TITUS
Alexanderroman (Wernigeroder Handschrift)
Part No. 57
Previous part

Chapter: 110  
Alexanders Brief an die persischen Fürsten


Verse: 2210    Dar nach ward von im gesent

Verse: 2211    Den fürsten dez landez ain brieflein,
Verse: 2212    Dez matery müst sein:

Verse: 2213    'Ich kind von Macedo
Verse: 2214    Allexander enpewͤt so

Verse: 2215    Allen fürsten und hern
Verse: 2216    Nachent und auch ferren

Verse: 2217    In Persia und auch anders wa,
Verse: 2218    Die piz her dem Daria

Verse: 2219    Sind mit dinst undertann
Verse: 2220    Gewesen, daz sie daz sullent lann

Verse: 2221    Hynnan für und sie mir
Verse: 2222    Raychent zins, als ir

Verse: 2223    Im habt geraicht piz her.
Verse: 2224    Noch gepewt ich mer

Verse: 2225    Daz ewr yglicher besundern
Verse: 2226    Kürsen von wilden kündern

Verse: 2227    Schikt tausent an der stünd
Verse: 2228    Von pelickein und von pünd,

Verse: 2229    Die pesten so mans vind,
Verse: 2230    Uns und dem gesind

Verse: 2231    Zu dem waßer Eufrates,
Verse: 2232    Umb daz ir dez

Verse: 2233    Sullend genißen umb uns.'
Verse: 2234    Die herren schicken sünß

Verse: 2235    Die brief dem künig Dario,
Verse: 2236    Yrem herren. dar zu Nastano,

Verse: 2237    Der der fürsten ainer waz,
Verse: 2238    Schraib dem künig daz:

Verse: 2239    'Dario Persarüm,
Verse: 2240    Dem künig der künig terrarum,

Verse: 2241    Enpewt dein diener Nastanüs.
Verse: 2242    Wiß daz Allexandrus,

Verse: 2243    Der stark und der fraydig,
Verse: 2244    An uns ainen großen sig

Verse: 2245    Genomen hat und hat erslagen
Verse: 2246    Mer volks dann ymmant sagen

Verse: 2247    Mag: auch erslagen sind
Verse: 2248    Zwenn der grösten fürsten kind,

Verse: 2249    So du sie host, und ich hart wuno.
Verse: 2250    Wiß daz er an diser stünd

Verse: 2251    Vil fürsten an sich geczögen
Verse: 2252    Hat mit worten und gepögen

Verse: 2253    Mit gewalt und mit freüntschaft
Verse: 2254    Daz größ ist sein kraft.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.