TITUS
Alexanderroman (Wernigeroder Handschrift)
Part No. 70
Previous part

Chapter: 141  
Alexanders Krönung


Verse: 2870    Dar nach on ainem tag

Verse: 2871    Allexander der werd
Verse: 2872    Hiez gebieten nachent und ver

Verse: 2873    Auzz in Persia daz land
Verse: 2874    Daz die fürsten gemand

Verse: 2875    Wernd daz sie keines schon:
Verse: 2876    Er wolt von in die krön

Verse: 2877    Enphahen der land
Verse: 2878    Die Darius hand

Verse: 2879    Vor gedinet hannd.
Verse: 2880    'Ich wil auch daz ir daz nit land,

Verse: 2881    Wann ich wil Rösäne
Verse: 2882    Nemen zu der e,

Verse: 2883    Als ir vater pat mich.'
Verse: 2884    Dar nach gar kürczlich

Verse: 2885    Komen die fursten dar
Verse: 2886    Nach seinem pot und haiß gar.

Verse: 2887    Auf ainen stül da säzz
Verse: 2888    Allexander, der waz

Verse: 2889    Von Cyro gemacht
Verse: 2890    Und dar zu gedäht

Verse: 2891    Von gold und von gestain:
Verse: 2892    Dor auf saz der rain.

Verse: 2893    Die fürsten von Persya
Verse: 2894    Ym saczten auf iesa

Verse: 2895    Die krön von dem reych
Verse: 2896    Und swörend im all gleich

Verse: 2897    Daz sie in wolten hann
Verse: 2898    Für ainen hern on wann.

Verse: 2899    Da wolt er nit verczeichen
Verse: 2900    Und begund in leichen

Verse: 2901    Land und leut da,
Verse: 2902    Als sie ez vor auch sa

Verse: 2903    Heten gehabt von Dario,
Verse: 2904    Und sprach zu in allen do:

Verse: 2905    'Ir sullant besiczen die land:
Verse: 2906    Dez seit von mir gemant,

Verse: 2907    Als ir vor habt getann,
Verse: 2908    Land die gerechtickait gann

Verse: 2909    Die sleht und die krumen nicht.
Verse: 2910    Lügt, daz ir all richt

Verse: 2911    Den armen leuten wol,
Verse: 2912    Dem reychen als mann sol.

Verse: 2913    Auch gepieten und haiz wir
Verse: 2914    Daz in allen stëten ir

Verse: 2915    Seczt amptleut und rihter,
Verse: 2916    Als sie Darius piz her

Verse: 2917    Gepraht hat, und daz die
Verse: 2918    Gerehtickeit tuend ye,

Verse: 2919    So daz frid yderman
Verse: 2920    In den landen müg gehann.

Verse: 2921    Wir wollend und mainent daz,
Verse: 2922    Daz nymmant on allen haz

Verse: 2923    Kain harnasch trag
Verse: 2924    Bayde naht und tag,

Verse: 2925    Dann die da sullend wärten
Verse: 2926    Der strözz und der pörten

Verse: 2927    In stet und auf land,
Verse: 2928    Daz frid sey bekand

Verse: 2929    Von Kriechen piz her.'
Verse: 2930    Also sprach Allexander.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.