TITUS
Alexanderroman (Wernigeroder Handschrift)
Part No. 64
Previous part

Chapter: 118  
Schlacht am Fluß Canczer (Gaugamela?)


Verse: 2513    Doch wolt er nit ab lan
Verse: 2514    Er wolt ye mit streit bestan

Verse: 2515    Allexandern, und sänt
Verse: 2516    Von land zu land,

Verse: 2517    Daz er praht auf ainen tag
Verse: 2518    Nach dises püches sag

Verse: 2519    An daz wazzer Canczer
Verse: 2520    Manlicher held und ritter,

Verse: 2521    Nach dem als sie Persya
Verse: 2522    Daz land gehaben möcht da,

Verse: 2523    Der lagyon zwainczig.
Verse: 2524    Daz waz ain unmeßig

Verse: 2525    Volk nach der zall.
Verse: 2526    Da daz zu Allexander hal,

Verse: 2527    Er nam der fürsten sein ain tail:
Verse: 2528    Der ellenthaft degen gayl

Verse: 2529    Rait auf ainen perg dann
Verse: 2530    Da er wol besehen kan

Verse: 2531    Und schaczen ir maht. '
Verse: 2532    Dicz ist on all aht

Verse: 2533    Daz sie nymmant müg gezellen.
Verse: 2534    Nü süll wir uns hie wellen

Verse: 2535    Daz wir mit in willicleich
Verse: 2536    Fechten wend sicherleich.

Verse: 2537    Habt all vesten müt,
Verse: 2538    Sie sind zu fechten nit güt.'

Verse: 2539    So redt der unverczagt:
Verse: 2540    Vil pald er her ab jagt.

Verse: 2541    Zu yn sprach Allexander:
Verse: 2542    'Wol auf, wir sullen gut und er

Verse: 2543    Hewt gewynnen ritterlich.'
Verse: 2544    Nit lenger sie do sawmten sich:

Verse: 2545    Zu samen sie da drüngen
Verse: 2546    Daz die swert erklungen

Verse: 2547    Auf den liehten helmen glancz.
Verse: 2548    Da belaib luczel spieß gancz:

Verse: 2549    Sie wurden alle erbrochen
Verse: 2550    Und ritterlich verstochen.

Verse: 2551    Da wart der streit hërt.
Verse: 2552    Vil mangem da gebert

Verse: 2553    Ward rük und die pain,
Verse: 2554    Da von er nymmer mer haim

Verse: 2555    Köm zu seinem weib,
Verse: 2556    Wann er verloz den leib.

Verse: 2557    Der stark Allexander
Verse: 2558    Eür in dem hauffen her,

Verse: 2559    Daz in nit leiden möchten
Verse: 2560    Die Persian noch gedohten.

Verse: 2561    Er het ain solich an gesicht
Verse: 2562    Daz in die Persyan nicht

Verse: 2563    Törsten geplicken an,
Verse: 2564    So greulich waz der man.

Verse: 2565    Da ez gen dem abent gieng,
Verse: 2566    Der Persia vil fiel

Verse: 2567    Tot erslagen auf den plan.
Verse: 2568    Ain pach fliezzen do begann

Verse: 2569    Von dem plut ze tal.
Verse: 2570    Sie lagent auf der wäll

Verse: 2571    Recht als in dem snyt
Verse: 2572    Daz korn auf dem veld liëgt.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.