TITUS
Alexanderroman (Wernigeroder Handschrift)
Part No. 69
Previous part

Chapter: 136  
Darius' Ermordung


Verse: 2701    Nu kom ez daz Darius
Verse: 2702    Zu veld zoch. alsüs

Verse: 2703    Nochet Allexander im.
Verse: 2704    Nü hör und vernym !

Verse: 2705    Die grösten fürsten Darii
Verse: 2706    Giengen zu rat: do sprachen sie:

Verse: 2707    'Mit der hoffart die Darius
Verse: 2708    Hat getann alsüs,

Verse: 2709    Sey wir kümen umb er und güt.'
Verse: 2710    'Ez wer pillich und gaüt,'

Verse: 2711    Sprach ainer, 'daz er stürb,
Verse: 2712    E er uns allen er würb

Verse: 2713    Smachait und schand
Verse: 2714    Und wir leiht von dem land

Verse: 2715    Wurden geweyset.'
Verse: 2716    Den selben rat preyset

Verse: 2717    Der gesellen ainer,
Verse: 2718    Der da hiez Oriaber.

Verse: 2719    Die andern, Fyses und Färtes,
Verse: 2720    Wurden uber ain dez

Verse: 2721    Daz sie yren herren Darium
Verse: 2722    Erslahen wolten. war ümb

Verse: 2723    Getorsten sie daz ye getün!
Verse: 2724    Sie heten von im rüm

Verse: 2725    Und er vil enpfangen.
Verse: 2726    Dar nach komen gegangen

Verse: 2727    Die morder gar mortleich
Verse: 2728    Mit swerten feintleich.

Verse: 2729    Da Darius sie ersach,
Verse: 2730    Gar tügentlich er sprach:

Verse: 2731    'Waz maint ir herren hie?
Verse: 2732    Wann ich mich alczeit lie

Verse: 2733    An euch, geruchet genaden mich.
Verse: 2734    Waz ir wolt, daz tün ich.'

Verse: 2735    Die fursten unrain
Verse: 2736    Sich kerten dar an klain

Verse: 2737    Und slügent dem fürsten höch gebörn
Verse: 2738    In mortlichen zorn

Verse: 2739    Manig wunden tief:
Verse: 2740    Der künig ser rief.

Verse: 2741    Mit dem liezzent sie liegen in
Verse: 2742    Und kerten da hin:

Verse: 2743    Den da torst nymant iht
Verse: 2744    Tün zu der geschiht,

Verse: 2745    Wann sie warn mehtig gar
Verse: 2746    in land und leut zwar.

Verse: 2747    Nu köm daz mer sa ze hänt
Verse: 2748    Für den werden weygant

Verse: 2749    Allexander. für die stat Süsis
Verse: 2750    Zoch er zu hant vil gewiß.

Verse: 2751    Die porten im auf getann
Verse: 2752    Würden snelliclich und ein gelänn.

Verse: 2753    Also gelukt sich
Verse: 2754    Alle sein sach sicherlich,

Verse: 2755    Daz im daz lant Persia
Verse: 2756    Ward undertenig sa.

Verse: 2757    Nu fragt Allexandrüs
Verse: 2758    Wa weri Darius.

Verse: 2759    'Her, in dem palast
Verse: 2760    Hat er laides uber last

Verse: 2761    Von smerczen seiner wünden.'
Verse: 2762    An den selben stünden

Verse: 2763    Gieng er zu schawen in.
Verse: 2764    Do er in den palast hin

Verse: 2765    Kom, der waz so kostenlich gar,
Verse: 2766    Da er dez eben war

Verse: 2767    Nam, daz ez in wundërt sër:
Verse: 2768    Den het Cyrus der künig her

Verse: 2769    Gemacht mit großer zier.
Verse: 2770    Da köm er vil schier

Verse: 2771    Da er Darium krancken vand.
Verse: 2772    Er gieng zu im sa ze hänt

Verse: 2773    Und clagt ser sein ungemach.
Verse: 2774    Vil tügentlich er zu im sprach:

Verse: 2775    'Künig und herre mein,
Verse: 2776    Lazz auz dem herczzen dein

Verse: 2777    Daz laid und den smerczen,
Verse: 2778    Und la dir nicht zu herczen

Verse: 2779    Gann: ich swër dir ainen ayd
Verse: 2780    Daz dir nymmer lait

Verse: 2781    Von mir sol widerfärn.
Verse: 2782    Du solt selb bewarn

Verse: 2783    Daz reych und die krön:
Verse: 2784    Die solt du pilleich schön

Verse: 2785    Tragen piz an den töt dein.
Verse: 2786    Ich wil dir gern sein

Verse: 2787    Als dein aygen sün berayt.
Verse: 2788    Nymmant sol ains andern lait

