verse: 3204 wann die signuft sunder spot
Verse: 3205 ist im verlichen von Got.
Verse: 3206 davon la von deinen synnen
Verse: 3207 und von deinem muet, da du pist inne.
Verse: 3208 wann wildu da wider streben,
Verse: 3209 so verleustu dein leben
Verse: 3210 und pringst uns umb all die er
Verse: 3211 die wir habent gehabt her
Verse: 3212 und noch zu diser frist.
Verse: 3213 wann er in guettem willen ist,
Verse: 3214 das ich mich des woll verstan
Verse: 3215 und sein guet hoffnung han:
Verse: 3216 wildu dich gegen im naigen,
Verse: 3217 er wirt dir gnad erczaigen'.
Verse: 3218 Do Darius den brieff gelas,
Verse: 3219 er waint und chlagt umb das
Verse: 3220 das er die wierd und die er
Verse: 3221 die sein vor vordern unczt her
Verse: 3222 ervochten hetten und erborben
Verse: 3223 und in was von in an erstorben,
Verse: 3224 das er die solt auff geben
Verse: 3225 und verchiessen von seinem leben,
Verse: 3226 und das im von persischer ern
Verse: 3227 das reich scholt genomen werden
Verse: 3228 in seinen zeitten alsus,
Verse: 3229 das Darius und Tirus,
Verse: 3230 die sein vorvordern worden,
Verse: 3231 vor dreissig und czwainn hunddert jarn
Verse: 3232 mẽndlich hetten erfochten dar
Verse: 3233 von dem kunig Walthesar
Verse: 3234 zu Babilonia in der stat,
Verse: 3235 dem die hant geschriben hat
Verse: 3236 an aine want under des
Verse: 3237 mane techel phares.
Verse: 3238 lass wir die red also beleiben;
Verse: 3239 er wolt ir nit hin wider schreiben.
Verse: 3240 Allexander der gedacht,
Verse: 3241 ob sein will nit wuert volbracht,
Verse: 3242 das er betwung gar das lanndt,
Verse: 3243 er macht nicht chaiser sein genandt.
Verse: 3244 er prach auf sa ze handt
Verse: 3245 und czogt furbas in das landt.
Verse: 3246 sy chamen der stat nachen,
Verse: 3247 unczt sy das gepirg sachen
Verse: 3248 das ob der stat nagst lag
Verse: 3249 do Darius ze wannen phlag.
Verse: 3250 do er auf der weitte zoch
Verse: 3251 gegen dem gepirg, das was hoch,
Verse: 3252 ainen list er ervandt:
Verse: 3253 er gepot den leutten alczuhandt
Verse: 3254 das sy reysech absluegen
Verse: 3255 von den pawmen und sy truegen
Verse: 3256 zu den rossen an allen enden,
Verse: 3257 zu den maulen und olpenden,
Verse: 3258 die sy in dem her funden,
Verse: 3259 und den tiern an die czẽgl punden.
Verse: 3260 der weis Allexander
Verse: 3261 den sin dar umb vand er
Verse: 3262 das die rosser und das laub
Verse: 3263 dester grosser molten und staub
Verse: 3264 auf triben under in alda,
Verse: 3265 das die leut von Persia
Verse: 3266 in vorichten dester serr
Verse: 3267 und das sy dester mer
Verse: 3268 die menig achten scholten
Verse: 3269 von dem staub und von den molten.
Verse: 3270 er legt sich zu veld;
Verse: 3271 paidew von hutten und von gezelt
Verse: 3272 und von reicher pavilan
Verse: 3273 hies er do auf slachen schon
Verse: 3274 vil pey dem wasser Tigris
Verse: 3275 und der stat Persipolis
Verse: 3276 woll sex teutsch meil.
Verse: 3277 da lag er ein chuercze weil,
Verse: 3278 unczt auch Darius dar cham
Verse: 3279 mit ainem her lustsam
Verse: 3280 (hundert tausent pracht er zu rassen,
Verse: 3281 er want, er wolt sein haben genossen)
Verse: 3282 und mit sechs tausent wegen
Verse: 3283 (das chan ich euch fuͤr war gesagen),
Verse: 3284 zu fuessen funffczig tausent man,
Verse: 3285 die guetten harnasch truegen an.
Verse: 3286 do sy an das wasser chomen,
Verse: 3287 ain tag ward allda genomen,
Verse: 3288 als sy paid wolten,
Verse: 3289 das sy sich beraitten solten
Verse: 3290 die weil zu paiden seitten
Verse: 3291 und scholten danne streitten.
Verse: 3292 do der frid ain endt genam
Verse: 3293 und Darius volkch cham
Verse: 3294 uber das wasser alles gar,
Verse: 3295 sy schikchten paidenthalben schar
Verse: 3296 in streit, als sy schalten
Verse: 3297 und als die held tuͤn wollten.
Verse: 3298 Allexander durich des kaisser pet
Verse: 3299 rukcht hinder sich von der stet
Verse: 3300 do er vor gelegen was,
Verse: 3301 ain halbew tagwaid oder pas.
Verse: 3302 sich hetten paide her verwegen
Verse: 3303 leibs und guets als chuene degen:
Verse: 3304 die Chriechen warn unverczait
Verse: 3305 und zu vechten gar berait,
Verse: 3306 davon das sy so manigen streit
Verse: 3307 gesigt hetten so manigew zeit;
Verse: 3308 die Persien hetten sich verwegen,
Verse: 3309 sy wolten grosser manhait phlegen;
Verse: 3310 sy muesten disen streit gesigen
Verse: 3311 oder sy wolten allew tod ligen.
Verse: 3312 Allexander was vermessen,
Verse: 3313 er was auf sein tier gesessen,
Verse: 3314 das hies Puczeval;
Verse: 3315 es tet fraisleich auf dem wall.
Verse: 3316 snellichlich er es randt
Verse: 3317 vor den seinen allen sandt.
Verse: 3318 do das die Persien sachen,
Verse: 3319 sy vorichten in ser und jachen
Verse: 3320 das er fraislich wẽr
Verse: 3321 mit aller seiner gepẽr.
Verse: 3322 die stuerm vanen man auf sties,
Verse: 3323 vil pusawn man plasen hies,
Verse: 3324 dann die tẽmerin und herhorn.
Verse: 3325 Allexander der hoch geporn
Verse: 3326 sprengt zu vodrist an die schar,
Verse: 3327 die seinen voligen im all gar.
Verse: 3328 die schar durich ein ander prachen,
Verse: 3329 ir sper sy schir zeprachen,
Verse: 3330 ser si durch ein ander drungen.
Verse: 3331 die swert auf den hellnn chlungen
Verse: 3332 das man nit gehorn chundt
Verse: 3333 die pusawn zu der stundt.
Verse: 3334 der schuczen was ane zall,
Verse: 3335 die da schussen uber all
Verse: 3336 mit armbrusten und mit pogen.
Verse: 3337 das sag ich fur war und nit gelogen
Verse: 3338 das man vor den pheillen
Verse: 3339 den himel under weilen
Verse: 3340 nicht mocht geschawen.
Verse: 3341 die andern gunden sich zu hauen
Verse: 3342 mendlich mit den swertten.
Verse: 3343 wes sie paidenthalben gertten,
Verse: 3344 genueg sy des funden.
Verse: 3345 man sach auch in den stunden
Verse: 3346 da mit spiessen und mit spern
Verse: 3347 chundiklich gegen ein ander chern,
Verse: 3348 mit slegen und mit cheulen
Verse: 3349 sluegen die pawrn gross peulen.
Verse: 3350 in was ernst zu paider seit.
Verse: 3351 des was so hert der streit
Verse: 3352 das man vor oder nach
Verse: 3353 chain hertern streit nie gesach.
Verse: 3354 die ritter viellen auf das wall
Verse: 3355 zu paiden seitten ane czall;
Verse: 3356 do was jamer und not.
Verse: 3357 die molten warn von pluet rot,
Verse: 3358 das weit veld und das wall
Verse: 3359 wart gefullet uber all
Verse: 3360 mit totten und mit wunden,
Verse: 3361 das man nit hiet funden
Verse: 3362 ain ganczew meil lankch und prait
Verse: 3363 das mit totten nit wer welait.
Verse: 3364 welicher da nider wart gerant,
Verse: 3365 der ward ertret alczu handt.
Verse: 3366 sy hueben ze streitten an
Verse: 3367 do es tagen erst began,
Verse: 3368 und geruetten nie
Verse: 3369 unczt die sunn zu rest gie.
Verse: 3370 do die sunn den tag begab,
Verse: 3371 do wurden die Persien nemen ab
Verse: 3372 und vallen und vertragen
Verse: 3373 und an wer das maist erslagen.
Verse: 3374 Do Darius sach seine man
Verse: 3375 so gar an wer zu tod slan,
Verse: 3376 im rietten das die pey im warn,
Verse: 3377 das er nit mocht pas gevarn,
Verse: 3378 er fluch van dann an der stundt
Verse: 3379 die weil er gefrorn fundt
Verse: 3380 das wasser, das er dar uber chẽm
Verse: 3381 ee man im den leib benem.
Verse: 3382 Darius der tet das,
Verse: 3383 wann es nacht warden was
Verse: 3384 und der man auf gie.
Verse: 3385 Darius die flucht gevie,
Verse: 3386 den veintten er den rukch kert,
Verse: 3387 im was gach an der vart.
Verse: 3388 das wasser er gefrorn vandt,
Verse: 3389 pald er dar uber rant.
Verse: 3390 do die Persian hortten das
Verse: 3391 das ir herr entrunnen was,
Verse: 3392 in ward auch zu fliechen gach:
Verse: 3393 sy czagten im snelliklich nach.
Verse: 3394 das geund volkch ferfloch,
Verse: 3395 das reittund im nach zach.
Verse: 3396 und die wegen die sy hetten,
Verse: 3397 grossen schaden im tetten,
Verse: 3398 die gunden sy zu tod ertretten;
Verse: 3399 dez mechten si sich nicht erretten.
Verse: 3400 da macht auch nyemant wider,
Verse: 3401 sy giengen vor den wegen nyder
Verse: 3402 als ein zeittigs getrait tuͤtt
Verse: 3403 vor den snytern guett.
Verse: 3404 do die menig allew sand
Verse: 3405 an das wasser cham gerant,
Verse: 3406 do was es tag worden:
Verse: 3407 do hueb sich erst ein moͤrden.
Verse: 3408 das eys was zu gangen,
Verse: 3409 do warn sy erst gevangen.
Verse: 3410 die Chriechen die in nach zugen,
Verse: 3411 an wer sy sew zu tad sluegen
Verse: 3412 und ertrenkchten ir gar vil.
Verse: 3413 das mer ich also chuerczen will.
Verse: 3414 des volkch sein do luczel dann
Verse: 3415 lembtig und gesunt entran.
Verse: 3416 Der Persian hervart und gewalt
Verse: 3417 der ward alda gar gevalt
Verse: 3418 und so gar gelegt nider
Verse: 3419 das sy sich nymermer wider
Verse: 3420 seit den selben stunden
Verse: 3421 auf gerichten chunden.
Verse: 3422 das litten si gar gedultiklich.
Verse: 3423 in warn alle kunigreich
Verse: 3424 gewesen under tan und gar
Verse: 3425 dreisig und zway hundert jar;
Verse: 3426 do muesten sy diennen nuͤn,
Verse: 3427 do betwang sy Allexander czue.
Verse: 3428 do das so ergangen was,
Verse: 3429 Allexander nider sas,
Verse: 3430 das er anders nit enphlag
Verse: 3431 ganczer vir und dreissig tag
Verse: 3432 das er den raub und gewinn
Verse: 3433 vergab und vertaillet hin
Verse: 3434 den sy zu den stunden
Verse: 3435 under den geczelten funden.
Verse: 3436 Allexander was fur war
Verse: 3437 gelegen do drew ganczew jar
Verse: 3438 in dem landt ze Asya
Verse: 3439 und het in der zeit alda
Verse: 3440 Dario dem Persian
Verse: 3441 drei streit gesigt an.
Verse: 3442 wir lesen das zu paiden seitten
Verse: 3443 verdurben in den drein streitten
Verse: 3444 zehen taussent und hundert tausent man
Verse: 3445 an die streit die er began
Verse: 3446 var mit seinen herrn
Verse: 3447 in seinen landen nachant und verren:
Verse: 3448 do verdurben sunder wan
Verse: 3449 newn tausend hundert man.
Verse: 3450 Allexander hielt das wall.
Verse: 3451 er hies die totten uber all
Verse: 3452 bestatten zu der erden,
Verse: 3453 sumlich nach irn werden;
Verse: 3454 die man im sait das fuersten wern,
Verse: 3455 die hies er auf pẽrn
Verse: 3456 und hies sew erlich begraben.
Verse: 3457 die wunden hies er von dem veld tragen
Verse: 3458 und fuern zu den zelten
Verse: 3459 und hies die erczt ir walten,
Verse: 3460 er hies in gar genueg geben
Verse: 3461 wes sy bedorfften zu irm leben.
Verse: 3462 Do das alles ergie
Verse: 3463 als ir habt vernomen hie,
Verse: 3464 des nagsten abents darnach
Verse: 3465 mit dem her er auf prach
Verse: 3466 und zag mit aller seiner macht
Verse: 3467 uber das wasser pey der nacht,
Verse: 3468 dar umb das es gefrorn was.
Verse: 3469 do rukcht er gegen der stat pas;
Verse: 3470 er legt sich in ain schones landt,
Verse: 3471 do er genueg inne vandt
Verse: 3472 im und dem gesindt sein
Verse: 3473 von chost, fuetter und von wein,
Verse: 3474 dar aus die leut entrunnen warn
Verse: 3475 und vor vorchten aus gevarn.
Verse: 3476 all den winter er do lag
Verse: 3477 mit dem gesindt und rue phlag.
Chapter: 129
Alexander zerstört den Palast des Xerxes
Verse: 3478 pey dem wasser hin zu tal
Verse: 3479 funden sy vil manigen sal,
Verse: 3480 die vor manigen jarn
Verse: 3481 rainichlich gepawet warn
Verse: 3482 von Exerso dem reichen
Verse: 3483 schon und chostlichen.
Verse: 3484 do die Allexander vandt,
Verse: 3485 er hies das man sew alle prant.
Verse: 3486 do zu handt es in gerau;
Verse: 3487 do er sach das reich paw,
Verse: 3488 er hies pald rennen
Verse: 3489 und verpot das prennen.
Verse: 3490 sy funden ainen gartten weitten,
Verse: 3491 dar inne von alten zeitten
Verse: 3492 und vor manigen jarn
Verse: 3493 die chunig begraben warden.
Verse: 3494 die Chriechen do in grueben,
Verse: 3495 die sẽrich sy erhueben.
Verse: 3496 do funden sy pey dem gepain
Verse: 3497 trinkchvas und edel gestain;
Verse: 3498 ettlich warn sylbrein,
Verse: 3499 sumleich rat guldein,
Verse: 3500 als sy ettwan durich zirhait
Verse: 3501 zu den fuersten warn gelait.
Verse: 3502 sy funden auch ain grab alda
Verse: 3503 des chuniges von Asyria.
Verse: 3504 das was gewaricht mit listen
Verse: 3505 aus ainem amatisten;
Verse: 3506 der was innen aus gegraben,
Verse: 3507 aussen was dar auf erhaben
Verse: 3508 pluemen pild und vogelein,
Verse: 3509 als sy lebentig sullen sein.
Verse: 3510 der stain was purpur var,
Verse: 3511 so fein und durichleuchtig gar
Verse: 3512 das man sach als durich ein glas
Verse: 3513 alles das dar inne was,
Verse: 3514 und auch den leichnam gar,
Verse: 3515 das gepain und das har.
Chapter: 130
Alexander befreit verstümmelte Gefangene
Verse: 3516 es stuendt pey dem wag alda
Verse: 3517 ein tuern, der was gemacht also
Verse: 3518 als Darius wolde:
Verse: 3519 wen man verderben scholde
Verse: 3520 und nit pey dem leben lan,
Verse: 3521 den warff man in den tuern san
Verse: 3522 und gab im unczt an seinen tadt
Verse: 3523 nichts wann wasser und pratt;
Verse: 3524 das was in ein poses spill.
Verse: 3525 dar inn lagen leut vil
Verse: 3526 zu der zeit gevangen
Verse: 3527 die myssetat hetten beganngen,
Verse: 3528 in stokch und in pandt,
Verse: 3529 ettlicher nuer mit ainer handt.
Verse: 3530 do das her cham zue gerantt
.....
Verse: 3531 und sy das tumeln hortten,
Verse: 3532 sy ruefften mit chleglichen wartten:
Verse: 3533 'Alexander, chaiser her,
Verse: 3534 durich dein guet und durich dein er
Verse: 3535 geruech dich erparmen
Verse: 3536 uber uns gevangen armen!'
Verse: 3537 da er in so nachant cham
Verse: 3538 das er irn rueff vernam,
Verse: 3539 seinen rittern er gepot
Verse: 3540 das sy in hulffen aus der natt.
Verse: 3541 die ritter prachen auf das haus
Verse: 3542 und zugen die gevangen aus,
Verse: 3543 sy furtens fuͤr den chaiser hin.
Verse: 3544 do erparmten sy im:
Verse: 3545 er waint do er sy an sah.
Verse: 3546 zu seinen chamern er sprach
Verse: 3547 das sy nit verpern,
Verse: 3548 was der gevangen wern,
Verse: 3549 das man ir yeglichem
Verse: 3550 dem armen als dem reichen
Verse: 3551 geb zechen markch von gold,
Verse: 3552 wann er es also haben wold.
Verse: 3553 er verhies in dar nach syder,
Verse: 3554 er wolt in auch helffen wider
Verse: 3555 ires guets und irer ern,
Verse: 3556 ob im Got wold seld mern.
Verse: 3557 sy gnadten im gar ser.
Verse: 3558 er hies sy beleiben pey dem her
Verse: 3559 unczt sy zu leib wider chemen
Verse: 3560 und leucht ander mer vernemen.
Verse: 3561 Allexander het fur war
Verse: 3562 gelernet da die drew jar
Verse: 3563 und er gelegen was alda
Verse: 3564 in dem landt ze Persia,
Verse: 3565 das er wol beschaindleich chundt
Verse: 3566 sprechen und reden zu aller stundt.
Verse: 3567 Do das also geschach,
Verse: 3568 Allexander auf prach.
Verse: 3569 Persipolis er besas,
Verse: 3570 die des lanndts haupstat was.
Verse: 3571 die stat was gros und vest,
Verse: 3572 sy was die reichist und die pest
Verse: 3573 an reichtum und an genuchsam
Verse: 3574 dar ein ye man cham.
Verse: 3575 unlang lag er do var,
Verse: 3576 unczt er gewan das purg tor;
Verse: 3577 die purger sich im ergaben.
Chapter: 138
Darius wird ermordet
Verse: 3578 nu het sich Darius erhaben
Verse: 3579 und was entrunnen von dann
Verse: 3580 allain aller seiner man.
Verse: 3581 er het ein landt da wolt er ein
Verse: 3582 zu ainer pit geflochen sein,
Verse: 3583 das was Perchus genant
Verse: 3584 und sties zenegst an Persien lant;
Verse: 3585 das landt het gar vestew slos
Verse: 3586 von pirg und von gemuͤss.
Verse: 3587 im was zu der flucht gach;
Verse: 3588 zwen herrn im voligten nach
Verse: 3589 zu aller nagsts aldo,
Verse: 3590 der ain der hies Liso,
Verse: 3591 der ander Arbasones.
Verse: 3592 die hetten sich vermessen des,
Verse: 3593 ob sy in mochten vinden,
Verse: 3594 sy wolten in vachen und pinden
Verse: 3595 und wolten dann in also
Verse: 3596 anttwurten Allexandro,
Verse: 3597 das er sy dar umb erte
Verse: 3598 und in ir herschaft merte.
Verse: 3599 in was ze jagen nach im gach.
Verse: 3600 do sew Darius ersach,
Verse: 3601 er paitt ir in dem synne
Verse: 3602 das si im hulffen entrynnen,
Verse: 3603 wann sy warn sein kamerer
Verse: 3604 und seins silber und goldts huetter.
Verse: 3605 do sy zu im chamen,
Verse: 3606 zwischen sich sy in nomen
Verse: 3607 und fuerten in beseitt
Verse: 3608 aus dem weg auf ain weit.
Verse: 3609 sy hetten ain pain eyssen guldein
Verse: 3610 genomen aus der chamer sein
Verse: 3611 und fuertten da mit in dahin;
Verse: 3612 do versmitten sy in ein.
Verse: 3613 do Darius ir poshait sach,
Verse: 3614 permiklich er zu in sprach:
Verse: 3615 'o mein frewnt und mein mann,
Verse: 3616 die liebsten die ich ye gewann,
Verse: 3617 ir wisset wol wie ir seit
Verse: 3618 pey mir gewesen allew zeit
Verse: 3619 gehocht und geheret,
Verse: 3620 gewirdigt und geeret.
Verse: 3621 was welt ir an mir rechen,
Verse: 3622 das ir mich welt erstechen ?
Verse: 3623 bedenkcht euch schir
Verse: 3624 und tuot als ubel nit an mir!
Verse: 3625 getrewlich ich das pitten will,
Verse: 3626 wann ich han laides sust zu vil.
Verse: 3627 ob ir nu nit erwindet
Verse: 3628 und mich Allexander vindet
Verse: 3629 ermort auf dem veld
Verse: 3630 (es geliget nit die meld,
Verse: 3631 er wirt sein doch gewar),
Verse: 3632 er gibt euch dar umb nit ein har;
Verse: 3633 er mich an euch richt,
.....
Verse: 3634 wann sich frewt chain chaisser nicht
Verse: 3635 wo er ain andern kaisser sicht
Verse: 3636 ermordet von den seinen.'
Verse: 3637 in halff sein smaikchen noch sein senen
Verse: 3638 noch sein guet redt,
Verse: 3639 wie vil er der gegen in tet,
Verse: 3640 sy sluegen im an den stunden
Verse: 3641 manig verich wunden.
Verse: 3642 da macht er nit wider,
Verse: 3643 er viel von dem ross nyder,
Verse: 3644 zu irn genaden er sich pot.
Verse: 3645 sy liessen in ligen gar fuer tott.
Verse: 3646 Allexander sagt man mer
Verse: 3647 wie Dario geschechen wer
Verse: 3648 und wie es hietten getan
Verse: 3649 sein leut und sein man.
Verse: 3650 man chund aber nicht ervarn
Verse: 3651 welich es gewessen wern.
Verse: 3652 Alexandro was es laid,
Verse: 3653 er erczaigt dar an sein edlchait;
Verse: 3654 den rittern sein er gepot
Verse: 3655 das sy in nach eilten dratt,
Verse: 3656 wo sy sy funden.
Verse: 3657 das sew sy vienngen und punden.
Verse: 3658 er selber auf ain pherd sas,
Verse: 3659 ze aller vodrist er was.
Verse: 3660 do Allexander der herre
Verse: 3661 gerant nit gar verre,
Verse: 3662 do vand er auf der erden
Verse: 3663 Darium den werden
Verse: 3664 permiklich allain ligen,
Verse: 3665 aller seiner er verczigen,
Verse: 3666 chrankchen und ungesunden
Verse: 3667 mit maniger verich wunden.
Chapter: 139
Darius übergibt seine Herrschaft an Alexander
Verse: 3668 do in der chaiser allso vand,
Verse: 3669 von dem ross sprang er zu handt.
Verse: 3670 er czoch ab die vell sein
Verse: 3671 und dakcht sy uber in.
Verse: 3672 er waint ser und viel auf in
Verse: 3673 und chust in auf die wunden sein.
Verse: 3674 er sprach: 'stand auf, herre mein!
Verse: 3675 Darius, du scholt sein
Verse: 3676 chaiser und herr gewaltiklich
Verse: 3677 aller deiner chunigreich
Verse: 3678 fur war ymmermer,
Verse: 3679 als du pist gewesen her.
Verse: 3680 des swer ich sunder spot
Verse: 3681 pey dem obristen Got:
Verse: 3682 ich will dich haben frue und spat
Verse: 3683 an meines lieben vater stat.
Verse: 3684 chain chaiser schol sich frewen nicht
Verse: 3685 wann dem andern laidt geschicht.
Verse: 3686 sag mir, herr, wer die sein
Verse: 3687 von den du hast den schaden dein
Verse: 3688 und auch dissen geprechen,
Verse: 3689 das ich dich wiss an in zu rechen,'
Verse: 3690 do er waynund also sprach,
Verse: 3691 Darius in an sach,
Verse: 3692 er halst in und chust
Verse: 3693 auf die hendt und auf die prust.
Verse: 3694 er sprach: 'lieber suͤn mein,
Verse: 3695 la dir mein red gevallund sein.
Verse: 3696 uber nym dich nicht der geschicht
Verse: 3697 noch der signuft nicht.
Verse: 3698 ob dein tad und dein mer
Verse: 3699 den gottern geleich wer,
Verse: 3700 du solt bedenkchen alczeit
Verse: 3701 das ende das die welt geit.
Verse: 3702 schaw das wunder das an mir ist
Verse: 3703 geschechen in ainer churczen frist,
Verse: 3704 wie ich von meinen wirden grossen
Verse: 3705 in churczen zeitten pin gestossen.
Verse: 3706 in hachew wierd ich gestigen was,
Verse: 3707 heut mues ich leiden Gottes has.
Verse: 3708 newlich was ich herre
Verse: 3709 aller landt nachant und verre,
Verse: 3710 heut mag ich laider mein
Verse: 3711 selber nicht gewalltig sein.
Verse: 3712 ich pitt dich, chaiser her,
Verse: 3713 durich dein tugent und er
Verse: 3714 das du begrabest den leichnam mein
Verse: 3715 selber nach den ern dein,
Verse: 3716 das die Chriechen und Persian
Verse: 3717 mit sambt meiner par gan.
Verse: 3718 ich bevilich den trewen dein
Verse: 3719 Rodonem, die mueter mein,
Verse: 3720 die scholtu dir lassen sein
Verse: 3721 lieb als die muter dein:
Verse: 3722 des hastu lob und er.
Verse: 3723 Allexander, ich pitt dich mer:
Verse: 3724 mein tachter Roxanen,
Verse: 3725 die klarn und wol getanen,
Verse: 3726 die nymb zu ainem weib,
Verse: 3727 die zymbt wol deinem leib.
Verse: 3728 es seyt die edlisten kind
Verse: 3729 die yeczund in der welt sindt,
Verse: 3730 du von kunig Philippo
Verse: 3731 und sy von kaiser Dario.'
Verse: 3732 do Darius des het begert,
Verse: 3733 Allexander des in gewert
Verse: 3734 und rakcht im des sein hendt.
Verse: 3735 damit nam er sein endt
Verse: 3736 Allexandro an den armen.
Verse: 3737 er begund im ser erparmen.
Chapter: 140
Darius' Begräbnis
Verse: 3738 Allexander hies pey den mern
Verse: 3739 den leichnam chaiserleich auf pẽrn.
Verse: 3740 palsam und aromata,
Verse: 3741 pigment und ezimamata,
Verse: 3742 do hies er nach des landes sit
Verse: 3743 den leichnam bestreichen mit.
Verse: 3744 er hies darczu legen mer
Verse: 3745 spica nardi und aloe
Verse: 3746 und was guetten gesmach geit
Verse: 3747 und was den leib nit faullen leit.
Verse: 3748 er hies im legen an alczu handt
Verse: 3749 ain rechtes chaiserleichs gewant.
Verse: 3750 man saczt im auf sein haubt schon
Verse: 3751 ain reichew chaiserleichew chran
Verse: 3752 geczierat mit edeln stainen
Verse: 3753 grassen und auch chlainen.
Verse: 3754 ain zebter und ain vingerlein
Verse: 3755 sties man im an die hant sein.
Verse: 3756 die edlisten aus den Chriechen gar
Verse: 3757 giengen gewappent vor der par.
Verse: 3758 er wart gechlaget genueg.
Verse: 3759 Allexander in selben trueg
Verse: 3760 auf seinem rukch die par da
Verse: 3761 mit sambt den fursten aus Persia.
Verse: 3762 der chaiser Allexander
Verse: 3763 waint und chlag in gar ser.
Verse: 3764 die von Persian wainten nichts anders
Verse: 3765 wann die Allexanders.
Verse: 3766 sy begrueben den ernreichen
Verse: 3767 nach irm sitten kaisserleichen.
Verse: 3768 ain edl stain der sarich was,
Verse: 3769 ain prasm gros gruenn als ain glas,
Verse: 3770 der was im vor manigen jarn
Verse: 3771 von India gesandt dar:
Verse: 3772 do legt man den herren ein.
Verse: 3773 man palsamt im die wunden sein,
Verse: 3774 das er unczt an den jungisten tag
Verse: 3775 nymer derfaullen mag.
Verse: 3776 ainen phel von salamander
Verse: 3777 dar ein legt in Allexander.
Verse: 3778 die selben wat tewr
Verse: 3779 spynnent die wurm in ainem fewr.
Verse: 3780 die phel sind tewr und chostleich,
Verse: 3781 sy werent ymmer ewiklich.
Verse: 3782 do want man den leichnam ein.
Verse: 3783 man sazt zu den haubten sein
Verse: 3784 zwo lampen nicht zu chlain
Verse: 3785 von ainem edeln stain,
Verse: 3786 der was gehaissen sardin:
Verse: 3787 nicht wann palsen gas man dar in.
Verse: 3788 ain dechtet haisset napa,
Verse: 3789 das vindet man in India,
Verse: 3790 in die lamppen gestossen was.
Verse: 3791 das hat die chraft und die art,
Verse: 3792 wenn es in ain palsam wirt getan
Verse: 3793 und dar nach geczundet an,
Verse: 3794 das es tag und nacht geleich
Verse: 3795 prinnet ymmer ewigklich.
Verse: 3796 der czirhait was hart vil,
Verse: 3797 der ich ain tail versweigen will,
Verse: 3798 wann es wer lang ze sagen;
Verse: 3799 dar umb wil ich es verdagen.
Verse: 3800 die Dary morder warn,
Verse: 3801 do sy so chlegleich geparn
Verse: 3802 sachen Allexandrum
Verse: 3803 umb den chaiser Darium,
Verse: 3804 sy begunden trawrn und chlagen
Verse: 3805 und torsten nyemant davon gesagen.
Verse: 3806 Do Allexander het volpracht
Verse: 3807 die pivill die er het gedacht,
Verse: 3808 mit seiner schar weit und prait
Verse: 3809 er wider in die stat rait.
Verse: 3810 er gie in des reiches sall
Verse: 3811 und beschaut in uber all,
Verse: 3812 yegleich werich besunder.
Verse: 3813 in nam michel wunder
Verse: 3814 von der grossen zierhait
Verse: 3815 die an den sal was gelait.
Verse: 3816 Tyrus der reiche
Verse: 3817 het in gepawen kaisserleichen.
Verse: 3818 der estreich was gezirret
Verse: 3819 und schon gepolieret
Verse: 3820 zu wunsch und zu fleiss.
Verse: 3821 mermel stain rat und weis,
Verse: 3822 swarcz, gruen und plab
Verse: 3823 der warn vil geleget dar,
Verse: 3824 gezeillet und gevieret
Verse: 3825 und liecht gepolieret.
Verse: 3826 so warn an den wenden
Verse: 3827 gespengt an allen enden
Verse: 3828 praitte plech guldein,
Verse: 3829 da warn edel stain ein
Verse: 3830 reichleich geflorieret
Verse: 3831 und maisterleich gevieret,
Verse: 3832 saffir und rubin,
Verse: 3833 smarag und cardin.
Verse: 3834 so was das getevel oben
Verse: 3835 reich und wol ze loben:
Verse: 3836 es was plab und himell var,
Verse: 3837 mit liechten saffirn gar
Verse: 3838 reichleich uberdekcht.
Verse: 3839 da zwischen warn gestekcht
Verse: 3840 rubin und charfunkchel:
Verse: 3841 die nacht ward nye so tunkchl,
Verse: 3842 man sach sew leuchten sam die stern.
Verse: 3843 es sach Allexander gern.
Verse: 3844 ander zierhait vil da was:
Verse: 3845 unden an dem pallas
Verse: 3846 stunden zwelleff sewllen reich,
Verse: 3847 die warn gar chostleich
Verse: 3848 von silber und von gold,
Verse: 3849 als sew Tyrus haben wold.
Verse: 3850 dew seullen nicht anders wiellten
Verse: 3851 wann das getevel sy auf hiellten.
Verse: 3852 Des andern margen vil frue
Verse: 3853 Allexander fuͤr zu
Verse: 3854 und chlait sich nach dem lants sitt,
Verse: 3855 do ert er die lantleut mit.
Verse: 3856 auf ainen tran er gesas
Verse: 3857 mitten auf dem palas,
Verse: 3858 der was rot guldein,
Verse: 3859 Tyrus hies in machen darin.
Verse: 3860 do chronat man in schon
Verse: 3861 mit des reiches chron,
Verse: 3862 die was achtper und reich.
Verse: 3863 im swuer allermenigklich
Verse: 3864 zu diennen seinen hulden,
Verse: 3865 sy wolten gern dulden
Verse: 3866 in seinem dinst allew natt
Verse: 3867 williklich unczt in den tadt.
Verse: 3868 do der chaiser also sas
Verse: 3869 und die menig vor im was,
Verse: 3870 er hies schreiben alzuhant
Verse: 3871 prieff in alles das landt:
Verse: 3872 'wir chaisser Allexander,
Verse: 3873 chunig ob allen chunigen her,
Verse: 3874 des werden gots Amons sun,
Verse: 3875 schreiben und auch chundt tur
Verse: 3876 allen fuersten und hern
Verse: 3877 paidew nachant und verren,
Verse: 3878 allen stetten und leutten
Verse: 3879 lassen wir es auch bedeutten,
Verse: 3880 wie sy sind genantt
Verse: 3881 zu Persya in dem landt,
Verse: 3882 unser frewdt und holden muett,
Verse: 3883 unser gnad und alles guett.
Verse: 3884 wir wern pilleich frewden her,
Verse: 3885 ob des volkchs nicht so vil wer
Verse: 3886 in dem streit erstorben
Verse: 3887 und in dem land verdorben.
Verse: 3888 so enwolt die Gottes chraft
Verse: 3889 uns anders nit sighafft
Verse: 3890 noch gewaltig machen
Verse: 3891 wann mit disen sachen.
Verse: 3892 des scholl wir sy ern
Verse: 3893 und ir lob mern.
Verse: 3894 Wir gepietten sunder spot
Verse: 3895 euch pey kaisserleichem gepot:
Verse: 3896 welicher in yegleicher stat
Verse: 3897 ambt oder gewalt gehabt hat,
Verse: 3898 er sey gewesen richter,
Verse: 3899 haubtman oder phleger
Verse: 3900 von kaisser Dario wegen,
Verse: 3901 der schol sein auch noch heut pflegen;
Verse: 3902 dem schult ir undertenig sein
Verse: 3903 auch von den wegen mein.
Verse: 3904 yder man schol wesen frey
Verse: 3905 dar nach und er geporn sey.
Verse: 3906 es schol auch erben yeder man
Verse: 3907 was in zurecht gehoret an.
Verse: 3908 ir schult ain recht halten
Verse: 3909 dem jungern als dem alten,
Verse: 3910 dem armen als dem reichen.
Verse: 3911 ir schult tugentleichen
Verse: 3912 wittiben und waysen
Verse: 3913 hellfen aus irn fraysen.
Verse: 3914 wir gepieten pey der widt
Verse: 3915 ain stetten lanczfridt;
Verse: 3916 auf wasser und auf strassen
Verse: 3917 schol man die leut zogen lassen
Verse: 3918 fridlich. welich das prechen,
Verse: 3919 das schol man also an in rechen:
Verse: 3920 mit ainer aichein wid
Verse: 3921 pint man in all ir glidt.
Verse: 3922 euch scholl des nit verdriessen,
Verse: 3923 allew wappen schult ir sliessen
Verse: 3924 zu ain ander an ain stat
Verse: 3925 do die gemain ain haus hatt.
Verse: 3926 wir wellen und gepietten das
Verse: 3927 volliklich furbas:
Verse: 3928 Do von dem landt zu Persya
Verse: 3929 unczt in das land gegen Ollada
Verse: 3930 weg und strassen offen sein
Verse: 3931 und allew chauffleut freynn
Verse: 3932 mit ir chaufschacz hin und her
Verse: 3933 fridleich ziechen und sicher,
Verse: 3934 so wirt das lant wider reich
Verse: 3935 und gar guett churczlich.
Verse: 3936 hie mit schult ir frolich sein!
Verse: 3937 mit euch sey die hilf mein!'
Verse: 3938 do er das gepot also,
Verse: 3939 die leut wurden alle fro.
Verse: 3940 Ainer stil der chaisser pat.
Verse: 3941 auf ain hoch er selber trat,
Verse: 3942 do man in hort und sach.
Verse: 3943 'hort, ir herrn' er do sprach,
Verse: 3944 'welich ewr schuldig sein
Verse: 3945 an Dario, dem veint mein,
Verse: 3946 die schullen pald fur mich gan,
Verse: 3947 wan sy habent mir lieb getan.
Verse: 3948 die wil ich dar umb ern
Verse: 3949 und ir sarg verchern,
Verse: 3950 als ich pilleich scholl:
Verse: 3951 sy habent mir gediennet woll.
