TITUS
Lamprecht, Alexander (Strassburger Bearbeitung)
Part No. 10
Previous part

Chapter: 23  
Alexander fertigt Darius' Zinsboten ab


Verse: B35    er vant vor sînem vater stân

Verse: B36    boten von Persia dem land,
Verse: B37    die Darius hât dar gesant,

Verse: B38    der dâ ein rîcher küng was,
Verse: B39    mit briefen die man dô las:

Verse: B40    das Darius niut wolt enbern,
Verse: B41    man müesti den zins im wern,

Verse: B42    als es von alter her was komen
Verse: B43    und als er in ouch hette genomen.

Verse: B44    Allexander sprach gerichte
Verse: B45    zuo der boten angesichte.

Verse: B46    er hies die boten rîten
Verse: B47    und sprach: 'bî mînen zîten

Verse: B48    wirt im der zins niut mê gesant
Verse: B49    von uns ûs Kriechenlant.

Verse: B50    duont iuwerem hêren von mir kunt
Verse: B51    nun zuo dire stund,

Verse: B52    sîd er des zins niut wel enbern,
Verse: B53    sô wil ich in in sînem land wern

Verse: B54    den zins in sölîcher mâsse:
Verse: B55    ich muos im das leben lâssen

Verse: B56    oder er gît mir sîn houbt.
Verse: B57    die botschaft si iuch erloubt.'

Verse: B58    danan schieden si dô
Verse: B59    trûrig und unfrô,

Verse: B60    und frô, das si kômen dan
Verse: B61    von dem grimen man.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.