TITUS
Alexanderroman (Wernigeroder Handschrift)
Part No. 55
Previous part

Chapter: 108  
Darius 3. Brief an Alexander


Verse: 2127    Da Darius die geschiht
Verse: 2128    Vernam, er pait niht

Verse: 2129    Lenger, er schraib Allexandro
Verse: 2130    Ainen brief, der sprach also:

Verse: 2131    'Wiß daz uns von dir
Verse: 2132    Gesagt ist wie dein begir

Verse: 2133    Stand dor auf und der synn
Verse: 2134    Daz du der wir synn,

Verse: 2135    Werdest. du pist ain gauch,
Verse: 2136    Daz du sin dor noch

Verse: 2137    Höst. waist du nicht,
Verse: 2138    Als luczel daz beschicht

Verse: 2139    Daz ain esel flieg höch,
Verse: 2140    Wann daz swer seyget döch

Verse: 2141    Nider zu der erden?
Verse: 2142    Laz dir die hoffart ferren

Verse: 2143    Dar umb daz du höst
Verse: 2144    Genomen ainen sig: du lösz

Verse: 2145    Wol benügen dich.
Verse: 2146    Ich sag dir sicherlich,

Verse: 2147    Ob du host die künigein
Verse: 2148    Gefangen und die kind mein,

Verse: 2149    Ich würd dez gramer vil.
Verse: 2150    Du wiß, ich wil

Verse: 2151    Raten dir daz dü
Verse: 2152    Hin dan schaidest nü,

Verse: 2153    E daz dich der zorn mein
Verse: 2154    Begreift, daz du daz haubt dein

Verse: 2155    Müst han verlörn,
Verse: 2156    Begreiffet dich mein zörn.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.