TITUS
Ulrich von Eschenbach, Alexander
Part No. 159
Previous part

Chapter: 217  
Kampf mit Elefanten


Verse: 22042       des âbendes er an ein waʒʒer quam,

Verse: 22043    Bûchemâr ist daʒ genant.
Verse: 22044    dâ quam vil grôʒer elefant,

Verse: 22045    die racten ir granse,
Verse: 22046    die sie haben vor dem vlanse,

Verse: 22047    dâ mit sie wolden vâhen
Verse: 22048    die liute. dô sie sâhen

Verse: 22049    die tier vaste gegen in jagen,
Verse: 22050    die ritter begunden sêre verzagen.

Verse: 22051    dô daʒ Alexander sach,
Verse: 22052    unervorht der fürste sprach

Verse: 22053    'neinâ, edeln ritter wert,
Verse: 22054    macht iuch vaste ûf die phert.

Verse: 22055    wir wollen sie alle vellen tôt,
Verse: 22056    daʒ wir des lîden keine nôt

Verse: 22057    heiʒt erschrîen die swîn,
Verse: 22058    waʒ der in den herten sîn,

Verse: 22059    die bûsînen heiʒt erclengen,
Verse: 22060    mit der tambûren dône mengen:

Verse: 22061    sô daʒ erhœrn die elefant,
Verse: 22062    sie geben die vluht alzehant.'

Verse: 22063    dô man getet als er sprach,
Verse: 22064    die tier man alle vliehen sach.

Verse: 22065    dô ranten in die werden nâch
Verse: 22066    und sluogen ir ab ein michel vâch.

Verse: 22067    der gebeine hieʒ er mit im nemen
Verse: 22068    und ouch ir zene, der solt in zemen:

Verse: 22069    er wolde dâ von machen einen thrôn,
Verse: 22070    wen er quæme ze Babilôn.




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.