TITUS
Lamprecht, Alexander (Strassburger Bearbeitung)
Part No. 13
Previous part

Chapter: 29  
Alexander erobert Italien (Rom)


Verse: B165    mit den zôch er über mer

Verse: B166    in ein gebiete rîch,
Verse: B167    die dient Daryo loblîch.

Verse: B168    dô hies er sîn man
Verse: B169    umb den zins grîfen an.

Verse: B170    er betwang si mit gewalt
Verse: B171    und nam in rîchtuom manigvalt.

Verse: B172    dar nâch in Sittirenlant
Verse: B173    fuor er mit ellenthafter hant.

Verse: B174    die betwang er manlîch.
Verse: B175    si swôren im all gelîch

Verse: B176    ze varn die hervart,
Verse: B177    des sîn vater erlâssen ward.

Verse: B178    sus mêrt er dâ sîn êr
Verse: B179    [unde] nam die widerkêr.

Verse: B180    er schiffte wider an lant
Verse: B181    und kam in Italia gerant.

Verse: B182    dô die Rœmêr das vernômen,
Verse: B183    gên im si balde kômen.

Verse: B184    si schankten im ze stund
Verse: B185    silbers hundert tûsing pfund

Verse: B186    und einen mantel rîch,
Verse: B187    von gold durchslagen köstlîch.

Verse: B188    ouch schankten si im schôn
Verse: B189    ein guldîn krôn.

Verse: B190    sus enpfiengen si den mêren.
Verse: B191    des dankte er den Rœmêren.

Verse: B192    zehen hundert er ûs in nam,
Verse: B193    die fuorte er die reise von dan.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.