TITUS
Lamprecht, Alexander (Strassburger Bearbeitung)
Part No. 11
Previous part

Chapter: 24  
Philipps Tod


Verse: B62    dô das ward geendet,
Verse: B63    ein bot dâ ward gesendet

Verse: B64    Pilipo, der im seite die mêr,
Verse: B65    wie ze Talomone wêr

Verse: B66    die hêrschaft in untriuwen
Verse: B67    gên im, es möcht si riuwen,

Verse: B68    ob ers niut underfüer,
Verse: B69    ê man einem andren swüer;

Verse: B70    den hetten si aldâ geladen.
Verse: B71    ûf sîn schand und ûf sîn schaden .

Verse: B72    wolten si vast stellen.
Verse: B73    Allexander sîn gesellen

Verse: B74    nam zuo im friuntlîch.
Verse: B75    zuo der veste huob er sich;

Verse: B76    in die burg er gieng,
Verse: B77    den burggrâfen [er] fieng,

Verse: B78    die bœsen [er] alle dar ab sties,
Verse: B79    die sînen er dar ûfe lies,

Verse: B80    er nam dâ schatz, was er sîn vant,
Verse: B81    er gab in sînen dienêren ze hant.

Verse: B82    dâ mit er wider hein reit.
Verse: B83    nu widerfuor im herzeleit

Verse: B84    ûf der heinfert,
Verse: B85    das in vil zorns wert:

Verse: B86    im widerreit Pausonias,
Verse: B87    der ein rîcher rnarcgrâf was

Verse: B88    und fuorte mit gewalt Ollimpias,
Verse: B89    die Allexanders muoter was;

Verse: B90    den küng hât er gewundet:
Verse: B91    das was Allexandro gekündet.

Verse: B92    den schilt truog er für sich
Verse: B93    und reit ûf manlîch.

Verse: B94    er sprach: 'er gilt mir das ungemach.'
Verse: B95    den spies er durch den grâfen stach,

Verse: B96    ze der erden dôt ern warf:
Verse: B97    'keins stieffater ich bedarf.'

Verse: B98    ein bote für vil balde reit,
Verse: B99    dem küng die mêr er seit,

Verse: B100    das Allexander wider brêcht
Verse: B101    die küngin ungesmêcht,

Verse: B102    und der marcgrâf wêr erslagen.
Verse: B103    der küng sprach: 'ich sol niut klagen

Verse: B104    nun fürbas all mîn nôt,
Verse: B105    sîd Pausonias ist gelegen dôt.'

Verse: B106    Allexander ouch nun kam, er gieng ze hant,
Verse: B107    dâ er den küng sîn vater vant.

Verse: B108    er klâte in vil sêr. der küng mit züchten sprach,
Verse: B109    dô er sîn ungehab ersach:

Verse: B110    'nun lâ dîn trûren sîn.
Verse: B111    hâstu erslagen den vîgent mîn,

Verse: B112    sô wil ich frôlîch sterben.
Verse: B113    .....

Verse: B114    got geruoche dir glük geben.'
Verse: B115    alsus endet er sîn leben.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.