TITUS
Alexanderroman (Wernigeroder Handschrift)
Part No. 77
Previous part

Chapter: 167  
Alexanders Antwort an Poros


Verse: 3157    Da die potschaft ward
Verse: 3158    Gelesen, da vil härt

Verse: 3159    Erschracken Allexanders mann:
Verse: 3160    Zu in er sprechen begann:

Verse: 3161    'Wollent ir euch Porüs wört
Verse: 3162    Erschrecken lan? hand ir nit gehört

Verse: 3163    Die wort die oft Darius
Verse: 3164    Uns enbot alsüs?

Verse: 3165    Ez ist von natür ir art
Verse: 3166    Daz sie habent höffart.

Verse: 3167    Wir sullen wort im auch
Verse: 3168    Geben und dar nach

Verse: 3169    Die werk im erczaigen.
Verse: 3170    Ez tünd nit die faygen

Verse: 3171    Dann da man sie zu ser
Verse: 3172    Twingt.' da schraib Allexander

Verse: 3173    Poro, dem künig in Yndia:
Verse: 3174    'Ich künig der künig ja

Verse: 3175    Und herr, die hern wollent wesen,
Verse: 3176    Deinen brief gelesen

Verse: 3177    Hann ich und verstanden wol.
Verse: 3178    Da pey ich auch prüfen sol

Verse: 3179    Daz du mich vast raiczst
Verse: 3180    Zu deim land, so du haist

Verse: 3181    Dein land so gut und frühtber
Verse: 3182    Und auz dem unsern ain mer

Verse: 3183    Macht und ez scheczt so clain.
Verse: 3184    Dar umb ist all mein main

Verse: 3185    Daz ich ez pring under mich.
Verse: 3186    Du mainst daz du gelich

Verse: 3187    Seist den göttern: dez nit ist.
Verse: 3188    Der hoch Got hat sollich list

Verse: 3189    Daz sein wappen nymmant mag
Verse: 3190    Leyden nacht noch tag.

Verse: 3191    Dar umb wil ich versüchen,
Verse: 3192    Wil ez Got gerüchen,

Verse: 3193    Ob du dich mugst mein
Verse: 3194    Erweren oder ich mich dein.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.