TITUS
Lamprecht, Alexander (Strassburger Bearbeitung)
Part No. 12
Previous part

Chapter: 27  
Alexander übernimmt die Herrschaft in Macedonien/ Griechenland


Verse: B116    er ward nâch sînem recht begraben,
Verse: B117    Allexander ze küng erhaben.

Verse: B118    nu begunde wachsen sîn gewalt,
Verse: B119    wie er niut wêr an den jâren alt.

Verse: B120    nun hôrent, wes er von êrst began.
Verse: B121    Allexander nam sîn besten man,

Verse: B122    den er getriuwet in aller nôt
Verse: B123    .....

Verse: B124    er sprach: 'nun râten, friunde mîn;
Verse: B125    das ist mîn sin:

Verse: B126    wir süellent uns heben ze hant
Verse: B127    gegen dem küng [von] Persarumlant.

Verse: B128    unser lob süellen wir mêren
Verse: B129    Krieschen landen zen êren,

Verse: B130    und süellen si engelten lân,
Verse: B131    die den zins wolten hân.

Verse: B132    des helfen mir: komen wir des ab,
Verse: B133    all mîn guot und mîn hab

Verse: B134    wil ich mit iuch deilen.
Verse: B135    ich wil iuch büessen und heilen

Verse: B136    alle iuwer erbeit und nôt
Verse: B137    und bî iuch ligen dôt.'

Verse: B138    dô er das alsô gesagt,
Verse: B139    ir keiner lenger dô gedagt.

Verse: B140    si sprâchen mit gemeiner zungen:
Verse: B141    'dissen küng jungen

Verse: B142    frist uns got zuo dem rîch.
Verse: B143    wer im nun entwîch

Verse: B144    und im niut helf sîner êr,
Verse: B145    der sî verêchtet iemer mêr.'

Verse: B146    Allexander zehant
Verse: B147    sant boten in die lant.

Verse: B148    er hies gebieten hervart.
Verse: B149    nâch helf dô geschriben wart

Verse: B150    uber all in Kriechenlant,
Verse: B151    Macedonier wurden gemant.

Verse: B152    ze Kalap er ouch enbôt,
Verse: B153    das si im hulfen zuo der nôt;

Verse: B154    des wolt er in lônen sêr.
Verse: B155    ein stat bî dem mer

Verse: B156    Nicomdias genant
Verse: B157    sante im zwelff tûsing wîgant.

Verse: B158    über lant hies er gebieten
Verse: B159    mit trô und ouch mit mieten,

Verse: B160    das si im ze helfe kêmen.
Verse: B161    .....

Verse: B162    wer das versmâchte,
Verse: B163    das [er] den von dem land âchte.

Verse: B164    sibenzig tûsing gewan er in sîn her.



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.