Verse: 3952 sy schullen sich erczaigen mir.
Verse: 3953 pey meinem got ich das swer
Verse: 3954 und pey dem hail der mueter mein,
Verse: 3955 Olymppias der chunigin,
Verse: 3956 das ich sy in chuerczem zill
Verse: 3957 die aller hogsten machen will
Verse: 3958 und aller pest erchanden
Verse: 3959 in persischen landen.'
Verse: 3960 das persisch volkch alles waint,
Verse: 3961 sy wanten das ers anders maint.
Verse: 3962 Arbosones und Abisso
Verse: 3963 die tratten fur den chaiser do
Verse: 3964 unbetwungenleichen
Verse: 3965 und sprachen: 'edler chaisser reicher,
Verse: 3966 wir sein die zwen man
Verse: 3967 die dir das zu lieb haben getan,
Verse: 3968 die Darius erslagen habent.
Verse: 3969 du scholt uns dar umb begaben
Verse: 3970 als du des hast gesworn.'
Verse: 3971 sy hies der chaiser hochgeporn
Verse: 3972 alzu hant vachen
Verse: 3973 und an ain galligen hahen.
Verse: 3974 do man sew wolt fuern dann,
Verse: 3975 do ruefften sy den chayser an:
Verse: 3976 'grasser chaiser her,
Verse: 3977 es ist dir chain er
Verse: 3978 das du nit dein warhait
Verse: 3979 behalten wild und deinen aid,
Verse: 3980 den du uns hast gesworn
Verse: 3981 pey deinen gotten auserchorn
Verse: 3982 und pey dem hail der mueter dein.'
Verse: 3983 er sprach: 'das lat sein!
Verse: 3984 wes ich gesworn han,
Verse: 3985 das wil ich euch laisten san.
Verse: 3986 ir muest ye die hogsten werden
Verse: 3987 auf persischer erden,
Verse: 3988 es nymant werd pas erchant
Verse: 3989 denn ir uber all das lant.'
Verse: 3990 an ainen galigen man sew zoch,
Verse: 3991 der was wol funfczig ellen hoch.
Verse: 3992 dar an wurden sy versmitt:
Verse: 3993 seinen aid lost er do mit,
Verse: 3994 wann sy wurden in dem lande
Verse: 3995 die hochsten und dye pas erkanden.
Verse: 3996 Do sy der chaiser tott also,
Verse: 3997 die Persien wurden alle fro;
Verse: 3998 sy lobten in sunder spot
Verse: 3999 und erten in als irn got.
Verse: 4000 er schuerff dem landt frid und gemach,
Verse: 4001 dar umb das volkch im wol sprach.
Verse: 4002 was in vor wer von im geschechen,
Verse: 4003 so muesten sy her wider jechen
Verse: 4004 das er sy des ergeczt.
Verse: 4005 das land er besaczt
Verse: 4006 mit fursten und mit richtern,
Verse: 4007 mit ampleutten und mit phlegern.
Verse: 4008 in den zeitten was allda
Verse: 4009 in dem land zu Persya
Verse: 4010 ain alter greyse,
Verse: 4011 der was tugenthaft und weyse,
Verse: 4012 der was Duricius genant.
Verse: 4013 man lobt in uber al das landt,
Verse: 4014 Darius ochaim er was.
Verse: 4015 sy patten den chaiser das
Verse: 4016 er in zu herczogen saczt
Verse: 4017 und in mit im irs laides ergeczt
Verse: 4018 und zu phleger uber das landt.
Verse: 4019 der chaiser tet es so zehant.
Verse: 4020 Do das alles geschach,
Verse: 4021 des nagsten tages darnach
Verse: 4022 Allexander niht enlie,
Verse: 4023 fur seinen palas er gie
Verse: 4024 und saczt sich auff seinen tron
Verse: 4025 in seiner guldein chroͤn.
Verse: 4026 er wolt erfullen so ze stet
Verse: 4027 chayser Dary gepet.
Verse: 4028 den fursten gepot er uber all
Verse: 4029 das sy furten in den sall
Verse: 4030 die schonen mayd Roxanen,
Verse: 4031 die chlarn und wolgetanen,
Verse: 4032 des hochgeporn chaisers kindt.
Verse: 4033 alle die nu lebentig sind,
Verse: 4034 die chunden von der zierhait
Verse: 4035 noch von der chlaider reichait
Verse: 4036 ewch follsingen noch vollsagen
Verse: 4037 die man die maid sach an tragen.
Verse: 4038 do sy in den palas gie,
Verse: 4039 den chaiser sy frolich enphie.
Verse: 4040 nach ir mynne was im we,
Verse: 4041 er nam sey zu rechter ee.
Verse: 4042 er hies die zarten und die schonen
Verse: 4043 gezirleich vor im chronen
Verse: 4044 und saczt sy gewaltiklich
Verse: 4045 auf den tron neben sich.
Verse: 4046 er gepot das man uber alle lanndt
Verse: 4047 sey ein gepietterine nant
Verse: 4048 und gegen ir chnyet und sy ert
Verse: 4049 als ein kaisserinne werdt.
Verse: 4050 do das der kaisser hett getan,
Verse: 4051 der junkfrawen muetter und ir an,
Verse: 4052 die kaisserinne alle czwo,
Verse: 4053 vergassen ires laides do,
Verse: 4054 do sy die gross ere sachen.
Verse: 4055 das landt volkch begund gachen
Verse: 4056 zu hant in ir pethaus.
Verse: 4057 ir abtgot namen sy dar aus
Verse: 4058 und truegen se zu einen ern
Verse: 4059 zu hant fuer Allexandern
Verse: 4060 und lobten in gemainklich alle
Verse: 4061 mit gemainer stym und mit lautem schalle.
Verse: 4062 sy petten in an sunder spott
Verse: 4063 alle sambt als ainen gott.
Verse: 4064 do der chaiser das ersach,
Verse: 4065 er erschrakcht ser und sprach:
Verse: 4066 'es ist mein gepet und mein gepot
Verse: 4067 das ir mich nicht als ainen gott
Verse: 4068 an petten schult und ern,
Verse: 4069 wann ich will sein enpern.
Verse: 4070 ich pin todlich recht als ir,
Verse: 4071 dar umb schult ir nit sprechen mir
Verse: 4072 das lob das die gotter angehort;
Verse: 4073 euch und mich ir sust betort.'
Verse: 4074 Der chaiser in den zeitten
Verse: 4075 sandt in seinew landt weytten
Verse: 4076 paidew nachant und verren
Verse: 4077 seinen fursten und seinen herren,
Verse: 4078 wann sy das mer vernemen,
Verse: 4079 das sy zu hant chemen.
Verse: 4080 ain grassew welt cham aldar,
Verse: 4081 do sy der mer wuerden gewar.
Verse: 4082 die hochzeit ward so reich
Verse: 4083 und so gar chostleich:
Verse: 4084 an trinkchen und an essen
Verse: 4085 ward nichts da vergessen.
Verse: 4086 da was von allem spill
Verse: 4087 chuerczweill und frewden vill.
Verse: 4088 die ritter vast hofirten,
Verse: 4089 sie stachen und turnirtten.
Verse: 4090 darnach gingen si zu schawen
Verse: 4091 auff den sal die schönen frowen.
Verse: 4092 sie trieben frewde mangerlayen
Verse: 4093 paydew mit tanczen und mit rayen.
Verse: 4094 der chayser der het frewden vil,
Verse: 4095 er traib alldar seins herczen spill
Verse: 4096 mit der edeln chayserinne.
Verse: 4097 er pracht sy des woll inne
Verse: 4098 das sy im gar lieb was.
Verse: 4099 sy kund auch woll verdiennen das
Verse: 4100 mit iren tugenden manigvalt:
Verse: 4101 das uber golt ir schon gestalt.
Verse: 4102 die hochzeit wert, als ich ewch sag,
Verse: 4103 volliklichen virczig tag.
Verse: 4104 wenn des tarst gezemen
Verse: 4105 das er gab wolt nemen
Verse: 4106 (der warn doch da genueg),
Verse: 4107 den gab man gar ungefueg
Verse: 4108 golt, phel und samaidt,
Verse: 4109 grassew ros und raveit.
Verse: 4110 wes yeder man begert,
Verse: 4111 des ward er frolich gewert.
Verse: 4112 er vergab alsus.
Verse: 4113 den grossen hart den Darius
Verse: 4114 gesambt het manig jar,
Verse: 4115 den vertailt er allen gar
Verse: 4116 den Chriechen sein und den Persen
Verse: 4117 sy wurden all reich davon.
Verse: 4118 die grassen stet aus Asya
Verse: 4119 santen zu dem kaiser da
Verse: 4120 ir purger dahin
Verse: 4121 und santen gross guet mit in
Verse: 4122 zu lieb und zu ern
Verse: 4123 Allexandro dem herrn.
Verse: 4124 do yems die purger prachten dar,
Verse: 4125 do nam er sein chain war
Verse: 4126 noch wolt sein nye geruern,
Verse: 4127 er hies sew es wider haym fuern.
Verse: 4128 er anttwurt in allda:
Verse: 4129 'ich pin nicht gegen Asya
Verse: 4130 chomen das ich wolt
Verse: 4131 von euch nemen ewr golt,
Verse: 4132 sunder euch schol gezemen
Verse: 4133 das ir von mir schult nemen.'
Chapter: 154
Alexanders 1. Brief an Olympias (über die Hochzeit)
Verse: 4134 der chaiser wolt vermeyden nicht,
Verse: 4135 er gepot die geschicht
Verse: 4136 der chunigin Olimpadi
Verse: 4137 und auch Aristotili,
Verse: 4138 dem vil lieben maister sein,
Verse: 4139 dew nat do er was chomen ein
Verse: 4140 und was er het gelitten da
Verse: 4141 in dem land zu Persya
Verse: 4142 von streyten und von vechten
Verse: 4143 mit rittern und mit chnechten.
Verse: 4144 er sprach auch von frewden
Verse: 4145 und von grossem geuden
Verse: 4146 das die seinen tetten,
Verse: 4147 von reichtum den sy genomen hetten.
Verse: 4148 er enpot in mer
Verse: 4149 das sy durich sein er
Verse: 4150 hochzeit hetten und frolich wern
Verse: 4151 und das in chainer weis verpern,
Verse: 4152 wann er reichlich hochzeit
Verse: 4153 gehabt hiet langew zeit
Verse: 4154 mit der edeln und mit der chlarn,
Verse: 4155 chaiser Daryo parn,
Verse: 4156 der chlarn Roxanen,
Verse: 4157 der schonen und wol getanen.
Verse: 4158 Do er in dem land belaib
Verse: 4159 und nachant ein jar also vertraib
Verse: 4160 nach allem seinen willen
Verse: 4161 offenbar und stillen
Verse: 4162 und sein volkch wol geruet,
Verse: 4163 er gedacht in seinem muet,
Verse: 4164 er wolt sich beraitten
Verse: 4165 und dicz her furbas laitten
Verse: 4166 zu andern landen,
Verse: 4167 die seins namen nicht erkanden.
Verse: 4168 sein her besant er aber so,
Verse: 4169 von Chriechen und von Persya
Verse: 4170 pracht er zesam ein grossew chrafft
Verse: 4171 und uberflussigew ritterschaft.
Verse: 4172 er czogt in ain grasses landt,
Verse: 4173 das ist Hircania genant.
Verse: 4174 mit dem strait er als lang
Verse: 4175 unczt das er sew betwang.
Verse: 4176 do zogt er gegen Magalym,
Verse: 4177 das betwang er auch alda.
Verse: 4178 er besaczt die landt
Verse: 4179 mit seinen leutten alczuhant
Verse: 4180 und zogt da hin gegen Parthia,
Verse: 4181 werhaft leut vand er da.
Verse: 4182 die Parthen und die Elamiten
Verse: 4183 begunden vast gegen im streitten,
Verse: 4184 sy prachten in in grossew nat;
Verse: 4185 ir lagen auch vil vor im tadt.
Verse: 4186 yedoch betwang er das landt
Verse: 4187 und zoch furbas zu hant.
Verse: 4188 er cham da hin gegen Stichia,
Verse: 4189 das landt besas er da.
Verse: 4190 das landt was werhaft und weit.
Verse: 4191 das mer es allenthalben umb geit,
Verse: 4192 nuer an ainer chlainen stat
Verse: 4193 ein enge strass dar inne gat.
Verse: 4194 das volkch das zu lannde ist,
Verse: 4195 das ist werhaft zu aller frist,
Verse: 4196 starkch und achtper,
Verse: 4197 chuen und streyttper.
Verse: 4198 er muest in chuerczen zeitten
Verse: 4199 offt und dikch mit in streytten;
Verse: 4200 yedoch gesigt er in an
Verse: 4201 als oft und er das lanndt gewan.
Verse: 4202 do er das lanndt betwang,
Verse: 4203 do belaib er do nit lang;
Verse: 4204 mit dem her er furbas zach
Verse: 4205 uber ain gepirg hoch.
Chapter: 149
Alexander schließt die Völker Gog und Magog ein
Verse: 4206 do er uber das pirg cham,
Verse: 4207 er vant ain diet fraissam,
Verse: 4208 die was unrain und scheuczlich
Verse: 4209 und an schiessen fraislich.
Verse: 4210 zawbern und nygramenczey
Verse: 4211 und allew pashait wont in pey.
Verse: 4212 sy warn pos und gar verczait
Verse: 4213 an tugenden und an beschaidenhait.
Verse: 4214 sy assen hunt und alles viech,
Verse: 4215 es wer gesunt oder siech,
Verse: 4216 ez wer roch oder gesoten;
Verse: 4217 sy assen natern und chrotten.
Verse: 4218 in was nichts wider zẽm,
Verse: 4219 es was in alles guett und genẽm.
Verse: 4220 wenn die leut sterben
Verse: 4221 oder wie sy sunst verderben
Verse: 4222 von welicher lay geschicht,
Verse: 4223 der begrabens ainen nicht:
Verse: 4224 sy fressen sy gar und gar
Verse: 4225 (das ich sag, das ist war).
Verse: 4226 Gok und Magokch sind sy genant,
Verse: 4227 geporn von der Juden landt.
Verse: 4228 der chunig Salmanasar
Verse: 4229 von Nyniphe furt sy dar
Verse: 4230 gevangen vor virhundert jarn,
Verse: 4231 wann sy Got ungerecht warn.
Verse: 4232 also sindt sy in der poshait
Verse: 4233 beliben und so gar verczait.
Verse: 4234 Got hat in selber verfluͤcht,
Verse: 4235 das er ir nymermer geruecht
Verse: 4236 hie und dort geleich
Verse: 4237 in himel und in erttreich.
Verse: 4238 Essechiel und Jeremias
Verse: 4239 habent von in geweissagt das.
Verse: 4240 wer die wibel hat gelesen,
Verse: 4241 dem mag es wol chund wesen
Verse: 4242 war umb es Got hat getan
Verse: 4243 oder wie sy es verwaricht han.
Verse: 4244 do der chaiser das erkannt
Verse: 4245 und ir pashait recht ervant,
Verse: 4246 er voricht und gedacht im zehant,
Verse: 4247 ob sy chemen in die lant,
Verse: 4248 das sy die welt unraintten
Verse: 4249 und die leut vermainten.
Verse: 4250 Allexander in gepot
Verse: 4251 das sy sich sambten alle dratt
Verse: 4252 mit weiben und mit chinden.
Verse: 4253 des wolt er nicht erwinden,
Verse: 4254 er furt sy furbert an ain stat.
Verse: 4255 den hogsten Got er tewr pat
Verse: 4256 das er im hulf besliessen
Verse: 4257 und liess in des geniessen
Verse: 4258 das er sein inniklich pet,
Verse: 4259 und es der welt ze nucze tet.
Verse: 4260 Got ist so mild und so guet,
Verse: 4261 wes man in pit mit rechtem muott
Verse: 4262 und wes man in andacht an in gert,
Verse: 4263 das er des gar dikch gewert.
Verse: 4264 also tet er auch alhie,
Verse: 4265 ein wunder er geschechen lie.
Verse: 4266 zwain hochen pergen er gepot
Verse: 4267 das sy zesamen gienngen dratt.
Verse: 4268 das er gepot, das geschach.
Verse: 4269 die perig man an ain ander sach
Verse: 4270 gen und wachsen alczuhant
Verse: 4271 und verslyssen leut und lannt.
Verse: 4272 das gepirg chain endt nyndert hat,
Verse: 4273 sein hoch durich die gwolkchen gat.
Verse: 4274 Allexander pawt da vor
Verse: 4275 czway grassew eyssneinew tar.
Verse: 4276 er bestrachs mit assyntiton,
Verse: 4277 da wurdens starkch und vest von,
Verse: 4278 das sy mit fewr nyemant
Verse: 4279 noch mit eyssen gewynnen chan.
Verse: 4280 assyntiton das hat die chraft
Verse: 4281 und ist also werhaft
Verse: 4282 das aller stachel und eyssen
Verse: 4283 mues vor im prechen und reyssen,
Verse: 4284 es lescht alles fewr gar.
Verse: 4285 was ich euch sag, das ist war:
Verse: 4286 sy sind verslossen also ser,
Verse: 4287 sy mugen heraus nymmer mer;
Verse: 4288 niemant auch zu in mag
Verse: 4289 von hinn unczt an den jungisten tag.
Verse: 4290 yedoch hab wir fur bar vernomen
Verse: 4291 das sy schullen her aus kumen
Verse: 4292 noch vor des jungisten tages frist
Verse: 4293 und schullen mit dem Anterchrist
Verse: 4294 erchriegen die christenhait.
Verse: 4295 wer das gelebt, dem sey das laid!
Verse: 4296 Do Allexander het volpracht
Verse: 4297 alles das er het gedacht,
Verse: 4298 sein her furt er furbas
Verse: 4299 und cham ad portam Cassias.
Verse: 4300 do was ain gepirge hoch,
Verse: 4301 des hoch sich durich die luffte zoch,
Verse: 4302 gar vest und lusstsam:
Verse: 4303 das besleust Indiam.
Verse: 4304 da warn gemachet vor
Verse: 4305 starkche eysneine tar,
Verse: 4306 dar uber vest chlausen.
Verse: 4307 dem chaiser begund zu grausen
Verse: 4308 und wolt doch nit chern wider.
Verse: 4309 er legt sich da nyder,
Verse: 4310 er wolt also dannen nicht varn.
Verse: 4311 die leut die darin wanhaft warn,
Verse: 4312 die warnten oft und dikch in
Verse: 4313 das er darczue hette sin
Verse: 4314 das sy des nachtes bewarten sich
Verse: 4315 vor den slangen ayslich
Verse: 4316 die da gepiert das selbe landt.
Chapter: 156
Alexander bekämpft die Kampfhunde der Albaner
Verse: 4317 er kert von dann zu hant
Verse: 4318 in ain landt nachant da,
Verse: 4319 das ist genant Albania.
Verse: 4320 die leut sind chuen und starkch,
Verse: 4321 dar zw listig unnd charck.
Verse: 4322 do die leut erfuern das
Verse: 4323 das Alexander chomen was
Verse: 4324 in ir landt mit her,
Verse: 4325 sy saczten sich zu wer.
Verse: 4326 das volkch besamet sich
Verse: 4327 in dem land chreftiklich.
Verse: 4328 die leut hetten ainen syt
Verse: 4329 do sew dikch gesigten mit
Verse: 4330 und auch zu maniger stundt:
Verse: 4331 sy hetten ruden und hunt
Verse: 4332 gross und starkch vil alda,
Verse: 4333 die hetten sy gelert also
Verse: 4334 das chain tir vor in genoss,
Verse: 4335 wie starkch oder wie grimig es was.
Verse: 4336 wann sy dann wolten streytten,
Verse: 4337 so liessens vor enzeitten
Verse: 4338 die hundt gegen den veintten dar.
Verse: 4339 sy namen ros und leut war,
Verse: 4340 sy vorichten werder spies noch swert,
Verse: 4341 sy rissens zu in an die erdt.
Verse: 4342 dar nach liessens sis dar gan,
Verse: 4343 also gesigten sy in an.
Verse: 4344 das ward Allexandro chund.
Verse: 4345 do gepot er an der stundt
Verse: 4346 das yeglicher nẽm ein swein
Verse: 4347 fur sich auf den sattl sein,
Verse: 4348 und wenn sich die schar verwuerren,
Verse: 4349 das sy mochten das sy chirtten,
Verse: 4350 und wurffen sy dann an den stunden
Verse: 4351 also chirrund fuͤr die hundt.
Verse: 4352 dye ritter warnntten sich also.
Verse: 4353 nu was auch chomen do
Verse: 4354 das her aus Albanian
Verse: 4355 mit irn hunden also nachant
Verse: 4356 das sy die ruden lauffen liessen
Verse: 4357 ee die schar zu samen stiessen.
Verse: 4358 do sy die hund ersachen
Verse: 4359 gegen in so ser tobigklich gachen,
Verse: 4360 sew machten chirren die swein
Verse: 4361 und wurffen sew den hunden hin.
Verse: 4362 die ruden und die scharffen hunt
Verse: 4363 piellen an der selben stundt
Verse: 4364 nuer allain die swein an
Verse: 4365 und liessen ros und leut stan.
Verse: 4366 der chaisser mit dem her czu hant
Verse: 4367 die leutt fraysleichen an rant.
Verse: 4368 jemerlichen sy sich sluegen,
Verse: 4369 luczl yemant sy vertruegen;
Verse: 4370 sy liessen ir gar wenig leben,
Verse: 4371 sy machten nit da wider streben.
Verse: 4372 da mit gesigt er in an
Verse: 4373 und saczt dar ein die Persian
Verse: 4374 und macht es den undertan.
Chapter: 160
Alexander bricht nach Indien auf
Verse: 4375 do es in dint gewaltiklich,
Verse: 4376 do zoch er wider hinder sich
Verse: 4377 do er ee gewessen was,
Verse: 4378 wider ad portas Caspias.
Verse: 4379 er wolt ye nicht erwinden,
Verse: 4380 er wolt versuchen und ervinden
Verse: 4381 die warhait und die rechten mer
Verse: 4382 wie im ze India wer.
Verse: 4383 er legt sich zu veld
Verse: 4384 under sein gezeld.
Verse: 4385 sein wegen speist er alda
Verse: 4386 gegen dem landt zu India.
Verse: 4387 die leut prachten im ain hundt
Verse: 4388 von dem landt an der stundt,
Verse: 4389 der vor in allen uber want
Verse: 4390 ainen leben und ainen helffant.
Verse: 4391 des wundert Allexandern
Verse: 4392 und auch al die andern.
Verse: 4393 die leut von Albania
Verse: 4394 fuerten Allexandrum da
Verse: 4395 mit gewalt und mit listen
Verse: 4396 do sy die rechten weg wisten,
Verse: 4397 unczt er durich das gepirg cham
Verse: 4398 in das landt zu Indyam.
Verse: 4399 Do sy chomen in das landt,
Verse: 4400 do wart in erst nott bekant.
Verse: 4401 sy zugen manig tagwaid
Verse: 4402 nycht wenn auf wuegster haidt.
Verse: 4403 ettwo was es gemusses vol,
Verse: 4404 ettwo das gepirg hoͤll.
Verse: 4405 dar in warn willde kunder;
Verse: 4406 dar warn sumleich under
Verse: 4407 die gifftig und so seltczam warn
Verse: 4408 das sy vor pey irn jarn
Verse: 4409 nye gesachen irn geleich
Verse: 4410 in wasser und auf erttreich.
Verse: 4411 sy chomen auf ainen durren sandt,
Verse: 4412 do sy die sunn so ser verprannt
Verse: 4413 das in von hicz mer nye so wee
Verse: 4414 geschach weder seint noch ee.
Verse: 4415 die sunn so hicziklichen prant,
Verse: 4416 wo man in prunnen wasser vandt,
Verse: 4417 wann sy das schepphten in ir vas
Verse: 4418 und es ein weil darinne was,
Verse: 4419 zu hant es sad und wiell.
Verse: 4420 den rittern ubel es geviell.
Verse: 4421 Dew hogsten fursten uber all
Verse: 4422 do sy die nott und die quall
Verse: 4423 so vil erfunden und ersachen,
Verse: 4424 wider ain ander sy do jachen:
Verse: 4425 'wo tue wir wicz und synn,
Verse: 4426 wo well wir nuer zogen hin ?
Verse: 4427 uns scholt pillich dar an
Verse: 4428 und auch zu recht genuegen lann
Verse: 4429 das wir mit streytthafter hant
Verse: 4430 betwungen haben allew lanndt
Verse: 4431 von Chriechen unczt zu Persya
Verse: 4432 und das wir ze jungist alda
Verse: 4433 betwungen haben die Persyan,
Verse: 4434 den wir vor geben han
Verse: 4435 unsern zins manig jar.
Verse: 4436 wir haben betwungen fur war
Verse: 4437 manig diet und lanndt
Verse: 4438 die unsern vetern unerkant
Verse: 4439 pey irn zeitten warn.
Verse: 4440 nu well wir aber furbas varn
Verse: 4441 in das land zu India.
Verse: 4442 was well wir nuer suchen da?
Verse: 4443 da sind gar ungehewrre tir,
Verse: 4444 die habent uns verderbet schir.
Verse: 4445 Allexander tuett das wal
Verse: 4446 das er umb ziechen scholl,
Verse: 4447 das er allew landt betwunge
Verse: 4448 und nach lob runge
Verse: 4449 und das er mit sollichen sachen
Verse: 4450 ein hochen nam ym mug gemachen
Verse: 4451 und auch lobleich tatt.
Verse: 4452 ir herrn, ob es ist ewr ratt,
Verse: 4453 so ziech wir haim ze landt
Verse: 4454 (des hab wir chain schandt)
Verse: 4455 und lassen in mit den Persyan
Verse: 4456 gachen hin gegen Yndyam
Verse: 4457 oder wo er hin wil.
Verse: 4458 er hat an uns volkches vill.
Verse: 4459 ob euch die red geval,
Verse: 4460 er verfuert uns anders all.'
Verse: 4461 Do der chaiser das vernam
Verse: 4462 und in die red an cham,
Verse: 4463 das her er fuer sich chomen pat.
Verse: 4464 auf ain hoch er do tratt,
Verse: 4465 da in aller meniklich sach.
Verse: 4466 mit lauter stym er do sprach:'
Verse: 4467 'ir Chriechen und ir Macidon,
Verse: 4468 trett zu ein ander schon
Verse: 4469 und was ewr sein gar!
Verse: 4470 so tretten an die andern schar
Verse: 4471 die herren mein von Persia
Verse: 4472 und von andern landen da
Verse: 4473 die zu dienst hie pey mir sein,
Verse: 4474 und vernemen die red mein!'
Verse: 4475 als er gepat, das geschach.
Verse: 4476 zu hant er die Chriechen an sach.
Verse: 4477 er sprach mit lautter stym zu in:
Verse: 4478 'o ir starkchen ritter mein,
Verse: 4479 wes welt ir beginnen?
Verse: 4480 welt ir von mir enttrinnen
Verse: 4481 und welt haim zu land
Verse: 4482 (des habt ir ymmer schand)
Verse: 4483 und welt mich allain lan?
Verse: 4484 ir wist wol das die Persan
Verse: 4485 vor ettlichen jarn
Verse: 4486 unser veint warn
Verse: 4487 und in vil laides han getan.
Verse: 4488 pey den welt ir mich lan?
Verse: 4489 ich wil euch sagen mer:
Verse: 4490 ir erschrakcht gar ser
Verse: 4491 von dem brieff den alsus
Verse: 4492 sandt uns chaiser Darius.
Verse: 4493 do besterkcht ich ewrn muett,
Verse: 4494 das ward ewch hernach guet.
Verse: 4495 ir wisset auch wo wir ye chomen hin,
Verse: 4496 das ich ye gewesen bin
Verse: 4497 in sturmen oder in streytten
Verse: 4498 der vordrist in allen zeitten.
Verse: 4499 ich mues euch sein mer sagen
Verse: 4500 ich torst meinen leib gewagen
Verse: 4501 zu der zeit und aldo
Verse: 4502 do ich zu Dario
Verse: 4503 chert nuer allaine
Verse: 4504 fuer euch all gemainen
Verse: 4505 und sagt im ewr mer
Verse: 4506 als ob ichs ewr pot wer,
Verse: 4507 und ret mit im mit meinem mundt.
Verse: 4508 ob all die welt zu disser stundt
Verse: 4509 an mich allain wer gewant
Verse: 4510 und hiet er mich recht erkant,
Verse: 4511 er hiet mich nit leben lan.
Verse: 4512 das hab ich alles durich euch getan.
Verse: 4513 ir wisset auch gar woll,
Verse: 4514 seind ich ewchs gar sagen scholl,
Verse: 4515 das wir haben manigen streytt
Verse: 4516 gesigt nit von manhait,
Verse: 4517 wan sich dikch zwainczig man
Verse: 4518 an unser ain gehebt hann:
Verse: 4519 die gotter hulffen mir darczue
Verse: 4520 mit ir hillf spatt und frue.
Verse: 4521 wo ich noch zach auf der erden,
Verse: 4522 sy liessen mich nit siglos werden.
Verse: 4523 welt ir dar uber zyechen
Verse: 4524 und vor vorchten von mir fliechen,
Verse: 4525 ir zogt jo an mich:
Verse: 4526 des swer ich euch sicherlich.'
Verse: 4527 Do Allexander getet
Verse: 4528 vor in allen dissew redt,
Verse: 4529 die Chriechen schamten sich so ser.
Verse: 4530 sy sprachen: 'chaiser her,
Verse: 4531 du scholt uns das ding vergeben
Verse: 4532 und wiss, die weil wir leben,
Verse: 4533 das wir von dir nit wellen schaiden
Verse: 4534 weder vor vorichten noch von laiden!'
Verse: 4535 zu hant sy im gelobten das.
Verse: 4536 do czach er aber furbas,
Verse: 4537 unczt er gar cham
Verse: 4538 in dicz landt zu Indiam.
Verse: 4539 er cham dar ein zu diser frist
Verse: 4540 als die sunn am haissisten ist
Verse: 4541 und sich das aller haissist monett,
Verse: 4542 der erst augst, hebet anne.
Verse: 4543 do hies er slachen auf das veld
Verse: 4544 die ritter hutten und gezelt,
Verse: 4545 das er sich dar under laidt.
Verse: 4546 sy wolten do der herbist zeit
Verse: 4547 und chueles wetters peytten
Verse: 4548 und dann furbas reitten.
Verse: 4549 die leut rietten im das
Verse: 4550 den das land chundig was.
Verse: 4551 Porrus, der chunig von India,
Verse: 4552 der sandt im seinen potten da
Verse: 4553 und sein brieff, der sprach sus:
Verse: 4554 'der mechtig chunig Porrus
Verse: 4555 enpeutt Allexandro
Verse: 4556 seinem rauber also:
Verse: 4557 wann du mit rawbiger tat
Verse: 4558 hast betwungen manig stat
Verse: 4559 und in den landen umb verst
Verse: 4560 und die beraubest und vercherst,
Verse: 4561 du wẽnst villeicht, es schull dir
Verse: 4562 alhie gelingen an mir
Verse: 4563 und an den edeln kinden
Verse: 4564 als an den Persien hinden,
Verse: 4565 die sich zuhandt dir ergaben,
Verse: 4566 wan sy nicht wer in in haben.
Verse: 4567 wir achten dein gar chlain,
Verse: 4568 wann uns nit allain
Verse: 4569 die leut dient und ir kindt,
Verse: 4570 die goͤtter auch uns undertẽnig sind.
Verse: 4571 dar umb gepiet wir dir
Verse: 4572 vestiklich das du schir
Verse: 4573 und pald rawmbst das landt,
Verse: 4574 ee das du swerlich werdest geschant.
Verse: 4575 du waist wol sicherlich,
Verse: 4576 ee Xcerses der reich
Verse: 4577 ward chaiser in Persia,
Verse: 4578 das die von Macedonia
Verse: 4579 iern zins santten
Verse: 4580 reichleichen dissen landen.
Verse: 4581 do wir erfuern das
Verse: 4582 das in dem landt nicht seltczambs was,
Verse: 4583 zu hant er uns versmecht
Verse: 4584 und hetten dar auf chain acht.
Verse: 4585 da von scholtu dich nit sawmen,
Verse: 4586 du scholt es pald rawmen;
Verse: 4587 wann du mit allen deinen synnen
Verse: 4588 macht chain herschaft hie gewingen.'
Verse: 4589 Do die brieff dem chaiser chamen
Verse: 4590 und sy die herrn all vernomen,
Verse: 4591 sy warn ain taill unfro
Verse: 4592 von der potschaft, die also
Verse: 4593 gar unsuessigklich sprach.
Verse: 4594 da Allexander das ersuch,
Verse: 4595 er gesterkcht in den muett
Verse: 4596 und sprach: 'ir edeln ritter guet,
Verse: 4597 ir schult euch betrueben nicht
Verse: 4598 der pottschaft noch der geschicht.
Verse: 4599 gedenkcht wie gar uppigklich
Verse: 4600 uns Darius der chaisser reich
Verse: 4601 von erst hat geschriben
Verse: 4602 und ist doch siglos beliben.
Verse: 4603 ich sag euch das fur war:
Verse: 4604 sy habent ainen sitten gar
Verse: 4605 all dye von barbarey
Verse: 4606 das sy sind ir rede frey,
Verse: 4607 sy sind chuen als die tier
Verse: 4608 und habent da pey chain wer.'
Verse: 4609 Dye red lie er beleiben do
Verse: 4610 und hies brieff schreiben also:
Verse: 4611 'wir kaiser Allexander,
Verse: 4612 kunig ob allen chunigen her,
Verse: 4613 des grossen gottes Amons sun,
Verse: 4614 zu wissen und auch chunt tun
Verse: 4615 Porro, dem chaiser her,
Verse: 4616 unser frewd und unser er.
Verse: 4617 dein torisch red uns nit derwert
Verse: 4618 noch dein pottschaft noch dein swertt.
Verse: 4619 du schreybest mir das ich wer
Verse: 4620 an deinem brieff ain rauber.
Verse: 4621 des scholtu gelauben:
Verse: 4622 ich will dich berauben
Verse: 4623 deines lannts und deiner ern,
Verse: 4624 ee man mich sech wider chern.
Verse: 4625 du schreibest mir in den mern
Verse: 4626 das dir undertenig wern
Verse: 4627 paide leut und gott:
Verse: 4628 das hab ich fuer ainen spott.
Verse: 4629 ich pin chomen her zu dir
Verse: 4630 und will, ob Got wil, gar schir
Verse: 4631 vechten mit dir dann
Verse: 4632 als mit einem irdischem man
Verse: 4633 der voll uber muettes ist
Verse: 4634 und hochvart zu aller frist.'
Verse: 4635 Do Purrus die brieff gelas,
Verse: 4636 vor zarn er ungemuett was.
Verse: 4637 er besant ein grasses her
Verse: 4638 und legt sich gegen im zu wer.
Verse: 4639 er het vir hundert helffant,
Verse: 4640 der ist vil in dem lant.
Verse: 4641 es ist inn dem lant sit
Verse: 4642 das sy streitten damit.
Verse: 4643 yeglich helffant auf im trueg
Verse: 4644 ainen tuern vest genueg.
Verse: 4645 auf yegleichem warn san
Verse: 4646 dreyssig woll gewappten man.
Verse: 4647 der reich chunig Porrus
Verse: 4648 was mechtiklich gezogen aus.
Verse: 4649 er fuert herwegen dar
Verse: 4650 funfczehen tausend fuer war,
Verse: 4651 die warn wol beraittett.
Verse: 4652 er het auch dar gelaittett
Verse: 4653 zu rossen ein so grossew schar
Verse: 4654 das ichs auch nit sagen tar
Verse: 4655 wie vil des volkches wer:
Verse: 4656 das ist ungelaubper.
Chapter: 169
Alexanders Kriegslist gegen Porus' Elefanten
Verse: 4657 die weil sy gegen ein ander lagen
Verse: 4658 und sich zu beraitten phlagen.
Verse: 4659 do die Chriechen und die Persen
Verse: 4660 die grassen welt sachen an,
Verse: 4661 sy erschrakchten gar ser,
Verse: 4662 wann sy die helffant vorichten mer
Verse: 4663 dann die menig die do was.
Verse: 4664 do Allexander hort das,
Verse: 4665 er macht sewllen die warn holl,
Verse: 4666 und hies die fullen fewrs voll;
Verse: 4667 die warn gemacht mit synnen
Verse: 4668 das sy smulczen innen.
Verse: 4669 er hies machen dar czu wegen,
Verse: 4670 die warn mit eysen boll beslagen.
Verse: 4671 die seullen hies er dar auf zwikchen
Verse: 4672 und gegen den helffanten schikchen.
Verse: 4673 das geschach als er gepott.
Verse: 4674 nu hetten sich beraitt drott
Verse: 4675 paydenthalben die schar
Verse: 4676 und hielten gegen ein ander dar
Verse: 4677 als sy yeczund wolten sprengen.
Verse: 4678 den rossen begunden sy ze hengen.
Verse: 4679 Allexander der vermessen
Verse: 4680 was auf sein Puczeval gesessen.
Verse: 4681 er schprengt fur die seinen alle
Verse: 4682 fraisleich mit grossem schalle.
