TITUS
Text: Alex. 
The Middle High German Books on
The Great Alexander
Author: Ulr. 
Ulrich von Eschenbach

Alexander


On the basis of the edition
Alexander
von Ulrich von Eschenbach,
hrsg. v. Wendelin Toischer,
Tübingen 1888
entered by Stefanie Heine
and edited by Ralf Schlechtweg-Jahn,
Bayreuth 1999;
TITUS version by Ralf Schlechtweg-Jahn and Jost Gippert,
Bayreuth, 19.8.1999 / 6.10.1999 / 1.6.2000 / 19.4.2002 / 2.3.2003


[The assignment of numbers to chapters is provisional. J.G.]




Book: 1 
1. Buch

Chapter: Prol.  
Prolog


Verse: 1    Gott hêrre, ân anegenge got,
Verse: 2    rîcher künic Sâbâot,

Verse: 3    immer und êwic dîn gebot
Verse: 4    vor aller engestlîcher nôt

Verse: 5    dîn christenheit behüete
Verse: 6    durch alle dîne güete.

Verse: 7    über alle dinc hâst du gewalt,
Verse: 8    dîne wunder die sint manicvalt.

Verse: 9    wie vil ir ist der werlde kunt,
Verse: 10    noch enwart nie sô wîser munt,

Verse: 11    der dar zuo volle tuge
Verse: 12    daʒ er sie halp gezeln muge.

Verse: 13    swaʒ ir die wîsen haben verjehn,
Verse: 14    daz ist von dîner helfe geschehn.

Verse: 15    waʒ Jsâias ie gesprach,
Verse: 16    wîsheit von dir im des verjach.

Verse: 17    her Jeremîas hât es niht verdagt,
Verse: 18    ern habe ouch ein teil gesagt.

Verse: 19    her Dâvît hât ir vil geseit:
Verse: 20    des half im dîn reine gotheit.

Verse: 21    ouch hât der wîse Salomôn
Verse: 22    vil gesprochen dâ von.

Verse: 23    her Dâniêl des niht vergaʒ
Verse: 24    er kundet ir uns etewaʒ.

Verse: 25    in des prophêtîe man list
Verse: 26    ein wunder, daʒ geschriben ist.

Verse: 27    die andern wil ich nû verdagen
Verse: 28    und wil iu von dem einen sagen.

Verse: 29    er hât gewîssaget alsô:
Verse: 30    eʒ komet ein stier von aquilô,

Verse: 31    der hebt mit eime wider zorn,
Verse: 32    er bricht im beide sîne horn.

Verse: 33    der stier bediutet einen man
Verse: 34    dem al die werlt wart undertân.

Verse: 35    wie vil ir sî vernomen ê,
Verse: 36    gotes wunder ist noch mê.

Verse: 37    im ist niht unmugelich.
Verse: 38    er macht hiut einen armen rîch,

Verse: 39    er ermet morgen rîchen man:
Verse: 40    alsô er eʒ alleʒ füegen kan.

Verse: 41       In drin personen wârer got,
Verse: 42    von dîn gewaltes gebot

Verse: 43    lebt ieslich dinc in sîner aht,
Verse: 44    ouch hât dîn gotlîche maht

Verse: 45    uns cristen trôstes vil gegeben,
Verse: 46    dâ von wir hoffenlîchen leben.

Verse: 47    wer dînem gebote volgen wil,
Verse: 48    der mac verdienen vröiden vil.

Verse: 49    süeʒer got der meide suon,
Verse: 50    waʒ wir gegen dir sünden tuon,

Verse: 51    dâ hilf uns nâch dîner bermde von:
Verse: 52    ich meine dich Tetragamatôn,

Verse: 53    alsô du hêrre wære genant,
Verse: 54    ê du mensche wurde erkant.

Verse: 55       Mîn sin dich kreftic merket,
Verse: 56    mînen gelouben daʒ sêre sterket:

Verse: 57    der walt kan von dir louben,
Verse: 58    des kanst du in ouch berouben

Verse: 59    du gibest der erden soliche fruht,
Verse: 60    dâ von wir alle haben genuht

Verse: 61    und alleʒ daʒ in der werlde lebt.
Verse: 62    von dîner kraft ûf waʒʒer swebt

Verse: 63    eben tal unde berc.
Verse: 64    daʒ bringen dîn gotlîche werc:

Verse: 65    der naht der mâne helfe giht,
Verse: 66    mit sternen man gezieret siht

Verse: 67    des himelrîches firmament,
Verse: 68    und dar zuo die vier element

Verse: 69    alle ze dînen geboten sint,
Verse: 70    du mensch, du ar, du leo, du rint.

Verse: 71    der tac mit sunnen liehten schîn
Verse: 72    bringet von der helfe dîn

Verse: 73    daʒ der werlde ist gemeine,
Verse: 74    du süeʒer got aleine,

Verse: 75    aller dinge ein underbint,
Verse: 76    dîn selbes vater, dîn selbes kint,

Verse: 77    du ouch heiliger geist,
Verse: 78    aller guoten dinge volleist:

Verse: 79    alsô dîn wâre trinitât
Verse: 80    sich werder got gesamnet hât.

Verse: 81    nâch helfe Jhêsus du genennet bist,
Verse: 82    von dîner dêmuot heist du Crist.

