TITUS
Alexanderroman (Wernigeroder Handschrift)
Part No. 71
Previous part

Chapter: 147  
Alexander bestraft die Mörder Darius'


Verse: 2931    Dar nach hiez er rüffen
Verse: 2932    Ain still und guffen,

Verse: 2933    Und sprach an der stünd,
Verse: 2934    Ob ymmant er fünd

Verse: 2935    Der Darium het erslagen,
Verse: 2936    Dem wolt er künden und sagen

Verse: 2937    Daz er im ymmer mer
Verse: 2938    Tat genad und er

Verse: 2939    Nach dem als er wirdig ist.
Verse: 2940    'Ich swer im auch an diser frist

Verse: 2941    Ain ayt pey den göttern mein
Verse: 2942    Daz er sol erhöchet sein

Verse: 2943    Für all fürsten in dem reych:
Verse: 2944    Daz gelob ich sicherleich.'

Verse: 2945    Da die morder daz vernomen,
Verse: 2946    Vil pald sie her für kömen

Verse: 2947    Und sprachent: 'her, wir sind hie,
Verse: 2948    Waz du wilt und wie

Verse: 2949    Du schaffest mit uns.'
Verse: 2950    Der her hiez in sünß

Verse: 2951    Binden füzz und hënd:
Verse: 2952    Daz geschach vil behend.

Verse: 2953    Da sprachen die morder:
Verse: 2954    'Genad, Allexander!

Verse: 2955    Halt uns die trew stet
Verse: 2956    Die du ieczo tet!'

Verse: 2957    Er sprach zu in: 'die trew mein
Verse: 2958    Sol gar unczerbrochen sein,

Verse: 2959    Und wil euch reylich geben
Verse: 2960    Nach dem als ewr leben

Verse: 2961    Ir selb habt gewant,
Verse: 2962    Daz ir müßet erkant

Verse: 2963    Werden uber fürsten und höch.'
Verse: 2964    Zu dem grab man sie zoch

Verse: 2965    Da der künig Darius
Verse: 2966    Inn lag: alsus

Verse: 2967    Da er sie töten hiez.
Verse: 2968    An ainen galgen er sie liezz

Verse: 2969    Hencken als im geczam.
Verse: 2970    Als ir mort nam

Verse: 2971    Gar wirdigen solt.
Verse: 2972    Dar umb warn dem künig hold

Verse: 2973    Alle die von Persya
Verse: 2974    Und paten Allexandrum sä

Verse: 2975    Umb ainen der hiez Düricins
Verse: 2976    Und waz ain nef künig Darins,

Verse: 2977    Daz er in den zu herczog lie,
Verse: 2978    Als er vor auch ye

Verse: 2979    Waz gewesen lang zeit:
Verse: 2980    Dez gewert er sie on streit.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.