TITUS
Alexanderroman (Wernigeroder Handschrift)
Part No. 78
Previous part

Chapter: 170  
Schlacht gegen Poros


Verse: 3195    Als nü der künig auz Yndia land
Verse: 3196    Die potschaft erkand,

Verse: 3197    In zorn besant er
Verse: 3198    Vil dann hundert tausent mer

Verse: 3199    Ze röß, die pesten die er het,
Verse: 3200    Und ze fuß, als man sët,

Verse: 3201    Mer dann mann geczellen mag.
Verse: 3202    Er praht auf den tag

Verse: 3203    Fünf hundert elephant,
Verse: 3204    Auf den die von Indi Iand

Verse: 3205    Kunden fechten ritterlich.
Verse: 3206    Auf die helfant maisterlich

Verse: 3207    Warnd gemacht castell,
Verse: 3208    Dor auf dreyßig degen snell

Verse: 3209    Warnd mit pogen und swërt
Verse: 3210    Und ander waffen, als sie gelert

Verse: 3211    Heten in yren tagen:
Verse: 3212    Die kunden die helffant tragen.

Verse: 3213    Bayde tail schickten sich
Verse: 3214    Zu fechten ritterlich.

Verse: 3215    Porüs mit den helffand
Verse: 3216    Dez ersten die veind rant

Verse: 3217    An: dar nach der haüff
Verse: 3218    Trang. Allexander schuff

Verse: 3219    Daz Kriechen und Persyan
Verse: 3220    Solten den ersten spicz hann.

Verse: 3221    Da die röß die helffant
Verse: 3222    Sachen, zu hant

Verse: 3223    Kerten sie von den feinden sich.
Verse: 3224    Allexander der manlich

Verse: 3225    Rüfft: 'O ir edeln ritter,
Verse: 3226    Nempt die röß on zitter

Verse: 3227    Mit den sporn, dringt her zü,
Verse: 3228    Yglicher den fleiß tü

Verse: 3229    Mit stechen und mit schiezzen.'
Verse: 3230    Die helffant sie nicht liezzen,

Verse: 3231    Als in ir her geböt.
Verse: 3232    Sie schaczten nit den töt

Verse: 3233    Fur und hörten wider dar
Verse: 3234    Mit gemainem müt gar

Verse: 3235    An die ellefand
Verse: 3236    Mit stechen und mit prand.

Verse: 3237    Wann ir vil trügen
Verse: 3238    Brynnet fackeln, und slügen

Verse: 3239    Die in ir gesiht:
Verse: 3240    Da von sie unverriht

Verse: 3241    Würden und strebten dan.
Verse: 3242    Mit den pogen san

Verse: 3243    Taten sie in wunden tyef,
Verse: 3244    Daz der helffant vil lief

Verse: 3245    Umb, und mohten sich nit
Verse: 3246    Vor ir herten stich

Verse: 3247    Enthalten und begunden
Verse: 3248    Fliehen an den stunden.

Verse: 3249    Die Medon und die Persyan
Verse: 3250    Wider die von Indian

Verse: 3251    Trungen hürteclich
Verse: 3252    Her wider ritterlich.

Verse: 3253    Die Inden slahent, stechent
Verse: 3254    Und ritterlich durch prechent

Verse: 3255    Ir hauffen hin und her,
Verse: 3256    Daz die Perser ser

Verse: 3257    Tüt fielent auf den sant.
Verse: 3258    Allexander der weygant,

Verse: 3259    Da er sach der seinen fal,
Verse: 3260    Daz im ain jamerlicher schal

Verse: 3261    Waz on seinem herczen,
Verse: 3262    Er begund mit smerczen

Verse: 3263    Ruffen den Macedon:
Verse: 3264    'O ir edeln held fron,

Verse: 3265    Kert zu ewr manlich tugent,
Verse: 3266    Lat ewr ritterlichen jugent

Verse: 3267    Werden schein in Yndia,
Verse: 3268    Als ir vor ofte sa

Verse: 3269    Habt getan.' mit dem zwang er
Verse: 3270    Sie ritterlichen her

Verse: 3271    Dringen auf die feind da:
Verse: 3272    Ain herter streit hub sich sa,

Verse: 3273    Da von manig ritterlich degen
Verse: 3274    Müst dez valles pflegen

Verse: 3275    Tot oder hart wund,
Verse: 3276    Daz vil manig roter münd

Verse: 3277    Müst hie nach bewainen.
Verse: 3278    Da waz nit laches mainen,

Verse: 3279    Nit wann 'sticha stych!'
Verse: 3280    Und 'hürt hin!' und 'dürch brich !'

Verse: 3281    Nü wurden der von Persen vil
Verse: 3282    Erslagen on dem selben spil,

Verse: 3283    Daz sie viellen als der sne
Verse: 3284    Töt erslagen in den clee,

Verse: 3285    Daz sie wichen umb daz
Verse: 3286    Hinder sich. da waz

Verse: 3287    Allexander vast zörn
Verse: 3288    Daz er den seinen het verlorn

Verse: 3289    Der seinen. do rüft der frön
Verse: 3290    Zu im die von Macedon

Verse: 3291    Und auch die von Kriechen land,
Verse: 3292    Die drüngen da all sämpt

Verse: 3293    An die feint hürticlich
Verse: 3294    Und valten da ritterlich

Verse: 3295    Mangen indischen degen,
Verse: 3296    Daz er dez todez pflegen

Verse: 3297    Must all zu hant.
Verse: 3298    Mit yrer ritterlichen hant

Verse: 3299    Wart Porüs betwüngen
Verse: 3300    Und hinder sich gedrüngen,

Verse: 3301    Daz er der flücht müst pflegen,
Verse: 3302    Wann die pesten gelegen

Verse: 3303    Warnd töd und gefangen.
Verse: 3304    Da waz der streit ergangen.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.