TITUS
Alexanderroman (Wernigeroder Handschrift)
Part No. 56
Previous part

Chapter: 109  
Alexanders 3. Antwort an Darius


Verse: 2157    Do die potschaft köm
Verse: 2158    Allexander und vernäm,

Verse: 2159    Er lachet und hiez daz
Verse: 2160    Mann im schrieb. der brief waz

Verse: 2161    Und sprach also:
Verse: 2162    'Dem künig Dario

Verse: 2163    Antbürt ich Philippen kind.
Verse: 2164    Du waist wol daz sind

Verse: 2165    Uber müt und hoffart
Verse: 2166    Vast wider die art

Verse: 2167    Der goter, und daz sie stroffend sein
Verse: 2168    Die da nit tötleich sein

Verse: 2169    Wend und doch tötlich sind.
Verse: 2170    Daz selb ich auch an dir vind.

Verse: 2171    Dü höhst zu den gottern dich
Verse: 2172    Und du doch tötlich

Verse: 2173    Pist, als ich auch pin:
Verse: 2174    Da zweyfelt nit an mein synn.

Verse: 2175    Du sprichst mein vordern
Verse: 2176    Seind dir zu gehörnde

Verse: 2177    Gewesen und den deinen.
Verse: 2178    Dez wil ich dich besinnen

Verse: 2179    Umb waz sach daz
Verse: 2180    Beschach und umb waz

Verse: 2181    Ich und sie ez hand
Verse: 2182    Getann: da pey man vand

Verse: 2183    Unser zuht und adelkeit
Verse: 2184    Hat euch züht und er geseit.

Verse: 2185    Auch hast du geschriben mir
Verse: 2186    Ich hab ain clain sig an dir

Verse: 2187    Genomen: daz ich da von
Verse: 2188    Nit ze vil güte nü,

Verse: 2189    Daz ich an dir gesigt hän,
Verse: 2190    Die er wil ich lann

Verse: 2191    Den götern und mir nit geben.
Verse: 2192    Wiß pey meinem leben,

Verse: 2193    Ich hann dir vor öft
Verse: 2194    Geschriben und höft

Verse: 2195    Du soltest dich beriht paz
Verse: 2196    Mit mir hann und on haz.

Verse: 2197    Daz hilft aber nicht.
Verse: 2198    Nü wil ich kain geticht

Verse: 2199    Noch brief dir schreiben më:
Verse: 2200    Du solt wißen daz, e

Verse: 2201    Kürczer zeit kömpt für,
Verse: 2202    Daz du mein spür

Verse: 2203    Sihst und daz ich wil
Verse: 2204    Mich deiner reich gar vil

Verse: 2205    Under winden und deiner krön,
Verse: 2206    Die müß mir werden schön

Verse: 2207    Auf geseczt,' und gab zu hant
Verse: 2208    Den poten in ir hant

Verse: 2209    Den prief und gröz prësencz.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.