Verse: 4683 er hies die von Media
Verse: 4684 und auch die von Persia
Verse: 4685 halten den ersten streytt.
Verse: 4686 die Chriechen hies er beseitt
Verse: 4687 gewappent pey im halden.
Verse: 4688 sy sullten warten unnd wallden:
Verse: 4689 wann die Persian gevachten
Verse: 4690 das sy nit mer mochten,
Verse: 4691 so scholten sy dann dar
Verse: 4692 stossen mit ainer geruetten schar.
Verse: 4693 damit liessens auch ze hauffen
Verse: 4694 die her paidenthalben lauffen.
Verse: 4695 chunig Porrus schikcht aldar
Verse: 4696 die helffant vor an die schar.
Verse: 4697 da sy die seullen sachen,
Verse: 4698 sy begunden vast zu gachen
Verse: 4699 und wannten das es wern man.
Verse: 4700 sy griffen nach ir gewachait an
Verse: 4701 mit irn ros gaulen,
Verse: 4702 die in hiengen ab den maullen.
Verse: 4703 sy gepartten fraisleich,
Verse: 4704 fewr truegens in sich,
Verse: 4705 das sy innen prantten;
Verse: 4706 zu hant sy dann ranntten.
Verse: 4707 do sy der hicz enphunden,
Verse: 4708 do viellens an den stunden,
Verse: 4709 das man sy mit chainen dingen
Verse: 4710 furbas hin czue nicht macht pringen.
Verse: 4711 do das chunig Porrus ersach
Verse: 4712 wie den helffanden geschach,
Verse: 4713 das sy im unnucz warn,
Verse: 4714 er begund sich zu swern.
Verse: 4715 die Medy und die Persan
Verse: 4716 liessen vast dar gan
Verse: 4717 mit slachen und mit stechen,
Verse: 4718 mit swertten und mit spiessen.
Verse: 4719 do sy stachen und sluegen,
Verse: 4720 die Indien in wenig vertruegen;
Verse: 4721 do gaben sy in dar wider gelt,
Verse: 4722 das manig ritter auff dem velt
Verse: 4723 sein endt nam alda
Verse: 4724 und nymmer cham gegen Persia.
Verse: 4725 der leut verdarb unmassen vil.
Verse: 4726 das mer ich hie chuerczen will.
Verse: 4727 genew mit den andern vachten
Verse: 4728 den ganczen tag unczt an die nacht.
Chapter: 170
Alexander kämpft gegen Porus (Hydaspes/ Dyaspes)
Verse: 4729 die nacht sy frid namen,
Verse: 4730 des morgens frue wider chamen
Verse: 4731 und riten aber an einander an,
Verse: 4732 als sy vor heten getan.
Verse: 4733 Porus und Allexander
Verse: 4734 das triben sy mit ein nander
Verse: 4735 zwaintzk tag fur war,
Verse: 4736 das alle tag ein newe schar
Verse: 4737 ye mit der andern vacht
Verse: 4738 den gantzen tag unnd nacht.
Verse: 4739 sy hetten paydenthalben gemacht,
Verse: 4740 ze hannt wann es wuerde nacht
Verse: 4741 und man das nacht horn plies,
Verse: 4742 das aller meniklich dan lies
Verse: 4743 von dem streit unczt frue:
Verse: 4744 so griffen sy dann wider zue.
Verse: 4745 zu jungist die von Media
Verse: 4746 und auch die von Persia
Verse: 4747 begunden ser zu swinden
Verse: 4748 und auch sterben von den Indien.
Verse: 4749 do Allexander das ersach,
Verse: 4750 in den streit was im gach
Verse: 4751 und den Chriechen uber all.
Verse: 4752 er sas auf sein Puczevall,
Verse: 4753 er strait und vacht mendlich
Verse: 4754 ainem starkchen leben geleich.
Verse: 4755 sein vraisleich tier Puczevall
Verse: 4756 das tet wunder auf dem wall,
Verse: 4757 es chund nicht zu smaikchen.
Verse: 4758 was es mocht erraichen,
Verse: 4759 das lies es nicht genesen.
Verse: 4760 im chundt nichts vor gewesen,
Verse: 4761 es zuriss es an seinem gevert.
Verse: 4762 im was auch sein haup so hertt
Verse: 4763 das man es zu chainer stunde
Verse: 4764 mit chainen waffen verserren chunde.
Verse: 4765 die Chriechen die geruett warn,
Verse: 4766 sach man ritterlich geparn.
Verse: 4767 mit starkchen slegen swinden
Verse: 4768 slugen sie auf die Inden.
Verse: 4769 do ir so gar vill gestorben
Verse: 4770 unnd gar an wer verdorbenn,
Verse: 4771 do Porrus sach dy Inden
Verse: 4772 also flihen unnd verswinden,
Verse: 4773 er hueb sich pey der zeit
Verse: 4774 und floch von dem streit,
Verse: 4775 das ander volkch im nach floch.
Verse: 4776 in was ze fliechen allen gach:
Verse: 4777 sy warn siglos und verczait.
Verse: 4778 Allexander in nach raytt,
Verse: 4779 an der flucht er ir vill erslueg
Verse: 4780 und vieng ir auch genueg.
Verse: 4781 Der chaiser do behielt das wall.
Verse: 4782 die seinen hies er uber all
Verse: 4783 das sy still legen
Verse: 4784 und ir rue phlegen.
Verse: 4785 den gottern sein er oppher macht
Verse: 4786 nach der haidnischen acht.
Verse: 4787 er gepot das man auf hueb
Verse: 4788 die totten all und die begrueb,
Verse: 4789 es wern Chriechen oder Persien
Verse: 4790 oder wen sy gehorten an.
Verse: 4791 do Porrus von dem streytt floch,
Verse: 4792 in ein landt do pey er zoch
Verse: 4793 durich ein wuegste gross.
Verse: 4794 in dem landt er sich beslos.
Verse: 4795 do der chaiser also gelag
Verse: 4796 auf dem wall woll acht tag,
Verse: 4797 do zogt er aber furbas.
Verse: 4798 des lanndes haupstat er beslos
Verse: 4799 gewaltiklich mit seiner macht
Verse: 4800 unlang, unczt er sy ervacht.
Verse: 4801 er zogt gewaltiklich dar ein
Verse: 4802 mit allen dem gesindt sein.
Chapter: 173
Alexander besucht Porus' goldenen Palast
Verse: 4803 er gieng auf den palas
Verse: 4804 da Porrus gewesen was.
Verse: 4805 do vand er solich zierhait
Verse: 4806 und auch so grossew reichait
Verse: 4807 und so manigen spechen list
Verse: 4808 das ungelaublich ist.
Verse: 4809 yedoch die heilig geschrift es sagt.
Verse: 4810 davon ist es die warhait
Verse: 4811 das der chunig Aswerus
Verse: 4812 den pallas hies selber pawen sus.
Verse: 4813 das ich euch sag, das ist war.
Verse: 4814 es warn an vier zeyllen dar
Verse: 4815 vir hundert stull geseczt dar ein.
Verse: 4816 die warn ratt guldein.
Verse: 4817 ye zwischen zwain sewllen neben
Verse: 4818 was ein gross weinreben.
Verse: 4819 die reben warn sylbrein
Verse: 4820 und die pletter guldein.
Verse: 4821 die weinper warn rain
Verse: 4822 gemacht von edelm gestain,
Verse: 4823 durichsichtig und chlar
Verse: 4824 von allerley varib gar:
Verse: 4825 die plaben von saffir warn,
Verse: 4826 die gruennen von smaragten chlarn,
Verse: 4827 die rotten von rubin,
Verse: 4828 die gelben von capassin,
Verse: 4829 die weissen warn an den zeitten
Verse: 4830 gewaricht mit edeln margaritten.
Verse: 4831 von christallen und amatisten
Verse: 4832 warn die esst dar an mit listen
Verse: 4833 gewaricht und gemacht,
Verse: 4834 als es Aswerus het betracht.
Verse: 4835 der palas was lankch und weit.
Verse: 4836 die wenntt warn gar durich leytt
Verse: 4837 mit guldein leisten,
Verse: 4838 die schon den sal preisten.
Verse: 4839 die stuenden wol zu plikch
Verse: 4840 wol ains vingers dikch,
Verse: 4841 ettwo ainer hennde praitt.
Verse: 4842 sy warn auch ettwo durich lait
Verse: 4843 mit edlem gestain,
Verse: 4844 das reichlich durich das golt schain,
Verse: 4845 mit smaragden und mit rubein,
Verse: 4846 mit jochanden und mit sardein,
Verse: 4847 mit saphirn und mit gorrallen,
Verse: 4848 mit aller hannd gestaine:
Verse: 4849 die warn dar ein gevelczet raine,
Verse: 4850 geworcht von edelm helffenpain.
Verse: 4851 ain chemnat was gemacht darein,
Verse: 4852 die was edl zypressein.
Verse: 4853 zwainczig guldein sewl davor
Verse: 4854 stunden auf jaspen wol enpor.
Verse: 4855 ye zwischen den sewllen zwain
Verse: 4856 stuend ein pawm silbrein.
Verse: 4857 auf den esten und auf den zwein
Verse: 4858 aller hannd vogelein
Verse: 4859 warn geseczt uber all.
Verse: 4860 gallander und die nachtigal,
Verse: 4861 stiglicz und zeyslein,
Verse: 4862 draschel gesankch und kuniglein,
Verse: 4863 yeglich in dem geper
Verse: 4864 als er lebentig wer
Verse: 4865 und auch in solicher varb gar
Verse: 4866 als er zu waldt ist gevar.
Verse: 4867 niemant die vogl ruert;
Verse: 4868 der wint was dar ein gefuert
Verse: 4869 mit maisterschaft also.
Verse: 4870 wan der chunig wolt wesen fro,
Verse: 4871 so paitt er unlang
Verse: 4872 unczt ir yeglicher sang
Verse: 4873 die stym sein gar suessigklich,
Verse: 4874 als lang sein gelust den kunig reich.
Verse: 4875 sy funden auch unmassen
Verse: 4876 vil von trinkchvassen,
Verse: 4877 von nepphen und von chopphen,
Verse: 4878 von schusseln und von topphen.
Verse: 4879 die warn maist guldein,
Verse: 4880 luczel was ir silbrein.
Verse: 4881 geleich mit stain warn durich leytt,
Verse: 4882 ettlich warn aus gedrẽtt
Verse: 4883 maisterlich mit listen
Verse: 4884 aus smaragden und amatisten
Verse: 4885 und aus edelm gestain
Verse: 4886 sewberleich und rain
Verse: 4887 was solichs die Chriechen funden,
Verse: 4888 das namens an den stunden.
Verse: 4889 Dye weil der chaiser also lag
Verse: 4890 in der stat und rue phlag,
Verse: 4891 do sagt man im mer
Verse: 4892 wie do nachent wer
Verse: 4893 gelegen ein vil vestes landt,
Verse: 4894 das wer der junkfrawn werd genant,
Verse: 4895 das dient dem chunig von Indya.
Verse: 4896 es wer ein grossew insulla,
Verse: 4897 wol zwayhundert meyll lankch.
Verse: 4898 dar ein get nuer ein smaller gankch,
Verse: 4899 ain praittes mer dar umbe gat,
Verse: 4900 das das landt umbvangen hatt.
Verse: 4901 da sind nicht wann frawen innen,
Verse: 4902 die habent selb ain chuniginne.
Verse: 4903 umb die frawen und umb das landt
Verse: 4904 ist es gestalt und gewant:
Verse: 4905 das wasser das dar umb gatt,
Verse: 4906 zu aller zeit guett visch hat.
Verse: 4907 in dem wasser sind auch vil
Verse: 4908 visch, als ich euch sagen will,
Verse: 4909 aLs lamppartisch ros gestalt.
Verse: 4910 die sind snel und pald,
Verse: 4911 in aller handt varib gar gevar,
Verse: 4912 darczue woll gepainet gar;
Verse: 4913 haup und orn, als es scholl,
Verse: 4914 man und zagl stendt in woll.
Verse: 4915 die sind haymelich gar,
Verse: 4916 als sy pey leutten fur war
Verse: 4917 gezogen sein zu allen zeitten.
Verse: 4918 wann so die frawen wellen streytten,
Verse: 4919 so reitten si sew durich den tag
Verse: 4920 und lassens wider in den wag
Verse: 4921 wann der abent ane gat.
Verse: 4922 das waser auch andrew vische hat,
Verse: 4923 gestalt als schonew zelten phert;
Verse: 4924 die gent sunst und seind wert.
Verse: 4925 in dem wasser sind furbar
Verse: 4926 visch als esel geschaffen gar;
Verse: 4927 do akchern die frawen mit
Verse: 4928 und fuern stain und witt
Verse: 4929 des tages wo sy es wellent hin,
Verse: 4930 des nachtes lannt sis wider in.
Verse: 4931 die visch sind also gewent
Verse: 4932 das sy des morgens aus gent:
Verse: 4933 das meyden sy durich chain geschicht.
Verse: 4934 welicher man dann bedarff nicht,
Verse: 4935 die gent zu hannt wider in.
Verse: 4936 nu lass wir die red sein
Verse: 4937 und sagen von den frawen
Verse: 4938 wie sy das landt pawen.
Verse: 4939 der frawen habent gar vil man,
Verse: 4940 die sind gessessen verr hindan
Verse: 4941 enhalb des mers an ainer stat,
Verse: 4942 do der arm ein ende hatt.
Verse: 4943 ir chainer tor in das lanndt,
Verse: 4944 wann er sturb alzu handt.
Verse: 4945 ir got der haist Jupiter,
Verse: 4946 dem erpietten si die er
Verse: 4947 das sy sein hochzeit allew jar
Verse: 4948 dreyssig tag veyrrent gar
Verse: 4949 und dann zu irn mannen gent
Verse: 4950 und ein manedt pey in stent
Verse: 4951 und treybent irn lust mit in
Verse: 4952 und czogent dann wider hin.
Verse: 4953 ir man sind ir aribaitter,
Verse: 4954 ir smid und ir weber,
Verse: 4955 ir sneider und ir chuersner,
Verse: 4956 ir schuester und ir ledrer.
Verse: 4957 die vertreiben ir zeit
Verse: 4958 mit nicht wann mit behendikait,
Verse: 4959 mit jagen und mit pierssen
Verse: 4960 nach rẽchern und nach hierssen,
Verse: 4961 mit paiczen auf der haid,
Verse: 4962 mit vischen auf der visch waid.
Verse: 4963 die frawn sind zu streitten woll gelert
Verse: 4964 und chunnen nuczen wol die swert,
Verse: 4965 darczue schilt und sper,
Verse: 4966 pogen, spies und ger.
Verse: 4967 ir wappen geit liechten schein,
Verse: 4968 der ist aller silbrein
Verse: 4969 und ist hertter dann der stachel.
Verse: 4970 es entspringt in ainem tall
Verse: 4971 ain pronn, der da fleusset;
Verse: 4972 wann man das wasser auf silber geusset,
Verse: 4973 so wirt es hertter an der frist
Verse: 4974 dann stachl oder ekchel ist.
Verse: 4975 sy haben auch ander ros genueg;
Verse: 4976 die sind hubsch und gefueg,
Verse: 4977 die geporn werdent
Verse: 4978 von anderrn rossen auf der erden,
Verse: 4979 die gar starkch und werhaft sind
Verse: 4980 und sind snel als der windt:
Verse: 4981 sy chunnen lauffen snelliklich
Verse: 4982 fur sich und auch hinder sich.
Verse: 4983 die frawen sind so behendt,
Verse: 4984 wann sy den pheill landt aus der hendt
Verse: 4985 in die leng oder in die weit,
Verse: 4986 so vachent sy in an der selben zeit
Verse: 4987 den pheil in die hendt wider
Verse: 4988 ee er velt zu der erd nyder.
Verse: 4989 nu hab wir euch ein tail gesait
Verse: 4990 von des landts gelegenhait;
Verse: 4991 ain tail well wir sein verdagen,
Verse: 4992 wann es wer vil ze sagen.
Verse: 4993 Dye in den zeitten chuniginne da
Verse: 4994 was, die hies Calistrida;
Verse: 4995 die was ein mynnikleich magt
Verse: 4996 als uns das puech von ir sag.
Verse: 4997 das lanndt ist genennet schon
Verse: 4998 zu latein Amason,
Verse: 4999 die frawen Amasones.
Verse: 5000 der chaiser nit enlie des,
Verse: 5001 er hies schreiben also zu hant
Verse: 5002 der chuniginne prieff in das lanndt:
Verse: 5003 'wir chaiser Allexander,
Verse: 5004 chunig ob allen chunigen her,
Verse: 5005 geporn von dem got Amon,
Verse: 5006 enpietten der frawen Amason
Verse: 5007 Calistrida der chunigin
Verse: 5008 unser frewd mit ganczer mynn.
Verse: 5009 wir gelauben, euch sey chundt getan
Verse: 5010 wie mẽndlich wir betwungen hann
Verse: 5011 Darium den reichen
Verse: 5012 mit seinen chunigreichen.
Verse: 5013 wir wẽnnen auch das woll dapey
Verse: 5014 das euch das icht versswigen sei
Verse: 5015 wie vestiklich und auch wol
Verse: 5016 wir mit dem chunig von India
Verse: 5017 zu disser zeit haben gestritten
Verse: 5018 und mit welichen unsitten
Verse: 5019 er ist uns entrunnen,
Verse: 5020 wie wir sein stat haben gewunnen.
Verse: 5021 dar umb gepiet wir ernstleich,
Verse: 5022 edlew chunigynne reich,
Verse: 5023 das ir uns den zins sendet
Verse: 5024 von dem landt und damit wendet
Verse: 5025 das wir mit her icht auf euch ziechen;
Verse: 5026 wann ir mocht uns nit enphliechen.'
Verse: 5027 die chuniginne schreib hin wider also
Verse: 5028 dem chunig Allexandro:
Verse: 5029 'Calistrida die chuniginne
Verse: 5030 enpeut frantschaft und mynne
Verse: 5031 und irn grues gar verr
Verse: 5032 Allexander, aller chunig her,
Verse: 5033 und darczue alles ir gesinde,
Verse: 5034 das alles frawen und herren sind.
Verse: 5035 wiss das wir der potschaft dein
Verse: 5036 nicht gar ser erschrokchen sein!
Verse: 5037 ie doch well wir ratten dir:
Verse: 5038 lass dir nicht sein zu gier
Verse: 5039 auf uns zu ziechen noch zu gach,
Verse: 5040 das es dich nit gerew her nach
Verse: 5041 und das du icht chombst in schandt
Verse: 5042 und in schaden in unserm lanndt,
Verse: 5043 in so grossen der dir ist
Verse: 5044 wider varn in chainer frist!
Verse: 5045 ich wil dir schreyben und sagen
Verse: 5046 unser leben das wir tragen,
Verse: 5047 und unsers landts gelegenhait.
Verse: 5048 das ist ein insel lankch und prait,
Verse: 5049 dar umb zu ring ain waser gat,
Verse: 5050 das den werd umbflossen hat,
Verse: 5051 das ist prait und lankcht.
Verse: 5052 da durich get ain smaller gankch;
Verse: 5053 das ist unser ausfart,
Verse: 5054 die ist mit chlausen wol bewart.
Verse: 5055 wisse das stette pey uns sein
Verse: 5056 ettswenn hundert tausent magedein,
Verse: 5057 die wir pey uns hallden
Verse: 5058 und unsers hoffes walten,
Verse: 5059 die gegen den veinden zu allen zeitten
Verse: 5060 wol chunnen sturmen und streytten,
Verse: 5061 und wiss auch das die selben kindt
Verse: 5062 aller mann gar ledig sind!
Verse: 5063 unser mann getuern nicht
Verse: 5064 pey uns gesein durich die geschicht:
Verse: 5065 wann sy chemen in das landt,
Verse: 5066 des tags sterbent sy zu hant.
Verse: 5067 enhalb des wassers allzuhant
Verse: 5068 haben sy ain schones lanndt.
Verse: 5069 zu ainer zeit in dem jar
Verse: 5070 so bege wir (das ist war)
Verse: 5071 unsers gottes hochzeit,
Verse: 5072 die wert ain ganczes maneydt.
Verse: 5073 so zog wir dann aber hin
Verse: 5074 zu unsern mannen und sein mit in
Verse: 5075 darnach ein manedt aber sa
Verse: 5076 und haben unsern lust alda,
Verse: 5077 jeglichew mit irm manne.
Verse: 5078 weliher der chauff gefellet danne,
Verse: 5079 die mag da wol beleiben,
Verse: 5080 mit irm mann das jar vertreyben.
Verse: 5081 welich auch unsrer magedein
Verse: 5082 nicht lenger wil sein,
Verse: 5083 die geb wir also dann
Verse: 5084 da selbs auch ze mann;
Verse: 5085 die mues auch das erst jar
Verse: 5086 pey irm man beleiben gar.
Verse: 5087 welich frawen gewinnent chindt
Verse: 5088 under uns die chneblein sind,
Verse: 5089 die ziechen sy und tuenn ir war
Verse: 5090 nicht lenger dann suben jar
Verse: 5091 und sendens dann den vettern hin.
Verse: 5092 sind si aber maidlein,
Verse: 5093 die mueter sy behalden
Verse: 5094 und lassens pey in alden.
Verse: 5095 wann wir indert wellen reitten
Verse: 5096 aus gegen unsern veinten streytten,
Verse: 5097 zehen stund hundert tausent frawen
Verse: 5098 mag man pey uns gewappent schawen
Verse: 5099 und waidelich all zu rossen,
Verse: 5100 als sy dar auf sein gegossen.
Verse: 5101 wir fuern swert, spies und pogen,
Verse: 5102 wann wir fuer das gepirg zogen
Verse: 5103 unsern veinden hingegen;
Verse: 5104 die andern lass wir des lanndts phlegen.
Verse: 5105 wann wir dann gestritten hann
Verse: 5106 und unsern veinden gesiget an,
Verse: 5107 so chomen uns unser man
Verse: 5108 und chnyent fur uns und pittent uns an.
Verse: 5109 welich frawen under uns sterben
Verse: 5110 oder in dem streit verderben,
Verse: 5111 das lass wir alles durich das hail:
Verse: 5112 die andern eriben irn taill.
Verse: 5113 dar umb scholtu beratten dich
Verse: 5114 mit deinen frewnden fleyssigklich.
Verse: 5115 wann das ist das wir dir angesigen,
Verse: 5116 des wir uns noch nit haben verczigen,
Verse: 5117 des muestu ymmer laster han.
Verse: 5118 ob du uns dann gesigst an,
Verse: 5119 des hastu in chainer weis
Verse: 5120 weder lob noch preis:
Verse: 5121 man gicht, du habst mit frawen gevochten,
Verse: 5122 die sich nit gewern mochten.
Verse: 5123 du hast es alles woll ervarn.
Verse: 5124 wildu, du macht dich wolbewarn;
Verse: 5125 wildu aber nit ratt han,
Verse: 5126 du wellest uns mit streit bestan,
Verse: 5127 das tu uns bechant
Verse: 5128 an ainem brieff so zu handt!
Verse: 5129 du chumbst nymmer also schier
Verse: 5130 fur das gepirg, wir begegen dir
Verse: 5131 und erczaigen dir unser chraft
Verse: 5132 und unser weibplich ritterschaft.'
Verse: 5133 Alexander der reich
Verse: 5134 enphieng den brieff tugenlich.
Verse: 5135 do er in las mit seinem mundt,
Verse: 5136 vast er sein lachen begundt.
Verse: 5137 er hies schreiben alczuhandt
Verse: 5138 ander brieff in das lanndt.
Verse: 5139 er enpott ir holden muett,
Verse: 5140 seinen grues und alles guett.
Verse: 5141 'drew taill der welt haben wier
Verse: 5142 mit gewalt betwungen schir,
Verse: 5143 Asyam und Ewropam
Verse: 5144 und das landt Affricam.
Verse: 5145 was wir der noch ye bettwungen,
Verse: 5146 an den ist uns noch nye mysslungen.
Verse: 5147 ob wir nu das vermitten
Verse: 5148 und mit euch nit enstritten,
Verse: 5149 des muest unser hocher nam
Verse: 5150 ymmer laster und schand han.
Verse: 5151 yedoch sag wir euch offenwar:
Verse: 5152 ob ir welt verderben gar
Verse: 5153 und das ewr land und erde
Verse: 5154 nymmer wonhaft werde,
Verse: 5155 und welt die gar verliesen,
Verse: 5156 so schult ir darczue chiesen
Verse: 5157 als ir uns enpotten habt:
Verse: 5158 das ir fur das gepirg drabt
Verse: 5159 und unser aldo paittet
Verse: 5160 und auch mit uns streittett.
Verse: 5161 wir geben euch die wille chuer:
Verse: 5162 welt ir zu uns nit herfuer
Verse: 5163 zogen oder ziechen,
Verse: 5164 so schult ir in das wasser fliechen.
Verse: 5165 wo ir anders wellet wesen,
Verse: 5166 da mugt ir vor uns nit genesen.
Verse: 5167 den mannen wir das selbig sagen.
Verse: 5168 betracht euch, welt ir es wagen.
Verse: 5169 bey meinem got sag ich euch das,
Verse: 5170 Amon, der mein vater was,
Verse: 5171 pey meinen gottern hach erchantt,
Verse: 5172 der Inmerna ist genant,
Verse: 5173 pey den paiden ich euch swer,
Verse: 5174 ob ir den zins senndet mir
Verse: 5175 den ir dem chunig ymmer mer
Verse: 5176 habt gegeben unczt her,
Verse: 5177 das euch noch ewrm lannde
Verse: 5178 weder schad noch schande
Verse: 5179 von mir noch von den meinen nicht
Verse: 5180 furbas in chainer weys geschicht.
Verse: 5181 und senndet mir ze rosse her
Verse: 5182 der Amasones nach meiner ger
Verse: 5183 gewappentt was ir wellet
Verse: 5184 oder wie vil euch gevellet;
Verse: 5185 die well wir zu aller frist
Verse: 5186 halten als in erlich ist.
Verse: 5187 wann sy zu lant wellent wenden,
Verse: 5188 so wellent wir euchs erlich senden.
Verse: 5189 was euch dar an gevalle,
Verse: 5190 des beratt euch alle
Verse: 5191 und tuett mir das bekant
Verse: 5192 pey disem potten allczuhant!'
Verse: 5193 Calistrida die chunigein
Verse: 5194 do sy vernam den ernst sein,
Verse: 5195 ir begund zu grawen.
Verse: 5196 sy beriett sich mit den frawen.
Verse: 5197 die frawen berietten sich alle
Verse: 5198 mit gamainem schalle:
Verse: 5199 'seyd er nymbt so chlaine sach,
Verse: 5200 so schull wir wesen mit gemach
Verse: 5201 und schullen in der gepett gewern,
Verse: 5202 das wir besten mit grossen ern.'
Verse: 5203 dye chuniginne von dem lande
Verse: 5204 zway hundert junkchfrawn sy im sande
Verse: 5205 zu rossen an den stunden,
Verse: 5206 die woll zu streytt kunden
Verse: 5207 (sy warn zart und sewberleich
Verse: 5208 und an zu sechen mynnyklich),
Verse: 5209 und dreissig plankchew phert damit,
Verse: 5210 die chunden nach dem landts sytt
Verse: 5211 pald draben, lauffen und zelden
Verse: 5212 (sy macht ain fuerst chawm vergelten).
Verse: 5213 die potten sy gar fuerstlich
Verse: 5214 begabt mit gaben reichlich,
Verse: 5215 mit harnasch und mit swertten.
Verse: 5216 sew santten sy dem werden
Verse: 5217 chaisser Allexandro.
Verse: 5218 do er sy sach, do ward er fro.
Verse: 5219 er enphie sy mynnyklich;
Verse: 5220 sy dankchten im gar tugenlich.
Verse: 5221 Der chaiser des nit lies:
Verse: 5222 den marschalich er chomen hies.
Verse: 5223 er gepot im an das leben
Verse: 5224 er scholt in gar genueg geben
Verse: 5225 alles das sy wolten
Verse: 5226 und was sy haben scholten,
Verse: 5227 das sy chainen mangl litten
Verse: 5228 und das man nach irm landes sitten
Verse: 5229 ir gar fleyssigklichen phleg.
Verse: 5230 und wenn das er zu veld lẽg,
Verse: 5231 so scholt er in gar erlich
Verse: 5232 herberg geben neben sich
Verse: 5233 und geb in reichew gezelt
Verse: 5234 und hutten zu slachen auf das velt,
Verse: 5235 da sy mit gemach inne legen
Verse: 5236 und man ir gar woll phleg.
Verse: 5237 der chaiser gepot vestiklich
Verse: 5238 allen seinen leutten geleich,
Verse: 5239 wann die sunn under gieng
Verse: 5240 und sich der abent angevieng,
Verse: 5241 das chain man chẽm gegangen
Verse: 5242 als verr ir herwerg hiett gevangen.
Verse: 5243 sy klaitten sich gar waidenklich
Verse: 5244 des tages stolczen rittern geleich,
Verse: 5245 sy triben mit in chuerczweill vil,
Verse: 5246 sy zugen das schaffzagl spill,
Verse: 5247 sy tanczten und sungen,
Verse: 5248 zu dem zill sy sprungen,
Verse: 5249 sy warn in gemain,
Verse: 5250 sy wuerffen mit in den stain
Verse: 5251 und schussen mit in den ger,
Verse: 5252 sy rantten auch mit in mit dem sper.
Verse: 5253 die ritter sy gewerten
Verse: 5254 wes sy von ritterschaft gertten.
Verse: 5255 manigen hiet des gelust
Verse: 5256 das er an ettlicher prust
Verse: 5257 liebpleich scholt gelegen han
Verse: 5258 (das gelaubet mir an wan!);
Verse: 5259 das er mit ir scholt streitten
Verse: 5260 oder mit dem sper reitten,
Verse: 5261 das manigem ungewis was.
Verse: 5262 der chaiser in selber sagt das,
Verse: 5263 sy schullen zu allen zeitten
Verse: 5264 wen man well streytten,
Verse: 5265 nyndert reytten anderswo
Verse: 5266 dann neben im alda
Verse: 5267 under sein selbes vanen:
Verse: 5268 des begundt er sy pitten und manen.
Verse: 5269 sy jachen das sy tetten gern
Verse: 5270 wes er nit wolt enpern.
Verse: 5271 Dye weil sagt man dem chaiser sus
Verse: 5272 das der chunig Porrus
Verse: 5273 wer in dem landt Wactania
Verse: 5274 und besamet sich alda
Verse: 5275 mit ritter und mit chnechten
Verse: 5276 und wolt aber mit im vechten:
Verse: 5277 sein volkch er zu samen las.
Verse: 5278 do Allexander vernam das,
Verse: 5279 er erhueb sich von der stat.
Verse: 5280 von dem landt er im pat
Verse: 5281 zu geben hundert fuerrer
Verse: 5282 den der weg chundig wer
Verse: 5283 und dy sprachen allesam.
Verse: 5284 do er auf den weg cham,
Verse: 5285 do litten sew vill manigen chumer,
Verse: 5286 wann es was mitten in dem sumer
Verse: 5287 nach dem nagsten manedt an der frist,
Verse: 5288 als es dort. am haissisten ist.
Verse: 5289 sy zugen durich ein wuegstes lant,
Verse: 5290 vor hicz sy warn nachant verprant.
Verse: 5291 alles waser was in tewr,
Verse: 5292 und tier gar ungehewr,
Verse: 5293 trakchen und slangen,
Verse: 5294 chamen gechrochen und gegangen:
Verse: 5295 sy prachten sy oft in nott.
Verse: 5296 Allexander der gepott
Verse: 5297 das den tag yeder man
Verse: 5298 sein harnasch fuert an.
Verse: 5299 sy zugen in irm harnasch gar
Verse: 5300 all den langen tag fur war,
Verse: 5301 das sy in den stunden
Verse: 5302 nye chain wasser funden.
Verse: 5303 der chriechischen ritter ain
Verse: 5304 cham in ain holl zu ainem stain.
Verse: 5305 er vandt ain chluft offen,
Verse: 5306 dar aus was getroffen
Verse: 5307 nicht vil, doch was es guett.
Verse: 5308 er nam seinen eysenhuett
Verse: 5309 und schepht es mit der hant dar ein
Verse: 5310 und trueg es dem chaiser hin.
Verse: 5311 do er es dem chaiser pracht,
Verse: 5312 der chaiser vleyssigklichen gedacht:
Verse: 5313 'wo ich trunkch allain,
Verse: 5314 so darbet das volkch gemain
Verse: 5315 und durstet nuer dester mer.
Verse: 5316 es ist peser das ich sein enper.'
Verse: 5317 er gedacht zu sterkchen
Verse: 5318 das her begund zu merkchen
Verse: 5319 das er sy mit trewen maint.
Verse: 5320 mit der warhait ers derschaint,
Verse: 5321 wan vor in allen er es nider gas
Verse: 5322 das waser, das es hin flos.
Verse: 5323 do das sein ritter sachen,
Verse: 5324 tugent und er sy im jachen;
Verse: 5325 es taucht sy tugentlich und guett
Verse: 5326 und gesterkcht in irn muett.
Verse: 5327 also zugen sy fur sich
Verse: 5328 paid tag und nacht gelich.
Verse: 5329 Des andern tags gar frue
Verse: 5330 chamen sy aim wasser zue.
Verse: 5331 das selb waser was geraidt
Verse: 5332 woll zwayer pogen schusse prait.
Verse: 5333 in dem wasser davor
Verse: 5334 stunden dikch und grossew ror
Verse: 5335 (das wasser leis da zwischen flos),
Verse: 5336 die warn als die peinstokch gros
Verse: 5337 und lang pey sechzig schuechen.
Verse: 5338 der chaiser lie versuechen
Verse: 5339 ob das wasser sues wẽr.
Verse: 5340 sein ritter sagten im die mer
Verse: 5341 das es wer mit all
Verse: 5342 pitter und hentig als ain gall.
Verse: 5343 Allexander und sein her
Verse: 5344 betruebt wuerden des gar ser
Verse: 5345 nicht als vil umb sich
Verse: 5346 als umb das her und umb das viech,
Verse: 5347 das verdarb vor duerst und verswant.
Verse: 5348 er het tausent helfant,
Verse: 5349 die alle truegen
Verse: 5350 seinen schacz den ungefuegen
Verse: 5351 und het virhundert wegen,
Verse: 5352 die das gezeug muesten tragen,
Verse: 5353 und hundert tausent ros ze reytten,
Verse: 5354 auf den sy muesten in wappen streytten,
Verse: 5355 und chẽrn czweleff hundert.
Verse: 5356 wen des bevilt oder wundert,
Verse: 5357 dem ist unbekande
Verse: 5358 die herschaft in dem lannde.
Verse: 5359 man sagt das chamel und dromoder
Verse: 5360 und der maul an zall wer
Verse: 5361 die ir getraid mit in truegen
Verse: 5362 und ander chost, wo sy hin zugen.
Verse: 5363 rinder, pokch und swein
Verse: 5364 der triben sew so vil mit in,
Verse: 5365 des sy albeg assen,
Verse: 5366 des ist ane massen.
Verse: 5367 die Chriechen warn all geleich
Verse: 5368 so mechtig worden und so reich
Verse: 5369 das sy fuertten chawm mit in
Verse: 5370 das gold, wo sy zugen hin.
Verse: 5371 das viech das tet permiklich,
Verse: 5372 es macht vor duerst nit enthalten sich.
Verse: 5373 die ritter tetten zeglich:
Verse: 5374 das eyssen sy lekchten sumelich;
Verse: 5375 ettlich namen an den stunden
Verse: 5376 oll und trunkchens, wo sy das funden,
Verse: 5377 wan sy westen vor duerst wie sy solten parn;
Verse: 5378 ettlich trunkchen irn harm.
Verse: 5379 wann vor vorchten in den zeitten
Verse: 5380 muesten sy gewappent reitten.
Verse: 5381 Allexander der her
Verse: 5382 der beswert sich michels mer
Verse: 5383 umb das volkch wann umb sich;
Verse: 5384 wann das tet gar zeglich,
Verse: 5385 grossen jamer er an in sach.
Verse: 5386 sy zogten all dem wasser nach
Verse: 5387 volliklich auf mitten tag.
Verse: 5388 do sachen sew das vor in lag
Verse: 5389 enhalb des wassers in dem werd
Verse: 5390 ein chastell auf der erd,
Verse: 5391 gepaut vest und hoch enpor,
Verse: 5392 geschrotten von dem selben ror.
Verse: 5393 do sachen sy leutt innen
Verse: 5394 auf den tuern und auf den zynnen.
Verse: 5395 er lies in rueffen und fragen
Verse: 5396 indischen und pat in sagen
Verse: 5397 wo sy in den stunden
Verse: 5398 suess wasser funden.
Verse: 5399 die leut die verpurgen sich
Verse: 5400 in den tuernen allgelich.
Verse: 5401 des begund in verdriessen:
Verse: 5402 er hies zu handt zu in schiessen
Verse: 5403 mit manigem armbrust starkch.
Verse: 5404 das volkch sich dester pas verparkch,
Verse: 5405 das sy in nit wolten sagen
Verse: 5406 des er sy het haissen fragen.
Verse: 5407 Allexander der gepot
Verse: 5408 seinen rittern das sy drott,
Verse: 5409 welich woll swimen chunden,
Verse: 5410 das die ir chlaider an den stunden
Verse: 5411 zugen ab und swummen hin
Verse: 5412 und fuerten parew swert mit in,
Verse: 5413 wann sy hin uber chẽmen,
Verse: 5414 das sy in das leben nemen.
