TITUS
Alexanderroman (Wernigeroder Handschrift)
Part No. 75
Previous part

Chapter: 165  
Meuterei der Vasallen


Verse: 3054    Dar nach hiez der frön

Verse: 3055    Die Kriechen und die Persyan
Verse: 3056    Komen für sich: daz ward getann.

Verse: 3057    Mit den zoch er zu hant
Verse: 3058    In Indorum lant,

Verse: 3059    Daz Poro von Yndia
Verse: 3060    Dem künig dient da.

Verse: 3061    Daz waz ain lant weit
Verse: 3062    Und daz da luczel früht geit.

Verse: 3063    Ez ist von moß und brüch
Verse: 3064    Alles, daz dar dürch

Verse: 3065    Nyemant komen mag
Verse: 3066    Dann mit arbait. ich sag

Verse: 3067    Daz er duldet grözz nöt.
Verse: 3068    Die seinen warn noch töt

Verse: 3069    Und sprachent all under in:
Verse: 3070    'Allexander hat den sin

Verse: 3071    Daz er vechtens nymmer sat
Verse: 3072    Wirt. waz sach hat

Verse: 3073    Uns braht duncken nit genunk
Verse: 3074    Daz er Darium slüg

Verse: 3075    Und im nam leut und länd?
Verse: 3076    Wir sullent all gemant

Verse: 3077    Sein daz wir gen Kriechen
Verse: 3078    Kern: waz sull wir kriechen

Verse: 3079    Hie in dem paland?'
Verse: 3080    Da Allexander versänd

Verse: 3081    Daz mürmël under in,
Verse: 3082    Er hiez ain still sin

Verse: 3083    Auf ainem weyten plann
Verse: 3084    Und hiez da sunder stann

Verse: 3085    Die Kriechen und die Persia.
Verse: 3086    Zu den Kriechen sprach er sa:

Verse: 3087    'O ir edeln ritter güt,
Verse: 3088    Ir starcken und ir höchgemüt

Verse: 3089    Wolt ir also lozzen mich,
Verse: 3090    So müzz zu ruk pald ich

Verse: 3091    Mich von den feinden keren:
Verse: 3092    Aller erst so würd mëren

Verse: 3093    Sich unser laster und schand.
Verse: 3094    Gedenckend daz ir hand

Verse: 3095    Mit ewr ritterlichen art
Verse: 3096    Er, grözz rüm behart

Verse: 3097    An Dario und dem land sein.
Verse: 3098    Ir wißet wol waz pein

Verse: 3099    Ich dar umb erliden han:
Verse: 3100    Dar umb ir mich lann

Verse: 3101    Nit sult. wißt, als Darius
Verse: 3102    Von uns vertriben ist, süzz

Verse: 3103    Beschicht künig Pöro:
Verse: 3104    So müg wir dann frö

Verse: 3105    Haim ze land keren.
Verse: 3106    So sich tüt mëren

Verse: 3107    Unser lob und preyß.'
Verse: 3108    Sie sprachent all mit fleiß:

Verse: 3109    'Du hast uns als wol getan
Verse: 3110    Daz wir gern bestan

Verse: 3111    Pey dir wend ymmer mer.'
Verse: 3112    Dez dankt in der hër.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.