TITUS
Ulrich von Eschenbach, Alexander
Part No. 32
Previous part

Chapter: 61  
Ciliciâ unterwirft sich


Verse: 4771       Nû was an tugenden der bewart
Verse: 4772    gegen Ciliciâ ûf der vart.

Verse: 4773    dô er kam für die stat,
Verse: 4774    dâ von daʒ lant den namen hât,

Verse: 4775    sîner wîsheit er genôʒ,
Verse: 4776    daʒ er dâ bleip strîtes blôʒ:

Verse: 4777    in was dâ strîtes unnôt,
Verse: 4778    die stat zehant sich erbôt

Verse: 4779    dem fuireten âne schande.
Verse: 4780    in Cilicier lande

Verse: 4781    sus der hêrre dâ gefuor:
Verse: 4782    etslich stat mit willen swuor,

Verse: 4783    etslich sich widersazte,
Verse: 4784    die er ungefuoge lazte,

Verse: 4785    und sie im machte vil gereht
Verse: 4786    und gegen im ir gemüete sleht.

Verse: 4787    von danne er ritter fuorte
Verse: 4788    mit im, die ouch manheit ruorte,

Verse: 4789    wol hundert oder mêr.
Verse: 4790    alsô mêrte sich sîn her.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.