Verse: 5415 sechs und dreyssig junger chnaben
Verse: 5416 zu hant ir chlaider von in gaben
Verse: 5417 und namen swert in ir handt
Verse: 5418 und viellen in das wasser zu hant.
Verse: 5419 ir leben liessen sy an das hayll.
Verse: 5420 do sy gegen dem vierttail
Verse: 5421 des wassers geswummen warn,
Verse: 5422 do chamen von dem grundt gevarn
Verse: 5423 grassew mer wunder
Verse: 5424 und tewfflischew chunder,
Verse: 5425 die ypocani sind genandt,
Verse: 5426 und frassen sy allsandt.
Verse: 5427 dem chaiser nye so laid geschach,
Verse: 5428 do er es selber ane sach
Verse: 5429 und er es nit wennden macht,
Verse: 5430 wann sein wer zu nichte tocht.
Verse: 5431 das her den langen tag erlaid
Verse: 5432 vor duerst not und aribait.
Verse: 5433 darczue hettens aribait mer.
Verse: 5434 die tier muetten sy gar ser;
Verse: 5435 die willden leben und die pern
Verse: 5436 und tiger tyer und rinocern,
Verse: 5437 liebharten und pardi
Verse: 5438 versuechten den tag dikch an sy.
Verse: 5439 sy sachen sy mit praytten scharn
Verse: 5440 fraysleich gegen in geparn.
Verse: 5441 der muesten sy sich oft erbern,
Verse: 5442 wolten sy ir leben nern.
Chapter: 211a
Alexander stößt auf süßes Wasser
Verse: 5443 das her gewappent all den tag
Verse: 5444 zoch, das es nye rue phlag,
Verse: 5445 unczt die sunn zu seygen began.
Verse: 5446 do sachens vor in stan
Verse: 5447 ain praitten see gar nachen,
Verse: 5448 da hin begunden sy zu gachen.
Verse: 5449 das wasser das was suess und guet,
Verse: 5450 das gefrewt in den muett.
Verse: 5451 das her leget sich allda
Verse: 5452 pey dem see genueg na.
Verse: 5453 das wasser das hett chainen gankch
Verse: 5454 und was dreyer meill lankch
Verse: 5455 und woll ainer meill prait.
Verse: 5456 das her dawcht sich gar gemait,
Verse: 5457 das sy zu den stunden
Verse: 5458 guett wasser hetten funden.
Verse: 5459 Allexander nicht enlies,
Verse: 5460 den rar er ab hawen hies
Verse: 5461 uber all pey dem see
Verse: 5462 ainer meil lankch und mer
Verse: 5463 und hies die wegen
Verse: 5464 das holcz zu dem gesind tragen.
Verse: 5465 er gepott uber all das her
Verse: 5466 yedem mann sein pey seiner wer
Verse: 5467 und die nacht ze wachen
Verse: 5468 und grossew fewr machen.
Verse: 5469 Do es begund zu nachten,
Verse: 5470 vill gross fewr sy machten
Verse: 5471 uber all in dem her
Verse: 5472 und warn all pey ir wer.
Verse: 5473 do sich die nacht an vie
Verse: 5474 und der man auf gie,
Verse: 5475 do chamen nattern und slangen
Verse: 5476 gross, dikch und langen,
Verse: 5477 dikch als ains menschen pain,
Verse: 5478 giftig und gar unrain.
Verse: 5479 auf gericht was ir gankch,
Verse: 5480 sy warn zwainczig schuech lankch,
Verse: 5481 ir atem stankch und was unrain,
Verse: 5482 die gift in durich die augen schain.
Verse: 5483 alzu hant darnach
Verse: 5484 schilt chrotten man zotten sach,
Verse: 5485 und trakchen unghewr
Verse: 5486 giengen und chruchen fuer das fewr.
Verse: 5487 sy giengen aus den pergen holl,
Verse: 5488 unczt ir ward die erd voll.
Verse: 5489 sy wisspelten und gullen,
Verse: 5490 das die perg darnach erhullen.
Verse: 5491 sy wolten zu dem wasser gan
Verse: 5492 und darausz getruncken han.
Verse: 5493 do sy die ritter sachen,
Verse: 5494 sy varichtens ser und jachen,
Verse: 5495 sy muesten alda verderben
Verse: 5496 und von den wuermen sterben.
Verse: 5497 do Allexander das ersach,
Verse: 5498 er gesterkcht sy und sprach:
Verse: 5499 'von ainer sottan geschicht,
Verse: 5500 ir starkchen ritter, erschrekchet nicht!
Verse: 5501 nembt alle pild pey mir:
Verse: 5502 wie ich gevar, sam tuet auch ir!'
Verse: 5503 den schilt er an den arm nam
Verse: 5504 und sein helmparten alsam
Verse: 5505 und gieng zu stechen und zu hakchen
Verse: 5506 an den slangen und den trakchen.
Verse: 5507 zuhant stelt sich zu wer
Verse: 5508 gegen den wuermen alles her.
Verse: 5509 gar vil sy ir zu tod stachen,
Verse: 5510 dye andern sy in das fewr rachen.
Verse: 5511 do mit sy gesigten an.
Verse: 5512 da durich verdurben ir funfczig man
Verse: 5513 von den wuermen an dem gevecht,
Verse: 5514 zwainczig ritter und czwainczig chnecht.
Verse: 5515 Dar nach uber ein chlainew weil
Verse: 5516 wol gegen ainer chuerczen meill
Verse: 5517 da chruchen aus dem ror,
Verse: 5518 von dem ich han gesaget vor,
Verse: 5519 grosser chreussen ein michel schar.
Verse: 5520 die schal warn huernein gar.
Verse: 5521 die ritter hietens ertot gern.
Verse: 5522 sy schussen auf sy mit irn spern:
Verse: 5523 der sper macht chains uber all
Verse: 5524 sy verwunden durich die schall.
Verse: 5525 yedoch gar vil sy ir verpranden,
Verse: 5526 an den rachens irn anden.
Verse: 5527 die andern in verswunden,
Verse: 5528 das sy ir nit funden,
Verse: 5529 und chruchen wider in den ror,
Verse: 5530 do sy gewesen warn vor.
Verse: 5531 nu was es wol umb mitte nacht;
Verse: 5532 Allexander der gedacht,
Verse: 5533 er scholt sein nat han uber wunden.
Verse: 5534 do chomen gelauffen zu den stunden
Verse: 5535 uber sew weis leben,
Verse: 5536 die begunden wueffen und streben,
Verse: 5537 wuetten und lymmen
Verse: 5538 mit vrayslichen stymen
Verse: 5539 als die grossen awrachsen.
Verse: 5540 die leben warn wol gewachsen,
Verse: 5541 man sach sy toblich geparn.
Verse: 5542 die ritter unerschrokchen warn:
Verse: 5543 die spies sy in ir hendt namen,
Verse: 5544 der leben sy begunden rawmen,
Verse: 5545 sy stachen sy und sluegen,
Verse: 5546 ir chainen sy nit vertruegen,
Verse: 5547 sie jagten sy und ertotten
Verse: 5548 und chamen an schaden von den notten.
Verse: 5549 Darnach aber schir alzuhant
Verse: 5550 cham ein grassew schar gerantt,
Verse: 5551 das warn grass eberswein.
Verse: 5552 die hetten porster huernein,
Verse: 5553 die warn ainer ellen lankch.
Verse: 5554 ir attem frayslichen stankch;
Verse: 5555 man hort sy chierren und greynnen.
Verse: 5556 es leuffen auch mit den sweinen
Verse: 5557 wilde frawen und man,
Verse: 5558 die sach man sechs hend han,
Verse: 5559 dar inn sy cholben truegen;
Verse: 5560 vrayslich sy damit sluegen.
Verse: 5561 sy leuffen aisleich an das her.
Verse: 5562 dy ritter griffen zu ir wer
Verse: 5563 und erstachens mit irn spiessen;
Verse: 5564 luczl sy ir leben liessen.
Verse: 5565 do das her also gevacht
Verse: 5566 mit den frawen all dye nacht,
Verse: 5567 sy litten angst und nott.
Verse: 5568 Allexander der gepot
Verse: 5569 das sy allew wachten
Verse: 5570 und grossew fewr machten,
Verse: 5571 das der rauch und das fewr
Verse: 5572 vertrib die tier ungehewr.
Verse: 5573 Darnach aber gar schier
Verse: 5574 cham ein ungehewres tier
Verse: 5575 tobleich gelauffen und gerant
Verse: 5576 grosser wenn ein helffant.
Verse: 5577 das was aller guette blos
Verse: 5578 und hett ein haubt unmassen gros
Verse: 5579 und an dem haubt vorn
Verse: 5580 drew ungehewre horn,
Verse: 5581 die warn nicht ze swach
Verse: 5582 und snytten als die scharschach.
Verse: 5583 das tier was so vrayssam,
Verse: 5584 ee das es zu dem wasser cham,
Verse: 5585 do hett es schaden gros getan
Verse: 5586 und das her gelauffen an.
Verse: 5587 der chunig Allexander
Verse: 5588 lieff in denn her hin und her.
Verse: 5589 sein ritter er gesterkcht,
Verse: 5590 do er des tiers chuenhait merkcht.
Verse: 5591 das tier hett verderbt san
Verse: 5592 under dem her wol achzig man
Verse: 5593 und hawtt sy verporgen;
Verse: 5594 es pracht sy zu grossen sorgen.
Verse: 5595 yedoch darnach schir
Verse: 5596 verderbtens das selb tier.
Verse: 5597 Gross amayssen darnach
Verse: 5598 aus dem ror man chriechen sach,
Verse: 5599 die warn grosser dann die fuchs
Verse: 5600 und hetten zend als die luchs.
Verse: 5601 die frassen sy zu den stunden,
Verse: 5602 alles das sy funden,
Verse: 5603 es wer mensch oder tier,
Verse: 5604 das hetten sy verczeret schir.
Verse: 5605 ir piss also giftig was
Verse: 5606 das chain tir do vor genas.
Verse: 5607 doch tetten sew den leutten nicht,
Verse: 5608 das was sein guot zueversicht.
Verse: 5609 Darnach schir chamen auch
Verse: 5610 geflogen fledermeus rauch
Verse: 5611 unmassen vil in das her,
Verse: 5612 gegen den halff nit ir wer.
Verse: 5613 mit langen und mit scharffen zenden
Verse: 5614 sy muetten sew an allen enden,
Verse: 5615 mit greynen und mit peyssene
Verse: 5616 dann die andern tier tetten ee,
Verse: 5617 wann sy in offen war und taugen
Verse: 5618 schussen und flugen in die augen.
Verse: 5619 sy warn grosser dann die raben.
Verse: 5620 manigen zwikch sy in gaben,
Verse: 5621 sy tetten in gross ungemach,
Verse: 5622 sy pyssen ir vil manigen tad
Verse: 5623 paid orn und die nasen,
Verse: 5624 sy chraczen in vil manig masen.
Verse: 5625 die leut die nacht luczel phlagen
Verse: 5626 rue, unczt es begund tagen.
Verse: 5627 Do der tag auf prach,
Verse: 5628 das aller meniklich wol sach,
Verse: 5629 do chamen gross schar gefarn
Verse: 5630 vogl als die stokch arn.
Verse: 5631 sy warn alle rattvar,
Verse: 5632 fues und snabel warn in gar
Verse: 5633 raben var als ain chol.
Verse: 5634 das wasser ward ir alles vol,
Verse: 5635 sy bedakchtens alles gar.
Verse: 5636 der leut sy namen chain war.
Verse: 5637 mit den snẽbelen sy do vischten;
Verse: 5638 was sy visch da erwischten,
Verse: 5639 die slikchtens in irn giell,
Verse: 5640 wie vil in der fuer geviel.
Verse: 5641 die tier davon ir habt vernomen
Verse: 5642 das die all dar chumen,
Verse: 5643 als vil man des nachtes sach,
Verse: 5644 durich die leut das nit geschach:
Verse: 5645 es geschach umb das
Verse: 5646 das es so gar hais was
Verse: 5647 und sy nyndert anderswo
Verse: 5648 suess wasser funden dann da,
Verse: 5649 und trunkchen an den stunden,
Verse: 5650 auch sy sich chuellen begunden.
Verse: 5651 Do das alles geschach,
Verse: 5652 das der tag auf prach
Verse: 5653 und die sunn was auf gestigen,
Verse: 5654 das wasser liessen sy do ligen
Verse: 5655 und zogten von der stat zuhant
Verse: 5656 und chamen in ein guet landt,
Verse: 5657 das ist genant Bactania.
Verse: 5658 die leut die sy funden da,
Verse: 5659 enphiengen sy gar williklich
Verse: 5660 und erten sy gar groslich.
Verse: 5661 das lant ist gepaut wol
Verse: 5662 und ist golts und silbers vol.
Verse: 5663 zwainczig tag sy do lagen,
Verse: 5664 das sy ir rue und gemaches phlagen.
Verse: 5665 dapey fundens in dem lant
Verse: 5666 die leut die man Settes nant.
Verse: 5667 die leut anders nicht begunden
Verse: 5668 wann das sy warichten und spunnen
Verse: 5669 und webten dar czue maisterlich
Verse: 5670 phel und purpur chostlich.
Verse: 5671 die ritter wuerden manhaft
Verse: 5672 und gewunnen newe chraft
Verse: 5673 von den rewen das sy tetten,
Verse: 5674 von dem gelukch das sy hetten
Verse: 5675 gegen manigem frayslichen tier.
Verse: 5676 des wuerdens hubsch und zier.
Verse: 5677 Do die ritter wol gemuetten
Verse: 5678 wol gerasten und wol geruetten
Verse: 5679 und ir ros und ir viech
Verse: 5680 wider het erchukchet schier,
Verse: 5681 do zogtens aber an ain stat,
Verse: 5682 do Porrus sein wanung hat.
Verse: 5683 der mechtig chunig von India
Verse: 5684 het sich besamet da
Verse: 5685 mit ainem chreftigen her
Verse: 5686 und stalt sich aber so zewẽr
Verse: 5687 auf hoffnung und auf wan,
Verse: 5688 er wolt ander wayd bestan
Verse: 5689 Allexandrum den reichen
Verse: 5690 mit streyt chreftiklichen.
Verse: 5691 sy legten sich paide
Verse: 5692 auf ain praytte haide
Verse: 5693 zu veld gegen einander,
Verse: 5694 Porrus und Allexander.
Verse: 5695 die her lagen so nachen
Verse: 5696 das sy paidew an ain ander sachen.
Verse: 5697 aines margens gar frue
Verse: 5698 aller meniklich beraitt sich zue
Verse: 5699 zu yettweder seytten
Verse: 5700 das sy wolten streytten.
Verse: 5701 ritterlich sy sich schartten,
Verse: 5702 die panier gegen einander cherten.
Verse: 5703 der chayser hielt auf dem wal
Verse: 5704 auf seinem phert Puczeval.
Verse: 5705 mit den sparn er es ruert,
Verse: 5706 chreitigklich es in fuert.
Verse: 5707 zu aller vodrist gar
Verse: 5708 sprengt er vor seiner schar.
Verse: 5709 die pusawn sy plasen hiessen,
Verse: 5710 mit der schar sy zu samen stiessen
Verse: 5711 und prachen durich ein ander gar;
Verse: 5712 das was ein wunnyklichew schar.
Verse: 5713 wie disew sluegen und genew stachen,
Verse: 5714 und wie disew ir sper zuprachen,
Verse: 5715 wie sy schussen und purnyerten,
Verse: 5716 wie sy rantten und justierten,
Verse: 5717 das wer ze sagen gar ze vil;
Verse: 5718 davon ich es chuerczen will.
Verse: 5719 der streyt paidenthalben was
Verse: 5720 unmassen hert, gelaubt das!
Verse: 5721 disew sluegen genew und sy herwider,
Verse: 5722 das ir tad vil viel da nyder
Verse: 5723 paidenthalben ane zall.
Verse: 5724 do Porrus sach den grossen val
Verse: 5725 der an den seinen geschach,
Verse: 5726 das was im ain ungemach.
Verse: 5727 do er sach auf dem wall
Verse: 5728 den chaiser halden auf dem Puczeval,
Verse: 5729 aines fridts er von im begert;
Verse: 5730 Allexander in des gewert.
Verse: 5731 ain zaichen warf man auf zu handt,
Verse: 5732 do man in fridt mit tet bechant.
Verse: 5733 die ros wichen von ain ander,
Verse: 5734 Porrus und Allexander
Verse: 5735 frydlich zu ainander ritten
Verse: 5736 allain mit zuchtiklichen sitten.
Verse: 5737 do Porrus Allexandrum sach,
Verse: 5738 mit lauter stym er zu im sprach:
Verse: 5739 'es zimbt chainem chayser nit
Verse: 5740 der sein volkch also sicht
Verse: 5741 an nucz vor im sterben
Verse: 5742 und so lesterleich verderben.
Verse: 5743 er schol sein selbes manhait
Verse: 5744 erczaigen und sein frumbkait.
Verse: 5745 last ewr volkch an ain schar
Verse: 5746 halden frydlich gar,
Verse: 5747 alsam tuen ich den meinen.
Verse: 5748 lass wir unser manhait scheinen:
Verse: 5749 wer do gewinnet den sig
Verse: 5750 und wer dem andern ob gelig,
Verse: 5751 des leut und des reich
Verse: 5752 dienn dem andern willigklich.'
Verse: 5753 dem chaiser geviell die red wall;
Verse: 5754 er sprach: 'es ist pilleich das ich scholl
Verse: 5755 vechten fuer die frant mein,
Verse: 5756 wann ich will ir herr sein.'
Verse: 5757 do Portus sach das Puczeval
Verse: 5758 so fraisleich tet auf dem wall,
Verse: 5759 er sprach: 'gegen disem chunder
Verse: 5760 noch gegen chainem merwunder
Verse: 5761 das so vrayslich sicht,
Verse: 5762 wil ich alhie vechten nicht.
Verse: 5763 ich will alhie nuer ainen man
Verse: 5764 mit geleicher wer bestan.'
Verse: 5765 Allexander allczuhant
Verse: 5766 sein Puczival von im sand.
Verse: 5767 das ward gevessent allzehand
Verse: 5768 mit irn trewen paider sand,
Verse: 5769 das sy ze fuessen vechten scholten,
Verse: 5770 wan sy es paid gern haben wolten.
Verse: 5771 chunig Porrus tet es umb das
Verse: 5772 das Allexander chlain was:
Verse: 5773 er was nuer dreyer dawm elln lankch.
Verse: 5774 er het den muet und den gedankch
Verse: 5775 das er genuss der sterkch sein
Verse: 5776 (das tet er an den warten schein)
Verse: 5777 wann er was wol zwir als gras,
Verse: 5778 des er doch wenig genos.
Verse: 5779 do tratten die werden
Verse: 5780 von den rossen zu der erden,
Verse: 5781 Porrus und Alexander,
Verse: 5782 und vochten mit einander.
Verse: 5783 grymiklich sy sluegen,
Verse: 5784 luczel ain einander vertruegen.
Verse: 5785 sy warn mit den slegen milt,
Verse: 5786 sy czerhawtten die schilt
Verse: 5787 vor den henden grymiklich,
Verse: 5788 sy stritten guetten helden gleich,
Verse: 5789 wann sy payd manhaft wielten.
Verse: 5790 die her gegen einander hielten
Verse: 5791 frydlich alle zway.
Verse: 5792 die weil hueb sich ein geschray
Verse: 5793 under indischem her.
Verse: 5794 Porrus der vergas der wer
Verse: 5795 zu hant da er sein ward gewar,
Verse: 5796 er went das haubt und luegt aldar.
Verse: 5797 do er sich umb hat gewant,
Verse: 5798 im sprang der chaiser al zu hant
Verse: 5799 mit gleichen fuessen auf das hawp,
Verse: 5800 mit grossen slegen er in betaubt;
Verse: 5801 zu jungist gab er im ainen slag,
Verse: 5802 das das haup vor im lag
Verse: 5803 und er totter viel da nider.
Verse: 5804 er sas auf sein Puczeval wider.
Chapter: 172
Alexander übernimmt die Herrschaft in Indien
Verse: 5805 do die Inden sachen das
Verse: 5806 das ir her erslagen was,
Verse: 5807 lenger sy nit pitten,
Verse: 5808 grymiklich sy all strytten.
Verse: 5809 Allexander ruefft in grym
Verse: 5810 und schray an sy mit lautter stym:
Verse: 5811 'wes get euch zu vechten nott,
Verse: 5812 seyd ewr herr liget tod?'
Verse: 5813 ainer sprang herfuer aldo
Verse: 5814 und anttwurt Allexandro.
Verse: 5815 er sprach: 'edler chaiser her,
Verse: 5816 durich dein guett und durich dein er
Verse: 5817 vernym was ich dir sagen will!
Verse: 5818 uns ist erlicher vill
Verse: 5819 das wir zu disen zeitten
Verse: 5820 mit dir vechten und streytten
Verse: 5821 und erlich alhie sterben,
Verse: 5822 dann wir sechen verderben
Verse: 5823 unser weib und unser kindt
Verse: 5824 und ander die uns lieb sindt'.
Verse: 5825 Alexander der reich
Verse: 5826 sprach: 'ir herrn algeleich,
Verse: 5827 lat furbas ewr vechten sein!
Verse: 5828 gewarttet auf die trewe mein
Verse: 5829 das euch wirt genomen nicht
Verse: 5830 noch das euch chain laid geschicht
Verse: 5831 von mir noch von den meinen!
Verse: 5832 mein guett dar an schol erscheynnen,
Verse: 5833 und auch dar umb das ir
Verse: 5834 nicht gevechten duerft mit mir.
Verse: 5835 dar umb zogt all geleich
Verse: 5836 in ewre hewser sicherlich!'
Verse: 5837 do das volkch das erhortt,
Verse: 5838 sy ruefften mit gemainem wart
Verse: 5839 und lobten in sunder spott
Verse: 5840 all geleich als ainen gott.
Verse: 5841 sy saczten sich nit lenger wider,
Verse: 5842 ir wer wuerffen sy nyder
Verse: 5843 und gaben sich ym zu gevangen.
Verse: 5844 do was der streyt zergangen.
Verse: 5845 der chayser behielt das veld,
Verse: 5846 sy sluegen auf ir gezelt.
Verse: 5847 den gotten sein dankcht er ser do
Verse: 5848 das es im gangen was also;
Verse: 5849 er ophert in und erpatt in er.
Verse: 5850 dannoch lies er gepietten mer,
Verse: 5851 alle dye do warn erslagen,
Verse: 5852 wo die auf der erden lagen,
Verse: 5853 das man die zu hant auf hueb
Verse: 5854 und sew allczu hant begrueb
Verse: 5855 und auch den edeln und den hern
Verse: 5856 nach kunigklichen eren.
Chapter: 282
Alexander gründet Alexandria (in Indien)
Verse: 5857 er hies im machen ein rechtes grab;
Verse: 5858 grosses guet er darczue gab
Verse: 5859 von gestain und von gold,
Verse: 5860 wenn es ainem edeln kunig sold.
Verse: 5861 sein leichnam und sein wunden
Verse: 5862 wuerdent gepalsamt an den stunden.
Verse: 5863 unczt das grab ward berait.
Verse: 5864 reichlich man in dar in laytt
Verse: 5865 mit grosser zir und mit reichait,
Verse: 5866 mit hochvart und mit schonhait.
Verse: 5867 der sy mit dem herrn phlagen,
Verse: 5868 das wer gar lang zu sagen.
Verse: 5869 der sarich ein edel stain was,
Verse: 5870 durich sichtig als ain spiegl glas.
Verse: 5871 man saczt im ze dem haubt sein
Verse: 5872 ein lampen, die was ein rubein,
Verse: 5873 die was aus gedrett woll
Verse: 5874 und was edels palsams voll.
Verse: 5875 dar in was ein wikel chlain
Verse: 5876 gemacht von abeston dem stain.
Verse: 5877 der stain hat die art,
Verse: 5878 wo er vor wint wirt bebart
Verse: 5879 und wo er in palsam ist,
Verse: 5880 das er prynnet zu aller frist
Verse: 5881 ymmer ewiklich
Verse: 5882 tag und nacht geleich.
Verse: 5883 der chayser do die herrn pat
Verse: 5884 von dem landt das sy ein stat
Verse: 5885 pautten von dem guttte sein
Verse: 5886 und saczten purger dar ein
Verse: 5887 und sy mit ainer mawr umb vieng,
Verse: 5888 und das die stat all umb gieng
Verse: 5889 zu ring umb und umb das grab.
Verse: 5890 Allexander darczue gab
Verse: 5891 von guet grossen reichtumb,
Verse: 5892 dar czue guett freytum.
Verse: 5893 die stat hies er nennen sa
Verse: 5894 nach im Allexandria.
Verse: 5895 der chayser lag alda
Verse: 5896 in dem land ze Wactania,
Verse: 5897 das er spart sein vart
Verse: 5898 unczt die stat gevestent wart,
Verse: 5899 die er an seiner stat lies.
Verse: 5900 die stat er woll volbringen hies.
Verse: 5901 er gepot das man sy nant
Verse: 5902 die hauptstat in dem landt.
Verse: 5903 Der red vril ich hie sweigen und gedagen
Verse: 5904 ein weil und wil anders sagen,
Verse: 5905 das auch guet ze horn ist.
Verse: 5906 ir macht gedenkchen an der frist
Verse: 5907 wie sich mocht gefuegen das,
Verse: 5908 wann Allexander ein Chriech was,
Verse: 5909 wie er die sprach alle chundt
Verse: 5910 vernemen und reden zu aller stundt
Verse: 5911 paydew hie und anderswo:
Verse: 5912 des ersten in Egyppto,
Verse: 5913 do er die geschrift selber las
Verse: 5914 die an der sewl geschriben was;
Verse: 5915 dar nach zu Capadocia
Verse: 5916 und in dem landt zu Persia;
Verse: 5917 darnach zu Jerusalem,
Verse: 5918 do er allain viel dem
Verse: 5919 judischen pischolf zu fuessen
Verse: 5920 und in sallutirt mit seinen gruessen
Verse: 5921 und in der pischolf wol vernam;
Verse: 5922 und schier darnach do er cham
Verse: 5923 in Persia zu Dario,
Verse: 5924 mit dem chost er auch aldo,
Verse: 5925 do er auf seinem palas
Verse: 5926 vor im mit seinen fuersten was;
Verse: 5927 in manigem landt dar nach
Verse: 5928 und yezunt zu India
Verse: 5929 mit dem chunig Porro,
Verse: 5930 do sew sich verlobten do
Verse: 5931 zu vechten mit ein ander,
Verse: 5932 Porrus und Allexander,
Verse: 5933 und mund redt gegen mundt
Verse: 5934 und ainer den andern vernemen chundt.
Verse: 5935 wo von das cham und auch wie,
Verse: 5936 des wil ich euch berichten hie.
Verse: 5937 zu Chriechen in dem lande was
Verse: 5938 ain stat, dew hies Athenas.
Verse: 5939 do warn pey alten zeitten
Verse: 5940 von allen landen weitten
Verse: 5941 die weisen maister wanhaft,
Verse: 5942 dy mit ir maisterschafft
Verse: 5943 allew synne betrachten
Verse: 5944 und allew chunst machten.
Verse: 5945 es wuerden die hochen chunst siben
Verse: 5946 von erst chriechisch geschriben.
Verse: 5947 nu was die weil ein sprich wart
Verse: 5948 in allen landen hie und dort
Verse: 5949 paidew weit und verr
Verse: 5950 das nymant edler wer
Verse: 5951 weder tugenthaft noch wert
Verse: 5952 der der geschrift nicht wer gelertt.
Verse: 5953 davon die fuersten und die herrn
Verse: 5954 paidew nachent und verrn
Verse: 5955 nach den hogsten maystern sanden
Verse: 5956 die sy funden in den landen,
Verse: 5957 und pattens irew kind zu lernen
Verse: 5958 die puech die tugent in ze mern.
Verse: 5959 welich edel kind nit gelert was
Verse: 5960 und da pey gelerten leutten sas,
Verse: 5961 das muest syczen dar umb
Verse: 5962 als ein ander stum.
Verse: 5963 davon wer zu der selben stundt
Verse: 5964 wol chriechischen reden kundt,
Verse: 5965 der macht freyleichen
Verse: 5966 durich ziechen alle chunigkreichen.
Verse: 5967 davon den chayser man vernam,
Verse: 5968 in weliches chunigkreich er cham.
Verse: 5969 dar nach seyd in langen jarn,
Verse: 5970 do die Romer gewaltig warn
Verse: 5971 und in gerechtiklich
Verse: 5972 dientten allew kunigreich,
Verse: 5973 die hochsten maister die sy hatten,
Verse: 5974 sy gar frewntlich patten
Verse: 5975 das sy die geschrift und die chunst
Verse: 5976 durich ir pet und durich ir gunst,
Verse: 5977 als sy pest machten,
Verse: 5978 zu latein prachten,
Verse: 5979 durich das das latein ir czungen was.
Verse: 5980 die hogsten maister tetten das.
Verse: 5981 die zu den selben stunden
Verse: 5982 wol schreyben chunden,
Verse: 5983 die puech sy zu latein schriben.
Verse: 5984 die sind unczt her beliben
Verse: 5985 und hat chriechischew zungen
Verse: 5986 vil nachant gar verdrungen.
Verse: 5987 nu schul wir vachen an
Verse: 5988 dew red do wir sy gellassen han,
Verse: 5989 und schullen berichten wie
Verse: 5990 es Allexandro ergie.
Verse: 5991 Do er in dem landt gelag
Verse: 5992 ich en wais wie manigen tag,
Verse: 5993 an sein vart er gedacht.
Verse: 5994 sein her er zu samen pracht,
Verse: 5995 er gedacht nit wider winden,
Verse: 5996 er wolt der erdt endt vinden.
Verse: 5997 er besaczt mit seinen mannen
Verse: 5998 das landt und hueb sich von dannen.
Verse: 5999 er cham auf ainen schonen sandt,
Verse: 6000 do er zwo guldein sewll vant
Verse: 6001 sten an ainer schonen stat;
Verse: 6002 ygleichew zwelleff ellen hat
Verse: 6003 an der hoch zeplikche
Verse: 6004 und zwo an der dikche.
Verse: 6005 Allexander der gepot
Verse: 6006 und hies sy durich porn dratt,
Verse: 6007 dar umb das er wurd gewar
Verse: 6008 ob sy gegossen wern dar.
Verse: 6009 do er hett ervarn
Verse: 6010 das sy gegossen warn,
Verse: 6011 er mes von seinen wegen
Verse: 6012 zway tausent guldein darczu geben;
Verse: 6013 die locher hies er czue rennen.
Verse: 6014 die sewl het ettwenne
Verse: 6015 Hercules geseczt dar,
Verse: 6016 dar umb das man wuerdt gewar
Verse: 6017 seiner mẽndleichen tat,
Verse: 6018 wann er unczt dar betwungen hat
Verse: 6019 die reich und die landt
Verse: 6020 und het sy Gades genant.
Chapter: 181
Alexander findet ein Volk des Herkules
Verse: 6021 Allexander zogt von dannen
Verse: 6022 aber sa mit seinen mannen.
Verse: 6023 fur ainen scharffen perg er zoch,
Verse: 6024 der was ain vels unmassen hoch.
Verse: 6025 dar auf das volkch geflochen was
Verse: 6026 uber all das landt, umb das
Verse: 6027 das es sich do wolt ernern
Verse: 6028 und gegen Allexandro wern.
Verse: 6029 Allexander was verwegen,
Verse: 6030 er hies den stain umblegen
Verse: 6031 und dar an stuermen vestiklich
Verse: 6032 hies er alles das her geleich.
Verse: 6033 das sagt man im fur war
Verse: 6034 wie Hercules wer chomen dar
Verse: 6035 und wolt den stain gewunnen han,
Verse: 6036 den traib die erttpidm davon.
Verse: 6037 do Allexander hort das
Verse: 6038 das Hercules also was
Verse: 6039 von dem erttpidm
Verse: 6040 von dem selben vels vertriben,
Verse: 6041 in seinem muet gedacht er des
Verse: 6042 das er des herrn Hercules
Verse: 6043 werlich und mendleich tat
Verse: 6044 wolt uber hochen an der stat:
Verse: 6045 er wolt nymmer chomen dann,
Verse: 6046 er muest den stain gewunnen han.
Verse: 6047 die weil sy vor dem stain lagen,
Verse: 6048 dikch sy zu sturmen phlagen.
Verse: 6049 maniger lay sy begunden,
Verse: 6050 zu lest sy in doch gewunnen
Verse: 6051 mit schaden und mit aribait,
Verse: 6052 mit mue die do maniger laydt.
Verse: 6053 do er den selben stain gewann,
Verse: 6054 das volkch macht er im undertan.
Verse: 6055 Darnach begund er zu wennden
Verse: 6056 zu des erttreichs enden
Verse: 6057 gegen den willden landen
Verse: 6058 die do Gottes nit erchanden.
Verse: 6059 die leut nennet man alsus
Verse: 6060 Dochas und Corastinas.
Verse: 6061 die wilden leut und ir landt
Verse: 6062 die twang er alczuhant.
Verse: 6063 Darnach er furbas geriet
Verse: 6064 zu ainer ungehewrn diet,
Verse: 6065 die warn ungezemet und wild
Verse: 6066 und hetten doch menschen pild.
Verse: 6067 die ainen hiessen Restas,
Verse: 6068 die andern Chankaidas
Verse: 6069 die dritten Persidias,
Verse: 6070 die virden Chathenas.
Verse: 6071 mit den ungezembten chnechten
Verse: 6072 muest der chaiser aber vechten.
Verse: 6073 vil sy ir zu tad sluegen,
Verse: 6074 luczel yemant sy vertruegen.
Verse: 6075 Do chamen zu im under des
Verse: 6076 leut die hiessen Cophides,
Verse: 6077 die sind starch und werhaft
Verse: 6078 und habent muet und chraft.
Verse: 6079 die sambten sich mit grossem her
Verse: 6080 und saczten sich gegen im zu wer
Verse: 6081 mit ainer chreftigen schar.
Verse: 6082 sy prachten zu rossen dar
Verse: 6083 czway hundert tausent man,
Verse: 6084 mit den ritten sy in an.
Verse: 6085 sy muͤsten vechten ane dankcht.
Verse: 6086 die Chriechen warn aber krankch,
Verse: 6087 dar zuͤ alt und chreftlos.
Verse: 6088 davon mit irm schaden gros
Verse: 6089 er sy chawm uber want
Verse: 6090 und betwang leut und landt.
Verse: 6091 mit den lagen sy zu velden
Verse: 6092 und rutten under den zelden
Verse: 6093 und opphertten irn gottern,
Verse: 6094 die in disew er hetten erpotten.
Verse: 6095 Darnach der chaisserleich vogt
Verse: 6096 mit seinem her er furbas zogt
Verse: 6097 in dem gepirg Cankasus,
Verse: 6098 do manig diet under sas
Verse: 6099 vernuftig und ungenem.
Verse: 6100 ir namen sind selczem,
Verse: 6101 der ich alhie nit nennen will,
Verse: 6102 wann es taucht euch zu vil;
Verse: 6103 wann die leut sind gross und weytt
Verse: 6104 und habent besundrew zirhait.
Verse: 6105 die selben leut und landt
Verse: 6106 die betwang er alle sandt
Verse: 6107 unczt an das gepirg Cankasus.
Verse: 6108 das selb gepirg so hoch was
Verse: 6109 das sein hoch an maniger stat
Verse: 6110 vil nachant an den man gat.
Verse: 6111 von dem gepirg Cankasus
Verse: 6112 schreiben uns die maister das
Verse: 6113 die da gewesen sind da pey,
Verse: 6114 das es das grossist gepirg sey
Verse: 6115 und das aller hochist
Verse: 6116 das in aller welt ist,
Verse: 6117 und das sein hoch wende
Verse: 6118 an der welt ende.
Verse: 6119 ain maister hies Boecius,
Verse: 6120 der schreibt von dem gepirg alsus
Verse: 6121 das chaisers Allexanders tat
Verse: 6122 und all die wunder die er hat
Verse: 6123 dishalb des gepirges begangen,
Verse: 6124 dar uber macht nye gelangen
Verse: 6125 noch nymmer dar uber chem,
Verse: 6126 das man enhalb vernem
Verse: 6127 fur die warhait das mer
Verse: 6128 wer Allexander wer.
Verse: 6129 was enhalb des gepirgs sey,
Verse: 6130 der warhait ist die welt frey,
Verse: 6131 payde alt und chindt,
Verse: 6132 die all hie disshalb sindt.
Verse: 6133 das guette warhait ist dar under
Verse: 6134 und grassew landt, das ist nit wunder.
Verse: 6135 wann die grossist hicz alda
Verse: 6136 ist in dem landt zu India
Verse: 6137 durich des langen sumer frist
Verse: 6138 die in aller welt ist.
Verse: 6139 davon die chuell und der schad
Verse: 6140 der von dem gepirg gat,
Verse: 6141 guetten gesmach den leutten geit
Verse: 6142 unnd suss luft zu aller zeit.