Verse: 83    dir sich niht gelîchet.
Verse: 84    von dir himel und erde ist gerîchet:

Verse: 85    waʒ von den zwein ist bedecket,
Verse: 86    dîn gotheit daʒ hât volrecket

Verse: 87    waʒ in dem wâge fliuʒet,
Verse: 88    dîn hant daʒ gar besliuʒet.

Verse: 89    dîn belîben ist ân ende.
Verse: 90    du hâst in dîner hende

Verse: 91    die ahte der hœhe, der lenge,
Verse: 92    der wîte, der tiefe, der enge.

Verse: 93    wer mohte die wunder alle getuon,
Verse: 94    wan du, der süeʒen meide suon ?

Verse: 95       Mîn herze mit sünden ist verwunt.
Verse: 96    Ob daʒ durch mînen unwerden munt

Verse: 97    von dir iht gesprechen kan,
Verse: 98    daʒ solt du âne zürnen lân.

Verse: 99    ûf dîne genâde eʒ geschiht,
Verse: 100    dar umbe lâ michs engelten niht,

Verse: 101    ich lige in sünden begraben tief.
Verse: 102    mit kiuscher zuht dich umbeswief

Verse: 103    einer reinen meide wamme
Verse: 104    sie wart dîn muoter und dîn amme

Verse: 105    von des engels worte,
Verse: 106    daʒ unser unsælde stôrte.

Verse: 107    wol uns daʒ dich des luste,
Verse: 108    daʒ von ir süeʒen bruste

Verse: 109    werder spîse genôʒ dîn munt:
Verse: 110    dâ von uns allen fröide enstunt

Verse: 111    und der êwige zorn
Verse: 112    ûf uns alle wart verkorn,

Verse: 113    den uns Êvâ brâhte.
Verse: 114    wol uns daʒ sies gedâhte.

Verse: 115    dâ von wir armen dâ zuo tugen
Verse: 116    daʒ wir dir sippe jehen mugen.

Verse: 117    dîn geburt, dîn marter uns hât erlôst.
Verse: 118    wir haben ouch von dem toufe trôst.

Verse: 119    sît uns dîn güete alsus kan fröuwen,
Verse: 120    waʒ mac der tîvel uns gedröuwen?

Verse: 121    an sinnen hêrre rîche
Verse: 122    mich armen Uolrîche,

Verse: 123    ich bin genant von Eschenbach.
Verse: 124    waʒ her Wolfram ie gesprach

Verse: 125    daʒ ist von guotem sinne geschehen.
Verse: 126    des müeʒen wir im alle jehen,

Verse: 127    leien munt gesprach nie baʒ.
Verse: 128    ob ich kan, ich kunde iu daʒ.

Verse: 129       Der engel lieht, dîns vater wort,
Verse: 130    wâ wir dich haben überhôrt,

Verse: 131    dâ solt du niht gedenken an:
Verse: 132    du solt uns des genieʒen lân,

Verse: 133    daʒ du mensche durch uns würde.
Verse: 134    du ringe uns sünden bürde.

Verse: 135    durch daʒ dich hêrre des gezam,
Verse: 136    daʒ dîn güete an sich nam

Verse: 137    durch uns menschlîchen tôt,
Verse: 138    behüet uns vor der helle nôt

Verse: 139    und lâʒ dîne grôʒe pîn
Verse: 140    an uns niht verlorn sîn.

Verse: 141       Du vater der, die dich gebar,
Verse: 142    nim unser helflîchen war.

Verse: 143    lâʒ uns genieʒen, hêrre mîn,
Verse: 144    daʒ wir nâch dir genamet sîn:

Verse: 145    du heiʒest Crist, dâ von wir cristen.
Verse: 146    behüet uns vor des tîvels listen,

Verse: 147    der ûf uns sêre phlihtet
Verse: 148    und unsern schaden tihtet,

Verse: 149    wie er dir uns an gewinne.
Verse: 150    gip, hêrre, uns die sinne

Verse: 151    daʒ wir im alsô widerstreben,
Verse: 152    daʒ wir verdienen daʒ êwege leben.

Verse: 153       Wolt eʒ den liuten wol behagen,
Verse: 154    ich wolt in gerne ein wênic sagen.

Verse: 155    Walther ein meister was genant,
Verse: 156    in kriechisch er geschriben vant

Verse: 157    in der krônik ein teil alder geschihte,
Verse: 158    in latîne er uns die tihte:

Verse: 159    wie daʒ dar zuo kam
Verse: 160    daʒ der stier den sic nam

Verse: 161    und wie er dar zuo wart erkorn
Verse: 162    daʒ er dem wider brach sîn horn.

Verse: 163    wil mich got lâʒen leben,
Verse: 164    ruocht er mir sîne hilfe geben,

Verse: 165    sô wil ich iu ze diute sagen
Verse: 166    von dem biderben und dem zagen

Verse: 167    und wie sich von êrste huop die nôt,
Verse: 168    dar umbe mange bliben tôt,

Verse: 169    und wie manec herze flôch
Verse: 170    von vröide und sich ze jâmer zôch,

Verse: 171    ir verliesen und ir gewinnen.
Verse: 172    nû hœrt der rede beginnen.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.