Verse: 2789    Im zu größer freud nemmen
Verse: 2790    Und main daz ym geczeme

Verse: 2791    Da von geluckes vil.
Verse: 2792    Geluk ist ain wünderliches spil:

Verse: 2793    Heut höch und morgen nider.
Verse: 2794    Lieber her, du sag mir sieder

Verse: 2795    Wer dich so ermört
Verse: 2796    Hab, daz er werd erstört

Verse: 2797    Von mir, als im geczem,
Verse: 2798    Und auch den rechten lon nem,

Verse: 2799    Der im dor umb berait ist.'
Verse: 2800    An der selben frist

Verse: 2801    Sach in Darius an
Verse: 2802    Vil cleglich und sprechen began:

Verse: 2803    'Sün, dein weisheit waiß,
Verse: 2804    Daz allez daz der werlt kraiß

Verse: 2805    Begreift und begriffen hat,
Verse: 2806    Daz daz allez sampt stat

Verse: 2807    In wegung und nit vest
Verse: 2808    Ist: so hat ez befest

Verse: 2809    Die Gotheit, die ewig ist,
Verse: 2810    Mit yrem gotlichen list.

Verse: 2811    Sün, vernym mich:
Verse: 2812    Ainen rat gib ich

Verse: 2813    Dir, den merk eben:
Verse: 2814    Du solt nit zu höch streben.

Verse: 2815    Da ich kom auf geluckes zil,
Verse: 2816    Da von gewann ich hoffart vil

Verse: 2817    Und uber müt so groß
Verse: 2818    Daz ich maint der goter genöß

Verse: 2819    Sein. in der werlt ez so stat:
Verse: 2820    Wem ez wol oder ubel gat,

Verse: 2821    Sie höhen oft den nider
Verse: 2822    Und machent nider wider

Verse: 2823    Den der da hoch waz.
Verse: 2824    Lieber sun, merk daz,

Verse: 2825    Wie höch du nü stest,
Verse: 2826    Denck doch an daz leczst.

Verse: 2827    Nym zaichen an mir,
Verse: 2828    Wie ich lieg vor dir:

Verse: 2829    Als mehtig ich ward ye,
Verse: 2830    So vermag ich nichcz hie

Verse: 2831    Mer. wiß daz wir gleich sein
Verse: 2832    Dem wepp daz ain würmlein

Verse: 2833    Lang zeit hat gemacht
Verse: 2834    Und daz von ainem braht

Verse: 2835    Ains winds erstöret
Verse: 2836    Wirt pald und erföret.

Verse: 2837    Lieber sün, nü wil ich
Verse: 2838    Dich pitten daz du mich

Verse: 2839    Begrabst mit deiner hënd,
Verse: 2840    So ich daz leben end,

Verse: 2841    Daz mein küniglicher leib
Verse: 2842    Begraben werd von küniges leib.

Verse: 2843    Mich dunkt daz die zeit
Verse: 2844    Nache die mir geit

Verse: 2845    End dem leben mein.
Verse: 2846    Dor umb loz dir enpfolhen sein

Verse: 2847    Weib, kind und müter.
Verse: 2848    Du lieber sün guter,

Verse: 2849    Nym dir zu weib Rösane
Verse: 2850    Mein töchter und zu rechter e:

Verse: 2851    Sie ist von edel gepörn
Verse: 2852    Wol und auß erkörn,

Verse: 2853    Daz ez euch payden zymmet wöl.
Verse: 2854    Fürpaz von reht sol

Verse: 2855    Kriechen und Persy land
Verse: 2856    Ain künigreich sein genand,

Verse: 2857    Da mit ain gemainer frid werd.'
Verse: 2858    Zu der wend sich kert

Verse: 2859    Darins und starb zu hant.
Verse: 2860    Da ward jamers vil bekant.

Verse: 2861    Allexander der fürst reych
Verse: 2862    Mit großem wainen clegleich

Verse: 2863    Den künig zu dem grab trüg.
Verse: 2864    Da waz ain großer unfüg

Verse: 2865    Von clagen und von wainen.
Verse: 2866    Daz kunt dann beschainen

Verse: 2867    Allexander der tugënreych
Verse: 2868    Clagt in auch clegleich

Verse: 2869    Mit jamer und mit clag.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.