Verse: 6143 darczue hab wir vernomen woll
Verse: 6144 das das gepirg ist goldes voll
Verse: 6145 und das die greyffen durich das jar
Verse: 6146 chamen dikch geflogen dar
Verse: 6147 und chrymen mit irn grossen chlan
Verse: 6148 des rotten goldes vil davon.
Verse: 6149 das siecht man vallen und sleiffen
Verse: 6150 von dem gepirg nider fliessen.
Verse: 6151 da waschent die leut inne
Verse: 6152 und habent davon grossew mynne,
Verse: 6153 das sy werden all geleich
Verse: 6154 davon mechtig und reich.
Verse: 6155 nu hab wir auch die warhait
Verse: 6156 von Cankasus dem gepirg gesait.
Verse: 6157 wer euch sein berichtet pas,
Verse: 6158 das wil ich lassen ane has.
Verse: 6159 der chaiser betwang alles das
Verse: 6160 das unnder dem gepirge sass.
Verse: 6161 die diet die ungezemet was,
Verse: 6162 der en ruecht er nit, gelaubet das!
Verse: 6163 als schier er sy ervacht,
Verse: 6164 do het er auf sy chain acht.
Chapter: 180
Alexander am Ende der Welt
Verse: 6165 der chaiser wolt nit erwinden,
Verse: 6166 er muest ersuechen und ervinden
Verse: 6167 fuͤr war die rechten mer
Verse: 6168 wo der welt endt wer.
Verse: 6169 do cham er nachant dar
Verse: 6170 in ain grossew insula,
Verse: 6171 do der welt ende was,
Verse: 6172 gegen ainem tall (gelaubet das!),
Verse: 6173 da man furbas nacht noch tag
Verse: 6174 vor chelten nit gewonen mag.
Verse: 6175 die selb stat nent man sus
Verse: 6176 Polus antarticus.
Chapter: 164
Alexander wird bei einer Belagerung von Giftpfeilen verwundet; Amonserscheinung
Verse: 6177 dar inne man ain veste stat
Verse: 6178 vor maniger zeit gemauret hat.
Verse: 6179 der dar inne chunig was,
Verse: 6180 der was gehaissen Ambyras.
Verse: 6181 der chayser im zu hant enpott
Verse: 6182 das sy sich ym ergeben drott
Verse: 6183 und im wuerden undertan.
Verse: 6184 die purger jachen, da wer nit an.
Verse: 6185 das her alles da fuer zach.
Verse: 6186 der graben was tieff, die mawr hoch,
Verse: 6187 die stat was guett und vest,
Verse: 6188 da fuer legten sich die gest.
Verse: 6189 sy sturmbten da zu manigen stunden;
Verse: 6190 alle weg sy werhaft funden,
Verse: 6191 das sy ir nicht gewynnen mochten.
Verse: 6192 manigen list sy betrachten,
Verse: 6193 anttwerch hoch und chaczen,
Verse: 6194 das sy mit in wolten chraczn,
Verse: 6195 des sy doch vil chlain genossen.
Verse: 6196 die purger sy gar ser schussen
Verse: 6197 mit gestuppten pheyllen ze allen stunden
Verse: 6198 manig tieff verich wunden,
Verse: 6199 das ir gar vil davon sturben
Verse: 6200 und van dem gelupp verdurben.
Verse: 6201 Allexandro dem was laid,
Verse: 6202 sein volkch er gar ser chlaidt.
Verse: 6203 do er des nachtes lag allain,
Verse: 6204 sein got Amon im erschain.
Verse: 6205 ein chraut er pracht und sprach zu im
Verse: 6206 'sun Allexander, mich vernym!
Verse: 6207 merkch das chraut und sewds in wein
Verse: 6208 und gib es den die wunt sein!
Verse: 6209 die werdent an der selben stundt
Verse: 6210 von dem gelupp wol gesundt.'
Verse: 6211 des margens do es tag ward,
Verse: 6212 der chaiser der gie mit der vart
Verse: 6213 do er das selb chraut vandt.
Verse: 6214 den rittern sagt er es zu hant
Verse: 6215 und hies es syeden drott,
Verse: 6216 als im Amon der got gepot.
Verse: 6217 zu handt do sy es assen,
Verse: 6218 ires wettagen sy vergassen.
Verse: 6219 die von gelupp wuerden wundt,
Verse: 6220 die wuerden auf der selben stat gesundt.
Verse: 6221 zu hant graiff er die stat an
Verse: 6222 uber haubt er sy gewan.
Verse: 6223 die leut die dar inne warn,
Verse: 6224 den hies er ubel mit varn:
Verse: 6225 man lies ir ainen nit genesen
Verse: 6226 die dar inne warn gewesen.
Verse: 6227 die stat hies er an der stundt
Verse: 6228 nyder legen in den grunt.
Verse: 6229 Der chaiser zoch von dannen zu handt
Verse: 6230 und cham do er ein wasser vandt,
Verse: 6231 das ist genennet Physon
Verse: 6232 und fleust lautter und schon
Verse: 6233 aus dem paradeis
Verse: 6234 nit zu snell noch zu leis.
Verse: 6235 das wasser an ettleicher stat
Verse: 6236 gulldein gryess hat,
Verse: 6237 gemyscht mit edelm gestain
Verse: 6238 gross und chlain.
Verse: 6239 der chaisser zoch dem wasser noch
Verse: 6240 ich wais nit wie manigen tag,
Verse: 6241 unczt das er an ein stat cham,
Verse: 6242 do er wunder gros vernam.
Verse: 6243 das puech fur war uns sagt das
Verse: 6244 das da ein hochew maur was
Verse: 6245 gemacht von ainem ganczen stain.
Verse: 6246 ir hoch durich die gewolkchen schain.
Verse: 6247 der hoch sy nyndert ende sachen;
Verse: 6248 sy zugen verr oder nachen
Verse: 6249 pey der stain wendt,
Verse: 6250 sy funden ir nyndert endt.
Verse: 6251 der chaiser gedacht in seinem muett:
Verse: 6252 disew maur besleust ein landt guett.
Verse: 6253 er wolt ja nit erwinden,
Verse: 6254 er muest recht ervinden
Verse: 6255 die warhait und die rechten mer
Verse: 6256 was enhalb der mawr wer.
Verse: 6257 den rittern den was antt;
Verse: 6258 sy zogten pey der mawr so lang
Verse: 6259 unczt sy funden ain schones tor.
Verse: 6260 ein engel sas darob erpar,
Verse: 6261 der hett in der hendt sein
Verse: 6262 ein grosses swert fewrein.
Verse: 6263 da in Allexander sach,
Verse: 6264 er chnyett fur in und sprach:
Verse: 6265 'sag mir, herr, pistus ain got
Verse: 6266 und wie du haissest sunder spot!'
Verse: 6267 des engl anttwurt was snell,
Verse: 6268 er sprach: 'ich hayss Michaell.
Verse: 6269 ich pin nit ain gott,
Verse: 6270 ich pin sein chnecht und sein pot
Verse: 6271 der aller gotter herr ist.
Verse: 6272 dem dien ich zu aller frist
Verse: 6273 der hymel und erd beschaffen hat.'
Verse: 6274 er sprach zu im auf der stat:
Verse: 6275 'Allexander, vernymb mich!
Verse: 6276 zeuch pald wider hinder dich
Verse: 6277 und tue das enczeiten!
Verse: 6278 dich hilft hie nit dein streytten
Verse: 6279 noch dein vechten chain weis.
Verse: 6280 alhie ist das paradeis,
Verse: 6281 die wunn und des menschen stat,
Verse: 6282 die im Got selb erchorn hatt
Verse: 6283 und auch den erwelten sein.
Verse: 6284 da mag chain irdisch mensch ein
Verse: 6285 an die yeczund hynne sindt.
Verse: 6286 davon zog und wider wind!
Verse: 6287 wann hieczstu hundert tausent her,
Verse: 6288 die tot ich all ane wer.
Verse: 6289 doch wil ich dir ee raichen
Verse: 6290 von hynn ein warczaichen,
Verse: 6291 damit du beweist
Verse: 6292 das du alhie gewessen seist.'
Verse: 6293 aus der maur er ain stain
Verse: 6294 prach, der was schon und chlain,
Verse: 6295 und raicht in Allexandro dar.
Verse: 6296 er sprach zu im: 'nu nymb war
Verse: 6297 was chraft hab diser stain,
Verse: 6298 der ist ring und chlain.
Verse: 6299 merkch recht was ich dir sag!
Verse: 6300 hais in legen auf ain wag
Verse: 6301 und hais legen all den last
Verse: 6302 den du auf erden yndert hast,
Verse: 6303 auf die ander wag hin chegen:
Verse: 6304 der mag den stain nit wider wegen.
Verse: 6305 also ist es auch gestalt
Verse: 6306 umb Gottes chraft und sein gewalt.
Verse: 6307 wann die aller mynnist tat
Verse: 6308 die Got ye begangen hat,
Verse: 6309 der mag dein werich und dein geschicht
Verse: 6310 alles sambt geleichen nicht.'
Chapter: 258
Alexander wird der Wiegestein ausgelegt
Verse: 6311 Allexander zogt von dannen
Verse: 6312 alczu hant mit seinen mannen,
Verse: 6313 zu der vert was im gach.
Verse: 6314 er czogt dem wasser wider nach
Verse: 6315 das in het geweiset dar
Verse: 6316 (daz ich ew sag, daz ist war).
Verse: 6317 da er ain tail ze rukch cham,
Verse: 6318 den stein er in die hant nam.
Verse: 6319 er hies in auf ein wag legen
Verse: 6320 und hies legen da hin kegen
Verse: 6321 was er sweres gehaben macht:
Verse: 6322 zu nicht es zu dem stain tocht;
Verse: 6323 wie vil man lastes leget dar,
Verse: 6324 es chuͤndt den stain gegen ainem har
Verse: 6325 von der erd enparn nye.
Verse: 6326 ain alter maister dar gie,
Verse: 6327 der wer gar ain weiser man.
Verse: 6328 er graif an die erd san
Verse: 6329 und nam der erden in die handt.
Verse: 6330 er schutt sy auf den stain zu hant,
Verse: 6331 er pracht von erden im ain dach
Verse: 6332 und nam ein vederlein darnach
Verse: 6333 und legt es auf die wag gefueg:
Verse: 6334 das selb den stain wider wueg.
Verse: 6335 da Allexander ersach
Verse: 6336 das wunder gros das da geschach,
Verse: 6337 er hies den maister fragen
Verse: 6338 und pat im zu sagen
Verse: 6339 vor allen seinen leutten
Verse: 6340 was das wunder mocht bedeutten.
Verse: 6341 des anttwurt im der weis man:
Verse: 6342 'der stain den do nyeman chann
Verse: 6343 wider wegen an diser frist
Verse: 6344 die weil er unbedakcht ist
Verse: 6345 und scheinet und plekchet,
Verse: 6346 wann der mit erd wird bedekchet,
Verse: 6347 das er sich let vrider wegen,
Verse: 6348 das wil ich dier aus legen:
Verse: 6349 Allexander, merkch mich,
Verse: 6350 der stain bedeuttet dich!
Verse: 6351 die weil und du lewentig pist,
Verse: 6352 alles das auf der erd ist,
Verse: 6353 das chan sich dir nit geleichen
Verse: 6354 es mues dich furichten und enttweichen
Verse: 6355 von deines synnes maisterschaft
Verse: 6356 und auch von deines leibes chraft.
Verse: 6357 aber allczuhandt dar nach
Verse: 6358 so die erd wirt dein dach,
Verse: 6359 so ist enttwert deines leibes chraft
Verse: 6360 und deines synnes maisterschaft,
Verse: 6361 dein reichtum und dein gwalt
Verse: 6362 und dein herschaft manigvalt.
Verse: 6363 und deiner mendleichen tat
Verse: 6364 wirt vergessen an der stat.
Verse: 6365 du wirst ring und ungenem
Verse: 6366 und den leutten wider zẽm,
Verse: 6367 das der mynnist dan pesser ist
Verse: 6368 der nach dir lebt, wann du pist.'
Verse: 6369 do er het volsaget gar,
Verse: 6370 er gedacht, es wer war.
Verse: 6371 da er het beschawet das
Verse: 6372 da nie chain man gewesen was,
Verse: 6373 da lies er sich genuegen an
Verse: 6374 und hies wider chern san.
Verse: 6375 Allexander sich went
Verse: 6376 wider hin gen oryent.
Verse: 6377 er zoch furbas mit dem her
Verse: 6378 und chom zu dem rotten mer.
Verse: 6379 do hies er hutten und gezelt
Verse: 6380 slachen weit auf das velt.
Verse: 6381 dem rotten mer er nach zach
Verse: 6382 an ain gepirg das was hoch.
Verse: 6383 Allexander nit vermaytt,
Verse: 6384 auf das hoch gepirg er rait.
Verse: 6385 in daucht wie er wer
Verse: 6386 in dem himel ane swer.
Verse: 6387 er gedacht im an der stundt
Verse: 6388 wie er den synn entrachten kundt
Verse: 6389 das er in den himel chẽm
Verse: 6390 und versucht und vernemb
Verse: 6391 mit seinen synnen offenbar
Verse: 6392 welicher lay der himell wer.
Verse: 6393 zu hant er ab dem perg gacht,
Verse: 6394 ainen synn er bedacht.
Verse: 6395 die schreiner sein er besandt,
Verse: 6396 die pesten die man indert vant.
Verse: 6397 er hies im machen ainen schrein
Verse: 6398 von holcz nach der gross sein
Verse: 6399 und hies hinden und vorn
Verse: 6400 mit lochern woll durich porn.
Verse: 6401 er schuerff das er wuerd beslagen
Verse: 6402 mit starkchen eysen als ain wagen.
Verse: 6403 er hies mit maisterleichen sachen
Verse: 6404 ein starkches getter dar umb machen,
Verse: 6405 das er sich zu allen stunden
Verse: 6406 in dem getter richten chunde.
Verse: 6407 er gepott alczu hande
Verse: 6408 den leutten in dem lande
Verse: 6409 das sew im alle gar
Verse: 6410 zwen greiffen prechten dar,
Verse: 6411 so sy grossist funden.
Verse: 6412 dy pracht man im an den stunden.
Verse: 6413 die greyffen er behalten hies,
Verse: 6414 wol erhungern er sy lies
Verse: 6415 gar unczt an den dritten tag,
Verse: 6416 das man in nichts geben phlag.
Verse: 6417 er nam zwo chetten eysnein
Verse: 6418 und hies sy sliessen woll darein
Verse: 6419 paidenthalben umb den schrein,
Verse: 6420 der da beslagen ward mit eyssen,
Verse: 6421 und saczt mitten dar ein
Verse: 6422 sich selb in der chetten.
Verse: 6423 ir speis was ob in zu den stunden
Verse: 6424 so hoch das sy is nit eraichen chunden.
Verse: 6425 yegleichem gemacht was
Verse: 6426 fur seinen mund und fuer sein nas
Verse: 6427 wasser in ainem padswam,
Verse: 6428 davon sew dew fewchten namen.
Verse: 6429 do dew greiffen warn beraitt
Verse: 6430 und er da zwischen wart gelait
Verse: 6431 in das getter und in die chisten,
Verse: 6432 dar inn bewart er sich mit listen.
Verse: 6433 sein erczt hetten im betrachtet
Verse: 6434 und ain lectuarium gemachett,
Verse: 6435 das im was fur die luft gesundt,
Verse: 6436 wann er es hielt fuͤr den mundt.
Verse: 6437 das gab im tag und nacht
Verse: 6438 luft, chraft und macht.
Verse: 6439 do er gar berait was
Verse: 6440 und ane vorcht dar innen sas,
Verse: 6441 do hies er sy fliegen lan.
Verse: 6442 die greyffen furtten in von dan.
Verse: 6443 nach der speys sy vast zugen,
Verse: 6444 je lenger ye hocher sy flugen.
Verse: 6445 so sy ye geflugen pas,
Verse: 6446 die speis in dannoch hocher was.
Verse: 6447 sy zugen gegen der hoch ser
Verse: 6448 ye hocher und ye hocher mer.
Verse: 6449 sy begunden so hoch gachen
Verse: 6450 das sy den man ob in sachen
Verse: 6451 als ein fewrein perg gros.
Verse: 6452 Allexander den verdros:
Verse: 6453 er gedacht her wider
Verse: 6454 und sach gegen der erd nyder.
Verse: 6455 in daucht des erttreichs uber all
Verse: 6456 also chlain und also small
Verse: 6457 sam es wer ein hewfflein,
Verse: 6458 da man traid leget ein.
Verse: 6459 das wasser sach er dar umb gan
Verse: 6460 und die erd enmitten stan
Verse: 6461 werder mynner noch mer
Verse: 6462 dann als ain entten auf ainem see.
Verse: 6463 do sy also flugen hin,
Verse: 6464 die Gottes chraft engegent in
Verse: 6465 und slueg sy zu der erd nyder
Verse: 6466 auf ain gevild wider,
Verse: 6467 also das im chain ungemach
Verse: 6468 in dem getter nye geschach.
Verse: 6469 doch was der edl herre
Verse: 6470 syben tag waid verre
Verse: 6471 gevallen von dem her sein
Verse: 6472 und het weder prott noch wein;
Verse: 6473 doch het er sein lectuarium,
Verse: 6474 das cham die weil im zu frum.
Verse: 6475 davon er sein chraft nam,
Verse: 6476 unczt das er zu leutten cham,
Verse: 6477 die in fuertten zu dem her;
Verse: 6478 das lag dannoch pey dem mer.
Verse: 6479 do er zu dem her cham
Verse: 6480 und es sein herschaft vernam,
Verse: 6481 sy warn sein unmassen fro
Verse: 6482 und lobten in gemain aldo
Verse: 6483 paid still und offenbar,
Verse: 6484 als ob er ain got wer.
Verse: 6485 do der chaiser het ervarn
Verse: 6486 was wunder auf der erd warden,
Verse: 6487 und hett auch versuecht das
Verse: 6488 was oben in den luften was,
Verse: 6489 Er wolt nicht erwinden,
Verse: 6490 er wolt versuechen und ervinden
Verse: 6491 zu der selben stunde
Verse: 6492 was da wer in des meres grunde.
Verse: 6493 er hies im suechen und erfarn
Verse: 6494 die pesten glaser die da warn.
Verse: 6495 er hies die machen im ain vas
Verse: 6496 von dem aller pesten glas,
Verse: 6497 wann er darinn were,
Verse: 6498 das er gar scheinper
Verse: 6499 da durich mocht gesechen
Verse: 6500 und die mer wunder spechen,
Verse: 6501 und das sy es machten vest,
Verse: 6502 so sy mochten aller pest.
Verse: 6503 sein weis archemysten
Verse: 6504 die machten im mit listen
Verse: 6505 ein hubsches gleseins vas,
Verse: 6506 das vest und durich sichtig was.
Verse: 6507 er hies mit eyssen woll beslachen
Verse: 6508 und hies es da mitten haben,
Verse: 6509 ob das an ruerret icht,
Verse: 6510 das es davon zepreche nicht.
Verse: 6511 er saczt sich mytten darein.
Verse: 6512 lang chetten eysnein
Verse: 6513 hies er machen dar an.
Verse: 6514 dar nach hies er sich fuern lan
Verse: 6515 auf dem mer verren.
Verse: 6516 sein getrewist herren
Verse: 6517 die er hatt in dem her,
Verse: 6518 hies er sich lassen in das mer
Verse: 6519 und die chetten halden
Verse: 6520 und seins leibes walden.
Verse: 6521 do er cham in des meres grundt,
Verse: 6522 da wurden im vil wunder chundt.
Verse: 6523 er sach visch in maniger gestalt
Verse: 6524 und mer wunder manigvalt.
Verse: 6525 er sach visch fuer sich varn
Verse: 6526 die ze gleicher weis gestalt warn
Verse: 6527 als auf erttreich ettlich chunder.
Verse: 6528 es warn auch sumleich dar under
Verse: 6529 die er sach an dem grundt
Verse: 6530 zu fuessen gen an der stundt.
Verse: 6531 er sach auch an dem grundt stan
Verse: 6532 pawmb da hiengen opphel an
Verse: 6533 und ander obs vil unmassen,
Verse: 6534 das die selben chunder assen.
Verse: 6535 zu hant wann in die chunder sachen,
Verse: 6536 so begundens von im gachen.
Verse: 6537 er sach vill grassew wunder,
Verse: 6538 die er allew besunder
Verse: 6539 den rittern sagt und tet bechant
Verse: 6540 do er cham wider auf das landt.
Verse: 6541 was er in do wunders sagt,
Verse: 6542 das wirt von mir alhie verdagt
Verse: 6543 durich die gross ungelaubigkait:
Verse: 6544 man sprech, ich hiet ain lug gesaitt.
Verse: 6545 Sumleich ritter sagent ein mer
Verse: 6546 das gar vast gelogen wer.
Verse: 6547 das daucht mich ungelaublich
Verse: 6548 das Allexander der reich
Verse: 6549 der edlen frawen sein,
Verse: 6550 Roxanen der chaiserein,
Verse: 6551 die chetten geb zu halten,
Verse: 6552 das sy der solt walten.
Verse: 6553 da lies an der selben stundt
Verse: 6554 vallen die chetten in des meres grundt.
Verse: 6555 das mag also nit gesein,
Verse: 6556 wann die edl chaiserein
Verse: 6557 was dannoch zu Persya;
Verse: 6558 der chayser het sy gelassen da.
Verse: 6559 ob sy dann da gewesen wer,
Verse: 6560 so wer gewesen doch zu swer
Verse: 6561 die chetten ir allain zu halden,
Verse: 6562 der hundert ritter muesten walden.
Verse: 6563 Do das alles geschach,
Verse: 6564 Allexander auf prach
Verse: 6565 und zoch neben dem rotten mer
Verse: 6566 auf dem landt mit dem her.
Verse: 6567 do er unlang gezogt hat,
Verse: 6568 do legt er sich nyder an ain stat.
Verse: 6569 da widerfuern im grossew tier,
Verse: 6570 die hetten horn als die stier,
Verse: 6571 die recht als die scharsach snytten.
Verse: 6572 die tier die ritter nit vermitten,
Verse: 6573 sie durich stachens in die schilt,
Verse: 6574 das sein die ritter ser bevilt.
Verse: 6575 ir totten vil die unverczagten,
Verse: 6576 die andern sy hin von in jagten.
Verse: 6577 Der chaiser zogt mit dem her
Verse: 6578 beseicz von dem rotten mer.
Verse: 6579 er cham in ain wuegstes landt,
Verse: 6580 da er nuer chuerczes staudach vant.
Verse: 6581 das was so prait und so vil
Verse: 6582 das er sein sach endes noch zill.
Verse: 6583 an dem staudach wol getan
Verse: 6584 do wuechs nichts wann pheffer an.
Verse: 6585 aus dem staudach cham gegangen
Verse: 6586 gross und ungehewr slangen,
Verse: 6587 die hetten an dem haubt vorn
Verse: 6588 als die wider grossew horn;
Verse: 6589 da mit sluegen sy die ritter.
Verse: 6590 ir sleg warn also pitter:
Verse: 6591 welichen sy verwunten,
Verse: 6592 der starb an den selben stunden.
Verse: 6593 Allexander zogt von dann
Verse: 6594 und mit im all sein mann
Verse: 6595 und zogt an ain andrew stat.
Verse: 6596 so sich das her gelegert hat,
Verse: 6597 do chamen grossew tier,
Verse: 6598 die hiessen cenopuli.
Verse: 6599 die warn als die grossen ros
Verse: 6600 und hetten zendt lang und gros.
Verse: 6601 das fewr schriet in aus dem mund
Verse: 6602 in flamen weis zu aller stundt.
Verse: 6603 da sy das her da ligen sachen,
Verse: 6604 sy begunden auf sy gachen.
Verse: 6605 Allexander all zuhandt
Verse: 6606 in dem her umb rant,
Verse: 6607 er gab in muett und chraft,
Verse: 6608 das sy icht wuerden zaghaft.
Verse: 6609 sy wertten sich gar ritterlich
Verse: 6610 gegen den tiern allen geleich,
Verse: 6611 iedoch ritter vil verdurben.
Verse: 6612 der tier zehenstund mer sturben.
Verse: 6613 die andern warn in zu pald
Verse: 6614 und flochen vor in in den wald.
Verse: 6615 Do zogtens aber furbas
Verse: 6616 und chamen da ain waser was,
Verse: 6617 das lautter was und nicht ze gros
Verse: 6618 und uber ainen gries flos.
Verse: 6619 dar uber zugen sy zu hant.
Verse: 6620 do sy chamen an das landt,
Verse: 6621 da sluegens auf ir gezelt
Verse: 6622 pey dem waser auf das veld.
Verse: 6623 uber nacht sy da lagen,
Verse: 6624 do sy ir rue phlagen.
Verse: 6625 do es tag begund werden,
Verse: 6626 da sachens chriechen aus der erden
Verse: 6627 amayssen zu der selben stundt;
Verse: 6628 die warn gros als die hundt,
Verse: 6629 ir zend scharif als ain gratt,
Verse: 6630 ieglich sechs fuess hat.
Verse: 6631 an dem auf slieffen
Verse: 6632 sy an dew ros lieffen
Verse: 6633 und auch an andre tier
Verse: 6634 und erpissen ir gar schier
Verse: 6635 ze tad aus der massen vil.
Verse: 6636 von den amayssen ich euch sagen will,
Verse: 6637 als wir an dem puech haben.
Verse: 6638 fein gold sy aus der erden graben,
Verse: 6639 das schonist das ir ie gesacht,
Verse: 6640 mit irn ruesseln durich die nacht
Verse: 6641 und sind in der erden verporgen
Verse: 6642 unczt gegen dem mitten morgen.
Verse: 6643 wann sy die hicz get an,
Verse: 6644 so siecht mans aus der erden gan.
Verse: 6645 was in die weill wider vert,
Verse: 6646 das ist schier fressen und verczert,
Verse: 6647 unczt die suͤnn seigt nider;
Verse: 6648 so slieffens in die erd wider
Verse: 6649 und sind aber da verporgen
Verse: 6650 unczt an den andern morgen.
Verse: 6651 das treybent sy fuͤr sich dar
Verse: 6652 ymmer mer das gancz jar.
Verse: 6653 die leut in der selben gegent
Verse: 6654 pey dem tag sich nyndert regent.
Verse: 6655 si sind von dem morgen
Verse: 6656 unczt in die nacht verporgen
Verse: 6657 in irn tuernen gar vest,
Verse: 6658 so sy si haben aller pest.
Verse: 6659 wann in chumbt der abent,
Verse: 6660 das golt das die amayssen habent
Verse: 6661 des tags aus gegraben,
Verse: 6662 das wirt von in auf gehaben;
Verse: 6663 das fuerrent sy dann zu hant
Verse: 6664 pey der nacht aus dem landt.
Verse: 6665 pey der nacht sy auch sẽentt,
Verse: 6666 paidew sneydent und auch mẽntt;
Verse: 6667 allew dew aribait sy dann treybent.
Verse: 6668 ir chainer lenger tor beleiben
Verse: 6669 nuer unczt an des tages zill,
Verse: 6670 ob er den leib behalten will.
Verse: 6671 sy sind so snell ane wan
Verse: 6672 das in nicht entrinnen chan.
Verse: 6673 der amayssen sy sich wern
Verse: 6674 so lang uncz sy den leib ernern.
Verse: 6675 Do es nacht warden was,
Verse: 6676 do zogt er aber furbas
Verse: 6677 mit dem her und cham gefarn
Verse: 6678 do zway hochew gepirg warn;
Verse: 6679 do zwischen gar ein tieffes tall,
Verse: 6680 da durich gieng ein weg small.
Verse: 6681 Die leut die er davor vant
Verse: 6682 wanhaft, die tetten im bekant
Verse: 6683 das enhalb des piriges wer
Verse: 6684 vill diett und lanndt achtper;
Verse: 6685 es wer aber vor zawberey
Verse: 6686 lange jar gewesen frey
Verse: 6687 das dar ein cham nye chain man,
Verse: 6688 er muest den leib verlorn han.
Verse: 6689 Allexander im gedacht,
Verse: 6690 ob man in nicht mit seiner macht
Verse: 6691 sech in dem lande,
Verse: 6692 des hiett er immer schande.
Verse: 6693 er sandt ein tail ritter dar
Verse: 6694 und hies sy recht nemen war
Verse: 6695 und ervarn die mer
Verse: 6696 ob der red allso wer.
Verse: 6697 die ritter chomen nye so dratt
Verse: 6698 in das tall sy wern tod
Verse: 6699 zu ir aller angesicht;
Verse: 6700 sy mochten in gehellfen nicht.
Verse: 6701 nach den zogt ein andrew schar
Verse: 6702 willigkleich und gern dar;
Verse: 6703 als den ersten in da geschach.
Verse: 6704 do Allexander das ersach,
Verse: 6705 do zogt er furder von dem wall
Verse: 6706 mit dem her alczumall.
Verse: 6707 nu was pey im under des
Verse: 6708 sein maister Aristotiles,
Verse: 6709 den het sein muetter im gesanndt
Verse: 6710 verr dar van Chriechen lanndt,
Verse: 6711 das er solt mit im varn
Verse: 6712 und in den lannden in bebarn.
Verse: 6713 Allexander in ser pat
Verse: 6714 darczue geben seinen ratt.
Verse: 6715 der maister Aristotiles
Verse: 6716 hies im machen under des
Verse: 6717 von holcz ein chlaines tuernlein,
Verse: 6718 so es hohist mocht gesein,
Verse: 6719 und hies das auf vier scheiben
Verse: 6720 auf ainen perg treyben,
Verse: 6721 der stuend nachant pey dem tall,
Verse: 6722 dar auf er mocht uber all
Verse: 6723 chuntleich gesechen
Verse: 6724 wo von dicz wer geschechen.
Verse: 6725 er hies im machen und pringen dar
Verse: 6726 von stachel ain spiegl chlar.
Verse: 6727 man muest den stachl rain purgiern
Verse: 6728 und dar nach schon poliern,
Verse: 6729 das man dar inn schon ersach
Verse: 6730 alles das davor geschach.
Verse: 6731 da man getraib das selb werich
Verse: 6732 mit den scheiben auf den perg,
Verse: 6733 Aristotiles gieng dar ein.
Verse: 6734 zu obrist was ein vensterlein,
Verse: 6735 durich das man mocht uber all
Verse: 6736 besechen perg und tall.
Verse: 6737 des nam er vil eben war
Verse: 6738 und gieng rukchling dar
Verse: 6739 gegen dem venster gar gefueg;
Verse: 6740 den spiegel er hoch gegen trueg.
Verse: 6741 da sach er an dem gepirg siczen
Verse: 6742 ainen unkcht und gegen im gliczen,
Verse: 6743 das ist ain wuerm und haist alsus
Verse: 6744 zu latein basyliscus.
Verse: 6745 das ist ain wuerm nit zu klain,
Verse: 6746 der ist so giftig und so unrain
Verse: 6747 das im die giftig taugen
Verse: 6748 scheinet durich die augen.
Verse: 6749 alles das er ane siecht,
Verse: 6750 das mag lenger leben nicht,
Verse: 6751 es sey mensch oder tier,
Verse: 6752 das mues sterben also schier.
Verse: 6753 der maister woll sein art erkant.
Verse: 6754 da er in sach alczuhandt,
Verse: 6755 er gie ab dem tuern nyder
Verse: 6756 und cham zu dem chayser wider.
Verse: 6757 er begund im sagen und verjechen
Verse: 6758 wie und was er het gesechen.
Verse: 6759 er sprach: 'und welt ir voligen mir,
Verse: 6760 den wuerm wil ich tetten schier.'
Verse: 6761 der chaiser pat, man schold
Verse: 6762 tuen was der maister wold.
Verse: 6763 er hyss machen dy smide sein
Verse: 6764 achzig schild stechlein furbar
Verse: 6765 die schilt hies er poliern gar
Verse: 6766 durichsichtig als ain spiegl chlar.
Verse: 6767 er hies sy machen all geraitt
Verse: 6768 paid so lang und so prait
Verse: 6769 das der ritter yeglich
Verse: 6770 damit gar bedekchet sich.
Verse: 6771 zu den schilten er do nam
Verse: 6772 achczig ritter lustsam.
Verse: 6773 er hies die ritter ygleich
Verse: 6774 ainen schilt nemen für sich.
Verse: 6775 selber er den ersten nam,
Verse: 6776 als es den wiczen sein gezam,
Verse: 6777 und hies sy gen alczu mal
Verse: 6778 nach im besunder in das tall.
Verse: 6779 do sy der basiliscus sach,
Verse: 6780 im was an sy zu sechen gach.
Verse: 6781 do er sach in die schilt so dikch
Verse: 6782 und auch von dem wider plikch
Verse: 6783 das er sich selb dar inne sach,
Verse: 6784 die gift im das hercz ab prach,
Verse: 6785 das er auf der stet starb
Verse: 6786 und von sein selbs gift verdarb.
Verse: 6787 der maister Aristotiles
Verse: 6788 wolt gewar werden des
Verse: 6789 ob der wuerm tad wer.
Verse: 6790 er lies lauffen offenber
Verse: 6791 ain wildes ros in dem tall
Verse: 6792 her und hin uber all.
Verse: 6793 do das selb ros genas,
Verse: 6794 do prueft er das der wuerm tad was.
Verse: 6795 die ritter jachen im maisterschaft
Verse: 6796 und lobten seines synnes chraft.
Verse: 6797 der chaiser der hies uber all
Verse: 6798 fewr machen in dem tall,
Verse: 6799 ob da icht ein gestankchen wer beliben,
Verse: 6800 das sy den mit dem fewr vertriben.
Verse: 6801 Do mit zugen sy fuer sich
Verse: 6802 durich das gepirg all gelich
Verse: 6803 und chamen auf ain weittes velt,
Verse: 6804 da sluegens auf ir gezelt.
Verse: 6805 do sy ir rue phlagen
Verse: 6806 und under irn hutten lagen,
Verse: 6807 do cham aus dem gepirg gerant
Verse: 6808 leut die sind Cicopes genant,
Verse: 6809 mit ainem geschray unmassen gros,
Verse: 6810 das das gevild darnach erdos.
Verse: 6811 die leut sind lankch als die rissen;
Verse: 6812 sy leuffen zu in auf die wisen,
Verse: 6813 ungehewrlich sy erschriern;
Verse: 6814 sy habent nuer ain aug an der stiern,
Verse: 6815 sy sind chuen und manhaft
Verse: 6816 und habent darczue grossew chraft.
Verse: 6817 der chaiser begund umb sy lauffen
Verse: 6818 und hielt die ritter sein zu hauffen.
Verse: 6819 er pat sy sich vast zu wern,
Verse: 6820 ob sy den leib wolten nern.
Verse: 6821 sy werten sich gar mendlich
Verse: 6822 und stritten mit in gar ritterlich,
Verse: 6823 unczt sew sy uberwunden
Verse: 6824 und den sig von in genomen,
Verse: 6825 aber mit irm schaden grossen;
Verse: 6826 sy muesten in zu phant lassen
Verse: 6827 manigen stolczen ritter,
Verse: 6828 dem der sig ward gar pitter.
Verse: 6829 Do er den sig alda gewan,
Verse: 6830 do hueb er sich zu hant von dann
Verse: 6831 und cham zu ainem grossen wag,
Verse: 6832 darinn ain grassew insula lag.
Verse: 6833 da sachens leut inne gan,
Verse: 6834 die warn all des hauppts an,
Verse: 6835 der mund, augen und die orn
Verse: 6836 stuenden in an der prust vorn.
Verse: 6837 ir leng zwelef fuess was,
Verse: 6838 die dikch suben (gelaubet das!).
Verse: 6839 sy warn ungeschaffen gar
Verse: 6840 und an dem leib goldvar.
Verse: 6841 sy sachens durich ain wunder an,
Verse: 6842 sy tetten in nit und liessens gan.
Verse: 6843 Sy zugen aber furbas
Verse: 6844 und funden das vil selczam was.
Verse: 6845 sy chomen fur einen grassen wald,
Verse: 6846 da sachens tier ungestalt.
Verse: 6847 sy warn dikch und gros,
Verse: 6848 der leib geschaffen als ain ros,
Verse: 6849 die fuess geleich ainem leben.
Verse: 6850 si lieffen vor in und en neben.
Verse: 6851 ir hoch was dreyssig fuess,
Verse: 6852 ir stym was gar unsuess,
Verse: 6853 sy warn zweleff fuess dikch,
Verse: 6854 ir augen hetten frayslich plikch.
Verse: 6855 man sach sy vrayslich geparn,
Verse: 6856 yedoch ir nit vil warn.
Chapter: 242
Bucephalus' Tod
Verse: 6857 der chayser edel und reich
Verse: 6858 zogt mit dem her fur sich.
Verse: 6859 er cham auf ain gevild,
Verse: 6860 das was weit und wild.
Verse: 6861 er hies herwerg vachen
Verse: 6862 und die gezelt auf slachen.
Verse: 6863 grasser maznei sy phlagen.
Verse: 6864 ein ganczes mẽnedt si do lagen,
Verse: 6865 wann Puczeval im an der vart,
Verse: 6866 sein guettes phert, im siech wart
Verse: 6867 und starb der selben siechait.
Verse: 6868 dem chayser geschach nye so laid,
Verse: 6869 das er allda boll beschaint,
Verse: 6870 wann er var laid umb es waint.
