TITUS
Ulrich von Eschenbach, Alexander
Part No. 157
Previous part

Chapter: 250  
Ein lichtloses Land


Verse: 21979       Dâ berihte sich der wîse
Verse: 21980    mit tranke und mit spîse.

Verse: 21981    er zogte in ein herteʒ lant,
Verse: 21982    dâ er vinster unde wüeste vant:

Verse: 21983    beide tac unde naht
Verse: 21984    sô was daʒ lieht in einer aht.

Verse: 21985    des wundert Alexandern.
Verse: 21986    ir einer ie den andern

Verse: 21987    von vinster kûme erkande.
Verse: 21988    dô er in dem lande

Verse: 21989    het gezogt siben tage,
Verse: 21990    nâch der histôrien sage

Verse: 21991    an ein waʒʒer sie quâmen,
Verse: 21992    dâ sie wunder ouch vernâmen:

Verse: 21993    daʒ ist ze allen zîten heiʒ.
Verse: 21994    an dem waʒʒer lac ein creiʒ,

Verse: 21995    der was vol schœner frouwen.
Verse: 21996    sie mohten dâ wunder schouwen.

Verse: 21997    sie truogen engeslich gewant.
Verse: 21998    ieglîche het in ir hant

Verse: 21999    geworht ein kunstlîcheʒ werc,
Verse: 22000    von silber einen halsberc,

Verse: 22001    den sie durch nôt an sich warf.
Verse: 22002    starc wol snîdende scharf

Verse: 22003    fuorten sie alle sament swert
Verse: 22004    sie riten grôʒe schœne phert.

Verse: 22005    die frouwen wâren wol getân,
Verse: 22006    under in wonte kein man.

Verse: 22007    daʒ waʒʒer schiet sie beide,
Verse: 22008    daʒ was dem hêrren leide:

Verse: 22009    er wær hin über gerne ze in.
Verse: 22010    nû enmoht des niht sîn.

Verse: 22011    daʒ waʒʒer was tief unde vlôʒ.
Verse: 22012    ipomites und trachen grôʒ

Verse: 22013    in dem waʒʒer wâren,
Verse: 22014    dar umb sie daʒ verbâren

Verse: 22015    und kâmen ûf daʒ waʒʒer niht.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.