TITUS
Alexanderroman (Wernigeroder Handschrift)
Part No. 76
Previous part

Chapter: 166  
Poros' Brief an Alexander


Verse: 3113    Do Allexander also
Verse: 3114    Lag in Yndia, do

Verse: 3115    Schraib im der künig Porüs
Verse: 3116    Ainen brief alsus:

Verse: 3117    'Der grözz kunig von Indian
Verse: 3118    Porüs, der enpeut san

Verse: 3119    Allexander, der im raublich
Verse: 3120    Undertan manig künigreich

Verse: 3121    Hat gemacht in kürczen tagen.
Verse: 3122    Da von man pilleich von dir sagen

Verse: 3123    Sol daz du ain rauber pist,
Verse: 3124    Wann du kundigen list

Verse: 3125    Hast, da mit du mir gleichen
Verse: 3126    Wilt vil untötleichen:

Verse: 3127    Hat dich die torhait so erhöht,
Verse: 3128    Du wirst dez sicher enpfloht

Verse: 3129    Von uns. und wiß, wir sind
Verse: 3130    Nit als Darius ain kind.

Verse: 3131    Dar umb daz dir gelungen ist
Verse: 3132    Yeczo in ainer kurczen frist

Verse: 3133    An ainem clain ding,
Verse: 3134    Ich hof daz dir geling

Verse: 3135    Nit an aim daz großer sey.
Verse: 3136    Daz mich dunkt, dir wone pey

Verse: 3137    Uberige hoffart.
Verse: 3138    Wann du mit deiner art,

Verse: 3139    Als du pist tötlich,
Verse: 3140    Getwingest gewalticlich

Verse: 3141    Got daz er kom her nider,
Verse: 3142    Wann du daz tust, syeder

Verse: 3143    So dienet dann dir
Verse: 3144    Mein land auch mit mir.

Verse: 3145    Ich sag sicher für war
Verse: 3146    Dir, ez sint vil jar

Verse: 3147    Daz Kriechen undertan
Verse: 3148    Waz der kron von Yndian:

Verse: 3149    Daz habend sie nü gar
Verse: 3150    Verlazzen, daz ez nit war

Verse: 3151    Sölhe früht und reichtüm
Verse: 3152    Als India. dar umb

Verse: 3153    Gepieten und haißen dich
Verse: 3154    Wir, daz du hinder sich

Verse: 3155    Ziehest, und nym nit ze müt
Verse: 3156    Daz dir nymmer gut tüt.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.