Verse: 6871 er bewaint es umb das
Verse: 6872 das es so woll gelert was
Verse: 6873 zu sturmen und zu streitten.
Verse: 6874 es het in zu manigen zeitten
Verse: 6875 mitt der chreft die es het,
Verse: 6876 und mit der chunnichleichen tat
Verse: 6877 aus manigem herttem streit getragen,
Verse: 6878 da er sust inne wer erslagen.
Verse: 6879 es het auch ain tugent gross
Verse: 6880 der es gegen dem chaiser genos,
Verse: 6881 das es aller mann chainen
Verse: 6882 nie getrueg wann in ainen.
Verse: 6883 yedoch nam er im guetten muet
Verse: 6884 als ain weyser man tuet
Verse: 6885 gegen allen seinen sachen.
Verse: 6886 ein schones grab hies er im machen;
Verse: 6887 dar ein hies er es begraben,
Verse: 6888 ein hoch gewelb dar auf erhaben.
Verse: 6889 er hies ein purig pawen alda
Verse: 6890 und nancz nach im Puczeval
Verse: 6891 zu ring all umb und umb das grab.
Verse: 6892 grasses guot er dar czue gab.
Verse: 6893 er erczaigt wol das
Verse: 6894 das es im lieb was
Verse: 6895 an czweivel und an wan.
Verse: 6896 hie mit zogt er von dann.
Verse: 6897 Allexander zogt furbas
Verse: 6898 da ain ander gevild was.
Verse: 6899 das was wunnyklich und gros.
Verse: 6900 ein schon wasser da durich flos
Verse: 6901 aus ainem gepirg, das was hoch,
Verse: 6902 des hoch sich durich die gewolkchen zoch.
Verse: 6903 das pirg was stikchel und vest.
Verse: 6904 davor legten sich die gest
Verse: 6905 durich ir gemach an den stunden.
Verse: 6906 die leut die sy do wanhaft funden,
Verse: 6907 die fragten sy der mer
Verse: 6908 was enhalb des wasser wer.
Verse: 6909 die leut sagten in geleich,
Verse: 6910 dort enhalb wer ein chunigreich,
Verse: 6911 das reichist und das pest
Verse: 6912 das yemant yndert west,
Verse: 6913 und wer Gramania genant.
Verse: 6914 sy sagten mer von dem land
Verse: 6915 das es dar umb so wer gestalt
Verse: 6916 das nyeman dar ein mit gewalt
Verse: 6917 chomen mocht und hie dreyssig her.
Verse: 6918 'wenn enhalb das wendel mer
Verse: 6919 all umb und umb dar umb gat,
Verse: 6920 so ist es an der andern stat
Verse: 6921 vestiklich beslossen
Verse: 6922 mit den perigen grossen
Verse: 6923 die ir secht vor euch stan,
Verse: 6924 das nyemant dar ein chomen chan
Verse: 6925 wann nach ainer strassen,
Verse: 6926 die ist so gar aus der massen
Verse: 6927 bol besaczt und bewart
Verse: 6928 und verrigelt und verspart
Verse: 6929 mit purigen und mit vesten chlausen,
Verse: 6930 es mocht dem tievel dar ab grausen
Verse: 6931 ob ir dann dar durich muest.
Verse: 6932 es ist auch das landt nit wuegst,
Verse: 6933 woll erpawen uber all
Verse: 6934 paid in perig und in tall
Verse: 6935 mit stetten und mit vesten guett.
Verse: 6936 die sind besaczt und behuett
Verse: 6937 als das pillich wesen sol,
Verse: 6938 die sind aller genuchsam vol.
Verse: 6939 die leut die dar inne sind,
Verse: 6940 paide alte und chind,
Verse: 6941 die sind getrew und warhaft,
Verse: 6942 chuen und dar czue werhaft,
Verse: 6943 gerecht und auch wiczig gar;
Verse: 6944 was sy geloben, das ist war.'
Verse: 6945 der chayser hies sy vragen mer
Verse: 6946 wer chunig in dem land wẽr.
Verse: 6947 do sagt im dew fromde diet
Verse: 6948 das das lannd nit chunig hiet?
Verse: 6949 nuer am chuniginne,
Verse: 6950 die mit weishait und mit mynne
Verse: 6951 der chron und des lanndes wielt
Verse: 6952 und es gar gewaltiklich hielt
Verse: 6953 mit grassen ern ane schand.
Verse: 6954 yedoch zwen fuersten in dem land,
Verse: 6955 die wern ir prueder paid,
Verse: 6956 die tetten ir gar vil zu laid.
Verse: 6957 sy hiettens gern verstossen,
Verse: 6958 doch muesten sy es lassen,
Verse: 6959 wann sy wer in gar zu starkch
Verse: 6960 und zu wiczig und zu charkch.
Verse: 6961 do dem chaiser wart gesait
Verse: 6962 von des landts gelegenhait,
Verse: 6963 er gedacht im alczu hant:
Verse: 6964 'ob ich dicz vests lanndt
Verse: 6965 ymmer schol gewynnen,
Verse: 6966 das mues von guetten synnen
Verse: 6967 und von gelukch chomen dar.'
Verse: 6968 seinen rat besant er gar
Verse: 6969 und sagt in gar seinen muet.
Verse: 6970 er jach: 'ob is euch dunkchet guet,
Verse: 6971 so wil ich verchern mich
Verse: 6972 ainem gorczen gelich
Verse: 6973 und wil czogen in das landt,
Verse: 6974 als mich der chaiser hab gesandt,
Verse: 6975 und wil selbs die gelegenhait
Verse: 6976 ervarn und die warhait.
Verse: 6977 wann furbar (gelaubet das!)
Verse: 6978 nyemant es ervert pas.'
Verse: 6979 den fuersten den muest allen
Verse: 6980 der rat wol gevallen,
Verse: 6981 wann er sein wolt enpern nit.
Verse: 6982 durich vorcht nach durich chain geschicht
Verse: 6983 wolt er nit beleiben.
Verse: 6984 er hies im prieff schreiben:
Verse: 6985 'Wir chaiser Allexander,
Verse: 6986 chunig ob allen chunigen her,
Verse: 6987 enpietten lieb und alles guet,
Verse: 6988 unser frewd und hochen muott
Verse: 6989 von Gramancy der chunigynne.
Verse: 6990 wir wẽnn, ir seit wol warden ynne
Verse: 6991 wie wir dem chunig von Yndia
Verse: 6992 und auch andern chunigen da
Verse: 6993 mit gewalt gewunnen hann
Verse: 6994 und uns gemachet under tan.
Verse: 6995 und wellet ir mit frewden leben,
Verse: 6996 so sult ir uns auf geben
Verse: 6997 paidew leut und landt
Verse: 6998 und enphacht es von unserr hant
Verse: 6999 zu ainem rechten lechen:
Verse: 7000 so ist euch wol geschechen.
Verse: 7001 tuet ir des nicht, so wist fur war
Verse: 7002 das wir mit heres chraft aldar
Verse: 7003 und auch mit gewalt varn,
Verse: 7004 das wir des lenger nit ensparn
Verse: 7005 und an euch nymmer auf gehorn
Verse: 7006 unczt wir landt und leut zustorn.
Verse: 7007 euch frumbt gegen uns chain wẽr,
Verse: 7008 ir entrunt uns dann in das mer.'
Verse: 7009 do die brief warn berait,
Verse: 7010 der chaiser zach ab seine chlaid
Verse: 7011 und zoch an sich gar enges gewant.
Verse: 7012 ain prieffas er an die guerttl pant
Verse: 7013 und hueb sich vor tags von dannen
Verse: 7014 taugenlich von seinen mannen.
Verse: 7015 do er an die partten cham
Verse: 7016 und man an seiner gepẽr vernam
Verse: 7017 das er ain pot wer,
Verse: 7018 do slussen im die huetter
Verse: 7019 zuhant auf tar und tuer
Verse: 7020 und liessen in reitten durich und fuer.
Verse: 7021 do er durich das pirg gerait,
Verse: 7022 er merkcht des gepirgs gelegenhait.
Verse: 7023 das was zu paiden seitten da
Verse: 7024 gar stikchlich und gar hoch,
Verse: 7025 das man es mit chainen synnen
Verse: 7026 mit gewalt macht gewynnen,
Verse: 7027 yn daucht der weg gar lang.
Verse: 7028 dar czu het er manigen gedankch,
Verse: 7029 wann er chem in das landt,
Verse: 7030 das er da nicht wuert bechant.
Verse: 7031 er rait unczt an den dritten tag,
Verse: 7032 das er nye rue phlag.
Verse: 7033 zu hant er durich das gepirg cham
Verse: 7034 in ain land lustsam,
Verse: 7035 das was weit und eben.
Verse: 7036 er sach paidenthalben da neben
Verse: 7037 vil chastel und vesten,
Verse: 7038 die schonisten und die pesten
Verse: 7039 die er vor oder nach
Verse: 7040 in chainem landt nye gesach.
Verse: 7041 die purgtor und die tuern
Verse: 7042 (dar umb schol nyemant zuern)
Verse: 7043 warn allgemain
Verse: 7044 von liechtem mermellstain,
Verse: 7045 gepolieret liecht und chlar,
Verse: 7046 von aller hant varbe gar,
Verse: 7047 swarcz, gruen und weis.
Verse: 7048 sumelich warn mit guetem vleis
Verse: 7049 mit schonen pilden durich graben
Verse: 7050 und mit gold dar auf erhaben
Verse: 7051 chostlich unmassen.
Verse: 7052 die im begenten auf der strassen,
Verse: 7053 die fragt er indischen der mer
Verse: 7054 wo des lanndes fraw wer
Verse: 7055 sy zaigenten im tugentlich dar.
Verse: 7056 der strassen nam er eben war
Verse: 7057 und des lanndes uber all.
Verse: 7058 das was perg und tall
Verse: 7059 aller genuchtsam vol;
Verse: 7060 das geviel im gar woll.
Verse: 7061 da wuegs alles des genueg
Verse: 7062 des die erd ye getrueg.
Verse: 7063 er sach da von gejayde
Verse: 7064 die schonisten augenwaide,
Verse: 7065 er sach da aller hannde wild,
Verse: 7066 das auf dem land leuf und spilt.
Verse: 7067 im tet nyemant chain laid.
Verse: 7068 dar nach unlang er rait
Verse: 7069 unczt er cham zu der haubtstatt,
Verse: 7070 da die chuniginn inne hat
Verse: 7071 ir wanung zu allen zeitten;
Verse: 7072 dar in pegund er ze reitten.
Verse: 7073 nach dem pesten wiert er fraitte
Verse: 7074 der do was. zu dem er raitte,
Verse: 7075 durich das das er erfuer die mer
Verse: 7076 wie die fraw zu sehen wẽr.
Verse: 7077 der wirt der was reich,
Verse: 7078 er phlag sein gar erlich;
Verse: 7079 mit trinkchen und mit essen
Verse: 7080 wart sein die nacht nit vergessen.
Verse: 7081 des gab man im allen rat
Verse: 7082 wie man es vand in der stat.
Verse: 7083 doch umb sein phening
Verse: 7084 die wueg er gar ring,
Verse: 7085 wann er het ir gar genueg.
Verse: 7086 der wirt im dikch ze fueg
Verse: 7087 und fragt in der mer
Verse: 7088 von wann er der land wer.
Verse: 7089 den wirt er hin wider fragt
Verse: 7090 und pat in das er im sagt
Verse: 7091 wann das fueg macht hann
Verse: 7092 das er fuer die frawen torst gann
Verse: 7093 und mit ir werden redhaft
Verse: 7094 und weriffen sein pottschaft.
Verse: 7095 der wirt sagt im offenwar
Verse: 7096 das es aller pest wer
Verse: 7097 so es begund zu tagen,
Verse: 7098 so wolt er im auch haissen sagen.
Verse: 7099 die wirtin hies im das gesind
Verse: 7100 von chussen und petten lindt
Verse: 7101 und von newen leylachen
Verse: 7102 ain schones pet machen.
Verse: 7103 ain seydein gulter und maͤdẽraͤts
Verse: 7104 auf das pet gepraittet was,
Verse: 7105 dar auf legt man den werden gast,
Verse: 7106 das im nichts geprast.
Verse: 7107 des morgens do es begund tagen,
Verse: 7108 der wirt hies dem gast sagen
Verse: 7109 das er solt auf stan,
Verse: 7110 ob er zu hoff wolt gan.
Verse: 7111 der gast legt an sein gewant
Verse: 7112 und gieng mit dem wirt zu handt.
Verse: 7113 do er in die purig chom
Verse: 7114 und es das hoffgesind vernam
Verse: 7115 das es der purger was,
Verse: 7116 der chunigin sy sagten das.
Verse: 7117 die hies in pald ein lan,
Verse: 7118 sy grust in und sach in an,
Verse: 7119 sy sprach im guettlich zue:
Verse: 7120 'ey was schaft ir hie so frue ?
Verse: 7121 das sind selczam mer.'
Verse: 7122 des anttwurt ir der purger:
Verse: 7123 'ain pot der ist zu euch gesandt,
Verse: 7124 der ist mir gar unbekant.
Verse: 7125 mich triegen dann die synn mein,
Verse: 7126 er mag ain edel man sein.'
Verse: 7127 sy sprach: 'wir wellen in horn gern
Verse: 7128 und wellen in guetter antwurtt gewern.'
Verse: 7129 Nu hort ain selczams mer,
Verse: 7130 das nit guet ze versweigen wer.
Verse: 7131 die edel chuniginne,
Verse: 7132 die het wicz und synne,
Verse: 7133 die het vor manigen jarn
Verse: 7134 wol gehort und erfarn
Verse: 7135 die grossen Allexanders wunder.
Verse: 7136 man sagt ir auch besunder
Verse: 7137 wie gar gewaltiklich
Verse: 7138 er betwung alle reich
Verse: 7139 und wie die gotter mit im wern
Verse: 7140 und sein hilf durich nichte verpern.
Verse: 7141 sy sandt ainen maler,
Verse: 7142 der ir getrew was und gewẽr,
Verse: 7143 der wol malen chund,
Verse: 7144 wo er Allexandrum fundt,
Verse: 7145 das er sein form und gestalt
Verse: 7146 ir an ain pemeit malt.
Verse: 7147 der maller zogt alczu hant
Verse: 7148 da er Allexandrum vant
Verse: 7149 in dem land zu India
Verse: 7150 vor ainer stat ligen da.
Verse: 7151 er was da in der geper
Verse: 7152 recht als er ein chauffman wer.
Verse: 7153 dikch er fuer den chaiser cham,
Verse: 7154 unczt er in woll auf genam.
Verse: 7155 sein leng und sein dikch und sein har,
Verse: 7156 sein varib und sein gesicht gar,
Verse: 7157 sein form und sein gestalt
Verse: 7158 er genczlich auf ain pemet malt
Verse: 7159 und sein geper auf und nider
Verse: 7160 und cham zu seiner frawen wider.
Verse: 7161 do er ir das permed pracht,
Verse: 7162 die vraw sich vleyssigklich bedacht.
Verse: 7163 sy hies es slachen alczu hant
Verse: 7164 pey irm pet an die want
Verse: 7165 und hieng an ainer snuer
Verse: 7166 ain seydein tuech da fuer.
Verse: 7167 disew red lass wir hie varn
Verse: 7168 und sagen da wir ee warn.
Verse: 7169 den potten man fur sy lie,
Verse: 7170 die fraw in tugentlich enphie.
Verse: 7171 er naygt ir zuchtiklich und sprach,
Verse: 7172 do er sey erst ane sach:
Verse: 7173 'edlew chunigynne her,
Verse: 7174 der chayser Allexander
Verse: 7175 enpeutt dir frewntlichen muet,
Verse: 7176 seinen grues und alles guett.
Verse: 7177 er hies dir noch mer sagen
Verse: 7178 das du in dissen acht tagen
Verse: 7179 auf gebst im dicz landt
Verse: 7180 und enphagst von seiner hant
Verse: 7181 zu ainem rechten lechen:
Verse: 7182 so ist dir woll geschechen.
Verse: 7183 tuestu des nicht gar schir,
Verse: 7184 so wil er es angewynnen dier
Verse: 7185 mit gewalt und mit streit.
Verse: 7186 davon tue es enczeit!'
Verse: 7187 die chunigynne in an sach,
Verse: 7188 zu handt erchant sy in und sprach:
Verse: 7189 'entrewn das wer ein gechew gerst,
Verse: 7190 dew man geset hiet aller erst
Verse: 7191 und solt zu hant auf gan.
Verse: 7192 wir wellen uns dar umb verstan
Verse: 7193 und besprechen mit unserm rat.
Verse: 7194 get mit uns in die chemnatt!'
Verse: 7195 den brief gab er ir in die hand
Verse: 7196 sy nam den potten alczu hant
Verse: 7197 und fuert in in ir chemnatten,
Verse: 7198 die was reich und wolberatten
Verse: 7199 mit gold und mit gestain,
Verse: 7200 des was genueg da und nit chlain.
Verse: 7201 der estreich und das phlaster
Verse: 7202 von weisem allabaster,
Verse: 7203 die mewr und die wentt
Verse: 7204 warn an allem endt
Verse: 7205 geformyert von hellfenpain
Verse: 7206 und dar in edel gestain
Verse: 7207 mit gold schon gevieret
Verse: 7208 und reichlich gepalieret.
Verse: 7209 darnach das gewelib oben
Verse: 7210 was reichlich und wol ze loben
Verse: 7211 und von holcz aloe,
Verse: 7212 das gefault nymmer mer
Verse: 7213 und gibt gar edeln gesmach.
Verse: 7214 dar inn vil edler stain lag,
Verse: 7215 verworicht maisterleich und rain
Verse: 7216 der pey der nacht maniger schain
Verse: 7217 als ain liechtew luczern.
Verse: 7218 Allexander sach sy gern.
Verse: 7219 damitten warn gesaczt darein
Verse: 7220 zwo schon sewllen guldein,
Verse: 7221 darauff zwe grass charfunkchel;
Verse: 7222 die nacht wart nye so tunkche,
Verse: 7223 sy leuchten also schon
Verse: 7224 das man wol gesach davon.
Verse: 7225 da er es alles het geschaut,
Verse: 7226 ze jungist im gar ser graust.
Verse: 7227 sy sprach: 'beschaut meinen hort,
Verse: 7228 der stet an der went dort.'
Verse: 7229 sy zaigt im das gemell
Verse: 7230 und het des nit lenger hel.
Verse: 7231 da sach er all sein gestalt
Verse: 7232 vor im an der wendt gemallt.
Verse: 7233 do wolt er aus sein gegangen.
Verse: 7234 sy sprach: 'naynn, ir seit gefangen.'
Verse: 7235 er sprach: 'fraw, wes zeicht ir mich?'
Verse: 7236 sy anttwurt im tugentlich;
Verse: 7237 sy sprach: 'ich wais wol an streit
Verse: 7238 das irs Allexander seit,
Verse: 7239 der gewaltig und der her.
Verse: 7240 davon laugent sein nit mer
Verse: 7241 und habt sein vor mir chain hel,
Verse: 7242 wann euch meldet das gemell,
Verse: 7243 das mir vor maniger frist
Verse: 7244 nach ewr gestalt gemalet ist.'
Verse: 7245 sy sprach zu im alczuhant:
Verse: 7246 'was hilft euch leut und landt,
Verse: 7247 ewr wicz und ewr leibes chraft
Verse: 7248 und ewr grassew herschaft ?
Verse: 7249 was hilft nu ewr gewalt
Verse: 7250 und ewr er manigvalt ?
Verse: 7251 wo ist ewr wicz und ewr vernuft
Verse: 7252 und daczue ewr signuft,
Verse: 7253 die euch vor maniger frist
Verse: 7254 von den gottern verhaissen ist?
Verse: 7255 euch chundt chain man betwingen nye;
Verse: 7256 nu secht ir wol das ir alhie
Verse: 7257 von ainer frawn zu diser zeit
Verse: 7258 an alle wer gevangen seytt.'
Verse: 7259 er sprach: 'edlew chunigynne,
Verse: 7260 dein wicz und dein synne
Verse: 7261 habent uber listet mich.
Verse: 7262 was du gepeuttest, das wil ich,
Verse: 7263 seid es ist also ergangen
Verse: 7264 das ich pin dein gevangen.'
Verse: 7265 sy sprach zu im: 'furicht euch nit,
Verse: 7266 wann chain laid euch alhie geschicht.
Verse: 7267 ich wil euch schikchen von dem landt
Verse: 7268 an schaden und an schandt.
Verse: 7269 ir wert alhie nit genant
Verse: 7270 noch von mir nyemant erchant.'
Verse: 7271 des dankcht er ir gar ser
Verse: 7272 der herr Allexander.
Verse: 7273 Sy sprach: 'ir sult mir ledig lan
Verse: 7274 mein lant.' er sprach: 'das sey getan.' -
Verse: 7275 'noch pitt ich euch mer.
Verse: 7276 das ist mein pet und mein beger:
Verse: 7277 ich han zwen brueder in dem landt,
Verse: 7278 die mit raub und mit prant
Verse: 7279 mir habent das landt lang her
Verse: 7280 gewuegstet und verheret ser
Verse: 7281 ich wais selber umb wew,
Verse: 7282 umb anders nit wann umb dew:
Verse: 7283 das lannt wolten sew gewynnen
Verse: 7284 und vertreyben mich von hynnen
Verse: 7285 die pring mit mir zu ainer suen.'
Verse: 7286 er jach, er wolt es gern tuen:
Verse: 7287 'west ich oder chundt ich wie.'
Verse: 7288 sy jach: 'sy sind nachent hie.
Verse: 7289 zu handt wann wir geessen'
Verse: 7290 sprach sy zu dem vermessen,
Verse: 7291 'so schult ir dann reytten
Verse: 7292 und tuet das enczeitten!
Verse: 7293 ir chombt dar in ainer weil,
Verse: 7294 aldar sind chawm drey meil.
Verse: 7295 ir seit so wiczig und so chlueg
Verse: 7296 das ir vindet wol den fueg
Verse: 7297 das ir czwischen uns slichtet
Verse: 7298 und mit ainander uns verrichtet.'
Verse: 7299 damit tet sy auf die tuer
Verse: 7300 und fuert den gast mit ir hinfuer.
Verse: 7301 die leut wundern began
Verse: 7302 was sy mit ainem fromden man
Verse: 7303 so lang allain wer gewesen.
Verse: 7304 sy sprach: 'ich han den brieff gelesen.'
Verse: 7305 zu hant man der frawen sait
Verse: 7306 das das essen wer beraitt.
Verse: 7307 sy saczt den potten neben sich
Verse: 7308 und hies sein phlegen erlich.
Verse: 7309 reich chost man fur in trueg,
Verse: 7310 wiltpret und zambs genueg.
Verse: 7311 sy mant in dikch das er esse.
Verse: 7312 in schonem guldeim gevesse
Verse: 7313 hies sy im schenkchen chlarn wein,
Verse: 7314 der nit pesser mocht gesein.
Verse: 7315 do sy lanng gesassen,
Verse: 7316 getrunkchen und geassen
Verse: 7317 als es fursten woll gezam,
Verse: 7318 die tischtuch man ab nam.
Verse: 7319 er wolt nit lenger peytten,
Verse: 7320 er hueb sich enczeitten
Verse: 7321 und chom fuer die vest zu handt,
Verse: 7322 da er die herrn paid vant
Verse: 7323 sten under irm purig tor.
Verse: 7324 sein ros heft er an da vor
Verse: 7325 und gie zu den herrn hin.
Verse: 7326 die herrn paid enphiengen in
Verse: 7327 und fragten in der mer
Verse: 7328 was sein gewerb wer.
Verse: 7329 er sprach: 'nicht wann alles guett.
Verse: 7330 euch enpeuttet hochen muett
Verse: 7331 der chayser Allexander
Verse: 7332 und hies mich euch sagen mer
Verse: 7333 das ir im alczuhant
Verse: 7334 auf gebt dicz landt,
Verse: 7335 oder er wil euch ertrenkchen
Verse: 7336 und payd in das mer senkchen.
Verse: 7337 des hat er gesworn
Verse: 7338 pey seinen gottern hoch geparn.'
Verse: 7339 der elter anttwurt im zuhandt:
Verse: 7340 'er hat zu hoch an gerantt,
Verse: 7341 wir sein noch nit so leicht vaill.
Verse: 7342 er wenet uns haben an ainem saill,
Verse: 7343 als er den andern hat getan;
Verse: 7344 es sol im hie also nicht ergan.'
Verse: 7345 es begund in hart versmachen.
Verse: 7346 zu hant hiessen sew in vachen
Verse: 7347 und drotten im zu verderben paydt
Verse: 7348 seinem herrn ze laid,
Verse: 7349 das er irn ernst sẽch.
Verse: 7350 er chert sich umb und sprach:
Verse: 7351 'ir herrn, lat mich pey dem leben!
Verse: 7352 ich wil euch ainen ratt geben,
Verse: 7353 das ir vor dem chaiser genest
Verse: 7354 und ymmer sicher vor im west.'
Verse: 7355 der junger sprach: 'lass horn!
Verse: 7356 du wild uns leicht betorn.'
Verse: 7357 er sprach: 'zagt zu ewr swester,
Verse: 7358 pey der was ich dannoch gestern,
Verse: 7359 und versuennet euch mit ir!
Verse: 7360 pey meinem got ich euch swer,
Verse: 7361 und sol ich vier wochen leben,
Verse: 7362 das ich euch Allexandrum wil geben
Verse: 7363 und allain anttwuertten will
Verse: 7364 pey eines manedts zill
Verse: 7365 an wer zu ewrn henden,
Verse: 7366 das ir an wider wenden
Verse: 7367 sein als gar gewaltig seitt
Verse: 7368 als ir mein an diser zeit,
Verse: 7369 dar umb das er an diser rays
Verse: 7370 mir hat gemacht solich vrays.'
Verse: 7371 nu was ain sytt pey den tagen,
Verse: 7372 des die leut gemainchleich phlagen:
Verse: 7373 wer ichts pey seinen gottern swuer
Verse: 7374 und dar an mysse fuer,
Verse: 7375 an dem rachens irn anden
Verse: 7376 und machten in zu offen schanden.
Verse: 7377 davon wer swuer pey irm gott,
Verse: 7378 der muest das laisten ane spot.
Verse: 7379 die herrn doch nit lenger pitten,
Verse: 7380 sy sassen auf und ritten.
Verse: 7381 da sy die chomen sach,
Verse: 7382 sy gie gegen in und sprach:
Verse: 7383 'seyt willikomen an diser zeit,
Verse: 7384 ob ir in trewen chomen seit!'
Verse: 7385 sy sprachen zu ir offenbar:
Verse: 7386 'wir chomen in guetten trewn gar '
Verse: 7387 sy gienngen mit ein ander dratt
Verse: 7388 allew drew an ainen rat.
Verse: 7389 die herrn alle payd
Verse: 7390 swuern payde starkch ayd
Verse: 7391 auf ir abgot der chunigynne,
Verse: 7392 das sy ir dinst und mynne,
Verse: 7393 trew und allew er
Verse: 7394 furbas erpietten wolten ymmer mer.
Verse: 7395 die chunigin gelaubt in das.
Verse: 7396 sy sagten ir furbas
Verse: 7397 wie in der pot verhaissen hiett
Verse: 7398 und was sy in darczue riett.
Verse: 7399 sy sprach: 'ir sults gelauben woll
Verse: 7400 er tuet alles das er soll.'
Verse: 7401 die herrn pey ir swester beliben
Verse: 7402 die nacht sy frolich vertriben
Verse: 7403 mit sambt irm gast,
Verse: 7404 den wirtens erlich und vast.
Verse: 7405 des morgens do es tag wart,
Verse: 7406 der pot gedacht an sein vart,
Verse: 7407 er het sich nit ze sawmen,
Verse: 7408 er wolt das landt rawmen.
Verse: 7409 fuer die chunigynn er do dratt,
Verse: 7410 irs urlaubs er patt.
Verse: 7411 die chunigin hies in peitten,
Verse: 7412 sy jach, sy wolt mit im reitten
Verse: 7413 und wolt in selbs belaitten.
Verse: 7414 sy hies ir pald beraitten
Verse: 7415 all ir gerett
Verse: 7416 und ir rais phert.
Verse: 7417 sy pat ir prueder paid
Verse: 7418 das sy mit ir an das gejaidt
Verse: 7419 zu der zeit ritten.
Verse: 7420 des mocht sy leicht erpitten,
Verse: 7421 wann sy es gern tetten.
Verse: 7422 die fraw sich des gejaides het beratten,
Verse: 7423 dar umb das sy sicherlich
Verse: 7424 irn lieben gast und erlich
Verse: 7425 aus irm landt belaitten wolt,
Verse: 7426 wann es ir sust nit hiet betocht.
Verse: 7427 das gesindt beraitt sich vast.
Verse: 7428 die chunigin hies dem gast
Verse: 7429 fuͤr ziechen ain zelten phert,
Verse: 7430 das was wol hundert markch werd
Verse: 7431 mit dem geret das dar auf was.
Verse: 7432 Allexander auf es sas.
Verse: 7433 das phert was swarez als ain chol,
Verse: 7434 all umb und umb geschikcht woll,
Verse: 7435 es was dikch und synybell
Verse: 7436 und was aus der massen snell.
Verse: 7437 der satel was von helffen pain,
Verse: 7438 durich legt gar mit edelm gestain.
Verse: 7439 Do sy berait wuerden gar,
Verse: 7440 die chunigynn nam des potten war.
Verse: 7441 er muest zu allen zeytten
Verse: 7442 zu nagst pey ir reitten.
Verse: 7443 das was ir gier und ir pet.
Verse: 7444 do sy in also belaittet hett
Verse: 7445 und ir prueder payd
Verse: 7446 wol ein halbew tagwaid
Verse: 7447 für ir rechte hauptstat,
Verse: 7448 die frawen er widerchern pat.
Verse: 7449 urlaub er von ir nam
Verse: 7450 und von den bruedern alsam.
Verse: 7451 die prueder fuert er beseytt
Verse: 7452 von den leutten an ain weytt.
Verse: 7453 er sprach: 'ir hern edel und reich,
Verse: 7454 wist von mir sicherlich:
Verse: 7455 was ich euch gelobet han,
Verse: 7456 das wil ich euch laisten ane wan.
Verse: 7457 des sey mein trew ewr phant.'
Verse: 7458 damit rakcht er in dew handt,
Verse: 7459 er legt sein haubt in ir hendt.
Verse: 7460 hie mit hat die red ain endt.
Verse: 7461 damit er auch von in rait.
Verse: 7462 er het sein gelub und sein aydt
Verse: 7463 erloset erlich,
Verse: 7464 wann er was selber der chaiser reich
Verse: 7465 und er sein haubt an der stat
Verse: 7466 in ir hendt geleget hat.
Verse: 7467 sy westen nicht das er es was.
Verse: 7468 die chunigin hies in furwas
Verse: 7469 ir ritter aus dem lande
Verse: 7470 belaitten ane schande.
Verse: 7471 do er aus dem lande cham
Verse: 7472 und es sein herschaft vernam,
Verse: 7473 sy warn aus der massen fro.
Verse: 7474 sy vragten in aldo
Verse: 7475 wie es im wer ergangen.
Verse: 7476 wie er gehandelt und gevangen
Verse: 7477 also gewesen wer,
Verse: 7478 das sagt er in offenbar
Verse: 7479 und wie er sich von in ensait
Verse: 7480 und wie er lost sein aidt.
Verse: 7481 do er das volsaget hat,
Verse: 7482 vier ritter nach der fursten rat
Verse: 7483 hies er reitten alzuhant
Verse: 7484 mit seinen brieffen in das landt,
Verse: 7485 er hies si nit lenger beleiben.
Verse: 7486 die brieff hies er also schreiben:
Verse: 7487 'Wir chaiser Allexander,
Verse: 7488 chunig ob allen chunigen her,
Verse: 7489 enpietten lieb und alles guet,
Verse: 7490 unsern grues und hochen muett
Verse: 7491 der chunigynn von Gramania
Verse: 7492 und irn zwain pruedern da.
Verse: 7493 wir dankchen euch grasser wirttschaft
Verse: 7494 und dar czue aller ern chraft
Verse: 7495 die ir uns erpotten habt
Verse: 7496 und in ewrm landt gabt.
Verse: 7497 ir sult wissen furbas
Verse: 7498 das ich es Allexander was
Verse: 7499 der pott der zu euch was gesandt,
Verse: 7500 wie ich euch wer unbekant.
Verse: 7501 ich han mein trew und mein aidt
Verse: 7502 geledigt, do ich von euch rait,
Verse: 7503 da ich mein haup an der stat
Verse: 7504 gelegt in ewr hend hat.
Verse: 7505 wir pitten euch das ir zu hant
Verse: 7506 zu uns reittet fuer das landt
Verse: 7507 auf unser trew sicherlich.
Verse: 7508 da well wir uns gar erlich
Verse: 7509 mit ein ander slichten
Verse: 7510 und frewnttlich verichten.'
Verse: 7511 Do die chuniginn das vernam
Verse: 7512 und die prueder allsam,
Verse: 7513 sy warn der red gar fro
Verse: 7514 und beraitten sich also.
Verse: 7515 yr herrn sy besanden
Verse: 7516 in allen irn landen
Verse: 7517 und zogten reichleich alzuhant
Verse: 7518 zu dem chaiser fuer das lanndt.
Verse: 7519 do sy der chaiser chomen sach,
Verse: 7520 zu seinen fuersten er do sprach:
Verse: 7521 'wir schullen nicht peitten,
Verse: 7522 wir schullen gegen den gesten reytten
Verse: 7523 und schullen sy enphachen,
Verse: 7524 seind sy uns chomen sind so nachen.'
Verse: 7525 do der chaiser zu in cham,
Verse: 7526 die chunigin er zu im nam.
Verse: 7527 er enphie sy gar tugentlich
Verse: 7528 und chust sey gar frewntlich
Verse: 7529 an ir mundt an der stet;
Verse: 7530 das selb er auch den pruedern tet.
Verse: 7531 er fuert sew mit im in das her
Verse: 7532 und erpot in michel er.
Verse: 7533 do sy die grassen reichait
Verse: 7534 und die michel wirdigkait
Verse: 7535 und auch die gross welt sachen,
Verse: 7536 sy wundert ser und jachen
Verse: 7537 das sy weder dort noch hie
Verse: 7538 solich zier gesachen nye
Verse: 7539 noch solich volkch werhaft:
Verse: 7540 er mocht wol mit chraft
Verse: 7541 an vechten und an streytten
Verse: 7542 all die welt uber reytten.
Verse: 7543 der chaiser fuert die chunigynne
Verse: 7544 mit irn hern her und hyn
Verse: 7545 und zaigt ir sein reichait
Verse: 7546 durich das her lannkch und prait.
Verse: 7547 er czaigt ir auch den stain
Verse: 7548 der do was swer und chlain,
Verse: 7549 der im an der selben vart
Verse: 7550 aus dem paradeis gegeben wart.
Verse: 7551 die chuniginn die enphie das landt
Verse: 7552 von dem chaiser alczu hant.
Verse: 7553 sy jach, sy wolt im gern geben
Verse: 7554 den zins die weil sy solt leben,
Verse: 7555 von dem landt alle jar;
Verse: 7556 der lies er sey ledig gar.
Verse: 7557 der chaiser des nit enlies,
Verse: 7558 die herrn er von im pitten hies
Verse: 7559 alles das sy wolten,
Verse: 7560 das sy das von im haben scholten.
Verse: 7561 die herrn fuer in tratten,
Verse: 7562 gemainchlich sy in patten
Verse: 7563 das er in geruecht zegeben
Verse: 7564 zu ainer gab das sy leben
Verse: 7565 scholten ymmer ewigklich
Verse: 7566 mit den gotten geleich.
Verse: 7567 sy wannten das er wer ain got.
Verse: 7568 der chayser in die pet verpott;
Verse: 7569 er jach, sy solten ir enpern,
Verse: 7570 wann er mocht sy nit gewern.
Verse: 7571 er sagt in offenbar
Verse: 7572 das er selbs todlich wẽr.
Verse: 7573 sy jachen: 'und pistu todlich,
Verse: 7574 wes lestu nicht genuegen dich
Verse: 7575 das du also umb verst
Verse: 7576 und dein tẽg also verzerst
Verse: 7577 mit mue und mit aribait,
Verse: 7578 und das du so grass laidt
Verse: 7579 aller der welt tuest
Verse: 7580 und du doch sterben muest?
Verse: 7581 die chunigin von im urlaub nam
Verse: 7582 und die herrn alsam
Verse: 7583 und rait wider all zu handt
Verse: 7584 mit irn herrn in ir landt.
Verse: 7585 wein und chost sy sandt
Verse: 7586 den herrn genueg aus dem landt.
Verse: 7587 Der chaiser do nit lenger paitt,
Verse: 7588 das her er aber furbas laytt.
Verse: 7589 er cham an ain wasser gross,
Verse: 7590 das durich ain schones lanndt flos.
Verse: 7591 das wasser was die sunne genant
Verse: 7592 und flos mitten durich das landt.
Verse: 7593 do die leut das hetten vernamen
Verse: 7594 das der chaiser dar was chamen,
Verse: 7595 sy zogten gegen im allgeleich
Verse: 7596 und enphiengen in erlich.
Verse: 7597 sy begunden sich gegen im zu naygen
Verse: 7598 und gaben im landt und leut fuer aygen.
