TITUS
Ulrich von Eschenbach, Alexander
Part No. 158
Previous part

Chapter: 216  
Kampf mit einem Ipomites


Verse: 22016       Er schiet von dan und kam dâ lieht

Verse: 22017    was, dâ er aber vant
Verse: 22018    wüeste ein mosic lant.

Verse: 22019    daʒ het von rôre grôʒen walt.
Verse: 22020    dâ durch wolt der helt balt.

Verse: 22021    ûʒ dem walde lief ein tier:
Verse: 22022    als daʒ buoch saget mir,

Verse: 22023    eʒ was sêre engeslich,
Verse: 22024    einem ipomites gelîch,

Verse: 22025    an der brust vorne
Verse: 22026    als ein cocodrille het eʒ horne,

Verse: 22027    als ein sêrâ truoc eʒ rücke.
Verse: 22028    eʒ het valsche tücke.

Verse: 22029    dô eʒ die liute angesach,
Verse: 22030    dâ lieʒ eʒ im niht wesen gâch,

Verse: 22031    eʒ sleich den liuten træge mite,
Verse: 22032    dar nâch spranc eʒ in löuwen site.

Verse: 22033    zwên ritter eʒ erstieʒ,
Verse: 22034    die eʒ tôt ligen lieʒ.

Verse: 22035    daʒ tier mit horne was verladen,
Verse: 22036    im moht dehein wâfen niht geschaden.

Verse: 22037    sie muosten lîden grôʒe nôt,
Verse: 22038    ê daʒ sie eʒ sluogen tôt

Verse: 22039    mit grôʒen kolben îserîn.
Verse: 22040    dô bestunt sie aber ein ander pîn,

Verse: 22041    die in vröude benam.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.