TITUS
Lamprecht, Alexander (Strassburger Bearbeitung)
Part No. 8
Previous part

Chapter: 21  
Philipps Heiratsversuch


Verse: 452       Dô er dô wider heim quam,
Verse: 453    ein vil leit mêre er vernam;

Verse: 454    des gwan er ungemûte:
Verse: 455    iz was sîner mûter

Verse: 456    sîn vater Philippus ab comen
Verse: 457    und hete ein ander wîb genomen,

Verse: 458    di was Cleopatra genant.
Verse: 459    dô Alexander daz irvant

Verse: 460    und erz rehte vernam,
Verse: 461    vor sînen vater ginc er stân.

Verse: 462    er sazte di crônen dô,
Verse: 463    di er Nicolaô

Verse: 464    hete geroubit,
Verse: 465    sînem vater ûf daz houbit.

Verse: 466    'her vater, nemet diz ze minnen,
Verse: 467    daz ih mit sturme hân gewunnen

Verse: 468    unz ih mêr mac getûn;
Verse: 469    des habit ir êre unde rûm.

Verse: 470    wene ein dinc, daz ih û clagen
Verse: 471    und in mînem herzen tragen,

Verse: 472    des hân ih vil swêren mût;
Verse: 473    ouh ne dunkit iz mir niwit gût,

Verse: 474    daz ir mîne mûter
Verse: 475    Olympiaden di gûten

Verse: 476    mir ze leide verlâzen hât
Verse: 477    und einen ubirhûr begât

Verse: 478    mit einen anderen wîbe.
Verse: 479    ih swere û daz bî mîneme lîbe,

Verse: 480    swer disen rât hât gefromit,
Verse: 481    daz iz ime ze grôzen unstaten noh comet.'

Verse: 482       Ein rîter hîz Lysias,
Verse: 483    der stolz und redehaft was,

Verse: 484    der was mit der brûte dar comen;
Verse: 485    des gwan er lutzelen fromen.

Verse: 486    deme was vil harte ungemach,
Verse: 487    daz Alexander sô irre sprach,

Verse: 488    und antworte ime smêlîche
Verse: 489    unde frevillîche.

Verse: 490    des mohter gerne habin enborn;
Verse: 491    des gwan daz kint grôzen zorn.

Verse: 492    einen guldînen naph grôz und swâr,
Verse: 493    dar ane stunden blachmâl,

Verse: 494    hete Alexander an di hande,
Verse: 495    den slûch er Lysiam vor di zande,

Verse: 496    daz si ime in di kele resen,
Verse: 497    und sprach: 'lâ dîne bôse rede wesen.'

Verse: 498       Philippus ûf di tabelen spranc,
Verse: 499    wande in sîn grôze zorn dwanc;

Verse: 500    der strît ime niht wol geviel.
Verse: 501    dô trat er fur baz unde viel,

Verse: 502    daz ime sîn schenkel zebrach.
Verse: 503    lasterlîchen er dô lac.

Verse: 504    in andirhalb fiel di brût.
Verse: 505    dâ ne wart neheiner gâbe lût

Verse: 506    nieren nehein spileman.
Verse: 507    wande dô iz alsô quam,

Verse: 508    daz der kuninc der nider viel,
Verse: B1    von zorn er entrichtet ward.

Verse: B2    sîn swert zucht er an der vart,
Verse: B3    er sluog von im geswinde

Verse: B4    hêren und gesinde.
Verse: B5    wer im wolte widerstân,

Verse: B6    der muost den lîp verlorn hân.
Verse: B7    ich hân noch niut vernomen,

Verse: B8    war die briut hin sî komen.
Verse: B9    sînem [vater] schuof er gemach,

Verse: B10    und [gieng] ze heilen sîn bein
Verse: B11    und brâchte wider in ein

Verse: B12    in und die muoter sîn.
Verse: B13    .....

Verse: B14    .....



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.