Verse: 7599 sy fuerten in in das land
Verse: 7600 und gaben im tausent helffant,
Verse: 7601 die seinen harnasch scholten tragen,
Verse: 7602 und darczue hundert tausent wegen
Verse: 7603 all mit vier raden,
Verse: 7604 mit chost, mit fuetter woll geladen.
Verse: 7605 das tetten sy umb das:
Verse: 7606 sy westen wol das vor im was
Verse: 7607 ein grassew wuegstunge,
Verse: 7608 do sy speis noch narunge
Verse: 7609 enfunden dreyssig tagwaidt,
Verse: 7610 nit ander den ain wuegstew haid,
Verse: 7611 do er durich muest,
Verse: 7612 und hies Babilon die wuegst.
Verse: 7613 der chaiser mit dem her zu hant
Verse: 7614 zogt an schaden durich das lanndt,
Verse: 7615 wann man in zu den strassen trueg
Verse: 7616 chost umb sust genueg.
Verse: 7617 das landt er frey und ledig lies.
Verse: 7618 niht anders er im geben hies
Verse: 7619 wann guet fuerrer,
Verse: 7620 den der weg chundig wer.
Verse: 7621 da mit zogt er von dann.
Verse: 7622 sy gaben im virczig mann,
Verse: 7623 die sy die strass fuern chunden
Verse: 7624 durich die wuegst zu allen stunden.
Verse: 7625 Do sy warn auf der haid
Verse: 7626 gezogen wol suben tagwaid,
Verse: 7627 do chamen ungehewr slangen
Verse: 7628 gegen in gechrochen und gegangen.
Verse: 7629 die warn dikcher wann ain pain;
Verse: 7630 das fewr in durich die augen schain
Verse: 7631 und hetten zway hawp gros;
Verse: 7632 sy warn aller gnaden plos.
Verse: 7633 von den littens grossew nat,
Verse: 7634 doch sluegens ir vil zu tad.
Verse: 7635 und dar nach aber schier
Verse: 7636 chamen gegen in chlaine tier,
Verse: 7637 die warn geschaffen
Verse: 7638 als effin und affen.
Verse: 7639 die warn snell und lieffen dratt;
Verse: 7640 yeglichs acht augen hatt
Verse: 7641 paid hinden und vorn
Verse: 7642 und an dem haup scharffew horn,
Verse: 7643 die warn giftig an dem snydt;
Verse: 7644 was sy traffen damit,
Verse: 7645 es wer mensch oder viech,
Verse: 7646 das wart zu handt tadsiech.
Verse: 7647 die vertribens allew gar,
Verse: 7648 das nyemant nit davon geward,
Verse: 7649 das er mue und aribait
Verse: 7650 auf der wilden haid laidt.
Verse: 7651 do sy dar uber chomen
Verse: 7652 das sy chainen schaden namen,
Verse: 7653 und zugen aber furbas
Verse: 7654 in ain landt das pawhaft was.
Verse: 7655 Do sachen sy vor in stann
Verse: 7656 ain vestew purkch wolgetan
Verse: 7657 in ainer schonen awen,
Verse: 7658 die was gros und wol gepawen
Verse: 7659 innen und aussen uber all,
Verse: 7660 die was genant Verses sall.
Verse: 7661 da der her erfuer das
Verse: 7662 der auf der purig gesessen was,
Verse: 7663 das der chaiser al dar cham,
Verse: 7664 sein herrn er all zu im nam.
Verse: 7665 waidenlich und unverczait
Verse: 7666 er gegen im auf das veld rait.
Verse: 7667 do er den chaiser erst an sach,
Verse: 7668 er viel von ross und sprach:
Verse: 7669 'edler chaiser her und reich'
Verse: 7670 wider in gar zuchtikleich,
Verse: 7671 'ir sult wilkomen sein
Verse: 7672 mir und allen frewntten mein.
Verse: 7673 leib und guett, leut und landt
Verse: 7674 secz ich alhie zu ewr hanndt.'
Verse: 7675 der chaiser und die fuersten sein
Verse: 7676 ritten in die vest mit im hin ein.
Verse: 7677 die frawen im auch gegen gienngen,
Verse: 7678 tugentlich sy in enphiengen.
Verse: 7679 paid die alten und die jungen
Verse: 7680 erpoͤt man guet handlungen.
Verse: 7681 die ritter schawtten uberall
Verse: 7682 das gepaw in dem sall;
Verse: 7683 das was so gar reichlich
Verse: 7684 geziert und so chostlich
Verse: 7685 mit edelm gestaine
Verse: 7686 und auch mit helllfenpaine
Verse: 7687 zu wuͤnsch gemaistert so gare
Verse: 7688 das ich sein nit gesagen tare,
Verse: 7689 mit silber und mit gold.
Verse: 7690 wann Verses der chaiser wold
Verse: 7691 frolich mit seiner frawen sein,
Verse: 7692 so zogt er aus der stat dar ein.
Verse: 7693 ains schult ir mir gelauben:
Verse: 7694 weyss vogl als die tauben
Verse: 7695 der warn vil in dem sall
Verse: 7696 hin und her uber all.
Verse: 7697 die hetten die tugent und die art:
Verse: 7698 welicher mensch siech wart,
Verse: 7699 wann man ir ain trueg dar
Verse: 7700 und nam er dann des siechen war,
Verse: 7701 das er im under die augen sach,
Verse: 7702 vor dem tad im nit geschach;
Verse: 7703 wenntt er aber sein gesicht
Verse: 7704 von im, so macht er nicht
Verse: 7705 des sichtümbs genesen,
Verse: 7706 des mocht chain rot wesen.
Verse: 7707 des morgens rait er von dannen
Verse: 7708 der chaiser wider zu seinen mannen.
Verse: 7709 die warn chomen under des
Verse: 7710 zu dem wasser Ewfrattes
Verse: 7711 und hetten sich darczue gelaitt
Verse: 7712 auf das veld weit und praytt.
Verse: 7713 des andern margens gar frue
Verse: 7714 die ritter griffen alle zue,
Verse: 7715 sy namen scheff und machten floss
Verse: 7716 und schifften über das wasser gross.
Verse: 7717 da sy uber das wasser chomen
Verse: 7718 und das landt dort enhalb namen
Verse: 7719 an allen schaden schon,
Verse: 7720 da zogten sy gegen Babilon.
Verse: 7721 die mechtig stat lag in so nachen
Verse: 7722 das sy die tuern dar inn sachen.
Verse: 7723 Der chaiser chert gerichtes dar.
Verse: 7724 do des die herrn wuerden gewar
Verse: 7725 die in der stat warn,
Verse: 7726 das Allexander cham gevarn,
Verse: 7727 sy ritten gegen im allgeleich
Verse: 7728 und enphiengen in erlich.
Verse: 7729 er rait in die stat mit in
Verse: 7730 mit allen dem gesindt sein.
Verse: 7731 das beherberget man alles schon
Verse: 7732 in der stat zu Babilon.
Verse: 7733 nyemants man da vergas,
Verse: 7734 wann die stat gross was;
Verse: 7735 sy was nach des wassers gankch
Verse: 7736 ainer ganczen tagwaid lankch
Verse: 7737 und ainer halben meyll weitt.
Verse: 7738 man schuerff den gesten gar enczeit
Verse: 7739 teglich allen guotten gemach,
Verse: 7740 das in nichts nit geprach.
Verse: 7741 man gab in alles des genueg
Verse: 7742 des die erd ye getrueg.
Verse: 7743 die Chriechen warn frolich
Verse: 7744 und hoch gemuett allgelich,
Verse: 7745 das sy zu dem gemach warn chomen.
Verse: 7746 auch hetten sy das woll vernomen
Verse: 7747 das der chaiser wolt beleiben,
Verse: 7748 ettlich jar alda vertreiben.
Verse: 7749 des wuerden sy frolich gar,
Verse: 7750 wann sy ganczer suben jar
Verse: 7751 geraiset hetten und gestritten
Verse: 7752 und nott und aribait gelitten.
Verse: 7753 des wolten sy sich nu ergeczen
Verse: 7754 und zu gemach wider seczen.
Chapter: 264
Alexander regiert in Babylon
Verse: 7755 do der chaiser in der stat
Verse: 7756 ettlich tag geruett hat,
Verse: 7757 da vand er da vil schreiber,
Verse: 7758 potten und auch prieftrager
Verse: 7759 von allen den chunigreichen
Verse: 7760 uber all in erttreichen,
Verse: 7761 von allen landen nachen und verrn,
Verse: 7762 die fuersten und herrn
Verse: 7763 zu im dar hetten gesandt
Verse: 7764 und erputten im leut und landt.
Verse: 7765 die hetten sein gewarttet schon
Verse: 7766 in der stat ze Babilon,
Verse: 7767 von Frankchreich, von Yspanya,
Verse: 7768 von Engelant, von Bryttania,
Verse: 7769 von Ytalia, von Campanye,
Verse: 7770 von Sicili, von Sardanie,
Verse: 7771 von allen landen und von stetten
Verse: 7772 die mechtig warn und namen hetten.
Verse: 7773 des chayser Allexander nam
Verse: 7774 was vor den so vorichtsam:
Verse: 7775 die weil er was zu orient
Verse: 7776 zu hindrist an der welt endt,
Verse: 7777 die da zu occident warn,
Verse: 7778 westen vor vorichten wie sy solten geparn.
Verse: 7779 man voricht in zu den zeitten
Verse: 7780 so gar verren und so weitten,
Verse: 7781 seinen namen und seinen zarn,
Verse: 7782 das man nit wolt han versworn
Verse: 7783 das sein nam und sein mer
Verse: 7784 ye so verr chomen wẽr.
Verse: 7785 Der chaiser grymmiklich geport.
Verse: 7786 davon er so vorichtsam wart
Verse: 7787 das die leut auf erttreich
Verse: 7788 in vorichten all geleich.
Verse: 7789 er hies ainen hoff gepietten
Verse: 7790 allen den die von im hietten
Verse: 7791 herscheft, wie die wer genant,
Verse: 7792 stet, purg oder landt,
Verse: 7793 das sy alle chemen dar
Verse: 7794 von dem tag uber ein gancz jar
Verse: 7795 und ir lechen all geleich
Verse: 7796 da enphiengen von dem reich
Verse: 7797 und den zins mit in gar
Verse: 7798 von den landen prechten dar.
Verse: 7799 Dar nach die fuersten sein er sandt
Verse: 7800 gegen Persya in das lanndtt
Verse: 7801 nach der edeln chaysserynne,
Verse: 7802 wann in belanget nach ir mynne,
Verse: 7803 wann er sey fur war
Verse: 7804 gemytten het drew ganczew jar.
Verse: 7805 die fuersten do nit lenger pitten,
Verse: 7806 von Babilon sy aus ritten
Verse: 7807 und chomen chuerczlich in das landt
Verse: 7808 zu Persya. das ward bechant
Verse: 7809 der chaysserin edl und reich.
Verse: 7810 sy enphieng sy tugentlich.
Verse: 7811 sy sagten ir liebe mer,
Verse: 7812 das der chaiser chomen wer
Verse: 7813 gewaltiklich und schon
Verse: 7814 in die stat zu Babilon,
Verse: 7815 und er hab gesandt nach ir,
Verse: 7816 sy schul zu im chamen schir.
Verse: 7817 die chaisserinn des fro wart.
Verse: 7818 sy beraittet sich zu der vart
Verse: 7819 herlich mit irn maiden.
Verse: 7820 die hies sy reichlich chlaiden,
Verse: 7821 zerttlich und schon,
Verse: 7822 das sy die von Babilon
Verse: 7823 gern mochten schawen.
Verse: 7824 sy het maid und frawen
Verse: 7825 mer dann suben hundert
Verse: 7826 ausgelesen und besundert,
Verse: 7827 die aller schonisten die sy vant
Verse: 7828 uber alles perschisch landt.
Verse: 7829 sy chunden waidenklich geparn,
Verse: 7830 wann sew alle edlew chind warn.
Verse: 7831 da sy gar berait was,
Verse: 7832 auf ain schones phert si sas,
Verse: 7833 das gieng als ain scheff ain czelt.
Verse: 7834 man sach in nach voligen auf das veld
Verse: 7835 manig wunnyklichew schar,
Verse: 7836 die sy chlaitten allew gar,
Verse: 7837 von frawen und von mannen.
Verse: 7838 do sy schieden von dannen,
Verse: 7839 die chaiserin edel und reich
Verse: 7840 zogt uber velt erlich.
Verse: 7841 pey yeglicher frawen gemait
Verse: 7842 ain waydeleicher ritter rait,
Verse: 7843 der ir auf dem weg
Verse: 7844 gegeben was zu phleg.
Verse: 7845 mit hubscher red sy die zeit
Verse: 7846 vertriben auf der haide weytt.
Verse: 7847 Do sy chamen also nachen
Verse: 7848 der stat das sy vor in sachen,
Verse: 7849 do sagt man dem chaiser mer
Verse: 7850 das die fraw nachant wer.
Verse: 7851 er rait gegen ir zu handt
Verse: 7852 fuer die stat auf dem landt,
Verse: 7853 im was gegen ir gach.
Verse: 7854 do er sey van erst an sach,
Verse: 7855 tugentlich er sey enphie.
Verse: 7856 darnach er des nit lie,
Verse: 7857 er halst sey zu im an der stundt
Verse: 7858 und chust sey an irn ratten mund.
Verse: 7859 sy ritten lieblich pey einander
Verse: 7860 dye chaiserinn und Allexander.
Verse: 7861 sy vragt in tugentlich der mer
Verse: 7862 wie es im ergangen wer.
Verse: 7863 ettlich tail er ir sagt,
Verse: 7864 sumlich er ir auch verdagt.
Verse: 7865 die ritter maniger hande spill
Verse: 7866 vor in triben und frewden vil
Verse: 7867 von justiern und von stechen,
Verse: 7868 mit hoffiern und sper prechen.
Verse: 7869 pusawn und pheiffen vil
Verse: 7870 und von maniger handt saitten spi1
Verse: 7871 wart da gehoret suesser schall,
Verse: 7872 das das gevild darnach erhall.
Verse: 7873 do sy an die stat chamen
Verse: 7874 und es die leut dar inn vernamen,
Verse: 7875 gar erlich sy sey enphiengen.
Verse: 7876 frawen und man gegen ir giengen
Verse: 7877 mit erleichem anevange.
Verse: 7878 die gassen warn all behangen
Verse: 7879 mit phel und mit samaydt;
Verse: 7880 tebich wurden vil gelait
Verse: 7881 auf die erden lankch und weitten,
Verse: 7882 do die chayserinne solt reitten;
Verse: 7883 vil cherczen wuerden auf gestakcht;
Verse: 7884 die gassen wuerden gar bedakcht
Verse: 7885 oben mit scharlachen.
Verse: 7886 die purger liessen all machen
Verse: 7887 Allexandro dem herrn
Verse: 7888 und der chayserin zu ern.
Verse: 7889 die fuersten namen allgeleich
Verse: 7890 die chaiserin edel und reich
Verse: 7891 mit irn junkfrawn uber all
Verse: 7892 und fuertens auf des chaysers sall
Verse: 7893 mit ainer chaiserleichen chron
Verse: 7894 und saczten sey auf einen tron
Verse: 7895 mitten auf dem palas,
Verse: 7896 da der chayser neben ir sas.
Verse: 7897 da was die maist reicheit
Verse: 7898 und die grost wirdikeit
Verse: 7899 die man vor oder noch
Verse: 7900 yn der welt ye gesach.
Fdown
Chapter: 190
Alexanders Brief an Aristoteles über die Wunder Indiens
Verse: 7901 do der kaisser all do sas
Verse: 7902 und mit der chayserin frolich was
Verse: 7903 und die ritter allgeleich
Verse: 7904 hoch gemuett und frewdenreich,
Verse: 7905 er hies der lieben muetter sein,
Verse: 7906 Olympias der chunigynn,
Verse: 7907 schreyben die mer
Verse: 7908 das er zu land chomen wer.
Verse: 7909 er hies auch Aristotili
Verse: 7910 dem maister schreiben wie
Verse: 7911 herttiklich er hiet gestritten,
Verse: 7912 und was er not het erlitten
Verse: 7913 den winter und den sumer,
Verse: 7914 und auch manigen chumer
Verse: 7915 und vil mue und aribait,
Verse: 7916 die er von den tiern laid,
Verse: 7917 und wie er allew kunigreich
Verse: 7918 betwungen hiet gewaltiklich
Verse: 7919 unczt an der welt endt.
Verse: 7920 und wie er wider het gewentt
Verse: 7921 an dem paradeise,
Verse: 7922 und in welicher weise
Verse: 7923 er geschaiden wer von dann,
Verse: 7924 und wie er zu Babilon
Verse: 7925 ainen hoff haben wold,
Verse: 7926 wie von silber und gold
Verse: 7927 sein leut alle geleich
Verse: 7928 nu wern warden reich.
Verse: 7929 Do Olympias die chunygin
Verse: 7930 diser mer was warden inn,
Verse: 7931 die frewt sich gar ser des
Verse: 7932 und auch Aristotiles.
Verse: 7933 sy schriben im hin wider also:
Verse: 7934 'dem chaiser Allexandro,
Verse: 7935 aller chunig herr
Verse: 7936 paid nachant und verr,
Verse: 7937 dem gewaltigen und dem grossen,
Verse: 7938 dem sich nyemant chan genossen,
Verse: 7939 enpeut ich, die lieb muetter dein,
Verse: 7940 Olimpias die chuniginn,
Verse: 7941 und auch Aristotiles:
Verse: 7942 wiss das wir uns frewen des
Verse: 7943 das es dir zu aller frist
Verse: 7944 geluklich ergangen ist!
Verse: 7945 du pist aller ern wert
Verse: 7946 und alles lobs auf der erd.
Verse: 7947 wir sagen lob und er den gottern,
Verse: 7948 die dir dissew er haben erpotten,
Verse: 7949 die weil wir ainen tag geleben,
Verse: 7950 davon das sy dir habent geben
Verse: 7951 wicz und synn, macht und chraft.
Verse: 7952 das du pist warden sighaft
Verse: 7953 und das du gewaltiklich
Verse: 7954 betwungen hast allew reich
Verse: 7955 und das dich zu chainer stundt
Verse: 7956 nyemant uber wynnden chundt,
Verse: 7957 das zell wir besunder
Verse: 7958 fuer ein grosses wunder.
Verse: 7959 iedoch dein werich geleich
Verse: 7960 synd all mit all wunderlich.
Verse: 7961 selig sullen die fursten sein
Verse: 7962 die dir in den notten dein
Verse: 7963 und auch in den willden landen
Verse: 7964 also hilfflich sind bestanden.
Verse: 7965 du solt wissen werlich
Verse: 7966 das deinew werich wunderlich
Verse: 7967 und auch dein wunderleichew tatt
Verse: 7968 geleichnuss mit den gotten hat.'
Verse: 7969 Der chaiser lebt zu Babilon
Verse: 7970 so chaiserlich und so schon
Verse: 7971 und auch die edel chaiserinn.
Verse: 7972 dar czue die fuersten sein
Verse: 7973 die sach man frolich geporn,
Verse: 7974 wann sy so gar reich warn warden.
Verse: 7975 sy begunden ze hoffiern:
Verse: 7976 mit stechen und mit turnyern,
Verse: 7977 mit tanczen und mit singen,
Verse: 7978 mit lauffen, schiessen und springen
Verse: 7979 und mit aller hande spill
Verse: 7980 triben sy chuerczweill vill.
Verse: 7981 sy begunden under stunden
Verse: 7982 aus reitten mit den hunden,
Verse: 7983 zu wald jagen und pierssen
Verse: 7984 nach rechern und nach hierssen,
Verse: 7985 nach ebersweynn und nach elten;
Verse: 7986 der vervelten sy gar sellten,
Verse: 7987 das sy in nit engiengen,
Verse: 7988 wann ir da vil gienngen
Verse: 7989 in dem gepirg wilde.
Verse: 7990 damit was wol den mylten.
Verse: 7991 man sach die frawen und die maide
Verse: 7992 dikch reitten auf der haide,
Verse: 7993 mit hebichen paissen sewberlichen.
Verse: 7994 pey den seen und pey teichen
Verse: 7995 sach mans die anttvogl vachen
Verse: 7996 und die repphuner slachen.
Verse: 7997 mit valkchen und mit plafuessen
Verse: 7998 sach mans auf raiger paissen;
Verse: 7999 der viengens under weillen vill.
Verse: 8000 das was ir chuercz weil und ir spill.
Verse: 8001 die frowd sy triben nachant gar
Verse: 8002 volliklich das gancz jar
Verse: 8003 das sy in der stat lagen
Verse: 8004 und ir masney phlagen.
Verse: 8005 Darnach sach man reitten zue
Verse: 8006 paid spat und frue
Verse: 8007 die fuersten und die hern
Verse: 8008 paid nachant und verrn
Verse: 8009 von allen chunigreichen
Verse: 8010 gar willigklichen,
Verse: 8011 als man zehoff reitten scholl.
Verse: 8012 die stat was herschaft voll.
Verse: 8013 grasser herschaft sy phlagen,
Verse: 8014 die weil die fuersten alda lagen.
Verse: 8015 Allexander der reich
Verse: 8016 wiertet die fuersten erlich.
Verse: 8017 er fuert sy hin und her
Verse: 8018 und erpott in michel er.
Verse: 8019 sy muesten dikch schawen
Verse: 8020 die chaiserin und die frawen.
Verse: 8021 sy prachten dem chaiser dar
Verse: 8022 reychleich chlaynnat vil fuer war,
Verse: 8023 die guet warn und genem
Verse: 8024 und in den lannden selczam.
Verse: 8025 von seydeim gewannt
Verse: 8026 und von pheln maniger hannt,
Verse: 8027 von pherten und von rossen,
Verse: 8028 paiden chlainen und grossen,
Verse: 8029 und von edelm gestain,
Verse: 8030 des pracht man im nicht zu chlain.
Verse: 8031 darczue hundt und vederspill,
Verse: 8032 des pracht man im dar gar vil.
Verse: 8033 der hoff wert also fuer war
Verse: 8034 reichlich ain halbs jar,
Verse: 8035 das in nacht noch tag
Verse: 8036 chainer frewden nye geprach.
Verse: 8037 dar nach der chayser mit im pat
Verse: 8038 die fuersten gen an ainen ratt.
Verse: 8039 er wolt des nicht enpern,
Verse: 8040 sy muesten im all swern
Verse: 8041 yeglicher bey seinem gott
Verse: 8042 das sy laisten sein gepot,
Verse: 8043 und das er dem reiche
Verse: 8044 dient getrewliche
Verse: 8045 mit leib und mit guet,
Verse: 8046 und das er sein er behuett
Verse: 8047 an posew list und an gever
Verse: 8048 und ein rechter ritter wer;
Verse: 8049 wann er sein potschaft vernem,
Verse: 8050 das er zu hant zu im chem
Verse: 8051 und des durich nichte liess,
Verse: 8052 wie er in chomen hiess.
Verse: 8053 ain lants frid er gepot,
Verse: 8054 und wes den fuersten wer nott
Verse: 8055 oder gegen einander geprech,
Verse: 8056 das das chainer selber rech
Verse: 8057 an leutten noch an lannden
Verse: 8058 mit rauben noch mit prennen;
Verse: 8059 man scholl es alles geleich
Verse: 8060 suchen vor dem reich.
Verse: 8061 do die fuersten das geswuern,
Verse: 8062 init urlaub sy zu lannd fuern.
Verse: 8063 Der chaiser richtet das reich
Verse: 8064 auch gar gewaltiklich,
Verse: 8065 wunnyklich und schon
Verse: 8066 in der stat zu Babilon,
Verse: 8067 in frewden und in wunne gar
Verse: 8068 volliklich acht jar,
Verse: 8069 seint er von erst dar cham
Verse: 8070 und die herrn alsam,
Verse: 8071 und gab reichlich und lech;
Verse: 8072 nymant er nichts verczech.
Verse: 8073 Er wolt gen zu ainem mall
Verse: 8074 mit den fuersten in den sall
Verse: 8075 von der purig hin dan,
Verse: 8076 do begegent im ain arm man,
Verse: 8077 der in umb ain phenig pat.
Verse: 8078 da gab er im ain ganczew stat,
Verse: 8079 das er darinn wer
Verse: 8080 gewaltiger phleger.
Verse: 8081 der arm man da auf sach,
Verse: 8082 zu dem chaiser er do sprach:
Verse: 8083 'genad, edler herre mein,
Verse: 8084 mich bevilt der gab dein.
Verse: 8085 ich pin ellent als man siecht,
Verse: 8086 ich mag der stat verwesen nicht.'
Verse: 8087 der chaiser der gie fuer sich dann
Verse: 8088 und sprach zu dem armen mann:
Verse: 8089 'ich wais nicht was dir mag zẽmen
Verse: 8090 oder was dir taugt ze nemen.
Verse: 8091 ich wais wol was ich geben schol,
Verse: 8092 das meinen ern zymet woll.'
Verse: 8093 er hies das man im geben solt
Verse: 8094 zechen markch von gold.
Verse: 8095 Der chaiser dar nach dratt
Verse: 8096 seinen goltsmiden gepot
Verse: 8097 das sy in den ern sein
Verse: 8098 zwo schon sewll guldein
Verse: 8099 gussen von ratem gold,
Verse: 8100 der yeglichew haben schold
Verse: 8101 dreissig fuess nach der leng.
Verse: 8102 er hies sy machen nicht zu eng,
Verse: 8103 reichlich zu plikch,
Verse: 8104 vir fuess dikch.
Verse: 8105 all sein wunderlich tat,
Verse: 8106 die er ye beganngen hat,
Verse: 8107 wie im wer gelungen
Verse: 8108 do er die lanndt het betwungen,
Verse: 8109 das hies er besunderlich
Verse: 8110 an der sewl yeglich
Verse: 8111 graben und schreiben.
Verse: 8112 die ain hies er beleiben
Verse: 8113 zu Babilon in der stat,
Verse: 8114 die ander er im seczen pat
Verse: 8115 in dem land zu Persia,
Verse: 8116 das man vernem auch allda
Verse: 8117 nach seinem tad seiner mẽr,
Verse: 8118 wie gewaltig er gewesen wer.
Verse: 8119 Aber churczlich darnach
Verse: 8120 ein selczam wunder da geschach,
Verse: 8121 das ist ze sagen wunderlich.
Verse: 8122 vor seinem tad chuerczlich
Verse: 8123 ain fraw in der stat fuerbar
Verse: 8124 ainen sun pey im gepar,
Verse: 8125 des form und sein gestalt
Verse: 8126 was wunderlich und manigvalt.
Verse: 8127 der leib uncz dem napel was
Verse: 8128 ain schoner mensch (gelaubt das!);
Verse: 8129 das selb tail was tod gar.
Verse: 8130 das nyder taill was fur war
Verse: 8131 lebentig und wunderlich;
Verse: 8132 das was an allen enden geleich
Verse: 8133 manigem mer wunder
Verse: 8134 und manigem fromden chunder.
Verse: 8135 die muetter und die frawen
Verse: 8136 liessen das chindt niemant schawen;
Verse: 8137 sy verpurgens so gar
Verse: 8138 das sein nyemant wart gewar.
Verse: 8139 si enputens taugenleichen
Verse: 8140 Allexandro dem reichen.
Verse: 8141 do er sein ward gewar,
Verse: 8142 er rait haymelichen dar.
Verse: 8143 da er sein gestalt sach,
Verse: 8144 in wundert ser und sprach
Verse: 8145 aldo zu den leutten:
Verse: 8146 'was mag dicz ding bedeutten?'
Verse: 8147 nach den maistern sein er sanndt,
Verse: 8148 den die chunst was bekanntt
Verse: 8149 von den swarczen puechen,
Verse: 8150 und hies die her suechen.
Verse: 8151 er hies in haymelich fuͤr tragen
Verse: 8152 das chind und pat im zu sagen
Verse: 8153 tawgenlich vor den leutten
Verse: 8154 was das wunder mocht bedeutten.
Verse: 8155 da es der maister an sach,
Verse: 8156 er ersewft ser und sprach:
Verse: 8157 'edler chaiser reich,
Verse: 8158 ich sag dier werlich,
Verse: 8159 wie gewaltig du pist,
Verse: 8160 das dir dein ent so nahant ist
Verse: 8161 und das du schyer sterben muest.
Verse: 8162 davon wart wie du tuest!'
Verse: 8163 da im der maister das verjach,
Verse: 8164 Allexander zu im sprach:
Verse: 8165 'sag mir, lieber maister mein,
Verse: 8166 wie dem also muͤg gesein!'
Verse: 8167 Der maister sagt im zu der frist:
Verse: 8168 'das halbe taill das do ist
Verse: 8169 ain mensch und ist tod,
Verse: 8170 das bedewt das gar dratt
Verse: 8171 ain endt haben dein lebttẽg
Verse: 8172 (merkch recht was ich dier sag!).
Verse: 8173 aber das ander halb taill
Verse: 8174 das da lebett und ist gaill
Verse: 8175 das manigem tier ist so geleich,
Verse: 8176 das bedeut zaichenlich:
Verse: 8177 die chunig die nach dir chumftig sindt,
Verse: 8178 sind gegen dir als ain wintt.
Verse: 8179 und als ain willdes tier ist
Verse: 8180 gegen ainem menschen zu aller frist,
Verse: 8181 also wiert gegen deiner chraft
Verse: 8182 zu nichtew nach deiner herschaft.'
Verse: 8183 do er des maisters ernst vernam,
Verse: 8184 der chaiser ser davon ercham
Verse: 8185 und gehabt sich trawriklich
Verse: 8186 und ersewft permiklich.
Verse: 8187 den fuersten er es verdagt,
Verse: 8188 also das er es nymant sagt.
Verse: 8189 er gie an ain haymelich stat
Verse: 8190 mit disen warten und pat:
Verse: 8191 'Jupiter, allmechtiger gott,
Verse: 8192 ich bekenn dir sunder spot,
Verse: 8193 das ich in meinem muett gedacht
Verse: 8194 das ich das gern hiet volbracht,
Verse: 8195 ob von den gnaden dein
Verse: 8196 des lebens und der teg mein
Verse: 8197 mer solten sein gewesen.
Verse: 8198 seint ich nit lenger sol genesen,
Verse: 8199 so pitt ich ainer pet von dir,
Verse: 8200 das du mir verleichest schier
Verse: 8201 das ich nach dem ende mein
Verse: 8202 muess ewigklich pey dir sein.'
Verse: 8203 Pey der zeit was in Chriechen landt
Verse: 8204 ain fuerst was Ancipater genant,
Verse: 8205 der was mechtig und reich
Verse: 8206 und het zwen sun erlich:
Verse: 8207 der ain hies Cassander
Verse: 8208 und Jobas der ander.
Verse: 8209 der junger sun Jobas
Verse: 8210 des chaiser chamerer was,
Verse: 8211 das er im stil und uber lautt
Verse: 8212 enphalich und gar wol getrawt
Verse: 8213 seines leibs und seines guetts,
Verse: 8214 das er het in seiner huette.
Verse: 8215 Ancipater het im erkorn
Verse: 8216 leut mit den er hett gesworn
Verse: 8217 zu Chriechen auf des chaisers tad
Verse: 8218 ane schuld und ane nott.
Verse: 8219 do des die chunigin wart gewar,
Verse: 8220 sy enpot es dikch dem chaiser dar
Verse: 8221 das er sich zu aller zeit
Verse: 8222 huett vor seiner poshait,
Verse: 8223 und das er sein war nem,
Verse: 8224 das er im nit zu nachant chem.
Verse: 8225 Ancipater mit chainen synnen
Verse: 8226 den chaiser mocht gewynnen,
Verse: 8227 der valsch und der unrain,
Verse: 8228 wann mit gift allain,
Verse: 8229 wann er was albeg
Verse: 8230 in huett und in grasser phleg.
Verse: 8231 er gie taugenlich und leis
Verse: 8232 zu ainem arczt, der was weis,
Verse: 8233 und pat in das er sich betracht
Verse: 8234 und im die posen gift macht,
Verse: 8235 so ers von unrain sachen
Verse: 8236 aller wiersist chund machen,
Verse: 8237 und seines guettes dar umb nẽm
Verse: 8238 wie vil er wolt und im geczẽm.
Verse: 8239 der arczt begund im ze machen
Verse: 8240 ein gift von so swinden sachen,
Verse: 8241 die so gar unrain was
Verse: 8242 daz si behalten mocht chain glas.
Verse: 8243 er hies im die smide sein
Verse: 8244 machen ain puchsen stechlein.
Verse: 8245 do die gift berait was,
Verse: 8246 do gasz er es in ein vas
Verse: 8247 und enphalich sy da
Verse: 8248 seinem sun Casandro
Verse: 8249 und vermacht sy gar schon
Verse: 8250 und sand in gen Babilon
Verse: 8251 und gepot im, wen er chamb,
Verse: 8252 das er den die puchsen nam
Verse: 8253 und die gab furpas
Verse: 8254 seinem sun Jobas,
Verse: 8255 dem der chaiser was so holt,
Verse: 8256 das er im die gift scholt
Verse: 8257 wann er mocht zu trinkchen geben
Verse: 8258 und benem im das leben.
Verse: 8259 da Cassander nu was komen
Verse: 8260 gegen Babilon, ee vernomen
Verse: 8261 der chaiser het das mer,
Verse: 8262 do trawmbten im trawm swer,
Verse: 8263 wie von Chriechen chomen wer
Verse: 8264 Cassander uber mer
Verse: 8265 und mit gewalt auf in prech
Verse: 8266 und ain swert durich in stech.
Verse: 8267 dar nach des morgens all zu hant
Verse: 8268 der chaiser zu seinen maistern sand.
Verse: 8269 er erpaitt gar chawm
Verse: 8270 unczt er im aus legt den trawm.
Verse: 8271 er sprach: 'edler herr mein,
Verse: 8272 ich sag den gnaden dein,
Verse: 8273 den ich trewn schuldig pin,
Verse: 8274 das Cassander herz und synn
Verse: 8275 und sein gemuet zu diser frist
Verse: 8276 gegen dir nit gerecht ist'.
Verse: 8277 Do das also geschach,
Verse: 8278 und gar chuerczlich darnach
Verse: 8279 zu ainer zeit fuegt sich das
Verse: 8280 das aus der mass zornig was
Verse: 8281 der chaiser Allexander
Verse: 8282 und Jobam den kamerrer
Verse: 8283 slueg an das haubt an schuld.
Verse: 8284 des gewan er ungeduld,
Verse: 8285 wan im tet an dem herczen
Verse: 8286 das laster wierser dan der smerczen.
Verse: 8287 nach seinem brueder sandt er do,
Verse: 8288 dem jungling Cassandro,
Verse: 8289 taugenlich und still
Verse: 8290 und nam mit guettem will
Verse: 8291 von im das stechlein vas
Verse: 8292 do die gift inne was.
Verse: 8293 er swuer dem chaiser zu vergeben
Verse: 8294 und benemen im das leben.
Verse: 8295 Darnach schier fuegt sich das,
Verse: 8296 do des nu vergessen was
Verse: 8297 und der edel chaiser her
Verse: 8298 dar auff het chain acht mer,
Verse: 8299 Jobas der nicht tracht
Verse: 8300 noch des slages gegen im nicht acht.
Verse: 8301 aines nachts er gesas
Verse: 8302 pey den fuersten und frolich was.
Verse: 8303 sy triben vor im frewden vil
Verse: 8304 und manigs schimphleichs spill.
Verse: 8305 man sach in frolich geparn;
Verse: 8306 die fuersten des gar fro warn,
Verse: 8307 wann sy in pey manigen stunden
Verse: 8308 nie frolich gemachen chunden.
Verse: 8309 ye lenger so ie pas und pas
Verse: 8310 so er ye frolicher was.
Verse: 8311 er begund ainem ze winkchen
Verse: 8312 und hies im pringen zu trinkchen.
Verse: 8313 Jobas der ungetrew
Verse: 8314 dem ward sein laid new,
Verse: 8315 er bezaigt die valschait sein
Verse: 8316 und menget die gift darein
Verse: 8317 und trueg sy Allexandro dar.
Verse: 8318 der chaiser nam des chainen war,
Verse: 8319 do er es vor gredenczen hies,
Verse: 8320 wann er sich genczlich an in lies.
Verse: 8321 ainen großen trunkch er tet,
Verse: 8322 wann in ser gedurstet het.
Verse: 8323 davon der gift er nit enphant.
Verse: 8324 er saczt sich nider alczuhant
Verse: 8325 zu den fursten hoch erpar
Verse: 8326 und was frolich als vor,
Verse: 8327 das er alles das wol sach
Verse: 8328 das vor im in dem sal geschach.
Verse: 8329 dar nach unlang
Verse: 8330 die gift im zu dem herczen drang
Verse: 8331 ye lenger und ye mer;
Verse: 8332 im wart herczenleichen wee.
Verse: 8333 er tet ainen grossen schray,
Verse: 8334 er want, im wer das hercz enczway
Verse: 8335 gestochen mit ainem swert.
Verse: 8336 dar nach er czu hant gert
Verse: 8337 das man in gar dratt
Verse: 8338 fuert in sein chemnatt.
Verse: 8339 die herrn laitten in darein;
Verse: 8340 er pat sy all frolich sein
Verse: 8341 und das sy stil wern
Verse: 8342 und trunckchen und essen.
Verse: 8343 do er cham in die chemnatt,
Verse: 8344 ain veder er im raichen pat,
Verse: 8345 das er die in den hals sties
Verse: 8346 und das er davon verlies;
Verse: 8347 der ungetrew Jobas,
Verse: 8348 der aller valschait voll was,
Verse: 8349 ain veder sties er in die gift gar
Verse: 8350 und gab sy dem chaiser dar.
Verse: 8351 do er sy in den hals getet,
Verse: 8352 da ward im auf der selben stet
Verse: 8353 dreystund wierser dann vor.
Verse: 8354 die herrn stunden vor dem tar
Verse: 8355 und warten wie es end nẽm
Verse: 8356 und wie er davon chẽm.
Verse: 8357 im was grimikleichen we,
Verse: 8358 vor grymen er under weillen schre,
Verse: 8359 die langen nacht geslief er nye.
Chapter: 286
Alexander versucht sich heimlich zu ertränken
Verse: 8360 aus dem sal ain turlein gie
Verse: 8361 zu Ewfrates, dem wasser gros,
Verse: 8362 das zu nagst davor flos.
Verse: 8363 der chnaben ainen die sein phlagen
Verse: 8364 und des nachts pey im lagen,
Verse: 8365 aines edeln herrn sun,
Verse: 8366 hies er im das tuerlin auf tun.
Verse: 8367 ain cherczen nam er in die hant,
Verse: 8368 der do manige vor im pran.
Verse: 8369 auf allen viern cham er gechrochen,
Verse: 8370 wann im die gift het zuprochen
Verse: 8371 den rukch, das er nit mocht gen
Verse: 8372 noch halt auf gerakcht sten,
Verse: 8373 zu tal zu dem wasser hin.
Verse: 8374 er het den muot und den synn
Verse: 8375 wann er in das wasser chem,
Verse: 8376 das es im die hicz benem,
Verse: 8377 wann er sich zu chainer stundt
Verse: 8378 vor der hicz enthaben chundt;
Verse: 8379 oder das in das wasser zukcht
Verse: 8380 und snelliklich hin weg rukcht,
Verse: 8381 das er gẽches den endt nem
Verse: 8382 und nyemant west wo er hin chem.
Verse: 8383 do des die chaisserin wart gewar,
Verse: 8384 sy lieff snelliklich dar.
Verse: 8385 do sy in also chriechen sach,
Verse: 8386 sy viel uber in und sprach:
Verse: 8387 'Allexander, herre mein,
Verse: 8388 wo sind hin die wicz dein ?
Verse: 8389 wildu selber totten dich,
Verse: 8390 wem wildu dann lassen mich
Verse: 8391 ellenden armen ?
Verse: 8392 das mues Got erparmen!'
Verse: 8393 sy pracht in in den sall wider
Verse: 8394 und legt in an sein pet nider.
Verse: 8395 Allexander zu ir sprach,
Verse: 8396 do er sy so wainen sach:
Verse: 8397 'suesse fraw Roxanen,
Verse: 8398 die liebsten die ich ie gewan,
Verse: 8399 seid das es nit bescher ist mir
Verse: 8400 das ich mich frewen schull mit dir,
Verse: 8401 so wolt ich mich han ertrenkchet
Verse: 8402 und in den wag gesenkchet
Verse: 8403 tieff unczt an den grundt,
Verse: 8404 dar umb das nyemant wuerde chunt
Verse: 8405 die warhait und die rechten mẽr
Verse: 8406 wo ich ye hin chemen wer.'
Chapter: 287
Alexanders Testament
Verse: 8407 die frawn permichlichen sach.
Verse: 8408 sy waint ser und sprach:
Verse: 8409 'Allexander, herre mein,
Verse: 8410 du schaff vor dem end dein
Verse: 8411 den frewnden dein und auch mir
Verse: 8412 wie du uns lassest hinder dir.
Verse: 8413 bericht leut und landt,
Verse: 8414 die weil das stet in deiner hanndt,
Verse: 8415 das nach dir auf der erde
Verse: 8416 chain chrieg umb dein gut icht werde.
Verse: 8417 das waist wol das ich swanger pin
Verse: 8418 und das ich von dem leib dein
Verse: 8419 ein frucht enphangen han,
Verse: 8420 das ich woll beweisen chan.'
Verse: 8421 er sandt Johanni den chamerer
Verse: 8422 pald nach seinem schreiber,
Verse: 8423 der was Symeon genant.
Verse: 8424 der schreyber der cham alczuhant;
Verse: 8425 er was dem chaiser haymlich gar,
Verse: 8426 er cham mit im von Chriechen dar.
Verse: 8427 Er besandt Pertolomeum
Verse: 8428 und seinen prueder Arideum.
Verse: 8429 die czwen fuersten im die nagsten
Verse: 8430 alczeit warn und die hogsten.
Verse: 8431 Roxana die chaiserinne
Verse: 8432 die was auch pey im dynne.
Verse: 8433 der chaiser permychlichen sach.
Verse: 8434 zu den fuersten er do sprach:
Verse: 8435 'das testament das ich hie schreib,
Verse: 8436 das das unczebrochen beleib
Verse: 8437 und stet an rew,
Verse: 8438 des gebt mir ewr trew!'
Verse: 8439 die fursten im ir trew gaben.
Verse: 8440 er sprach: 'so sol man mich begraben
Verse: 8441 zu Allexandria in der stat,
Verse: 8442 dew den namen nach mir hat.
Verse: 8443 man schol durich die sell mein
Verse: 8444 den priestern die in dem tempel sein
Verse: 8445 und darin zu aller stundt,
Verse: 8446 rats golds tausent phundt
Verse: 8447 alczu hant geben;
Verse: 8448 das maynnt ich in pey meinen leben.
Verse: 8449 Roxanen die frawen mein
Verse: 8450 last euch enpholchen sein!
Verse: 8451 die schol sein gewaltiklich
Verse: 8452 uber alle meine reich
Verse: 8453 gewaltigew chaiserinne.
Verse: 8454 ob sy ainen fuersten gewynne,
Verse: 8455 den haist wie ir wellet
Verse: 8456 und wie euch gevellet!
Verse: 8457 der sol nach dem tad mein
Verse: 8458 gewaltiger chaiser sein.
Verse: 8459 ob das chind das sy gepiert
Verse: 8460 aber ain maydlein wirt,
Verse: 8461 so chiest all mit all
Verse: 8462 wer euch zu chaiser wol geval!
Verse: 8463 so schol Roxana die fraw mein
Verse: 8464 alles meines erbes gewaltig sein.
Verse: 8465 ich beschaid ir auch dapey
Verse: 8466 das Pertolomeus die weill sey
Verse: 8467 des chaisertum phleger
Verse: 8468 und meines leibes huetter.
Verse: 8469 dar czuͤ im mein mylt hant
Verse: 8470 Egipptum, das gross landt,
Verse: 8471 do mein leichnam ynne leitt,
Verse: 8472 zu ainem rechten erib geitt.
Verse: 8473 dar inn schol er tragen chron
Verse: 8474 gewaltiklich und schon.
Verse: 8475 ich gib im auch Affricam
Verse: 8476 und das landt Arabiam,
Verse: 8477 und aller sarapen mein,
Verse: 8478 die zu orient sein,
Verse: 8479 der schol er sein fuerst und her
Verse: 8480 paidew nachant und verr.
Verse: 8481 Caliopatram die schonen
Verse: 8482 sol man im zu frawen chronen,
Verse: 8483 die chunig Philipp weilent hatt
Verse: 8484 gesaczt an meiner muter stat.
Verse: 8485 Aridus, der prueder mein,
Verse: 8486 der sol chunig und herr sein
Verse: 8487 uber Pelepnensen landt,
Verse: 8488 das ist der reichisten ains bechant.
Verse: 8489 Antiochius schol fuerst sein
Verse: 8490 in dem land zu Syrey.
Verse: 8491 Philetas der hab Illerey,
Verse: 8492 so hab Cassander Carey,
Verse: 8493 Agrippa das lannd Media,
Verse: 8494 Phiton hab Susamariam.
Verse: 8495 Symeon, der schreiber mein,
Verse: 8496 der sol furst und her sein
Verse: 8497 da zu Capodocia
Verse: 8498 und auch zu Pepflagenya.
Verse: 8499 Nearchus hab Cyliciam
Verse: 8500 und darczu Pamphiliam.
Verse: 8501 Meander der neve mein
Verse: 8502 in Libia soll herr sein,
Verse: 8503 so sey Leonatus da
Verse: 8504 herr in dem lannd ze Frigia.
Verse: 8505 Lichmach gib ich Tranam
Verse: 8506 und Reussen land alsam.
Verse: 8507 Seleutus der neve mein
Verse: 8508 schol des reiches marschalich sein.
Verse: 8509 Jobas mein chamerer
Verse: 8510 und sein prueder Cassander
Verse: 8511 sein fursten und ausgeber
Verse: 8512 uber des reichs soldner
Verse: 8513 (er west nit das sy im hatten
Verse: 8514 paid vergeben und verratten)
Verse: 8515 in dem land Bactania
Verse: 8516 und uber all in India
Verse: 8517 schullen die beleiben gar
Verse: 8518 die wir haben geseczet dar.
Verse: 8519 der getrow Taxilles
Verse: 8520 der sol sein gewaltig des
Verse: 8521 des gepirgs zu Cancasus
Verse: 8522 und alles des das dar under siczt.
Verse: 8523 Toranus der phleg der Paniam
Verse: 8524 und Amich der Segrediam.
Verse: 8525 der jung Nicauor genant
Verse: 8526 sey herr uber Parten land.
Verse: 8527 Philipp dien Hircanya,
Verse: 8528 Taverne dien Armenia.
Verse: 8529 Triptolomeus der sey allda
Verse: 8530 herr in dem land zu Persya.
Verse: 8531 der starkch Archies
Verse: 8532 sey uber die Pilases.
Verse: 8533 das land Mesopotan
Verse: 8534 sey Aricheide undertan.
Verse: 8535 Pereotestes der trag chron
Verse: 8536 in dem land zu Babilon.
Verse: 8537 Hychioca das land,
Verse: 8538 do man mir gab die helfant,
Verse: 8539 und auch Gramanya dapey
Verse: 8540 die czwai sind ledig und frey;
Verse: 8541 jeglichs im chiesen schol
Verse: 8542 zu chunig wer im gevellet wol.
Verse: 8543 die nam die ich hie han genant,
Verse: 8544 das sint alles weitte lannd
Verse: 8545 und grassew chun greich
Verse: 8546 und fuerstentum alle geleich.
Verse: 8547 die land zu occident,
Verse: 8548 die ich dor oben hab genent,
Verse: 8549 und die weitten herczogtum
Verse: 8550 die gib ich zu dem chaisertumb
Verse: 8551 gegen Chriechen algeleich,
Verse: 8552 das dester pesser wuerd das reich.
Verse: 8553 alle die gevangen sein,
Verse: 8554 die sullen all genyessen mein
Verse: 8555 uber all in den landen,
Verse: 8556 die schullen gar von irn panden
Verse: 8557 all czu hant ledig wesen
Verse: 8558 und schullen an dem leib genesen.
Verse: 8559 und welich uber alle landt
Verse: 8560 in das ellent sein gesandt
Verse: 8561 umb missetat und umb schulld,
Verse: 8562 die schullen all haben huld
Verse: 8563 und ziechen wider an die stat
Verse: 8564 da man sy aus getriben hat,
Verse: 8565 und sullen von den wegen mein
Verse: 8566 ires guets gewaltig sein.'
Verse: 8567 do er also sein testament
Verse: 8568 nach seiner ger het vollendt
Verse: 8569 und man es vor im schreiben phlag,
Verse: 8570 da was es warden hocher tag.
Verse: 8571 sich hueb ein stuerm wetter gros,
Verse: 8572 ein michl sewsen und ein dos
Verse: 8573 von dorrn und von fewr plikchen,
Verse: 8574 das man muest davon erschrikchen.
Verse: 8575 die wind vraisleichen wetten,
Verse: 8576 stain mit dem schawr nyder schretten,
Verse: 8577 das all die stat zu Babilon
Verse: 8578 erpidemt und erwegt davon.
Verse: 8579 mit dem auch das mer erhall
Verse: 8580 in der stat uber all,
Verse: 8581 das dem chaiser wer vergeben,
Verse: 8582 das er nit lenger mocht geleben.
Verse: 8583 die Chriechen all gewappent dar
Verse: 8584 giengen mit ainer grossen schar.
Verse: 8585 da sy chamen in den sall,
Verse: 8586 sy hueben ein grassen schall.
Verse: 8587 sy santten zwen aus in
Verse: 8588 zu den hogsten fuersten hin,
Verse: 8589 sy hiessen sy gen hingegen:
Verse: 8590 lies man sy nit den chaiser sehen,
Verse: 8591 sy wolten auf sy prechen
Verse: 8592 und woltens all erstechen.
Verse: 8593 der chayser fragt sy der mer
Verse: 8594 was ludems auf dem palast wer.
Verse: 8595 der fuersten ainer trat hinfuer
Verse: 8596 und sprach: 'es sind vor der tuer
Verse: 8597 die Chriechen all gemain
Verse: 8598 paid grass und chlain
Verse: 8599 und wolten euch all gern sechen.
Verse: 8600 sy habent des gegen uns vergechen,
Verse: 8601 ob das sey nicht getan
Verse: 8602 das wir sew euch nit sechen lann,
Verse: 8603 sy wellens an uns rechen
Verse: 8604 und wellen uns slachen und stechen.'
Verse: 8605 do er disew red also geredt,
Verse: 8606 der chaiser hies sich mit dem pett
Verse: 8607 tragen auf den palas,
Verse: 8608 do die menig alle was.
Verse: 8609 do in die Chriechen sachen tragen,
Verse: 8610 sy begunden wainen und chlagen.
Verse: 8611 da sy der chaiser wainen sach,
Verse: 8612 er waint mit in und sprach:
Verse: 8613 'prueder und ritter mein,
Verse: 8614 ir schult under einander sein
Verse: 8615 geduldig und fridsam,
Verse: 8616 getrew und geharsam.'
Verse: 8617 sy sprachen: 'du edler chaiser her,
Verse: 8618 wir gern von dir ze wissen mer:
Verse: 8619 wer schol nach dem tade dein
Verse: 8620 zu Chriechen unser herr sein?'
Verse: 8621 der chaiser waint gar grimiklich
Verse: 8622 und ersenft gar permiklich.
Verse: 8623 er sprach: 'ir starkchen ritter mein,
Verse: 8624 seindt ich ewr herr nit sol sein,
Verse: 8625 so chiest gamainklich all
Verse: 8626 wer euch aller pest gevall.
Verse: 8627 wer euch dann gevellet wol,
Verse: 8628 der selb ewr herr wesen soll.'
Verse: 8629 fuer den chaiser sy da tratten,
Verse: 8630 gemainklich sy in patten
Verse: 8631 das er geb zu herrn in
Verse: 8632 Perdicam, den chaim sein.
Verse: 8633 er besandt Perdicam.
Verse: 8634 da er zu dem chaiser cham,
Verse: 8635 er gab im gewaltiklich
Verse: 8636 alle chriechische reich.
Verse: 8637 er sprach: 'Roxanen, die frawen mein,
Verse: 8638 die las dir enpholhen sein
Verse: 8639 und fuer sy alczu hant
Verse: 8640 nach meinem tad in Chriechen landt
Verse: 8641 und tue nit an irn rat!
Verse: 8642 halt sy an deiner muetter stat!'
Verse: 8643 Allexander waint ser
Verse: 8644 und die fuersten michls mer.
Verse: 8645 die Chriechen wainten allgeleich
Verse: 8646 und schriern so gar permichlich
Verse: 8647 das der schal darnach erdos
Verse: 8648 als es wẽr ein doner gross.
Verse: 8649 sy chusten in allen enden,
Verse: 8650 an die arm und an dew hend.
Verse: 8651 in bewainten nit allein
Verse: 8652 die leut all gemain,
Verse: 8653 sunder allew element
Verse: 8654 betruebten sich an seinem endt.
Verse: 8655 man list an den haidnischen puechern,
Verse: 8656 der es alda wil suechen,
Verse: 8657 das die sun ir schein
Verse: 8658 verluer an dem end sein.
Verse: 8659 des ich doch nit gelauben will,
Verse: 8660 wann sein wer gar ze vil,
Verse: 8661 wann er ain mensch, (gelaubt das!)
Verse: 8662 als ain ander mensch was.
Verse: 8663 Der Chriechen ritter ainen
Verse: 8664 sach man sewften und wainen,
Verse: 8665 der was genant Solenus.
Verse: 8666 Er sprach zu dem chaiser alsus:
Verse: 8667 'Allexander, herre mein,
Verse: 8668 chunig Philipp, der vater dein,
Verse: 8669 hat uns gehalten wirdiklich
Verse: 8670 mit grossen ern und das reich.
Verse: 8671 aber dein mild und dein guett
Verse: 8672 und dein tugenthafter muot,
Verse: 8673 das du uns hast an allen orten
Verse: 8674 erczaigt mit werichen und mit worten,
Verse: 8675 nyemant chan betrachten
Verse: 8676 noch vol sagen noch vol achten.'
Verse: 8677 da der chaiser hort die stym,
Verse: 8678 paid vor wetagen und vor grym
Verse: 8679 richt er sich auf und sas
Verse: 8680 an dem pet, do er an was,
Verse: 8681 und gab im ainen grossen slag
Verse: 8682 mit der handt auf den nakch.
Verse: 8683 der ritter waint ser
Verse: 8684 ye mer und ye mer.
Verse: 8685 seuftund er in an sach,
Verse: 8686 chriechischen er czu im sprach:
Verse: 8687 'ach laider Allexander stirbet;
Verse: 8688 davon Chriechen landt verdirbet.'
Verse: 8689 die Chriechen teten all geleich
Verse: 8690 so gar permiklich,
Verse: 8691 sy wainten ser mit grymmen
Verse: 8692 und schriern mit lautter styme:
Verse: 8693 'Allexander, lieber herr,
Verse: 8694 uns wer nuczer und weger verr
Verse: 8695 das wir hie tod solten wesen
Verse: 8696 mit dir dann an dich genesen;
Verse: 8697 wann wir wissen wol fur war
Verse: 8698 das das reich chuerczew jar
Verse: 8699 pey uns beleibet und bestat,
Verse: 8700 das es schir nach dir zergat.'
Verse: 8701 der chlag was unmassen vil,
Verse: 8702 der ich ain tail versweygen wil.
Verse: 8703 do der chaiser disew wart
Verse: 8704 und die chlag van in erhort,
Verse: 8705 ser waynund er sy an sach;
Verse: 8706 mit haisser stym er zu in sprach:
Verse: 8707 'o ir herrn von Macedon,
Verse: 8708 euch beleibt unlang des reiches chran.
Verse: 8709 es werdent die von warbarey
Verse: 8710 von euch ledig und frey.'
Verse: 8711 Damit er urlaub von in nam
Verse: 8712 und von den fuersten sein alsam.
Verse: 8713 er hies zu Athenas
Verse: 8714 in dem tempel der do was,
Verse: 8715 geben ainen furhankch
Verse: 8716 prait, weit und lankch,
Verse: 8717 den man aus gold solt slachen
Verse: 8718 und scholt in in den tempel hachen.
Verse: 8719 nach seinem prueder er do sandt,
Verse: 8720 der Aridus ist genant.
Verse: 8721 er gepott das er solde
Verse: 8722 nemen tausent phunt von golde,
Verse: 8723 das er im machen hies davon
Verse: 8724 ain grab reichlich und schon
Verse: 8725 zu Allexandria in der stat.
Verse: 8726 dar nach er im pringen pat
Verse: 8727 der myrren von dem lande,
Verse: 8728 das man Tregeridis nande,
Verse: 8729 und der erden dapey
Verse: 8730 von dem lande Meldem essei.
Verse: 8731 damit hies er sich salben
Verse: 8732 nach seinem tad allenthalben.
Verse: 8733 von den zwain man das gicht
Verse: 8734 das sy lan erfaulen nicht
Verse: 8735 noch nymer smekchundt werden
Verse: 8736 den leichnam in der erden.
Chapter: 288
Alexanders Tod
Verse: 8737 hie mit im die sprach entslaiff.
Verse: 8738 zu handt er zu dem tad ergraiff,
Verse: 8739 und zu handt darnach
Verse: 8740 der tad im das hercz prach.
Chapter: 289
Alexanders Begräbnis
Verse: 8741 Do sagt man offenwar
Verse: 8742 das der chaiser tad wẽr,
Verse: 8743 do hueb sich ain grosser schall
Verse: 8744 in der stat uber all
Verse: 8745 von wainen und von wueffen
Verse: 8746 und von schrein und rueffen,
Verse: 8747 von seuften und von chlagen,
Verse: 8748 das es nyemant chund volsagen.
Verse: 8749 von herrn und von frawen
Verse: 8750 mocht man jamer schawen.
Verse: 8751 paid arm und reich
Verse: 8752 die chlagten in geleich.
Verse: 8753 die fursten und die herrn namen
Verse: 8754 do des chaysers laichnamen;
Verse: 8755 sy bestrichen in allenthalben
Verse: 8756 mit balsam und mit guetter salben,
Verse: 8757 mit myrn und mit aloe,
Verse: 8758 als er het geschaffet ee,
Verse: 8759 mit pigment, mit aromata,
Verse: 8760 mit ambra, mit tymiamata
Verse: 8761 und auch mit nardi spicatt
Verse: 8762 und was guetten smakch gab;
Verse: 8763 des hetten sy gar vil alda
Verse: 8764 mit in pracht von India.
Verse: 8765 sy legten im an so zehant
Verse: 8766 ein reiches chaiserleichs gewant,
Verse: 8767 das tewrist das man zu den zeitten
Verse: 8768 vand in der welt weitten:
Verse: 8769 das was weis und rain
Verse: 8770 gespunnen aus ainem edeln stain
Verse: 8771 maisterlich und schon.
Verse: 8772 der stain haist abestan.
Verse: 8773 der selb stain die tugent hat
Verse: 8774 das er sich aller verwinden lat
Verse: 8775 zu vadem geweis
Verse: 8776 als die seid chlain und leis.
Verse: 8777 dar aus webt man maisterleich
Verse: 8778 phel, die wern ewigklich.
Verse: 8779 ain phel rat als ain zunder
Verse: 8780 was gefurrieret dar under
Verse: 8781 von salamander tewr,
Verse: 8782 den die wuerm in dem fewr
Verse: 8783 weben und spynnen
Verse: 8784 zu India dort innen.
Verse: 8785 da man es im angelegt,
Verse: 8786 von edelm stain es alles regt.
Verse: 8787 man saczt im auf das haubt sein
Verse: 8788 ain reichew chran guldein,
Verse: 8789 dar inn vil edls gestain lag,
Verse: 8790 die man nit zuring wag.
Verse: 8791 man stekch im an die vinger sein
Verse: 8792 manig achtper vingerlein.
Verse: 8793 man gab im in die zesem hant
Verse: 8794 ein guldein zeptrum alczuhant
Verse: 8795 und in die tenkchen hant sein
Verse: 8796 ain aphel guldein.
Verse: 8797 das bedeut und tett bechant
Verse: 8798 das er uber allew landt
Verse: 8799 chaiser und gepietter
Verse: 8800 gewaltiklich gewesen wer.
Verse: 8801 des andern margen gar frue
Verse: 8802 die fursten griffen all czue
Verse: 8803 und giengen mit ein ander dar
Verse: 8804 und hueben in auf ein reichew par,
Verse: 8805 die was von helffen paine
Verse: 8806 gezieret und gedakcht raine
Verse: 8807 mit phell und siglat;
Verse: 8808 purpur und phiat,
Verse: 8809 samad und pallikein,
Verse: 8810 atlas und camffein
Verse: 8811 und darczu manig reichew wat
Verse: 8812 man under in gelegt hat.
Verse: 8813 Der herr Pertolomeus
Verse: 8814 fuͤr fur den wagen und sprach also
Verse: 8815 mit wainunder stym:
Verse: 8816 'o du edlew gym,
Verse: 8817 du weysel und du laittstern,
Verse: 8818 wir muessen laider dein enpern.
Verse: 8819 es hat dein leben so manigen nye
Verse: 8820 auf erden ertottet hie,
Verse: 8821 es wirt von deinem sterben
Verse: 8822 noch manig mensch verderiben.'
Verse: 8823 die fuersten und die ritter all
Verse: 8824 mit jamer und mit grassem schall
Verse: 8825 fuern und ritten nach der par
Verse: 8826 senyklich alle gar
Verse: 8827 aus von Babilonia
Verse: 8828 unczt zu Allexandria.
Verse: 8829 da sy der stat so nachant chamen
Verse: 8830 und es die leut dort inn vernomen,
Verse: 8831 die priester von Egippto
Verse: 8832 chamen gegen im also
Verse: 8833 von erst mit ainer grassen schar,
Verse: 8834 darnach die menig alle gar
Verse: 8835 fuer die stat verrn
Verse: 8836 und klagten irn hern.
Verse: 8837 die fursten edl und reich
Verse: 8838 die par namen all geleich
Verse: 8839 und huebens auf den wagen
Verse: 8840 und begunden ser zu chlagen
Verse: 8841 mit grassem jamer ungefuegen.
Verse: 8842 in den tempel sy in truegen
Verse: 8843 und liessen in darinne stan
Verse: 8844 die selben nacht und giengen dann.
Verse: 8845 die priester die des tempels phlagen,
Verse: 8846 zu ring umb die par lagen
Verse: 8847 und bewachten in die nacht
Verse: 8848 nach der haidnischen acht.
Verse: 8849 darnach die edeln fuersten gar
Verse: 8850 des margens chamen wider dar
Verse: 8851 und hueben in von der par herab.
Verse: 8852 da was gemachet ain reiches grabe
Verse: 8853 von gestain und von golde,
Verse: 8854 als ein edler kayser haben solde.
Verse: 8855 sy legten in in ainen sarich,
Verse: 8856 der was gemach als ain arich;
Verse: 8857 der was von ratem gold geslagen,
Verse: 8858 den machten chawm vir getragen.
Verse: 8859 dar ein man in legt
Verse: 8860 mit allem seinem gerẽt.
Verse: 8861 die fuersten hiengen in hin ab,
Verse: 8862 mit sambt dem sarich in das grab
Verse: 8863 alles das das guotten rukch gab
Verse: 8864 und nach edelm smacht.
Verse: 8865 dar nach man das grab bedakcht
Verse: 8866 mit ainem edlen stain,
Verse: 8867 der was gepoliert rain.
Verse: 8868 oben an des staines drum
Verse: 8869 was ein ephitaphium
Verse: 8870 auf dem stain erhaben
Verse: 8871 mit guldein puechstaben:
Verse: 8872 'Hye leit Allexander,
Verse: 8873 der gross chaiser und herr,
Verse: 8874 der gar gewaltiklich
Verse: 8875 betwungen hat alle reich.
Verse: 8876 der lebt auf der erden furwar
Verse: 8877 nit mer wann zway und dreysig jar
Verse: 8878 und starb zu Babiloni
Verse: 8879 in dem mẽnedt decembri.'
Verse: 8880 Manig reiches lampen vas
Verse: 8881 ob seinem grab gehenget was,
Verse: 8882 do anders nit wann palsam
Verse: 8883 zu allen zeitten innen pran.
Verse: 8884 die gar grossew reichait
Verse: 8885 und die michel czirhait
Verse: 8886 damit er zu der selben vart
Verse: 8887 bestettet und begraben wart,
Verse: 8888 darczu den jamer und die chlag
Verse: 8889 chund ich in ainem ganczen jar
Verse: 8890 nymmer gar volsagen.
Verse: 8891 da von wil ich sein gedagen.
Verse: 8892 Do der jungling Jobas,
Verse: 8893 der des chaisers morder was,
Verse: 8894 die chlag und den jamer sach,
Verse: 8895 ein swert er durich sich selber stach.
Verse: 8896 yedoch begund er vergechen
Verse: 8897 des mordes, wie es wer geschechen,
Verse: 8898 und wie sein vater Ancipater
Verse: 8899 die gift gesandt hiet uber mer.
Verse: 8900 die fuersten an der selben stat
Verse: 8901 all mit gemainem rat
Verse: 8902 rachen an im irn anden:
Verse: 8903 also tatten sy in verprannden.
Verse: 8904 do das erfuer der ander.
Verse: 8905 Jobas prueder, der Cassander,
Verse: 8906 auf das mer er entran
Verse: 8907 und fuer haimlich von dann,
Verse: 8908 das man in nymmer mer
Verse: 8909 erfuer wo er hin komen wer.
Verse: 8910 do sy wider gegen Chriechen chamen,
Verse: 8911 dem vater sy den leib namen;
Verse: 8912 darczue alles sein geslacht
Verse: 8913 tet man so gar in die echt
Verse: 8914 das es alles gar verswandt
Verse: 8915 und verfuer von dem land.
Verse: 8916 Dye fursten von Egippto
Verse: 8917 lobten Perttolemeum do
Verse: 8918 ane chrieg und ane werrn
Verse: 8919 zu kunig und zu herrn;
Verse: 8920 williklich sy im swuern.
Verse: 8921 dar nach die fuersten all fuern
Verse: 8922 all gemainklich
Verse: 8923 yeslicher in sein chunigreich,
Verse: 8924 das im do beschaiden was;
Verse: 8925 gewaltiklich er es besas.
Verse: 8926 der edel chunig Perdica
Verse: 8927 mit den von Macedonia
Verse: 8928 der chaiserinn sich underwannt
Verse: 8929 und fuert sy in Chriechen lanndt.
Verse: 8930 do lebt sy herlich gar
Verse: 8931 ich wais nit wie manig jar.
Verse: 8932 wie lang sy do sey gewesen,
Verse: 8933 das hab ich alhie nit gelesen.
Verse: 8934 die chunigreich und die landt
Verse: 8935 die ich dort oben han genant
Verse: 8936 in aller der welt enden,
Verse: 8937 muesten irn zins senden
Verse: 8938 zu Chriechen (gelaubt das!),
Verse: 8939 wann das chaisertumb da was
Verse: 8940 dar nach wol drew hundert jar,
Verse: 8941 unczt die edeln Romer gar
Verse: 8942 allew landt betwungen
Verse: 8943 und das chaissertumb erungen.
Verse: 8944 da legten sy das reich
Verse: 8945 gẽn Rom gewaltiklich,
Verse: 8946 do es nach dem glauben mein
Verse: 8947 noch hewt pillich solde sein.
Verse: 8948 Dye weil Allexander,
Verse: 8949 der chaiser edel und her,
Verse: 8950 was zu Babilon,
Verse: 8951 do stunden fridlich und schon
Verse: 8952 allew chunigreiche
Verse: 8953 und allew landt geleiche.
Verse: 8954 aber schier nach seinen zeitten
Verse: 8955 hueb sich vechten und streitten,
Verse: 8956 urleug, raub und prant
Verse: 8957 und unfrid uber allew landt:
Verse: 8958 sy stiften jamer und not
Verse: 8959 in den landen hie und dort.
Verse: 8960 Nu wil ich Allexander leben
Verse: 8961 churczlich ein end geben.
Verse: 8962 Allexander (gelaubt das!)
Verse: 8963 zu massen ain chuerczer man was.
Verse: 8964 er was zu allen zeitten gar
Verse: 8965 gar rosalat und wol gevar.
Verse: 8966 sein augen warn frolich,
Verse: 8967 sein har ainem leben geleich.
Verse: 8968 er was wiczig und charkch,
Verse: 8969 manhaft, mild und starkch.
Verse: 8970 zu aller mẽndlichen tat
Verse: 8971 er czwayer mann sterkch hat.
Verse: 8972 was er hat gestritten ie,
Verse: 8973 man chund in uber winden nye
Verse: 8974 yedoch wein und zorn
Verse: 8975 gesigten an dem hochgeporn,
Verse: 8976 das in die zway uber chomen
Verse: 8977 und im dikch die mas namen
Verse: 8978 er was elter nit furbar
Verse: 8979 zwayer mer dann dreissig jar
Verse: 8980 da er in das achzehent jar gie
Verse: 8981 alczu hant er an vie
Verse: 8982 und rait aus nach gelingen
Verse: 8983 und begund die landt betwingen
Verse: 8984 das traib er ganczer suben jar
Verse: 8985 ee er die land betwang gar.
Verse: 8986 do er also die zeit
Verse: 8987 vertraib mit urleg und mit streit
Verse: 8988 ee er die landt gar betwang
Verse: 8989 und das chaisertumb errang,
Verse: 8990 dar nach saczt er sich schon
Verse: 8991 in die stat zu Babilon
Verse: 8992 und bericht alda die reich
Verse: 8993 allew gar gewaltiklich
Verse: 8994 volliklich acht jar
Verse: 8995 in wunn und in frowden gar.
Verse: 8996 es wart Allexander
Verse: 8997 in dem mened december
Verse: 8998 an dem funfczehenten tag
Verse: 8999 geporn nach des puechs sag.
Verse: 9000 uber czway und dreissig jar
Verse: 9001 an dem andern tag fur war
Verse: 9002 des selben manets er starb
Verse: 9003 und ze Babilon verdarb.
Verse: 9004 Nu hab ich volendet
Verse: 9005 und in deutsch gewenndet
Verse: 9006 dicz puech alsus
Verse: 9007 als uns der Virgilius
Verse: 9008 in seinem puech berichtet des
Verse: 9009 das da Allexandrides
Verse: 9010 genant ist zu latein.
Verse: 9011 ich han auch geseczt dar ein
Verse: 9012 was sand Ewsebius alda
Verse: 9013 in seiner kronica
Verse: 9014 von im hat geschriben gar
Verse: 9015 (das han ich euch geschriben dar),
Verse: 9016 und was der guet sand Augustin
Verse: 9017 von im an dem puech sein
Verse: 9018 das da haist die Gottes stat,
Verse: 9019 gesagt und gesschriben hat,
Verse: 9020 und was die istorie
Verse: 9021 von seiner er und glorie
Verse: 9022 geschriben und gesagt hat,
Verse: 9023 yeglichs an sein rechtew stat
Verse: 9024 geseczt und geschriben hat
Verse: 9025 nach der zeit (gelaubt das!)
Verse: 9026 das Got mensch warden was
Verse: 9027 uber drewczehen hundert jar
Verse: 9028 und zway und funiczig jar,
Verse: 9029 an sand Merteins nacht
Verse: 9030 wart das puech gar volbracht,
Verse: 9031 das die rechten warhait,
Verse: 9032 die ere und die wirdikait
Verse: 9033 von chunig Allexandro hat gesait.
Verse: 9034 Lob und er sey dir gesait,
Verse: 9035 Got herr, in deiner ewigkait,
Verse: 9036 wann du in der drivaltikait
Verse: 9037 ainvoltig pist an undershaid
Verse: 9038 und in der fran maigestat,
Verse: 9039 da wunn und frewd nicht zergat,
Verse: 9040 da in hochen wierden stat
Verse: 9041 und ewigklich nit ende hat.
Verse: 9042 Got vater, sun, heyliger geist,
Verse: 9043 den genaden dein aller maist
Verse: 9044 dankch ich, wann du die hercz waist,
Verse: 9045 das ich mit deiner vollaist
Verse: 9046 dicz puech han volbracht,
Verse: 9047 als ich mir des het gedacht,
Verse: 9048 mit chrankchem synn, mit chlainer macht.
Verse: 9049 wo ich mich dar an han vergacht
Verse: 9050 das ich nit han gemaistert eben
Verse: 9051 die reym vorn und neben,
Verse: 9052 welich das lesen und nu leben,
Verse: 9053 die pit ich mich zu vergeben.
Verse: 9054 wann ungelukch und armuott
Verse: 9055 und sorg und weltlich guet
Verse: 9056 habent veriret mir den muett
Verse: 9057 und dikch, als es nach manigem tuet;
Verse: 9058 dar zu grass wiertschaft
Verse: 9059 und ungunst meiner herschaft
Verse: 9060 habent mir die meisterschafft
Verse: 9061 benomen und des synnes chraft.
Verse: 9062 ich pitt dich, wer das puech lest,
Verse: 9063 das er mir wol wunsch des
Verse: 9064 das mir Got genedig wes
Verse: 9065 und das ich an der sell genes.
Verse: 9066 welich es horn, ich des pitt
Verse: 9067 das sy mir armen schreiber mit
Verse: 9068 taillen ir selligs gepet,
Verse: 9069 das ich meiner sunden werde quit.
Verse: 9070 Got herr, durich dein drey genent,
Verse: 9071 deinen heiligen geist uns sendt,
Verse: 9072 das er uns an unserm endt
Verse: 9073 behuett vor aller myssewent,
Verse: 9074 und das wir allgeleich
Verse: 9075 nach disem leben frolich
Verse: 9076 in deines vater reich
Verse: 9077 mit dir leben ewigklich,
Verse: 9078 und das uns der engl schar
Verse: 9079 vor allem ubel hie bewar.
Verse: 9080 das uns das alles wider var,
Verse: 9081 so sprechet all amen gar!
Verse: 9082 amen deo gracias im lxvj jar.
Verse: 9083 Die kronica hat hie ain end.
Verse: 9084 Got uns sein genad send!
Copyright TITUS Project,
Frankfurt a/M, 12.9.2008.
No parts of this document may be republished in any form
without prior permission by the copyright holder.